الجزء 5

لقيتو دا يمان ¡¡¡ مسك سيد البقاله من قميصو وجراهو لي برة و وقع فيهو خبت ¡¡

انا م عرفته اعمل شنو والشارع غير النسوان ما فيهو زول ..

قلت ليهو وانا ببكي : حلفتك ي يمان تخليهو في حالو ... الدنيا رمضان ي يمان !!

ولا كأني بتكلم .. البت تكنس والشجر يحت ع قول فله ..

صرخت طوالي : يماااان !! طوالي وقف

طبعآ زي م لاحظتو نقطة ضعفو صرختي ... طوالي ببطل اي حاجه كان بعملا .. م عارفه السر في كده شنو بس انا مستفيده ..

فكاهو وجراني من يدي وداني للبيت وم فتح خشمو ولا بكلمه ... وبعدها مشي !!!

****

دخلت البيت وانا بررجف ... لاقاني جود قام حمر لي لزوم جايه بعد شنو وكده .. لكن وقت شاف البسكويت خطفو . مني وجرا ..

دخلته غرفتي وانا بررجف .. قعدته ف السرير ومسكت راسي بي يديني ....

ياربي يمان لسع بحبني ؟؟؟؟

لكن 3 سنه م شفنا بعض ولا اتكلمنا مع بعض .. تفتكرو لسع بحبني !!

# flash_back

قبل 3 سنه ..

كنت قاعده بتسرح قدام التسريحه في غرفتي ..

صبا دقت لي الباب ودخلت ... عيونها كانو مورمات من البكا ... عاينته ليها بأستغراب قامت قالت لي : : جوري .. ماما وبابا اتوفو ي جوري .. وقعدت تبكي

جدعته الفرشه من يدي وقلت ليها : شنو !!!! دا م وقت هظار ي صبااا

قالت لي هم ... هم كانو في الحرم وقت الرافعه وقعت ..... وقالو لينا انهم مع الضحايا ي جوري !!

طبعآ م حسيت بي روحي الا وانا واقعه جمب التسريحه ..

بعد 34 دقيقه كده فوقته .. لقيت نفسي في سريري ف الغرفه براي وبرة في اصوات بكاء وعويل .. غمضته عيوني قوووي عسي ولعل اصحي من الكابوس دا "!! بس للأسف . كل شي كان حقيقي !!!

قعدته اصرخ بأعلي حس عندي !! أوومي !!! اووومي لااا اوومييي !!!!

جات داخله آلاء ... بت خالتو لي يمان .. و صحبتي شدييد

حضنتني عليها قووي وقالت لي اتيقني ي جوري .. ما غاليين علي ربهم !

ومع قوله الكلام دا صرخته صرخه واحده وم حسيت بي روحي الا ف المستشفي ..

تلفوني ضرب ورجعني من ال flash_back #

لقيتها دي مني ...

مسحت دموعي وقلت ليها بصوت خشن : الوو ... صحبتك مخطوفه معانا من اول امس .. ولو م جبتو القروش حننفذ المهمه .

مني : هييييع مهمة شنو ي مجرم !

قلت ليها : آآ اممممم آاا المهمه اي المهمه

مني : ااااي المهمه .. قولا لي ي استاذ

قلت ليها : حنحرقها ... اي اي حنقرها بي البنزين كمان ..

مني : هههههه يحرق شعرك ي غباء

قلت ليها : هوووي ! انتي زاتك حنجيبك معاها

مني دي الضحك شرطها ... قلت ليها رمضان كرييييييم

مني : الله آكرم .. وتصومي وتفطري ع خيييير ي جاسيه ..

قلت ليها : جاسيه علي ركبتي ام يداي ! ؟؟

قالت لي جاسيه علي رقبتك كالأبل تمامآ ي مسيخه ..

قلت ليها ع اساس الأبل بجثو علي رقبتو يعني !!

وقعدنا نضحك ... حكيت ليها بالحصل معاي كلووو من وقت نزلت خلتني لي لحظة اتصالها بي ..

سكتتت مسسسافه وقالت : يمان دا انسان غريب ... ومتخلف ورجعي وأهبل كمان ..

قلت ليها هووي ما برضي فيهو والله ..

قالت لي ي بت مش انتي و هو بتكرهو بعض !! ؟

قلت ليها صاح انا بكرههو بس م كتير

قالت لي بغض النظر عن هبالتك ... انور شاهين دا شكلو علق فيك وكده وبتاع ههعععع م شوفتيهو لمن جابنا كان بعاين ليك كيف؟؟

قلت ليها والله ي مني ماف شي بحيرني الا لمن يطلب مني حاجه ... انا بنفذها بدون م اشعر !!

مني : هههههه مطييييعه وعسل .. سكتت مسسسافه وقالت : ي جوووري

قلت ليها عيون جوري وانف جوري وكرعين جوري

قالت لي بغض النظر عن أنف و كرعين دي ... لو انور اتقدم ليك فهمك حيكون شنو؟؟

قلت ليها : بدون التفت حأرفض طبعآ ... قلت ليك غير يمان م عايزه زول .. وبما انو ما حيكون لي فبلتالي احسن اقعد عانس كده لغاية يشتعل الراس شيباا ..

..

قالت لي متأكده ؟؟؟

قلت ليها اااااي متأكده ..

قالت لي سمممح .. و واصلت م كلمتك حسام خطيبي جاب لي شنووو

قلت ليها شنووو كلميني ! ؟؟؟

قالت لي وحيد قرن علي شكل جوري

قلت ليها يوحد مقامك يارب

قعدت تضحك

....

بعد قفلته منها مشيت ختيت البليله وجيت نشطت نت .. اصلآ كان ماف موضوع ..

دخلت الفيس م لقيت ولا صديق متصل ... اتمغصته .. عشان كده قلت أشوف المنشورات ..

لقيت واحد داخل بي أمير مدريد منزل منشور في سودانيز آفرو وكان صورة بات مان وهو بضرب في واحد وكاتبين جمب البضربو : هي يا ببا ي علب ...

وجايبين جمب باتمان تعليق : الببو اليشق حنكك

طبعآ م فهمته شي ...

والزول كاتب جيبو لي زول م غني الغنية دي وانا حأمشي أسبانيا كداري ..

علقت ليهو انا م حضرتو .. عشان كده جهز شنطتك بس وسلم لي علي ميسي وقول ليهو مسيوهات كتارات ...

بعدها اتنقلته في القروبات كمممم مرة ومشيت قريت لي رواية من قروب حكاوينا السودانيه الحوب ..

لمن حسيت بالعطش قلت انوم شوية واقوم اشوف البليله ..

**

صحيت بعد ساعه و 34 دقيقه لقيت البليله اتفحمت .. وصبافي التلفزيون ولا كلفت نفسها تقوم تطفيها غايتو بس ..! من الغبينه جدعته الحله تحت التربيزه وطفيت الغاز ومشيت واصلته نومي ..

4 وقت جات قمته طبخته .. والله الله لا أداكم مرة اخو زي صبا

دي ...

ربنا يصبرني بس ..

عملته العصيده قطعت قلبي والله .. مشيت رقدته شويه كده تلفوني دقه .. لقيتو رقم شاهين

قال لي م أكون صحيتك من النوم مس جوري؟؟

قلت ليهو لالا .. أصلآ كنت صاحيه ..

قال لي صوتك م عاجبني .. م تكوني عيانه بس؟؟

قلت ليهو عملت العصيده تعبتني شوية ..

قال لي بإستغراب : انتي بتعرفي تعملي عصيده !!!

قلت ليهو اااي ... ومستغرب ليي ! ؟؟

قال لي لالالا م مستغرب ولا حاجه ..... وواصل :

طيب ومرة اخوك شغاله شنو ¿

قلت ليهو اطفالها لسع صغار ..

قال لي خلاص ارتاحي شويه وبعدين حأتصل عليك ... زينة عاوزه تسمع صوتك ..

قلت ليهو حاضر وقفلنا علي كده ‏( طبعآ كأني مخدرة .. م قدرت ارفض نهائي ‏)

وانا راقده قمته فجآة .. ياربي انا كلمتو بي أسرتي ؟؟

تاني قلت احتمال كلمتو يوم وصلني البيت داك ...

أتذكرتة حلة الملاح قمته سريع سريع حصلتها عشان ما تلحق البليله

****

بعد الأفطار فتحت الفيس اول شي انا متعوده بفتح الاشعارات .. لقيت أشعار من أمير مدريد داك أنو قام بالرد علي تعليقك ... فتحتو لقيتو كاتب : بس انا ريالابي ..

م اشتغلته بالتعليق وشوفته باقي الاشعارات لقيت أمير مدريد يريد التواصل معك ..

طبعآ عادي ممكن تفتح الرساله وم يعرفك .. فتحتها ولقيتو مرسل لي فيديو .. وقت فتحتو لقيتها الغنية حقت هي ي ببا ي علب المربي

طبعآ مسلسل xx لارج ‏( طبعآ مسلسل فظيييييع ... ما بتعجبني الا ألماظة هههههههع ‏)

قبل ما أرد سمعته جمانه بتبكي تحت .. قمته نزلت سررعه عشان اشوف الحاصل .. نزلته ولقيت ......

يلا الحاصل شنو !!! ولقيت شنو دا حنعرفو ..

بس حلفتكم ما تتخطو الصف حق البنزين وكونو سواقين مؤدبين يلا يلا أقيفو في الصف ..

‏ِيا رب🤲🏼

مع هذا الصباح ارزقنا أيام جميلة وأخبار مفرحة ؛وشعور جميل ونفس مقتنعة وقلب مرتاح وراحة بال🌸✨