الجزء 8

شفت محمد سيد البقاله مكبل وفي عربية شرطه !!

قلعته عيوني وشهقته ...

صبا : هششش ي بت

قلت ليها بهمس : في شنو !"

قالت لي ضبطو عندو كمية كبيرة من الهروين .. طوالي دموعي جو نازلات

بالذات لمن شفت منظر مرتو واطفالو ..

جريت غرفتي ودموعي ديل عشرة عشرة ..

شلت التلفون وقتيآ ... ومشيت الارقام ... بس م لقيتو .. اي صح م انا مسحتو من قبل 3 سنه !!

فتشته الرسائل القديييمه ولقيت محادثه ..

انا : حياتي ... بحبك

يمان : عمرر حياتك وروح حبك .. انا بعشششقك ياخ

انا : صباحك شهد ..

يمان : ما شهد .. صباحي جوري ..

انا : شهد دي بتنا المستقبليه ..

طلعته من الرسائل ودورتها بكا ... بكييييييت لغاية ارتحت ... وتاني شلت التلفون واتصلته ...

يييييييك .... حسيت كأنو تلفوني قال لي : هو الزول ده لسه عايش؟؟؟

بعد شويه الخط فصل ..

اتذكرت وقت كنت بتصل عليهو كان بفصل الخط وبرجع لي ..

رد لي بصوت كلو شوق : جووري

ومن عادتي قربت اقول ليهو عيون جوري .. قلب جوري .. نبض جوري ..

بس مسكته نفسي وقلت ليهو وانا بتنفس بصعوبه : محمد ... انت ليك يد في اعتقالو ؟؟؟

قال لي شنو ! ؟؟؟ انت بتقولي ف شنو ! ؟

قلت ليهو يمان م تلف وتدور ... الراجل صاح غلط معاي بس م لدرجة انك تخت ليهو هروين في بقالتو ... ي يمان عندو اطفال صغار !!

يمان : جوري انتي جنيتي !! انتي بتقولي في شنو !!

قلت ليهو امس وقت لاقيناك انا وصبا ... كنت متوتر ومرتبك .. الجابك حينا شنو ي يمان ؟؟؟

هنا فاجآني لمن قال : جيت عشانك .

سكتته م عرفته اقول ليهو شنو ...

قال لي جوري .. انا لسه بحبك .. ولو عاوزه انا ممكن من اسي ألغي زواجي من الآء !

بالرغم من كلامو الصادم الغير متوقع ده ..

قلت ليهو بحزم : يمان م تغير الموضوع .. وتتصرف الليله قبل بكرة لازم محمد ينوم مع اطفالو ... وقفلت الخط في وشو

***

كعادته ؛كان يجلس في غرفته المظلمه عندما أطل من باب الغرفه خادمه ويده اليمني .. قال بصوتة الخشن

: تمت المهمه .. وتم القبض علي محمد

أطفء سجارتة واخذ يقهقه بصوته العالي .. وقال له : طيب اتفضل

بعد خروجه استلم هاتفه وراح يقلب الصور ... واستقر في إحدي الصور التي كانت تضم جوري ومعها رجلآ وطفله ...

*

زي حوالي الساعه 3:34 مساء كده .. صحيت من النوم مخلوعه .. مشيت استحميت وصليت الضهر .. قريت وردي من القرآن الكريم وكان الجزء 26 ..

بعد خلصته فتحت تلفوني لقيت اتصال من يمان ومن شاهين ... رجعت لي شاهين بس م كان في رد ..

بعدها فتحت الشبكه وقلت اتفحص الفيس ..

لقيت رسائل كتيييرة من بينها أمير مدريد الوهمي داك

مرسل لي مشيت مدريد ولاقيت ميسي

رسلت ليهو ضحكه .. رد لي بعد 34 ثانيه : ويييينك ي اميرة ميسي ؟؟؟

قلت ليهو شنو ؟؟

قال لي قلت رمضان كريم

قلت ليهو وانت طيب .. وعساك من عواده ..

قال لي بقولو الله أكرم ...

م رديت ليهو ومشيت الطلبات .. قلعته عيوني وقت شوفته انور شاهين مرسل لي طلب .. دخلته صفحتو وشوفته العجب !!! معقووووله بس !!!!

انا فترتة .. نعسته والله .. يلا يلا انتظام واقيفو ف الصف بنظام