الجزء 15

الصباح صحيت مشيت شربت الشاي ونضفت وجيت قعدت اسرح شعري تلفوني اتصل دا غالب بس م قدرت ارد سبأ كانت جنبي اول م سمعت النغمة قالت لي اشي من متين بتختي اغاني رومانسيه 😂😂💔قلت ليها من كم يوم بس وشلت تلفوني مشيت المطبخ رجعت ليهو اتونسنا شويه قال لي رفضتي المكالمة مالك قلت ليهو سبأ كانت جنبي بقا يضحك فيني غياظ☹️قفلت منو ومشغله عمار كمال كالعادة وبجهز ف الفطور جات امي داخله م اشتغلت بي سبأ جات قالت لي عايزة مساعدة قلت ليها خلصت انا ارتاحي

*في منزل اخر*:-

خلود:اها عملتي شنو في موضوع ولدك

خالدة: والله لسه م كلمتو لكن كلمت نجاة اني عايزة واحدة من بناتا ليهو

خلود:كويس ماشاءالله عليهم بناتا ظريفات ومؤدبات ان شاءالله يرضي بس لانو كل م تقولي ليهو يقول ليك لسة وم عايز يرتبط

خالدة:لالا م علي كيفو المرة دي خلص دراستو واشتغل اكتر من كدا عايز شنو

خلود:بس انتي عارفه ولدك عنيد كيف (فجاة جا نازل من السلم امي واختها من الصباح بتتهامسو ف شنو 🌚)

خلود:فيك انت دا

خالدة:والله كان طرينا خزنة م احسن بس كويس انك جيت تعال اقعد عايزاك ف موضوع

خلود:هههههههه الله يعينك الله من امك عايزاك ف موضوع

جا مسك امو من كتفها اها جيت انا قولي لي ف شنو

خالدة:عايزين نخطب ليك

هههههه والله ي امي انتي بتحسي فيني انا كنت جاي اتكلم معاك ف الموضوع دا زاتو

خلود:تعرس قبل خالتك يخسي عليك انتظرني اخلص جامعتي ونعرس سوا

ههههههه م عندك اي مشكله خلاص انا بخطب اسي وبنتظرك تخلصي ونعرس سوا

خالدة:هيييي دا كلام شنو ي عيال خلود انتي مجنونة انا عايزة افرح بولدي دا م معروف العمر قصير ومتين ف بت بتنتظر يخطبوها 3سنة

ي امي انتي م تشيلي هم الله يطول من عمرك وتحضري اولادي انتي ريحي نفسك انا قريب دا بجيبا ليك وتسكن معاك ف نفس البيت و (امو قاطعتو قالت ليهو) لا م ح تمشيني بي كلامك دا انا قررت خلاص وكلمت صحبتي عندها بنات اتنين اختار ليك واحدة منهم (وقف فوق) بس ي امي انا عندي بت ف بالي وم عايزكم تستعجلو معاي ف الموضوع دا انا كلمتها اني ح اجي اخطبا وم ح اوفي ليها بوعدي اها كدا مرتاحه

امو:انا قبل المرة شفت اختياراتك لا خلاص كل مرة تعجبك واحدة تجي تقول لي انا وعدتها انا زاتي كلمت صحبتي دي ووقت دا بتكون كلمت بناتا انت م ح تخسر شي لو سمعت كلامي انا عايزة مصلحتك (بي جدية وقف وقال ليها امي انا المرة دي متاكد انا صاح غلطة ف اختياري المرة الفاتت وكانت مادية واستفزتني وانا عشانا حاولت اثبت نفسي اكيد م ح اجي عشان اختار تاني واحدة بنفس المود انا واثق من دي وخلاص انتي موش عايزاني اتزوج انا جاهز اتزوجا هي بس ح تخلص جامعه وم عندها اعتراض امو قاطعتو: اي عشان بكرة تقضي معاك وقت وطلعات وعزايم وهدايا تخليك ولا م تتفقو ي ولدي العمر ماشي اذا انت لسه الحياه قدامك انا م معروف عمري دا اقعد ليك لمتين (قاطعا امي الله يخليك لي ويطول من عمرك بس عليك الله الموضوع دا م تضغطي علي كدا طيب انت اسي شوف البت يمكن تغير رايك وبعدين انا كلمت المرة م تدخلني ف مواقف ضيقه لكن ي امي انتي ليه م عايزة تفهميني قاطعتو اصلك دا طبعك م حصل سمعت كلام زول قرايه وخلصتها شغل وشغال م حصل عارضت قرارك امش شوف البت ويمكن تغير رايك عاين لي امو هز راسو وطلع ف بيت ناس نبأ قاعدين يحضرو علا جات لي نبأ ساقتا ودخلو غرفتهم قعدو يتونسو فجاة جات رساله لي نبأ من غالب

نبأ ممكن اتكلم معاك * معاي صحبتي ف شنو * عايزك ضروري حاولي القي طريقه اتكلم معاك * طيب انت وين اسي ماشي علي المستشفي * خلاص م تتكلم وانت سايق كم مرة كلمتك * حاضر حبيبي * طيب لحدي م تصل *يلا خلي بالك من نفسك

علا شغاله تغمز لي قلت ليها علو ياخ م تشغليها لي قعدنا اتونسنا شويه وصلينا الضهر وطلعت اقدم علا اتصلت عليهو م برد رسلت ليهو مسج م استلاما بقيت مقلقه لحدي بعد العصر رجع لي بمسج

نبو معليش ياخ كنت شغال م قدرت ارد ليك انا اسي سايق راجع البيت لو ممكن نتكلم بعد شويه *طيب انتبه وانت سايق بعد تصل اتصل لي فضلت منتظراهو ساعتين م اتصل وانا خلاص القلق ح يكتلني بقيت ماسكة تلفوني كل شويه اعاين ليهو ماشة وجايه ف الغرفه خلاص لما فاض بي اتصلت ليهو رد لي بس،كان مكانو زحمة م سمعتو رجع رسل لي،رساله

اسف حبيبي بس،رجعت البيت لقيت امي تعبانة شويه واسي انا معاها ف المستشفي م تقلقي علي بس،اصل ح اطمنك

فضلت منتظراهو ساعتين م قدرت انوم لحدي م طمني قال لي نحكي الصباح اسي الزمن اتاخر وانا تعبان.

الصباح صحيت بدري اضافه لاني طول الليل كنت مؤرقه وم قدرت انوم كويس

كنت تعبانة م عملت شي طول الوقت راقدة سبأ كانت شغاله بعد الفطور سامعه امي بتتكلم بالتلفون قالت ليها خلاص بجي اشوفك شايفاهم طلعو هم وسبأ انا مصدعه مشيت رقدت وشلت تلفوني اتصلت ليهو اتكلمنا مسافة فجاة قال لي انا جاي اتقدم ليك * م شايف انو نحن متسرعين شديد * عارف بس اعمل شنو انا م بقدر الوضع دا وكمان حاسيك بتكوني مجبورة تطلعي وم تكلمي اهلك وحتي

م بتلقي راحتك ف الكلام معاي وانا م عايزك تحسي كدا عشان كدا اتكلمي مع اهلك ف الموضوع انا بجي اخطبك وبعد تخلصي دراستك ممكن * طيب اديني وقت اسي انا امس بتكلم معاهم وقلت ليهم م كنت جاهزة لاي ارتباط حاليا وكمان هم بفكرو ف سبأ خليهم يخلصو من الموضوع دا وانا بتكلم مع امي * اوك حبيبي بس حاولي سريع * حاضر امك بقت كيف * احسن بكتير * هي مالا * والله م فجاه السكري والضغط * سلامتا خلي بالك منها * وانا البخلي،بالو مني منو * سكت م رديت * قال لي طيب احكي لي عنك شويه انتي طبيعي بالحاله دي ساكتةكدا * عايز يحكو ليك شنو *ماضيك وزكرياتك الحلوة والحاجات البتحبيها الوانك المفضله كل شي عايز اعرف كل شي عنك

حكيت ليهو حاجات كتيرة باختصار كل شي م خلينا شي،م حكينا فيهو وحتي هو حكي لي فجاة جاتو مكالمة سمعت الخط مشغول قال لي اذنك دي امي ارد ليها وارجع ليك فصلت منو بعد 5دقايق رجع لي قال لي دي امي قلت ليهو وين انت لما بتتصل عليك* ف المستشفي * دوامك م بالصباح لكن * كان عندي شويه شغل مشيت خلصتو واسي اتصلت لي قالت لي ارجع البيت ضروري * يعني انت سايق وبتتكلم معاي كم مرة انا كلمتك * م انا دايما مشغول وانتي بالليل م بتلقي وقت تتكلمي معاي خليني اتكلم معاك شويه م ح يحصل لي شي * انا قاعدة براي ف البيت ح اتكلم معاك بعد تصل اتصل لي اسي ركز ف سواقتك اوك * ي الله منك بتخافي علي للدرجة دي من زمان وين انتي ياخ * حبيبي اسمع الكلام بس تصل نتكلم * عيديها تاني * خلاص ياخ جات عفوا * خجولة اصبري بس لما القاك * يووووخ انت م ح تسمع كلامي يعني * طيب شويه وح اتصل ليك * يلا باي

قفلت منو ودخلت الواتس لقيتو مغير حالتو بي

(وآكــآدُ آقسم آنني آفكر بكَ آربعــه آيــآم فيْ آلســآعـه ❤️)

مليت من الواتس دخلت ادوشت وطلعت

مع سبأ كانت الاحداث كالاتي: -

يمة سايقاني معاك انا ليه كان تمش معاك نبأ انتي عارفاني م بحب امش محل م بعرفو * اختك مصدعه والمرة الفاتت هي مشت معاي وبعدين انتي موش وافقتي تشوفي الولد * بس س امي نحن نمشي ليهم دي م بتجي زاتو * نحن م ماشين نخطبك ليهو خالدة صحبتي وعيانة ماشه اشوفا انا بس كلمتك انو ممكن نلقاهو عشان تكوني عارفه * طيب بس وريتك لو م عجبني برفضو طوالي * م تتفاولي شوفي بالاول بعدين المرة صحبتي وكلمتني بحسن نيه م تشيلي وش القباحه * خلاص ي امي سكتا من اتكلم بس تنتقدوني *

وصلو البيت خلود استقبلتهم وسلمت عليهم وضيفتهم قالت ليهم اتفضلو فوق راقدة جوة

نجاة: سلامتا مالا فجأة موش كانت كويسه

خلود: والله ي خالتو نجاه م عارفه فجأة ضغطها وسكرا ارتفعو

نجاة: سلامتا زعلتوها ولا شنو

خلود: ههههه لالا والله بس هي بترهق روحا كتير والوقت كلو تفكير

دخلتهم غرفه خالدة سلمو عليها وكفرو ليها

خلود:تعالي معاي ي سبأ

سبأ:طيب

نزلو تحت دخلو المطبخ وبتونسو جهزت عصير شالو طلعو فوق

خالدة: اها ي نجاه عملتي شنو ف الموضوع

نجاة : والله كلمتهم بس عيال الزمن ديل زول م بقدر يجبرهم نبأ قالت هي م بتفكر ف مواضيع زي دي حاليا وسبأ دي برضو زي الملاوذة من الموضوع بس وافقت تشوفو

خالدة: انا زاتي الود دا غلبني عديل كدا بتهرب وشايفه حالتي كل يوم مرض يوم م بقوم منها والله عايزة اشوفو مستقر انا م دايمة ليهو وم عندو لا اخ لا اخت هنا عشان كدا انا مصرة عليهو ف الموضوع دا

نجاه: الله يخليكي ليهو تحضري اولادو اصلا العيال ديل كدا الزول يعاملهم بي سياسة بس

جات خلود داخله: اها اخليها تلاقيهو ولا لسه

خالدة: اي انتي وديها برة امشو علي المشتل هناك وادخلي رسلي ليها خليهم يتعرفو لو وافقو خير وبركة لو ابو خلاص انا دي برفع وكيلي لي الله تاني م بتكلم معاهو فترت عديل كدا منو

*خلود طلعت مشت لي سبأ قالت ليها تعالي نشم هوا مشو برة البيت عندهم مشتل ظريف كدا فيهو كراسي وزهور ومزيرة حقت مويه وفي كمية من الازهار ف اصيص قعدو شويه خلود قالت ليها دقيقه بس اجيب تلفوني واجيك مشت دخلت دقت باب الغرفه مسافه م ف زول فتح لزتو دخلت لقت ولد راقد ومركب سماعات جات قالت ليهو هييي انت م بتسمع جرت منو السماعه * مالك ي خوخة ياخ * م تقول لي خوخه احترمني انا خالتك * اي صاح خالتي الصغيرة مفروض احترمك وكدا * قوم معاي * ياخ فتران خليني اسي كنت منتشي بس انتي زي القدر م بتخلي زول * ههههه قوم بطل كلام * قام باستياء اها ماشه بي وين * انتظرني ف المشتل جاياك عندي معاك موضوع * ي الله انتي واحدة م عندك اي موضوع انا جيت تعبان عايز ارتاح خليني * وهي بتلزو قداما انزل ياخ بطل حركات عارفاك عايز تعرف موضوعي شنو * خلاص م تلزيني اسي لو عوقتيني اقول ي منو * ههههه طيب ث تترنح لي زي السكران كدا امش عديل * اوووووف منك طيب سريع م تتاخري لي * ولا تقل لهما اف انا بمثابه امك ي ود امش انا اسي بلحقك

مشي وهو شغال ينبز اسي انا القاها من امي ولا من اختها دي هي تقول لي خلي شغلك وتعال البيت لما اجي م القي اي موضوع وتجي اختها تقومني من احلي قعدة بدون موضوع اثناء م بتكلم ود

اخل المشتل جرة الكرسي قعد وقال اووووف بس سبأ انتبهت ليهو عاين بي خلعه طبعا لابس ليهو ترينك اسود وفنيله بيضاء وشعرو منكوش وشكلو نعسان نعسان سبأ اتلفت لقتو قاعد ومدنقر راسو وماسكو بي يدينو شغاله جواها دا ود خالتو خالدة العايزينو لي فجاه رفع راسو عاين لي سبأ