الجزء 30

يمنى قالت لي لقيتي الاكل؟قلت ليها اي ي حب لقيتو قبل م ترد ياسر جا داخل قال السلام عليكم وفات قلت ليها اخووك المعقد ددا ضحكت قالت لي في فشار هناك امشي جيبي اكلي قلت ليها بعدين قالت لي انا نعسانهة ماشة انوم عايزة البيت صاح قلت ليها اييي قامت مشت نامت رسلت لي يوسف قلت ليهو بكره بعد المغرب نتلاقى عايزاك توديني مشوار كان اونلاين طوالي رد لي اتونست معاهو كتير كدا ياخ كنت مبسووطة بالونسهة لغاية 2 حتى نمت صحيت تاني يوم كان يوم الكرامه الناس من الصباح بدت تجب كنا مشغولين شديد ناس امي جوو برضو انتهينا من الشغلهة لبست لي لبسهة هندية ال زي ال علي الله دي ومعاها ال طرحة ال في الرقبهة وسرحت شعري تسريحه حللوهة كدا وناس جهاد جو وحتى البت ال عايزاها جهاد جوانهة عملت لي الميك وعملت لي علامة الهنود في راسي كمان بي الشدو غايتو كنت حاجهة سممحهة لمن روحي عجبتني الطرحهة ختيتها في راسي طبعا يوسف جا اول م شافاني جمد كدا بقى بعاين لي بس بعد استوعب اشر لي مشيت ليهو قال لي

طيري البسي زفت تاني وغيري ال في زفت وشك كدا م شايفة الاولاد ديل قلت ليهو ابيييت ابييت م بعمل اي شي ولااتفاهم معاي مسك يدي وجراني للعربيهة بتاعتو ركب وساق العربية ووداني بيتنا قال لي يلا جيبي ليك عبايهة وتعاالي قلت ليهو اووووف م عندي مفتاح وناس امي م فيشين ركب العربية ومشا مكان عبايات نزلني وكان ماسكني مسكهةة الاولاد بشاغلو فيني وهو كلو م ولد يشاغلني بجرني عليهو بقوة كدا اشترى لي عباية كببيررهة طبعا انا مبسوطة بي غيرتو دديي لبسني العباية الكبيرة دي قلت ليهو عايزة اااكل قال لي جدا ساقني مطعم كدا طلب لي اكلت قال لي مش قلت لي وديني مشوار اها ماشة وين طوالي ابتسمت ابتسامهة خفييفهة وخبيثهة واتذكرت الخطهة ال ح اعملها فيهو عشان اغييزو قلت ليها عايزة لي مكان يكون فيهو لبسات رجالية رااقيهة كدا قال لي لييي منو؟قلت ليهو م شغلتكك وديني بس قال ي ليييي منوو؟قلت ليهو م بووريك قال لي ليي انا قلت ليهو انت؟هههههه لا طبعا يوشف دا عيونو حممرروو ودق لي التربيزة قال لي انتتي ليه م عايزهة تديني فرصهة لييه م عايزهة تحبيني عذبتيني عدديل لليه بتعملي فيني كدا ممكن افهم لسه م قادرة تقتنعي اني بحبك صاح طيب تمام كان مععصب شدديد لمن خفت قام قمت وراهو قال لي م ح افرض نفسي عليك والعباية دي اقلعيها اعملي البريحك واركبي اوديك مكان هدايا ركبت كنا ساكتتين بس نظرة الوجع ال في عينو عمري م ح انساهاا نهاائ وداني مكان ظريف نزلت نزل معاي كان الحزنن ظاهر في عيونوو قلت لهيو طيب ح اختار اخترت لبسهة ككاملهة جززمهة وقميص وبنطلون وساعة قلفتها لي حسن الحظ كنت خاتهة قروش في جراب التفلون طلعتها ودفعت ركبنا يوسف وصلني البيت حق ناس يمنى كان قريب للمغرب لقيت جوانه بتفتش علي مسكتها بكيت اولل حتى حكيت ليها قالت لي بااالغتي لييه بتحبي تمغرززي؟؟قلت ليها بحب غيرتو ياخ جوانه لبعتني لبعة قالت لي معولقة اتصلي عليهو قلت ليها لا لو بحبني ح يستحمل تاني ادتني لبعة قالت لي انا ماشة لو قعدت معاك احتمال أموت وفعلا قامت المغرب اذن امي نادتني عشان نمشي طلعت بعد ودعنا الناس لقيت ال ح يوصلنا يوسف ركبنا لغاية م وصلنا م نطق بحرف طبعا انا لسهه لابسهة العباية حقتو وبعاين ليهو وصلنا جاتني فكرة قبل م أنزل قلت ليهو يوسف عليك الله نفسي في فتة فول ارح وديني اشتري ياخ امي قالت لي ي بت خليهو بكون تعبان قال ليها لا لا م مشكلة ي خالتي المكان م بعيد ناس امي نزلو وانا ركبت معاهو قدام قلت ليهو يوسف ناس حبوبة كيف قال لي تمام وسكت وانا زاتي سكت تاني قلت ليهو يوسف الزراعة كيف؟قال ماشة كويس وسكت برضو طوالي م صدقت غمضت عيوني وبكيت يوسف وقف العربية وشغال لي مالك ي بت مالك؟قلت ليهو بكرهك نزلني بس وفتحت الباب عايزة انزل مسك يدي قفل الباب وامنو قال لي مالي انا هسي؟قلت ليهو بتمشي فيني ليييه قال لي م بمشي فيك انت ال طلبتي كدا وانا م بفرض نفسي عليك اححيي غازني كيف سكت قلت ليهو طيب ارح ارح نمشي كمان الفتة بلاي م تفتح خشمك معاي قال لي اصلا انتي ال تفتحيهو سكت منو وصلنا مكان ال بوش نزلت انا عملت بوش كارب كداا ورجعنا البيت امي حلفت الا يوسف يأكل معانا انا م كنت جعانة كنت عايزة موضوع ختيت ليهم الفتة ومشيت صليت العشاء ورقدت نمت طوالي م اشتغلت بي يوسف تاني يوم صحيت متأخرة امي قالت لي جوانه دي جاتك قبيل ي بت مشيت اتوشت وصليت ومشيت لي جوانه قالت لي أول م صباح الخير تاني عايزين نعمل رحلة البحر ياااخ قلت ليها جاية تقولي لي كدا بس بالتلفون م ينفع قالت لي الا كدا عشان نتفق تعالي اقعدي.