الفصل الخامس والعشرون

، همام قال لي شهد، حبيبي عارفك سامعاني وم حتردي بس انا عايزك تسمعيني انا اليوم مسافر، مساافر ومخلي البلد دي وم فيها، زمان كان في سبب واحد بجيبني البلد دي وهم أولادي، بعدها انتي دخلتي حياتي وبقيتي أهم سبب في جيتي ليها، انا عاارف انو انتي استحملتي كتتير وصبرتي على حجات كتييرة انتي م مجبورة عليها بس صبرتي عشاني انا وعشان اولادي كمان، واسي انا مساافر ومخليكم ورااي مع انو انتو حياتي كلها بس الظروف ابدا م مساعدانا عشان نكون مع بعض وبقى يبكى وانا اصلا كنت ببكي اليوم كلوو، قال لي شهد انا ابدا م حأطلقكك اايوة حأستحمل انو انتي تكوني بعييدة وعارفك عنيدة وم حتستسلمي بسهوله بس برضو حأفضل عشماان في اليوم ألحتتصلي علي فيهو وتقولي لي انا مشتاقاك، في نص القصه دي كلها انا وانتي هم الضحايا م غيرنا، م عارف اقول ليك شنو تاني بس خلي بالك من نفسك شديد لأنو نفسك دي م حقتك براك انا جزؤ منها يعني لو خدشتك سبيبه انا الحتأذى معاك وفي اي لحظه احتجتي لي بس مكالمه منك وحتلقيني معالك، ياخي كلامو دة بكاني بكى قفلته الخط قبل م يخلص كلامو لأني عارفه نفسي حأضعف وحاتكلم معاهو لو خليتو واصل

بعد م ساافر الأيام الأولى دي كانت بالنسبه لي جحيم انا بقيت م عارفه اليوم دة بعدي كيف، م عارفه الصباح دة بكون كيف والمساء كيف ولا بحس بالزمن، بس بقيت ماسكه صلاتي وسورة البقرة ويوسف، كانت بتخفف علي، بعد شهر من الكلام دة عمتي قالت لي لقيت ليك شغل انزلي اشتغلي أفضل ليك حترتاحي، قولته ليها طيب صراحه كنت محتاجه الشغل دة انا على الأقل حاملى بيهو فراغي وم حأنشغل شويه، بالفعل نزلته، كان شغل بتاع حاسوب وكدة، بقيت امشي الصباح واجي راجعه المساء حياتي بقت باهته وم ليها ااي طعم، في يوم جيت راجعه من الشغل لقيت لميس قاعدة في البيت، اول م شافتتي جات حضنتني وبقت تبكي، قالت لي شهد عليك الله ارجعي لي ابووي عشانا نحن انتو مش اتزوجتو عشانا م ممكن تخلونا كدة

قولته ليها لميس اسي انتي جايه عشان تقولي كلامك دة؟طيب تعالي اقعدي طمنيني عليك وعلى اخوانك كيفهم؟لجين وميدو كيفهم؟قالت لي م كويسين ي شهد والله حاسين نفسنا عايشين في جحيم خالد بطلع بتم اسبوع واسبوعين بره البيت وم بجي راجع وكان جا راجع بتحصل مشكله وانا حالتي ازفت من الزفت امي بتجيب صحباتا وبقضوهو شراب شيشهه طول النهار وانا قافله على روحي الغرفه، وميدو مع ناس حبوبه ولجين دي بس البركه في فاطمه

يااخي لمن قلبي إتقبض لما قالت لي كدة، قولته ليها انتي المفروض تخلي بالك منها ماف غيرك حيخلي بالو منها، قالت لي انا طلعته من البيت شلته شنطتي وجيت اقعد معاك هنا وم راجعه تاني ي شهد قولته ليها لميس بسس، قالت لي انا كلمته عمو هاشم وقال لي امشي م عايزة ارجع البيت داك تاني ياخ

عاينته لي عمتي غمضت لي عيونها قولته ليها طيب م عندي مشكله انا بس عايزة أتكلم مع خالد، إتصلته عليهو قولته ليهو تعالني، المساء جا، قعدته اتكلم معاهو قولته ليهو خالد اووعى تكون رجعته تتعاطى؟ضحك قال لي م تخافي م قاعد اشرب شي انا، قولته ليهو متأكد؟قال لي متأكد، قولته ليهو خالد انت زول كبير وعاقل وانا قبل كدة كلمتك انا إعتبرني صحبتك او اختك، قال لي وم مرت ابوي صح ه

قولته ليهو خالد خلافتنا انا وابوك خليها على جنب، قال لي اخليها على جنب كيف؟انتو عارفين انو نحن الضحايا؟يعني بعد م خلاص قولنا الدنيا ضحكت لينا وحياتنا حتستقر معاكم تاني انفصلتو ورجعتونا لنقطه الصفر، عشان كدة نحن حاليا بنعاني نحن في حلقه مغلقه كلنا مظاليم وم عارفين نقول ي منو، لو م الموت دة حرام الواحد كان انتحر لأنو دي م عيششه ابدا ي شهد نحن اسرتنا رجعت إتفككت من اول وجديد وشويه شويه حنتلاشى، ياخي من غير مبالغه نحن امي دي ركعنا ليها في الأرض وبكينا ليها انا ولميس وانا صرخته ليها زي الطفل عشان تنعدل عشانا وتخلي الطريق الهي ماشه فيهو دة اكتر من كدة نعمل شنو ي شهد؟قولته ليهو خالد م تقول كدة عقل امورك وخلي بالك من اخوانك، بقى يبكى قال لي اخلى بالي من منو انا نفسي دي م قادر اخلى بالي منها خليك من اخواني، قام مشى ناديتو كداا م ردة طلع مشى، عدت الأيام تواصلي بقى اكتر مع خالد ولميس، اساسا لميس قاعدة معي في بيت عمتي يعني اليوم واليوم التاني بتصل على خالد وبشوف اخبارو وبعرف يومو كيف وهو احيانا بجينا، واحيانا ببيت معانا كمان، وعدت عليهو فترة بتاعت إمتحانات جا قعد معانا تلاته اساابيع، اما بالنسبه لميدو وصيت عليهو مودة ساقتو معاها بيتها، ، ، لغايه في يوم خالد ضرب لينا نص الليل قال لينا لجين دي تعبت في المستشفى، طلعنا مشينا ليها في المستشفى قالو عندها جرثومه في المعدة، لميس قالت ليهو امي وين؟ خالد قال ليها والله جيت داخل البيت الساعه 12 لقيتها بتستفرغ وفاطمه شايلاها، سألتها امي وين؟قالت طلعت من الصباح وم جات راجعه البيت، ياخ لجين دي شافت الموت نحن قاعدين من الساعه 1 صباحا للساعهه 9 صباحا في المستشفى بعدها جات ماما فايزة ومعاها بتها، ماما فايزة سلمت علي ومشت، قالت لي خالد امك وين ي ولد؟قال ليها م تسأليني منها انا

سعام جات المستشفى بعد صلاة الضهر، سألوها كنتي وين؟قالت ليهم عندي صحبتي اتوجعت مشيت ليها، ماما فايزة قالت ليها صحبتك دي م خلتك تشوفي المكالمات؟هاشم عايز يضربها امو مسكتو، قال ليها عليك الله ي امي فكيني دقيقه ياخ فكيني ي امي، ماما فايزة قالت ليهو روق ي هااشم م عايزين مشاكل في المستشفى، هاشم قال ليها البت دي عيانه ليها فترة وم جايبه ليها خبرر بتعملي في شنو انتي جادعاها للحبشيه الحبشيه دي والداها هي؟قالت ليهو وانا اعرف من وين انو هي عيانه بعلم بعلم الغيب انا؟قال ليها م انتي مجرردة من احساس الامومه حتعرفي كيف طلاق تلاته البت دي كان طلعت من المستشفى دي م بتمشي معاك ولا شببر اووعى تقولي لي عايزة اسوقها فاهمه ولا لأ؟ومفتاح البيت سلميني ليهو سرعهه اصلا قعدتك في البيت بلا شردت العيال وجهجهتم م عملت شي انتي مره فارقه اديني المفتاح دة وامشي لفي لفكك زوله م مسؤله ولا اي شي، قالت ليهو يااخ م تكتر كلامك وتتفخ في عضلاتك انت ابقى ليهم ام سمح وهاك دة مفتاحكم (طلعت المفتاح جدعتو ليهم)وكملت كلامها وقالت ليهو هم زاتهم شن العيال؟ ديل م عيالي ديل اعدائي ياتو يوم واحد فيهم وقف معي، اخوكم دة بكره بعرس سيد سيدو وبجيب عيال يبقو لي عيال جدجد م زي ديل، هاشم قال ليها والله انتي بجد جاهله والكلام معاك خساره، خالد قال ليها ضربته ليك فصلتي المكالمه رسلته ليك رسايل مستحيل تكوني م شوفتيهم، قالت ليهو خلاص خلاص اسي انا جيت يعني كان جيت ولا لا جيتي ماشه تعمل ليها شنو يعني، بهذا الاسلوب، عمتي قالت ليها ي المغضوبه انتي قلبك دة مستحيل يكون قلب ام تفو عليك وعلى وشكك ي الوسخه الناس مساهرين من 1 صباحا، قولته ليها عمتو خلاص تعالي، قالت لي م جايه خليني ليهم العواليق ديل اصلا انا قلبي ملان منهم اصلا ياها المره البتنفع معاكم تزلكم وتهينكم كدة زي الكلام وانتو تجو تطبلو ليها، نفسي افهم ي فايزة اسي انتي ام خليك منها هي انتي دي زاتك ام؟خربتي بيت ولدك وشتتي العيال مع انهم كان عايشين عيشه سمحهه جيتي جبتي العفنه حقتك دي ودخلتيها في البيت اها انشاءالله بعد دة كلوو تكون مسكتهم ولمتهم زي م بت اخوي عملت؟كان امم صحي حنينه عليهم م كان جو لاحقين شهد، كان امهم صحي حنينه عليهم م كان البت حاليا راقدة بين الحياة والموت، وكان شهد كانت لافه ومطلوقه زي دي كان مسكتوها، سهام قالت ليها هي، عمتي مسكت ليها اصبعها لوتو ليها قالت ليها بكسرو ليك فاهمه؟ اوعى تقلي ادبك اصبعك دة لمي عليك، مسكتها قولته ليها عمتو خلاص تعالي ارح نطلع، سوقتها وطلعته بيها، والله فضلنا في المستشفى تلاته يووم وبنوم برره عشان م بخلونا، بعد م لجين خرجوها رجعنا البيت، بعد يومين ضربته لي هاشم قولته ليهو انا عايزة اشيل لجين معي، جابها لي وقعد اتكلم معي قال لي طالما هي خلت البيت انتي ارجعي، قولته ليهو لا م بقدر والله، قال لي لو في يوم حسيتي انك عايزة ترجعي المفاتيح عند لميس تمام؟قولته ليهو طيب ان شاءالله عدت سته شهور، لميس نزلت الجامعه طبعا قدمت مختبرات شالوها فيها، وميدو انا متابعه معاهو في المدرسه يعني بتصل على الاستاذات وبشوفو كيف واحيانا بمشي ليهو، خالد عندو اجازة كان سافر فيها لي ابوهو، انا وهمام انقطع التواصل بينا تماما، يعني احيانا لما لميس تتكلم معاهو بقيف اسمع كلامها وهو بسألها مني وكدة، عدت علي ايام وليالي كتيررة تعبته فيها وحالتي اتأزمت لدرجه اني بقوم نص الليل ببكي وبتجيني حاله من الضعف بكون عايزة اسمع صوت همام بس بتراجع، بدخل الاستديو بشوف صورو وكل مره بحاول احذفها م بقدر، همام انا عيشته معاهو يومين بس كانت احلى ايام في حياتي يعني كل م احاول انساها برجع بتزكرها من اوول وجديد، حتى محاوله نسياني ليها في حد زاتها بقت بالنسبه لي مشكله لأني بقيت اشوف اليومين ديل كانو عيشتها في اللحظهه دي م قادرة اشيل همام من بالي ابدا، بس في نفس الوقت ال 6 شهور دي اتعلمته منها كتتير، سمهته كلام كتتير من الناس عني واتجاهلته، طلعو فيني كلام كتيير اهلي واهل همام بس مرحله عدم اللامبالاة الوصلته ليها خلتني م اهتم هم بقولو في شنو، ، بعد ال 6 شهور دي في يوم لميس جاتها مكالمه بعدها قعدت تبكي، قولته ليها مالك ي بت في شنوو الاتصل عليك منوو؟قالت لي دة خالد، قولته ليها مالو هو كويس؟قالت لي كويس بس، مع كلمه بس دي انا قولته خلاص معناها همام حاصله عليهو حاجه، قولته ليها همام كويس؟قالت لي خالد قال امي إتزوجت وامس كان عرسها وبقت تبكي، قعدته قولته ليها عارفاها صعبه عليكم بس هي كمان من حقها تشووف حياتها بما انها انفصلت من ابووك يعني أكيد م حتعيش عمرها كلو براهل صح ولا لأ؟قالت لي انتي البتقولي كدة؟قولته ليها لميس بغض النظر عن اي شي امك من حقها تاخد فرصه تانيه في حياتها يمكن تنجح يمكن مع ابوك الظروف م ساعدتهم علشان يمشو علاقتهم صحح، قالت لي طيب وانتي لييه م تدي نفسك فرصه تانيه بس م مع زول تاني مع ابوي، قولته ليها تصبحي على خير، وطلعته منها بعد شهر من الكلام دة لميس كانت لابسه ماشه الجامعه وانا بسرح ليها في شعرها تلفوني ضرب، رديت قولته الوو: المتصل قال لي شهد معاك هاشم كيفك تمام؟ قولته ليهو بخيير الحمدلله انتو كيفكم؟قال لي والله ي شهد م عارف اقول ليك شنو بس الوالدة دي تعبانه شويه واسي مرقدة في المستشفى بتقدري تجي اسي؟قولته ليهو ماما فايزة ليه مالها؟قال لي والله م عارف بس تعبت واسي مدخلنها الفحوصات لكن قالت الا تشوفكك، قولته ليهو طيب جايه انا، لميس قالت لي حبوبه مالها؟قولته ليها حبوبتك في المستشفى يلا نمشي ليها، لبسته عبايتي وجري طلعنا مشينا لقيناها تعبانه راقدة في المستشفى ياخي ملامحها إتغيرت بصورهه خياليه، وم قادرة تتحرك ولا ترفع يدها حتى وحتى كلامها تقيل، مشيت قعدته جنبها قولته ليها ماما فايزة سلامتك م تشوفي شرر انشاءالله، قالت لي بتي الله يسلم، بقيت ابكي يعني دة م المره الكانت قبل فترة زي الحصان وصحتها كويسه وم فيها عوجه، قالت لي م تبكي اصلو دة حال الدنيا كدة انا ناديتك دايراك تسامحيني لاني غلطته في حقكك كتيير وسمعتي مني كتيير بس بعد دة كلوو م حصل رفعتي صوتك علي ولا حصل سمعتيني فارغه ولا حصل أظهرتي لي انك متضايقه دايما بسمع منك كلمه حااضر معليش ي بتي الشيطان شاطر وانا م كنت شايفه قدامي اعفي لي كان متهه، قولته ليها ماما فايزة م تقولي كدة انا اصلا م زعلانه منك العفو والعافيه والله وانتي لسسه العمر قدامك طوويل كان م عرستي لي ناس لجين وخالد ديل ماشه وين؟ربنا يمد عمرك ويديك لينا الصحه والعافيه، قعدت تضحك قالت لي والله ي بتي بعد دة م اظن في باقي عمر، قولته ليها ماما استغفري وشدي حيلك المرض م بقتل البقتل اليوم، سكتت سااي وبقت تعاين لي بعد طلعته منها قعدته ابكي ياخي بجد حالتها تحنن قلب الكافر، بعد م الفحوصات طلعت قالو عندها ورم خبييث الا يستاصلو ليها وقررو ليها عمليه بعد اسبووع، وهي كل يوم حالتها بقت تتدهور اكتر واكتر وكل كلامها بقى نادو لي شهد، شهد نادوها لي انا بقيت كل الوقت قاعدة معاها في المستشفى وممارضاها اللبسها واحممها وامشي معاها جلسه الكيماوي، حتى بتها بقت تمشي تخليها معي انا وخالتو خديجه شغالين بالتنواب وانا لو م اتطمنته انها اخدت كل ادويتها ونامت م بقدر انووم، قبل يوم من العمليه لبسته ماما فاايزة ملابسها ولفيت ليها الطرحه وقولته ليها ماشه اشوف الممرضه عشان تجي تديك الدواء، قالت لي سمح تتأخري اول م فتحته الباب اشوف ليك همام في وشي، واي ياخ انا في اللحظه ديك م عرفته اسلم عليهو ولا م اسلم عليهو ولا اعمل شنو بالظبط، هو مادي لي يدو وبعاين لي في عيوني وم عايز يرفع عينو مني وانا مصره م اعاين لي في وشو، مديت ليهو يدي ضغط عليها جريتها منو وطلعته، ياخي م بقدر اوصف شعوري لحظتها كان كيف، يعني فرحه على شويه خوفه وفيها حبه شوق حاله كدة غريبهه، تاني ابدا م قدرته ارجع الغرفه الا بعد اربع ساعات رجعته لقيتو مافي، قولته ليها ماما فايزة انا راجعه البيت، قالت لي ليه لكن ي بتي؟قولته ليها بجي راجعه الصباح قبل م يدخلوك العمليه انشاءالله، قالت لي سمح الله يرضى عليك ي بتي، رجعته البيت وانا ملخبطه م عارفه الحصل علي شنوو، يعني المشاعر الأنا قدرتها اموتها من ستته شهور جا هو رجعها في لحظهه واحدة بس

لميس جات قالت لي شهوودة سمعتي بي انو..

على طول عملته روحي نايمه، الصباح صحينا بدري مشينا المستشفى علشان العمليه، ماما فايزة قبل م يدخلوها العمليه قعدت تتكلم معي، قالت لي م معروف كان دخلته اطلع ولا لا لكن الحياة دي قصيرة ي بتي وماف شي يستاهل ارجعي بيتك لأبو العيال ديل انا عارفه انو انا السبب بس معليش اعفو لي، قولته ليها ماما فايزة م تقولي كلامك دة الله يخليك خلاص انتي حتدخلي العمليه وحتطلعي بألف سلامه انشاءالله، جا الدكتور قال للمرضات كان جاهزة دخلوها طوالي، ساقوها مشو بيها يااخي همام واخوانو ديل بكو بكى، يعني بكاهم كان بدل على انو امهم دي تاني م حتجي راجعه ابدا انا زاتي بقيت ابكي معاهم، العمليه كانت مدتها 3 ساعات بعدها الدكاترة جو طالعين قالو العمليه نجحت وماما فايزة كويسه يااخي والله م صدقتهه، عمتو بدريه قالت لي عمري الشقي بقي والله

بعد اسبوعين خرجوها البيت والحمدلله بقت بصحهه وعافيه، قاعدين انا وعمتو بدريه في البيت وبنتونس قالت لي المره الفقر دي يموت حيلها ان شاءالله قولته ليها عمتو شايفه نجاح عمليتها دة خلاك تنفعلي شديد قالت لي والله بجد اسي بتكون بتتف على وشها لانها اعتزرت ليك كلامها داك كان ساعة المرض والخوف من نكير بس قعدته اضحك قولته ليها ربنا يكتب سلامتها ي رب وم تشوف شرر مره تانيه

قالت لي لالا دي بعد طلعت من الوقعه دي تاني الله اعلم تقع، ، ، بعد يومين عملو ليها كرامه اتصلت علي قالت لي تجي بس م مشيت، اليوم التاني اسيل قالت لي عايزة لي حجات من السوق تمشي معاي؟قولته ليها طيب ارح مشينا السووق ونحن راجعين لميس قالت لي عندي حجات في البيت خلي أشيلها، للحظه خوفته، قالت لي م تخافي ابوي مع ناس حبوبه، قولته ليها واخاف من شنوو، بعد م وصلنا قولته ليها امشي انا بنتظرك في العربيه، نزلت مشت وانا فضلته منتظراها وبتاع العربيه زهج في النهايه قال لي انزلي م تديني الحساب زاتو، نزلته اديتو الحساب وفضلته واقفه وهيم طلعت اتضطريت ادخل ليها، البيت فاضي وم فيهو صووت طلعته فووق وبقيت انادي ليها وبرضو م ردت بس فجأة احس بي زول بجرني وبدخلني في الغرفه، عايزة اصرخ قفل لي خشمي عضيتو قولته ليهو همام وسكتته بقيت اعاين ليهو، قال لي اها شنو؟تلاته اسابيع انا قاعد في البلد دي وانتي عامله روحك م شايفاني كفايه لحدي هنا، عايزة اتكلم باسني وضماني عليهو قال لي اشتقته ليك يااخ م معقوله تكوني بالبروود دة، طبعا انا بعد م عمل كدة خلاص استسلمته ولا حركه بقيت م قادرة اتحركها، قال لي 6 شهور م فكرتي ترسلي رساله حتى، قعدته ابكي، قال لي كفايه علينا نحن الٱتنين لحدي هنا ولو خايفه من اهلك قبل كم يوم ابوك وامك ومؤتمن اخوك كانو معانا في المستشفى وانا وامي اتكلمنا معاهم وهم م عندهم مانع لو انتي موافقه بس م عايزين يضغطو عليك، وانا لسه ببكي طبعا، مسح لي دموعي وبقى يعاين لي بي لهفه كدة م مصدق انو انا واقفه قدامو، قولته ليهو وانت كمان م فكرته تتصل علي علشان م بتحبني صح

قعد يضحكك قال لي ياخي م بحبكك انا كنت حأجن بسببك انتي دخلتيني في حاله نفسييه عدييل ورجع ضمااني عليهو قال لي ربنا م يحرمني منكك مرة تانيه ياخ، قولته ليهو همام انا بحبكك انت م عارف لو م رجعته كان حيحصل لي شنو قال لي حبيبي كفايه علينا بكى لحدي هنا وخلاص انا هنا عشانك وتاني م تفكري مجرد تفكير انك تبعدي فاهمه، وباسني في راسي،

بعد كدة رجعنا تاني مع بعض انا وهمام والأولاد، يوم قاام مساافر كملته الدموع يعني يااخي بجد حاجه صعبه انو راجلك يكون عايش بلد وانتي في بلد انا ببكي وهو ضاميني وبحنس فيني وبقول لي عايني عايزة تخليني احرد السفر يعني؟قولته ليهو طيب لو اشتقته ليك اعمل شنو قال لي مكالمه واكون معاك ه ياخي خلاص والله لجين م بكت زيك كدة حتبكيني معاك قولي لي الكلمه العايز اسمعها عشان وربي م متحرك لو م سمعتها قولته ليهو طيب بحبك قال لي وانا بمووت فيك خلي لي بالك من نفسي اوكيه؟قولته ليهو نفسك لو عايزها خليك معاها

ضحك وباسني قال لي يلا سلام في امان الله

م عارفه انا لو م رجعته لحياتهم حياتهم كانت حتكون كيف ولو م همام م رجع لحياتي انا حياتي كانت حتكون كيف، يمكن علشان همام كان اول حب في حياتي علشان كدة هو اخد مكان كبيرفي قلبي فمجرد التفكير في انو انا ابعد منو بتسبب في إكتئابي، بالنسبه لخالد ولميس هم كانو في مرحله صعبه بجد وطايشين اضافه للمشاكل الكانت حاصله في بيتهم يعني بالنسبه لشباب مراهقين شي طبيعي ينحرفو او يتأثرو ويحاولو يجربو اي شي ينسيهم واقعهم الهم عايشنو، والحاجه دي حاصله كتير في مجتمعنا ي إما بسبب مشاكل اسريه، او غيرها، ، انا لما إنفصلته عن همام اوولادو م عارفه الحصل علي شنو بالظبط حسيت نفسي اني عايشه حياةم حياتي لانو انا اتعودته على وجودهم في حياتي وبرمجته عقلي انو هم جزؤ منها، حتى هم جاهم نفس الاحساس دة والدليل على كدة انو لميس جات عاشت معي في بيت ناس عمتي وبعدها خالد برضو تواصلو معانا بقى دايم، يعني نحن بنكمل بعض لا هم حياتهم بتمشي بدوني ولا انا حياتي بتمشي بدونهم دة الواقع البرمجنا عليهو نفسنا فيبقى نحن مضادات إكتئاب لبعض، مجرد م نبعد من بعض بنحس بالنقص وعدم الرغبه في الحياة، اما همام دة فهو جرعهه الفلوكستين الزايدة بالنسبه لي يعني هو بقول انو م بقدر يعيش من دوني بس الشي الماعارفو انو انا الما بقدر اكمل بدونو ولا ثانيهه

ملحوظهه

ياخي كونك مره أبو م معناها تعاملي اولاد راجلك كعب وتعاديهم، يعني بدل م تواسي عقلك بعقلهم حاولي قربي منهم واكسبيهم، مشاكلك ومهاتراتك مع امهم دة م بيعني انو انتي تعامليهم بنفس الاسلوب، وفي نووع كدة قلبو قاسي خلاص ياخي لما راجل تكون مرتو متوفيه ويتزوجك ويجيب ليك عيالو خافي الله في حق الشفع ديل لأنو بسالك منهم فيها شنو إذا إحتويتيهم؟حاولي ختي نفسك او اولادك محلهم اصلا الحياة دي قصيرة وم بتدوم لي زول

امهاتنا

عمرو الشذوذ في المره م بخليها مقيمه في المجتمع، المره الذكيه هي البتفرض على الناس يحترموها بس م علشان شكلها الخارجي ولبسها و...الحجات الهايفه دي، لا المره بتحكم الحواليها بعقلها، طريقه تفكيرها، المره اللي كل الناس تتمنى تكون زيها لما تشوف طريقه تعاملها واسلوبها، وكل راجل يتمناها ام لعيالو، زي م بتمشي تشتري اكسسورات تزيني بيها نفسك كمان اشتري كتب ثقافيه زيني بيها عقلك خلي عندك بصمه في المجتمع يااخي م تكوني اقصى طموحاتك انو الناس تشوفك وتقول عليك سمحهه، خليهم يقولو عليك شينه ومعقدهه وملتزمهه بدل م يقولو عليك سمحهه وم كويسهه ومتاحهه للجميع

ولما تكوني ام وعندك اولاد قدامك حاولي حكمي عقلك وختي الرحمن في قلبك لأنو الغلط والعيب البتعمليهو انتي بتعابو بيهو اولادك والسمعه الما طيبه بتتبع سيدها والحواليهو

حواء

الحياة م راجل م تضيعي سنين عمرك وترجعي تقولي انا وين بعد فوات الأوان، فتشي على نفسك واعرفي الدنيا، اعتمدي على نفسك وخليك قويهه وبعدين فتشي على البشبهك، على الزول البكمل حته البازل الناقصه فيك، مش الزول البمحيك وبعملك نسخه من انسان ألي كل شويه ويزهج منكك...

أدم

الزواج م هو الإنجاز اللي لما تحققه حتكون عملته اللي م إتعمل لأنو الناس كلها بتتزوج على فكررهه، الزواج حاجهه مكملهه لحياتكك، فتش على الحتبقى ليك ضهر تتسند عليهو لما الدنيا تجي عليك الزواج م بت حلوة وكسااره عجبتك وعجبت اصحابك واهلك والدول المجاورهه انا اسفهه لأنو الواقع غير كدة خاالص وبختلف عن القصص ومشاهد التلغزيون اتزوج اللي بتحرك عقلك قبل قلبك، البت الروحها حلوة وبتحب تضحك عشان دي الحياة حتبقى معاها بجد حياة

إختارو العيالكم يفتخرو بيهم، خلي بتك تبقى نفسها تطلع زي امها بالظبط خلي ولدك يبقى حلمو كلوو يطلع زي ابووه، اختارو صح علشان الزواج دة الغلطهه الوحيدهه فيهو بتبقى بعمر تعيس

واخيرا

شكرا لكل الناس التابعت القصه واتفاعلت معاها وانشاءالله تكون عجبتكم وااسفه يااخ على كترة الشحتفه بس والله احيانا الظروف بتحكمنا لكن الحمدلله ابشرركم تاني ماف شحتفهه ابدا شخصيا شايفه نفسي بعد كدة خلاص حأقول لنفسي كفاايه علي كتاابه قصص وعولاق لأنو الكتابه بقت مااخدة معظم زمني، وبقولو صاحب بالين كضاب يعني حتى دراستي لقيت نفسي اهملتها كتير مع الكتابه فبعد كدة خلاص يعني لازم اركز على دراستي ومستقبلي اككتر لانو في النهايه دي عباره عن قصص يعني لا بتقدم ولا بتأخر ه يعني الحكايه لازم تكون اولويات فأنا مع كتابه القصص لقيت نفسي بطفش والموضوع دة مأزمني صراحه

واسفه للناس البتقول علي مفتريه وم برد عليهم في الأنبوكس بس والله م مفتريه ومن غير مبالغه انا حتى مسجات الأنبوكس بقت م بتظهر لي فما تاخدو في خاطركم مني، وي ريت لما نحس نفسنا متضايقين ومخنوقين بدل م نلجأ للقصص نلجأ لربنا لأنو أحن علينا من كل شي م بكلفنا شي وضو خمسه دقايق وركعتين وكم دعوة وانتي ساجدة وقرايه كم ايهه من القراءان والله حتحسي برااحه وم حتحسي روحك محتاجه تقري قصصه او غيرها وربنا م يحوجنا لغيرو ي رب مع السلامه نتلاقى في ساعهه خييران شاءالله

❖

حاجهه كدهه على خفيف

وأحببتك في الوقت الذي كنت فيه رافضا للحب فأحببتكك أكثثر