الجزء 7

فتح قال لي بسم الله مالا قلت ليهو شكلها شافت كابوس قال لي جيبها اديتها ليهو بقى بسكت فيها هدت شوية كدا باسها رقدها في السرير قالت ليهو لا عايزة دعاء قال ليها بس طوالي فتحت فمها عشان تصرخ طوالي شالها اداني ليها قلت ليهو حكم قرقوش وضحكت طبعا م ركزت في غرفة جهاد لكن شكلها حلوة كان مرقد معاهو مهند عشان م يرقد براهو لكن هم اصلا عندهم غرفة براهم بكوراك مرام مهند صحى لقاني شايلة مرام هو زاتو اتشبك الا يرقد معانا جهاد قال لي طيب ارقدي هنا وانا بمشي ارقد مع جمال بس م تهبشي شي في الغرفة قلت ليهو امممم وانا ميته خووف قلت خلاص ح يعمل لي شي قلت ليهو تمام قال لي طيب دقيقة اجيب سرير مرام مشى غرفتهم شال السرير براهو جا ختاهو جمب حق مهند رقدت مرام قالت إلا ترقد معاي في سريري شلتها رقدتها جنبي وشلت مهند برضو كلو واحد في جهة حتى الشفع سكتو ونامو غفيت كدا

غفيت كدا زي ربع ساعة صحيت بصوت جوانه قالت لي قومي العشاء قلت ليها م دايرة بس اعملي لي منبه الساعة 4ونص عشان اعمل الحاجات قالت لي قومي العشاء أول والله م تقومي ازعل منك قلت ليهو والله م دايرة بطني كعبة انا قلت لي حته بس ياخ قومي منتظرنك تحت قمت غسلت وشي اتريحت وانتظرت الريحة لغاية بقت م ظاهرة شديد سرحت شعري ومشيت لقيتهم قاعدين كلهم قعدت جمال قال لي امو شوفيها مزة كييف امو قالت ليهو ي ولد قول م شاء الله وم تقل ادبك قال ليها م شاء الله بس مزة طبعا جهاد رفع عيونو عاين لي وتاني نزلها أكلت شوية وقمت طوالي قدر م حنسوني قلت ليهم عندي مصران بقوم علي مشيت الغرفة قفلت الباب علي لقيت كمية كبيرة من الاتصالات من ناس امي قلت برجع ليهم الصباح وعملت المنبه ونمت بس كنت متوترة وكدا خايفة شديد لو مرام او مهند اتحرك انا اتخلع الساعة اربعه ونص جات قمت طوالي قفلت المنبه ومشيت لقيتهم خاتين لي فرشة جديدة في الحمام مشيت غرفة جوانه براحه شلت لي لبسة منها وعباية صلاة اتوشت وصليت ومشيت ختيت ليها الهدوم وعباية الصلاة ال كنت لابساهم ومشيت بديت في السلطات خلصتهم لقيت هدوم جوانه نضفتهم ومشيت عملت الشاي شربت لقيتهم برضو خاتين لي بسكويت في الدولاب شربت ومليت الصبارة شاي وعملت التحلية وعملت التدبيلة حقت الدجاج ومشيت قعدت في الحوش أقرأ قران جا جهاد وجمال للصلاة جهاد قال لي نومتي كيف؟قلت ليهو تمام والله جمال قال لي صحيتي بتين؟؟قلت ليهو قبيل عملت سلطات وتحلية وعملت تدبيلة دجاج وغسلت كمان وعملت ليكم شاي قال لي اسمعي ينفع اعرسك؟؟طوالي وشي قلب م رديت عليهو جهاد قال ليهو الصلاة وطلعو قمت صليت الصبح ودعيت شوية جاتني خالتو انصاف قالت لي م شاء علي السلطات والتحلية رهيبين تسلم البطن الجابتك قلت ليها الله يسلمك حسيت بيها بدت تحبني كان يوم جمعة طبعا جو ناس جهاد من الصلاة شربو الشاي وكلو زول مشا شغلو ولسوء الحظ البت الشغالة م جات قالت عيانه حسيت بيها بتتهرب خايفة من الشغل الكتير طوالي عمتو أنصاف رسلت جهاد يشوف بت يومية قدر م فتش م لقى جا راجع متأخر قال م لقى عمتو أنصاف دي دايرة تجن قلت ليها أنا بنضف فعلا بديت اقش جاني جهاد بقى يرتب معاي وينضف بعد شوية جات جوانه وجمال وخالتو أنصاف نضفو معانا جهاد قال لي جوانه اكوي لي جلابية قالت ليهو قلت ليك كم مرة م برفع اكوي جلاليب م بتفهم انت قلت ليهو م مشكلة بكوي ليك انا قال لي طيب تعالي مشيت معاهو قال لي افتحي دولابي لانو أيدي وسخانه فتحت أشر لي علي جلابية بيضاء قال لي اكوي دي قلت ليهو تمام شلتها كدا وهو طلع عاينت في دولابو لقيتو مرتب اكتر من حياتي زاتو لقيت لي جلابية سمنيه كدا رهههيبة معاها طاقية طقم عجبتني طوالي شلتها ورجعت الاشر لي عليها ماشة كدا عيني لي رطب بتاع جلد نمر برضو سمني فرحت فرحه جريت كويت الجلابية ومشيت ختيتها ليهو في غرفتو بقيت بفتش لي ساعة فتشت لقيت في صندوق كبير في مكتبة كدا فتحتو لقيت فيهو كمية من الساعات لقيت ساعة قريبة من اللون السمني ختيتها جمبو وجمبها الرطب وابتسمت بسمه طوالي طلعت وقفلت الباب نزلت لقيت مهند ومرام صحو وبشربو لبن بي اوفلتين جوني جارين جري قالو الا يشربوني معاهم شربت شوية ومشيت ساعدت خالتو انصاف في الفطور انتهينا ختيت الفطور وقعدنا أكلنا وبعدها خالتو أنصاف مشت تجهز حاجاتها وجمال برضو وجهاد طلع عرفتو وجوانه مشت تعمل ماسكات قالت لي إلا اجي اعمل معاها قالت ليها وشي كعب اي شي بخربو قالت لي م بأثر تعالي مسكتني وجلبطت لي وشي بعد شوية سمعت صوت جهاد بناديني مشيت قال لي دا شنوو ال عملتي دا؟؟انا قلت ليكم اكوي دي؟ ؟قلت ليهو عجبتني دي انا قال لي ال لابسه منو؟ ؟انا م عايز دي؟قلت ليهو اكوي غيرها إذا عجبك بس قال لي اصلا م ح البسها قلت ليهو علي كيفك؟؟ وثم تانيا مش انت لابسه عشان الناس الناس عاجباهم دي تمام؟؟اتفاز مني مشا جاب منديل ومسح لي الماسك ال في وشي قال لي مش انتي عاملة عشان الناس الناس م عاجبهم دا والله