الجزء 1

📚بقلم: نيدوووووو📚

-١-

والصبح بدأ جاهزا للتنفس صوت عصافير تزقزق ف اعالي الغصون جوا جميلا علي م يبدو فجاة تعالت اصوات عكرت صفو هذا المراس قومي يا بت انتي نايمة للساعه 7ومحاضرتنا 7ونص سبأ ياااخ انا بتكلم معاك علي فكرة انتي م عندك دم ي بت دا شنو دا

مالك ي نبأ ياخ م تكرهينا مليون مرة قلت ليك عشان ثقافه اسلاميه م تصحيني م ماشه امشي براك 😡واقفلي النور دا وجري الباب وراك م تكرهينا زاتو 😒ولو امي سألتك قولي ليها انتي اصلا ماشه المكتبه اياك تقولي عندنا محاضرة وانا م مشيت انا بعدين بجهز وبجي زفتي الطين دي اوك😕

والله ي سبأ انا م بقدر اكذب وانتي كل خميس بتقولي كدا م حصل حضرتي يعني شنو ثقافة اسلاميه تاني عندنا محاضرة تخصص م قاعدة تحضريها وكمان بسببك انا بتأخر ف الجامعه وبراك عارفه الخميس م ف مواصلات و،،،،

نبأ م تمعطيني عليك الله انا م ناقصاك عايزة انوم الجو حلو امشي نتفاهم بعدين اسي اعملي البقولو ليك بس

اووووف امري لله 😕الله يهديك ي سبأ😊❤️

*اعرفكم بي ابطال القصه*

*سبأ بت عمرها 18سنة تؤام نبأ بس متشابهتان ف الخلقه ومختلفتان ف الاخلاق بت مسيطرة وبتحب تمشي كلمتها علي طول وبتعمل العايزاهو غصبا عن الكل. م بتراعي لمشاعر زول مين م كان وبغض النظر عن البتعملو،دا صاح او غلط،الموهم تعملو ولما تقول بتسوي حاجه معناها كسر رقبه ح تعملا🙊باختصار شفتة عديل كدا🙊عكس نبأ بت لطيفه وحنونة ودايما هي ضحية مشاكل سبأ بتشابهو لدرجة ناس بيتهم بغلبهم يفرقو بينهم 😂لو م الحقارة العند سبأ لو ختوهم قدامك م ح تفرق. بينهم نبو دي بت حنونة جنس حنان احيي انا🤤🤤وانثي بكل م تحمل الكلمة من معاني م بس معني واحد معاني عديل كدا😍اللهم انا😂قلبها ابيض وبتسامح وبتعذر الزول وكل مرة سبأ تغلط وهي تشيل وتدعي ليها بالهدايه ومرات تحاول تنصحا بس يلا ف حاجة اسمها لاحياه لمن تنادي😕دي حاله كدا لو صابة المرء ف لاحياة لمن تنادي 😂😂و نبأ بتتحمل اغلاط سبأ وبتحاول تصلحا ومرات كتيرة بتزعل منها بسبب تصرفاتا الطايشه نبأ طلعت لقت امها صبحت عليها وسألتها من سبأ

بت ي نبأ اختك دي لسه م جهزت موش عندكم جامعه

نبأ بي تردد م صحت خليتا نايمة

صحيها نايمة ليه ولا م ماشه هي غايتو انا الله يصبرني علي ولادة زي دي😒بت م بتنفع شي

ههههه لالا ي يمة خليها اصلا هي كدا بتجي بي راحتا ونحن اصلا محاضرتنا التانيه فاضيه انا اتفقت مع ناس علا نقرا ف المكتبه تجي تلحقنا 😊طيب تعالي اشربي الشاي وامشي انتي خليها هي اصلا يوم نفعت شي حاضر ي امي بس،سريع م اتأخر

قدام المطبخ ف عريشه قاعدين فيها مصطفي وليان اخوانهم مصطفي صغير اصغر واحد وولد البيت الوحيد. ود مشاغب ومحبوب عمرو 13 بحب نبأ بس هو وسبأ الشحمة والنار وليان دي اكبر البيت اتخرجت من جامعه النيلين علم نفس عمرها 21 وقاعدة اسي 😂تدرس حاله ناس بيتهم اول بتاعت فلسفه شديد الله م يوريك ليها بتحسها قرت الجواك كلو من تشوفك بتعرف حالتك حاليا هي بتدرب مع الشرطة عايزة تشتغل معاهم بعلم النفس حقها دا عندهم عمهم اداها الفكرة ووافقت قاعدين ف العريشه جات نبأ داخله قالت صطوف وليون صباح الورد ي عطاله🙊هيييي منو عاطل اسمها اجازة. وم تحسديني فيها قربت تنتهي زاتو 😤دا مصطفي قال كدا😂وليان صلحت قعدتا ورفعت كبايتا ومسكت البسكويت وعاينت لنبأ من فوق لتحت قالت ليها مرتبكة كدا مالك زي الداسة ليك حاجة🐸كتمت م قلت ليكم ابعدو من ناس علم النفس 😂هييي انتي كمان م تحققي معاي عارفاني م بتاعت امور زي دي انا عارفه قصدك شنو 🌚جات امهم اسمها نجاة قالت لنبأهاك اشربي وانتي ي ليان م عندك موضوع غير تتكلمي مع الناس قومي نضفي البيت دا كلو طولتي م عملتي شغله نافعه عامله لي زي سبأ واحد انا دي ي ربي عملت شنو ف دنيتي دي تديني عيال زي ديل 😒مصطفي نط وقال والله ي امي دي م ولادة ليك الله يعوضك بناتك الاتنين ديل انا ونبأ بس نفعك والباقي دا اعتبري ذنوب 😂😂😂😂كرر ي يمة من الذنوب اخر الزمن انا بلدي ذنوب انت اسي ي مصطفي زاتك م نافعني شي نبأ دي بس نافعاني الله يحفظا لي 😘نبو خجلت وتبسمت ثم ضحكت وقفت قالت لي امها تسلمي لي ي امي وم تخافي بكرة كلنا ننفعك والله دي مرحله جهاله وبتعدي بكرة بعقلو ليان منططة عيونا وتصمغت وعلقت ثم قالت 🌚طلعت جاهله وانا الكبيرة العاقله كويس ي نبأ بشوف فيك يوم نبأ كعادتها ضحكت وقالت ليهم يلا مع السلامة م تشاغبو

طلعت عشان تلحق المواصلات عندها محاضرة ماشه تلحقا طبعا بتقرا أشعه طبية ف الخرطوم سنة تانيه يداب هي وسبأ قرو نفس المجال بس سبأ اصلا م رغبه ولاشئ بس عندها حاجة كدا م عارفه اسميها ليكم شنو الموهم م بتحب نبأ تفوتا بشي وتبقي احسن منها رغم انها م عندها شغله بيها من زمان وافكارهم بتختلف هي بت منفتحه وبتحب تعرف الحياه وتعيشا وبتفتش اي شي البخصها والمابخصها وبتشوف نبأ بت بسيطة وم عصرية وحضاريه علي،قولا🌚ومن كانو صغار بترفض امهم تجيب ليهم حاجة سوا سبأ بتزعل لما نبأ تبقا عندها حاجة زي حقت

ا وحتي ف القرايه م بقرو سوا نهائي وصحباتهم مختلفات تماما م بمشو سوا ولا بجو سوا نبا بتحاول تقرب من سبا بس دايما في شي بدفع سبا تصدها الحكايه دي بدت من هم شفع الناس،بتميل لي نبأ اكتر والاستاذات وحتي البنات في الفصل بحبوها شديد وسبأ مهما عملت بتحس انو م ف زول بديها انتباه ولا شغال بيها عشان كدا اتكون حقد دفين جواها لاختها المميزة اكتر منها مع انو نبأ بتقول عادي ياخ اي بيت فيهو اخو حقار وبطلع مختلف من باقي الناس +انو م حصل اذتا ف تصرف بس الحاجة دي الزول لو ركز فيها بيعرف انو هي بتغير منها اما خلاف ذلك عادي زيهم زي اي اخوان ف البيت بتعاملو وبتناقشو وبرجعو كأنو م حصل شي نرجع لنبأ واقفه ف الشارع وبتعاين للزمن جا ود جيرانهم وقف جنبها قال ليها سبأ ولا نبأ😂ابتسمت قال ليها نبو عرفتك ضحكت قالت ليهو ياها زاتا كيفك *تمام الحمدلله وانتي كيف*بخير نحمدو*مستنيه المواصلات برضو*اي والله من قبيل واقفه*حدي جات حافله امسكي دفتري دا انا بجازف لينا محل*

وكالعادة مدافرة وبعد سلت روح الناس تتحشي ف الحافلة تقول الحافله ماشة الجنة كلهم عايزين يركبوها😏من هنا بحب اقول ليكم انتو لو م ادافرتو ناس الحافلات براهم بجوكم بس براكم بتحسسوهم انهم شي مهم والحياه واقفه عليهم عشان كدا بتعززو فيكم وبزيدو السعر ويقطعو المسافات 😕م علينا *اسامة حجز لي نبأ ركبت شكرتو وبقو يتونسو ويتكلمو عن زحمة المواصلات وتعب الجامعه زيهم زي اي جيران 😂يتلاقو ف المواصلات زمن الدفع طلع قروشو وهي بقت تطلع قروشا قال ليها بطلي ياخ اول مرة تركبي معاي دي بدفع ليك بس بكرة لو ركبنا اي زول يدفع الليله حق الضيافه بس😂😂😂ضحكت قالت ليهو انت ضيفتني حجزت لي خليني انا ادفع اسي قال ليها لايجوز ياخ 🌚ضيفيني بشي تاني خلاص قالت ليهو خلاص ليك علي عزومة فطور علي حسابي يوم الجمعه بجيبا ليك لحدي بيتكم ضحك قال ليها طيب نشوف نبا نزلت وركبت مواصلات تانيه واسامة واصل مواصلاتو صاح م عرفتكم بالود الكيوت دا🙈اسمو اسامة طويل القامة 😍لحظة انبرشت😂 الموهم بدرس طب في الخرطوم اخر ليهو سنة سادسة ووووجع🤤🤤🤤جيران ناس نبا نادرا م يكون موجود ف الحله الا الجمعه ومن بعد الصلاه م بتلقي وم عندو علاقه بناس الحله كتير ويمكن من كترة انشغالو م بعرفهم زاتو يومو كلو ف الجامعه والمكتبه البروف حق الدفعه الحاصل علي امتياز+جائزة الجامعه😍دا بلقو وين😂😂😂ود ظريف نوعا ما 😉ملامحو ملكيه بمعني الكلمة 😍اسمراني عاجبني لونو🙊ملتحي 😌👌انعس العينان😍اغزر الحاجبان😍😍لا بعد كدا ح ادردق 😂😂😂والله بالجد ف ناس زي دا شفتهم ف الصور كتير 🌚يلا م علينا اصلا ناس،طب ديل حلوين كدا اسألوني منهم انا دايما ف جامعتهم 😂😂😂نواصل جادي كدا. م هزلي الا احيانا ببتسم وبتونس مع عينه معينه من الناس حذر ف تعاملو وبعجبوني الناس الزيو ديل 😍مجتهد وطموح علي طول بركز ف اهدافو م عندو صياعه الشباب حقت الايام دي 🌚معليش معليش 😂الموهم نبأ وصلت مع زمن المحاضرة حضرت وطلعت اتصلت لصحبتا الروح 😍علا بت ظريفه وتقريبا بتشابهو ف التصرفات هي ونبأ عشان كدا بتفهما هي اعز صحبة ليها بنوتات اتنين اميرات كدا براهم بمشو سوا بفطرو سوا وبقرو سوا ردت اي ي نبو وين انتي ي علو جيت متاخرة م شفتك تخيلي كنت قاعدة ورا وانا جيت وراكي 😂😂😂حاولت الفتك بس ي كافي البلا انتي ولا معاي ههههه م شفتك انا جيت مرعوبه يكون الدكتور دخل وم يدخلني قعدت ف اقرب بينش لاقاني اسي وين انتي جنبك شايفاك وجايه عليك جات اتسلامو ومشو الكافتريا قعدو اتونسو حبه وبقو يتفقو يشرحو شنو لانو محاضرتهم دي فاضيه شغالين التالته بس تاني

*نشوف سبأ صحت الساعه 10الشعر منكوش والعيون نعسانة طبعا بعد ليان صحتا دخلت الحمام وطلعت قالت ليها مالك معانا ياخ انا م قلت ليكم م تصحوني بدري لونة والله تاني تجي تصحيني م اخليك ليان مسكت نصها وردحت ليها 😂😂😂ي سلام م يصحوك قايله روحك اميرة هنا ونحن خدمك. نومتي بما فيهو الكفايه انا قلت ليك ساهري ف تلفونك لي 3:42صباحا وم تمشي المحاضرة الاولي وكمان نايمة قال وانا انضف زي الشغاله 🌚وووووب علينا كشحت زيتا 😂الاخت مراقبه السهرة شكلها هي زاتا كانت مساهرة ولا جاتا صحيه بالليل م نظلما ساي😂😂😂😂سبأ ولا قالت ليها انتي بتقولي ف شنو زاتو🌚مشت اتمسحت وعملت ليك البوف الماخمج داك 🤤وطلعت اللبسة العجيبة ديك وجهزت الشنطة والتلفون والسم

اعه وبدت حماما التاني 😂بقت تتعطر تحلف تقول ريحة ابري العطر يجيب الرايح وطردتا قالت ليها اطلعي خليني البس 🌚اتغاظت منها قعدت قالت ليها دا م محل لبس امشي الحمام حدا جنبك 🌚ي ربي ديل ضرات ولا اخوات😂😂😂سبأ بدت تلبس ولاكأنو القداما دي جقول اقصد زول😂😂براحه ليان جدعت الملايات ف السرير بزهج كدا وانسحبت بعد لبست واتمكيجت تمام شالت لبانة طقتا واخدت سيلفيها المعتاد وركبت السماعه وهاك ي المشيه ولا اقول القدله 🙊تتقدل ساي التقول عارضه ازياء جات لامها ماما صباحو وو😘

سررريع غيري ملابس

ك دي والا طلعه م ف ليك🌚ليه ي امي مشكلتك شنو مع ملابسي دي واسعه والله 🌚الحرامي ف راسو ريشة وانا م قلت ضيقه بس كويس انك حاسة وبعدين دا شنو الريحه دي انتي عروس 🌚ي امي والله م كنت عارفه انو العطر قوي واتكب كتير بدون اقصد عارفه م صاح بس برضو م عندي لبسه تانيه غيرا امش بيها م بتظهر اسي العطر بختفي 🌚قلت ليكي لا يعني لا اقعدي لو م عندك لبسة م تطلعي 🌚ولد دا😍👌دي التربيه الصاح 🌚الحكومة اصدرت الحكم يلا ي سبو غيري القميص الحلو دا واحييي انا من زمان عاجبني عجب 😂😂😂دي ليان بتكاوي فيها ورجعت سبو تجر ازيال الخيبة😭والدموع تكاد تنهمر من مقلتيها بس الماسكرة والكحل ح يخربو شان كدا م بكت 😂😂😂مشت جوة طلعت القميص وفتحت المكيف فيهو 10دقايق لبستو وجات بكل فخر قالت لامها اديني قروشي امها عاينت ليها قالت ليها عملتي شنو ف كلامي قالت ليها شامة عطر اسي اديني انا اتاخرت 🌚جات وقفت جنبها شمت كدا م لقت عطر ادتا 50ودخلت المطبخ سبأ حمرت لي ليان وقالت ي امي 50بس عليك الله 🌚كلها بتروح مواصلات والله وعندي شيتات م اشتريتهم *ي بت هوووي كما مواصلتين اسي نبأ شالت 40بس،قالت بتقضيها م تبقي زيها ي،سبأ الله يهديك ي بت قدري الظروف*امي لكن عايزة ميه حاجة من نزلنا م اشتريت شي،عايزة اسكيرتات وطرح وجزم وشنط،وساعات ومك اب واكسسوارات حاجات كتيرة ناقصاني عليك الله 50دي بتعمل شنو *امشي خلي ابوك يرسل ليك م ترفعي لي ضغطي *خلاص اعملي لي سندوتش🌚اعوذ بالله 😂دي زيي جاي اصلو م بترحم 🙊امها ناولتا سندوتش قالت ليهاامشي م ناقصاك يلا *شالت الفطور واتصلت لصحباتا وطلعو واقفين ف الظلط م ف مواصلات شلتا نونة(نسيبة)وميسو(ميساء) ودندون(دانة)واقفين ياكلو ف اللبان جات عربيه توسان عمو عجوز وقف ليهم دانة قالت م نركب اسي يحكي لينا قصه حياة الديناصورات😂😂😂قالو ليهو شكرا منتظرين زول جات برادو فيها شباب اتنين وقفو ليهم ركبو وهاك ي الونسه وكسير الكلام وكل شويه تسمع جيم مطاقشه مع ميم ونون وحروف كدا م عربيه زاتو 😂😂😂وونسة وبصوت حنين كدا دي تبدا الكلام ودي تتمو تقول متفقات جنس هناي وهناي🌚السواق عدل المرايه وعاين لسبأ الحلو ساكن وين عملت تقيله زولتنا 🌚👌غمز ليها قالت ليهو انت معاي قال ليها اكيد مع منو يعني قالت ليهو ساكنة جنب الشارع الكنا واقفين فيهو ليه *لا ولا شي بس اول مرة اشوف ف الحته دي ناس بالشكل دا *هههه ليه مالو الشكل دا *عجيب والله *بهناك الود التاني مستلمينو دندون وميسو ونونة ونسه وصلو النفق قالو ليهو لا نحن ماشين بشارع القيادة طيب نزلنا هنا *السواق قال اسمو نادر لالا ياخ معقوله تمشو بالمواصللات مع انو نحن ماشين بالشارع التاني لكن ح نوصلكم *يااااي يسلموووو قائل هذه العبارة الشله البايظة🌚💔وصلوهم نزلو قدام الكليه اتبادلو الارقام نادر شال رقم سبأ والود المعاهو مجتبي شال رقم دندون وقال بعملو قروب ف الواتس يشيل رقم ميسو ونونة الشبكة اصطادت دندون😂😂وسبأ دي محل م مشو هي بتصتاد الحوت هي ماشاءالله دا شغلها🙊دخلو يتضاحكو ويشغلوها لبعض مشو الكافتريا فطرو اتزكرت اختها اخيرا اتصلت ليها**سبو وين انتي جيتي ولا لسه*اي ي نبو وصلت قبل شويه اطمني*فطرتي*اسي بفطر حضرتي لي*خلاص نتلاقي ف اللكشر الجاي انا ف المكتبه مع علا لو عايزة حاجة وحضرت ليك اي *اوك ي بيبي ثانكس اوووممممح *ههههه مصلحجية*م كدا ي نبويتي لكن عارفاني بكره المعط ياخ وخلاص اخر مرة اغيب وعد*نشوف كل مرة توعديني م بتوفي🌚 قفلت منها قرو ومشو اتوضو للضهر وصلو وجو لقو المحاضرة بدت الدكتورة عشان عارفه نبأ وعلا م جرجرتهم دخلتهم حضرو وطلعو نهايه اليوم برجعو سوا نبأ وعلا بمشو قدامهم بتونسو والشله ديك ورا جايبين لروحهم السمعه باصواتهم وضحكاتهم🌚لحدي م يصلو كدا دا حال بطلاتنا ان شاءالله عرفتو الحاصل عليهم😉