الجزء 19

الصباح صحيت اتصلت لي علا قلت ليها تعاليني ف البيت ضروري جاتني من الساعه 9قالت لي مالك قلت ليها م ف شي جايننا ضيوف وعايزاك تساعديني بس قالت لي اسي دي حاجه ضرورية يعني وسبأ م تساعدك قلت ليها ياخ انا و سبأ م بنعرف للفطاير والكيك زي م انتي بتظبطيهم عشان كدا ناديتك * اي حنكيني كويس * ههههه م حنك ولا شي يلا اشتغلي وانتي ساكتة * امك وسبأ وين * امي مع خالتو سلوي وسبأ ف الغرفه عامله ماسك ف وشها ح تطلعو وتجي * هههههه اختك دي طبيعي عامله ماسك وش ولا شعر نفسي يوم اجي القاها قاعدة ف المطبخ اوقسوم تقول عروس بس * ههههههه اي عرسها قريب * جادة انتي * اي والله والضيوف الجايننا ديل هم * وانتي نفرح بيك متين * انا دايما فرحانه انتو شوفو يوم مناسب وتعالو افرحو معاي 🙂* ياخي جادة معاك بطلي حركات غالب دا جايكم متين يتكلم ولا قاعد يلعب بس * جاي الليله * عاينت لي مسافة قالت لي انتي بتتكلمي معاي بالبرود دا ليه انا م قاعدة اهظر مشيت علي التلاجه فتحتها وبقيت واقفه بقاوم ف دموعي قلت ليها انا جادة معاك والله غالب جاي يخطب سبأ الليله * هاها ظررريفه هظارك البايخ دا ي نبو بطلي * اوك م تصدقي لما يجو بعدين م تقولي لي م كلمتك * جات قفلت باب التلاجة ولفتتني عليها قالت لي نبا انتي جنيتي صاح انا طوالي م قدرت امسك دموعي بقيت ابكي اتخلعت قالت لي بسم الله مالك نبأ م تهظري معاي كدا ياخ * قشيت دموعي علا انا م بهظر معاك والله اقعدي ح احكي ليك الموضوع تتزكري يوم مشيت المستشفي وبديت احكي ليها وهي مصدومة بعد خلصت قالت لي دا كلو حصل وانا اخر من يعلم نحن صحبات علي شنو ي نبو وبعدين انا م ح اسمح ليك تخربي حياتك انا بمش اكلما الحقيقه ويحصل اليحصل مسكتها قلت ليها والله الموضوع دا يعرفو زول انا م ح اسامحك ي علا وانسي. يوم انو كنا صحبات م حيحصل شي. هو وافق وكلم اهلو وجايين الليله واسي امي كلمت خالتو سلوي وماشه تكلم امك المسا جاين يخطبو عديل م ف داعي لكلامك دا وقفت مصدومة تعاين لي * ي بت انتي باردة كدا مالك دا حب حياتك اختك شالتو منك انتي م ح تقدري تستحملي م تكذبي علي نفسك بكرة يعرسا والله تندمي * علا ياخ خلاص نحن نهينا الموضوع دا وطي صوتك سبو ح تسمعك * اوك ماشي انا ح اسكت ونشوف انتي ح تصمدي كدا لمتين * الجرس رن مشيت فتحت لقيتهم ناس ميسو سلمو علي ودخلو لي سبأ حضنوها وبقو يتونسو انا جيت جبت ليهم مويه وعلا شايله العصير

ميسو: وووب ي سبو ختيررررة عملتيها كيف

نونة: ووااااي غالب مرة واحدة هو قال ليك جاي يخطبك

دانة: النبي وريني حصل كيف للاجازة دي م كان ف شي بينكم

نحن جينا داخلين انا وزعت ليهم مويه وعلا ختت العصير ف التربيزة وطلعت سبأ قالت لي صحبتك المنفسنة دي لو سلمت لي وباركت لي ح يجيها شنو قلت ليها انتي عارفاها م بتكون قاصدة عندنا حاجه ف الفرن انتو م ضيوف دا العصير اشربو وطلعت خليتهم بتونسو جيت لقيت علا قاعدة تبكي قلت ليها علو انتي مجنونة اسي الببكيك شنو قالت لي م ح اقدر استحمل نفسي اعرف انتي م انسان م فيك مشاعر يعني م بتحسي شايفاهم مبسوطين كيف دا علي حسابك انتي قلت ليها بطلي،ياخ قضاء وقدر انسي بس خلينا نخلص شغلتنا سريع جهزت ليهم فطور وديتو ليهم قالو لي انتي وعلا م عايزين تاكلو معانا قلت ليهم اكلو انتو وطوالي طلعت الوقت كلو نحن قاعدين ف المطبخ قريب للضهر امي رسمت وجات خالتو سلوي سلمت لينا وقالت لي سبأ جيبي ارسم ليك شكل ف يديك بطلع حلو رسمو هي وصحباتا نحن وعلا عملنا الجبنه جبناها ليهم قالت لي وانتي ي التومة تعالي ارسم ليك قلت ليهالالا م عايزة وانا شغاله م ف طريقه كانت مبسوطة وتضحك مع صحباتا 💔علا لحقتني قالت لي انتي شايفاها م خطر علي بالا تسألك زاتو ولا عبرتك كان اقلاها تحنسك وتقول ليك لازم ترسمي بس لما تلقي صحباتا م بتشتغل بيك

وانتي قاتله روحك عشانا * علا خلاص ياخ م ناقصه انا م تزيديها علي * جاتنا امي اها عملتو شنو كلو جاهز قالت لي امشو ارتاحو بعد كدا دخلت الحمام استحميت وطلعت مصدعه شديد علا قاعدة تعاين لي قلت ليها ارقدي ارتاحي ياخ م تعايني لي كدا قالت لي غشي نفسك كويس فاكرة ح ترتاحي لو رقدتي مثلا * اووف ي علا ي ريتني م كلمتك ي بت انا الموضوع بحاول انساهو وانتي مصرة تزكريني ارقدي خلينا نرتاح شوية انا من الصباح واقفه * طيب م عايزة تفطري ولا نسيتي انك م فطرتي * م جعانه انا باكل لما اجوع عايزة انوم تعبانة صحيني العصر اوك ورقدت اتجهت علي الحيطة بس دموعي جات نازلة انا ببكي قريب ساعه سمعت حركة ناس سبأ قشيت دموعي ورقدت جو سامعاهم اتكلمو مع علا قالت ليهم نامت لانها تعبانة رقدت شويه زي نص ساعه سامعة امي بتسلم لي ناس قمت دخلت الحمام غسلت وشي وطلعت لقيت عمي عبدالله جا ومعاهو ولدو مؤتمن ومزن مزن دي طبعا هي وسبأ نفس الطينة وبتفاهمو انا م عندي بيها شغله كتير مشت حضنت سبأ وبقو يتسلامو بيبي كبرتي وعايزة تعرسي كمان تخليني انا * هههههه بجي دورك ي مزتي اصبري بس * اها ا

ديني الزيت جبتي من وين وشكلو كيف *انا طلعت خليتهم قاعدين مشيت سلمت عليهم وناديت مصطفي *صطوف عمو عبدالله معاهو منو ف الهول * انا و مؤتمن بس *تعال شيل ليكم العصير دا طيب مشيت جهزتو ليهم ووديت لمرة عمي قالت لي ليان اتخارجت وسبأ برضو انتي دورك متين ي اللجينة ابتسمت قلت ليها انا م ماشه اخلي امي براها خالتو سلوي وامي وام علا وليان ضحكو فيني اديتهم العصير وطلعت قعدنا جهزنا الغدا مسافه كدا زي الساعه 5 جو ناس خالتو خالدة سبأ قالت لي نبو كفاك من الشغله ياخ غيري ملابسك ح تستقبلي الضيوف بتوبك دا دخلت الحمام بقيت ابكي كان انا المفروض اكون ف الحته دي بس الموضوع اتعكس علا دقت لي الباب قالت لي نبو بطلي بكي واطلعي البكي م ح يفيدك ف شي غيرت ملابسي وطلعت قلت ليها م كنت ببكي وابكي لشنو طلعنا سلمنا ليهم خلود حضنتني شديد قالت لي ي كعبه وغمزت لي مشت معانا المطبخ قلت ليها ي بت اقعدي م ف شي نحن بنضيف الناس قالت لي انا بقيت جزو من العيله وم علي كيفك ح اساعدكم. م كانو ناس،كتار 3نسوان وراجلين وجا معاهم غالب م شفتو انا مصطفي جا قال لي جيبي عصير وسألتو وراني ضيفناهم وقعدو يتونسو وسبأ طلعت مع صحباتا سلمت ليهم وانا من المطبخ م طلعت بعد خلصنا خلود قالت لي وانتي رفضتي مالك قلت ليها م قسمة بس قالت لي كنت متمنياك انتي ياخ كان اسي تجي تقعدي معانا تونسيني بس،م مشكله انا كلاما دا خلاص بكاني عديل بعد م صلو المغرب طلعو مننا علا وصحبات سبو رجعو عمي عبدالله كان قاعد يتكلم مع امي انو سأل عنو وطلعو ناس كويسين وهو حكي ليهم كل شي واضافه لي انو امي اصلا من زمان بتعرف امو وصحبات شديد وعارفه اي،شي ف حياتنا حددو موعد العرس يكون رابع يوم ف عيد الاضحي يعني بعد شهر و17يوم بس مستعجلين عشان ح ننزل دراسة بعد العيد وم عايزينها تضيع السنة انا شدة م كنت تعبانة ولا زعلانه م عارفه م اتكلمت كتير دخلت صليت العشا ورقدت نمت طوالي الصباح صحيت لقيت سبأ بتتكلم بالتلفون مشيت شربت الشاي امي قالت لي شوفي الحاجات الجابوها ماشاءالله عليهم حالتو تعارف بس قلت ليها كريمين ربنا يسعدا معاهم خلود اتصلت لي قالت لي اجهزو جاياكم نمشو السوق قلت ليها نعمل شنو قالت لي غالب اتكلم مع سبأ قفلت منها جات قالت لي نمشي السوق نشتري الشيله قال رسل لي خالتو ومعاها بنات عمتو اتنين متزوجات قلت ليها انا تعبانة والله امشو انتو او سوقي معاك ناس ميسو قالت لي حاولي ياخ المشيه بدونك م حلوة ليان جات طالعه قالت وانا م بعزموني قلت ليها حدي لونة جات تمشي معاك قالت لي اي ليان ح تمش بس برضو لازم انتي تمشي معاي قدرت اقنعا اني تعبانة م بقدر بس لمتين انا ح اتهرب كدا منها 😔💔مشو السوق وجو وتاني جوطة ولمة العرس ليان بقت تجينا بالنهار والمسا مؤيد بجيها يسوقا النهار كلو الشغله علي علا م قصرت كل يوم بتجيني وبالليل انا بنهار كل يوم وببكي لحدي م يغمي علي او م تسمونه انتم بالنوم 😔💔م اتكلمت مع غالب من اخر مرة قبل م يجي يخطبا شايفاهم مرات مرات بتكلمو بالتلفون م حصل سألتها ولا فتحت معاها الموضوع ليان بتتونس معاها قالت ليها وانتو م بتعرفو بعض كويس،مستعجلين للعرس ليه قالت ليها م عارفه زاتو انا م فاهمة شي،كل الامور جات فجاه لكن ح نتلاقي بكرة عشان بعد بكرة ح اتحبس،وتاني م ح اقدر اتكلم معاهو انا كنت متوترة يوم مشت تلاقيهو خوفت يجيب ليها سيرة طول الوقت قاعدة علي اعصابي لحدي م مشت وجابا بالعربيه انا كان طلعت قدمت علا وجايه لقيتو واقف معاها وكانت شايله كيس ف يدها اول م شفتهم انا دموعي جرت قشيتا وجيت لقيتهم واقفين واقفه بعيد سلمت سبأ قالت ليهو غالب دي نبأ بتعرفا م محتاجه تعريف قال لي معقوله البروف منو المابعرفا كيفك ي نبأ* الحمدلله * ودخلت طوالي جات سبأ قالت لي يخسي عليك ي نبأ دا اسلوب تتكلمي بيهو * م كدا بس انا م حبيت ازعجك م سلمت ليهو بس * خلاص انسي شوفي جاب لي شنو * فتحت كيس مليان شوكلاتات * قلت ليها واو زووووق * قالت لي م اتكلمنا كتير قال عندو شغل عشان كدا جاب لي ديل وقال لي هو عارف نفسو مقصر معاي ودايما مشغول م بلقي.وقت يتكلم معاي * قلت ليها اها كويس،نظام بعتذر ليك بالهدية دي * ضحكت قالت لي يمكن * طلعت مشت المطبخ وانا خلاص من الخنقة الجواي. ح اموت حتي البكي م قادرة ابكيهو وقفتو معاها مع انو كانت عادية شديد بس اضايقت منها راجعت نفسي قلت لازم م اضعف انا الوافقت اني ابعد لازم ابقي قدر كلامي اغلب الوقت بكون ف الغرفه براي ببكي او بقعد معاهم ف التلفزيون وانا م جايبه خبر اصلا دخلت الفيس لقيتو ناشر

(عيناها ك ترياق وانا ك مريض وانتم تعلمون ان المريض لا يريد سوا الشفاء)

طلعت من الفيس قفلت تلفوني رقدت مسافة م جاني نوم طلعت لقيت امي وسبو مطلعين سراير برة ف الحوش وراقدين قلت ليهم نايمين برة امي قالت لي لالا ح ندخل جوة بعد شوية رجعت فتحت تلفوني م فضل لي غير الدردشات والمسجات دي بس،الزكريات الح تألمني اكتر كل م شفتها فتحت الواتس بقيت اقرا من اول دردشة واتزك

رت اليوم الاتلاقينا وتاني لقاء واخر لقاء بينا فتحت الفيس،نشرت

((لو كانت الارض اكثر عدلا حتما لتوقفت. كرتها عن الدوران لحظة لقاء ااي عاشقين 😔💔لانهت تلك المهزلة التي تسمي وقت 💔))

قفلت تلفوني وغمضت عيوني وبعدها م عدت اري سوا دموع