الجزء 8

صباح الاربعاء م بعرف بحب اليوم دا شديد يمكن عشان عندنا محاضرتين بس😂الموهم صحيت وصحيت ناس سبو واتجهزنا شربنا الشاي وطلعنا سوا مشينا الجامعه لقيت علا لسة م جات اتصلت ليها قالت لي قريبة مشيت علي القاعه بس اسمع ليك ولد بقول لي نبوووويتي اتلفت لقيتو متولي عاينت ليهو قال لي صباح الخير قلت ليهو اهلين متولي صباح النور *كيف اصبحتي*تمام الحمدلله وانت*الحمدلله وين انتيمك الليله*هههههه تقصد علا*هههه منو غيرا*اسي اتصلت ليها قالت لي قريبة*

اثناء م بنتكلم جات علا سلمت لينا ودخلنا المحاضرة وبعدها مشينا فطرنا قالت لي وووبعلي من السخانة التقول مات حدادي 😂😂ضحكت قلت ليها حال الصيف كدا نعمل شنو قالت لي ارح معاي البيت بعد المحاضرة قلت ليها م بقدر عايزة ادخل السوق انتي ارح معاي قالت لي اوك ي زولة نمشي بس م قلتي لي عايزة تشتري شنو قلت ليها بعدين تعرفي اسي ارح م نتاخر مشينا خلصنا محاضرتنا اتصلت لي امي قلت ليها انا ماشة السوق ح اتاخر شوية قالت لي سوقي معاك اختك م تمشي براك قلت ليها طيب كلمت علا قلت ليها ماما قالت اسوق معاي سبأ😐كما توقعت جاطت قالت لي هي قاعدة تسوقك معاها واسي لو مشيتي تسوقيها متاكدة م ح تمش معاك قلت ليها انتي ارح نجرب مشينا الاستراحه لقيناهم قاعدين سلمنا عليهم

نونة :نبووو وعلا خير عايزين شنو

ميسو:اهلين بالغوالي شرفتو

علا:لا م عايزين شي نبأ اتكلمي سريع خلينا نمش😒

سبأ:علي وين ومستعجلين مالكم الشمس سخنة كدا طالعين وين طبعا ف اللحظة دي انا اتاكدت لو قلت ليها ارح معاي مع انو م انا العايزاها تمش معاي امي القالت لي اسوقا هي م ح ترضي تمش بقيت ساكتة وعلا قالت لي نبأ م عايزة تتكلمي قلت ليها سبو انا ماشة السوق وامي قالت تمشي معاي عشان قبل اتم كلامي هي قالت لي انتي كلمتي امي انو محاضرتنا خلصت بدري ليه ياخ اسي نحن كنا طالعين بسببك لو اتاخرت اسي ح تجوط فيني قلت ليها بس قاطعتني قالت لي مية مرة قلت ليك مشاويرك امشيها براك وانا م بحب اطلع ف الشمس اتصرفي زعلت منها يعني انا متعودة علي اسلوبا دا وعادي م قلت شي بس قدام صحباتا تهزأني كدا انا م شافعه للحظة دموعي نزلت قشيتهم وطلعت جات لحقتني قالت لي نبو ياخ اسفه بس انتي دايما بتبوظي لي اموري انا من الاسبوع الفات مخططة للطلعه دي كان لازم تمشي السوق الليلة قلت ليها حتي لو م مشيت انا كنت ح ارجع البيت بدري قالت لي سوري بس طيب عندي ليك خطة انتي وعلا امشو السوق وبعد تلفو وتخلصو اتصلي لي نتلاقي ف بحري ونرجع البيت سوا قلت ليها انتي ماشة وين قالت لي لسة م عارفه مازن قال عازمني عشان اليوم داك م قعدنا سوا قلت ليها نبو بس قالت لي م تخافي ميسو ماشة معاي ومصعب برضو م براي م ح يحصل لي شي وم ح اتاخر انتو امشو العربي من هنا لفو وخلصو وبعد تركبي بحري اتصلي لي انا بنتظرك هناك ونرجع البيت سوا وامي كدا م ح تجوط قلت ليها طيب قالت لي بحبك ياخ باستني ورجعت عاينت ليها وسكتا علا قالت لي اي ضاري ليها كويس لما قلت ليها اخر مرة قالت لي اخر مرة حقتك نفسي اعرف متين الاسبوع الفات قلتي اخر مرة وبعدين دي موش طرحتك وشنطتك قلت ليها اي ليه قالت لي م شي عادي حالتو اتفقنا نجي مطقمين قلت ليها سوري بس هي قالت لي عايزة الطرحة وانا اديتا ليها بكرة نطقم م تزعلي ي علوشتي ومسكتها من يدها قلت ليها يلا ارح م نتاخر عاينت لي وقالت لي لمتين ي نبأ قلت ليها فترة وح تعدي سبو بتتعامل كدا لانها عارفه انو انا سندا وم ح اتخلي عنها ف الظروف الصعبه بتعمتد علي لانها عارفاني م ح اخذلا بتعشم فيني لانها عارفه اني م ح اكسر بخاطرا بعد دا كلو عايزاني اخذلا يعني؟ ؟بعدين هي اختي وم عندي غيرا الحصل دا كلو م بتقارن بيها لبسة طرحه زعل كلو م اكبر من اختي قالت لي ومشاعرك الهي بدوس عليها ؟؟قلت ليها ي بت انتي ساي مكبرة الامور م قصه مشاعر ولا حاجه هي بس طبعها كدا بس حنونة وبتحبني وانا عارفه كويس انها م خاته شي دي تصرفات م مقصودة منها قالت لي علي فكرة تتزكري قلت ليك لقيت مشعل كشرت وشي طوالي وقلت ليها اي كلمتيني ارح بطلي ونسة قالت لي م تتهربي ي نبأ اقعددي انا عايزة اتكلم معاك شويه قلت ليها علا لو ح تبدي لي ف محاضراتك المابتنتهي دي م تتكلمي عليك الله انا الود دا نسيتو وشلتو من قاموسي وسبأ م ليها دخل ف الموضوع عشان م تظلميها ساي قالت لي اي دافعي وبرري ليها تصرفاتا وغشي نفسك بس م انا 😒 قلت ليها علا عليك الله عليك الله خلاص نحن اسي ناس كبار وواعين اصلا ديك كانت تصرفات مراهقه مننا حركات الثانوي المعروفه وانا م عندي ليهو شي قالت لي قولي الكلام دا ليهو لاننو جنني كل يوم عايزني اخليك تلاقيهو قاطعتها قلت ليها اوعك انا م ناقصاهو ولا عايز شي يربطني بيهو اوك بنتكلم كدا تلفوني اتصل نفس الرقم الغريب فتحت الخط الو جاني صوت ف الطرف الاخر السلام عليكم: وعليكم السلام:كيفك:الحمدلله:عرفتيني:لا منو معاي:معقولة ي نبأ:اي معقولة الرقم م مسيفاهو عندي

وم عرفتك الغريب شن

و ف الموضوع:طيب خلينا من الرقم الصوت دا م مألوف بالنسبة ليك:1+1=2ي ود الناس م بعرفك انا وم عندي وقت اضيعو معاك ف ي ريت م تزعجني :معاك مشعل:انا ف اللحظة ديك التقول صبت فيني مطرة واتصمغت ف مكاني اقرب بينش جمبي قعدت فيهو :اتزكرتيني: سكت م رديت: عارف انا م كان لازم اتصل ليك بس حاولت مع علا تخليني اشوفك وهي مصرة م تخليني ف اضطريت بعد تعب اشيل رقمك منها ووعدتها اني م ح اضايقك ولا ح اجي اشوفك بس اشوف اخبارك:شكررا ليك انا كويسة وعايشة والحمدلله م فيني شي وي ريت م تتصل لي تاني:اسف والله م كنت مخطط افاجئك كدا بس م قدرت صاح عدت فترت 3سنة انقطع التواصل بينا بس انا م قدرت انسي:معليش،ح تتجاوز كل شي وح تنسي مهما طالت الفترة 🙂م ف داعي تتعب نفسك وتفتح ابواب قفلناها سلفا:نبأ ممكن نتلاقي ونتفاهم بالتلفون انا م ح اقدر اتحاور معاك:للاسف م خليت شي عشان نتحاور فيهو: معليش،امسحيها لي كلنا خطاؤؤن انا عرفت غلطي:العفو والله م شايله ف خاطري منك وعشان الايام الكانت بينا انا م نساية جميل بس دا م معناهو نفتح صفحه انطوت:نبأ عليك الله م تعاندي اديني فرصه انا عارف انو الموضوع م ساهل بس: سكتة لي بس شنو واصل خليني اقول ليك بس انت استغبيتنا اي انا واختي برافو زول م سبقك ليها استغليت انو كنا بنتونس معاك من تلفون واحد دا كان العذر المبرئ بيهو عملتك صاح م كنت منتبه البتتونس معاك انا ولا سبأ ولا م كدا طيب كان بامكانك تقول لي اختك عجبتني وتشوف لو م كلمتها ليك لانو ببساطة لحدي اللحظة ديك انا كنت معتبراك صديق م اكتر م كان ف شي بيني وبينك بس انت عارف م كان غلطك غلطانة انا البصاحب ناس م مكتفيه :نبأ والله م كنت عارف اعتبريهو طيش مني انا ندمان عليهو والله من اللحظة ديك وانا بفكر كيف اعتذر منك 3سنة وانا م شلتك من بالي ف كل اللحظات المرت علي دي انتي كنتي جزؤ من اي لحظة خلينا نفتح صفحه جديدة:معليش،بس انا م ناوية افتح اي صفحه ولو ف شي فضل عايز تحافظ عليهو الايام الكانت ممكن تخليها زكري تحافظ،عليها بس م تتوقع نحن نرجع زي اول: طيب فكري ف الموضوع وردي لي خبر م تتسرعي:م محتاج تفكير صدقني انا واعية للكلام البقولو دا لاهي لحظة غضب ولا زعل انا عارفه بقول ف شنو وي ريت تحترم قراري:اوك كوني بخير:وانت كمان

بعد قفلت المكالمة دي حسيت نفسي يداب ارتحت ف كمية كلام جواي مفروض من زمان اطلعو عشان ينتهي كل شي صاح مشعل كان اول صديق لي وتقريبا كان ف مشاعر جواي بدت تتحرك تجاهو بس كويس انو م خلاني اتعمق معاهو خان كل شي جميل بينا م خلا لي لحظة عشان اتزكرو بيها واسي ببساطة جاي يعتذر الاعتزار م برجع الاتكسر والناس البنطلعهم من حياتنا بارادتنا عمرنا م ح نندم ولا ح نحن للايام الكانت بينا

(في ناس ما بحبو قصه انك تتجاوزهم ، عشان كده بحاولو يربطوك بي ماضيك باي طريقه

مكالمات الاطمئنان دي ما خوف عليك ، ده خوف على مكانتو جواك

ما عايز يكون نكره بالنسبه ليك بعد كان كل شي ~

عايزك تكون بي نفس اللهفه ، نفس المشاعر ، نفس الاحاسيس

حاتقابل ناس كعبين كتار في حياتك ، بس الاكعب منهم هو الزول ده

يجرحك ويغيب ويرجع يتصل بيك عشان هو يطمن على وجودو في قلبك وهو عايش حياتو بكل سعاده

الله على الوقاحه ياخ 💔)

قمت من مكاني لقيت علا واقفه مستغربة طبعا م حبيت الوما انها ادتو رقمي كويس كدا انا اتخلصت من حاجه جواي كانت مابية تطلع بعد كلامي معاهو دا تقريبا انا اتخلصت من كل شعور كنت مختزناهو ليهو ابتسمت وقلت ليها اتاخرنا خلينا نطلع كانت ساكته بتعاين ليها

*غالبا الناس لما تشوفك قوي بعد لحظة ضعف بتفتكرك بتتصنع بس بالعكس كل م ضعفت شديد بتقوم اقوي اقوي من انك تتكسر الابتسامة البتترسم في ملامحك بعد الضعف دي احلي ابتسامة تبتسما كونك اتجاوزت شي جواك كان مسيطر عليك بتبتسم لانك هزمت نفسك ويمكن لاول مرة تفرح بفوزك علي نفسك بتكون متمني لو انو دايما تتغلب علي نفسك ف كل شي*

طول الطريق كانت ساكتة م اتكلمت معاي دخلنا السوق اشتريت لي ملابس وقلت ليها عايزة اشتري لمصطفي اخوي حاجه بس م عارفه اجيب ليهو شنو قالت لي بمناسبه شنو قلت ليها نجح ف تامنة قالت لي وحلاتي هو كان ممتحن يعني 😂😂😂قلت ليها م تشوفي قصير ساي قالت لي جاب كم قلت ليها بري م عارفه ابا يكلمني 😂😂ضحكت فيني قالت لي م جادة والله كيف م عارفه قلت ليها كل مرة بقول لي كلام الموهم نجح شايفه الجيران بباركو لامي قالت لي غريبين انتو والله 😂😂عاملين زي انتي وسبأ ف تامنة كانو ملخبطين بين درجاتكم تتزكري ضحكت قلت ليها اي كان مفروض انا التانية الاستاذة اتلخبطت كتبتا هي 269وانا عملتني 261قالت لي من زمان هي كدا بس لو انا قلت ليك م بتصدقي وبتقولي الموضوع م كدا 🌚قلت ليها انسينا ياخ دي كلها حاجات هايفه عادي بتحصل بين الاخوات 😊قالت لي بينك وبين نفسك مشعل كان غلطان ولا الغلط من سبأ 😒قلت ليها علا نحن ح نتناقش ف الشارع يعني تعالي شوفي معاي حاجه اتزكرت انو ايادي البليستيشن حقو واحدة ا

تكسرت قلت خلاص دي

فرصه اجيب ليهو واحدات جداد مشينا دخلنا محل الالكترونيات اشتريت ليهو وفضلت معاي قروش اشتريت جراب لتلفوني علا قالت لي قبل فترة اشتريتي واحد وديتي وين قلت ليها قاعد بس،دا عجبني قالت لي من شالتو سبأ يوم الجمعه م رجعتو ليك وشكلك م ح تسألي منها ولا السيناريو دا غلط🌚قلت ليها هو عجبا واديتو ليها عادي ياخ قالت لي الحمدلله بس ارح طلعنا اتصلت ليها م ردت تاني اتصل قلت ليهو سبو وين انتي قالت لي ف كتكوت انا يداب وصلنا قلت ليها طيب نص ساعه وانا ح اصل بحري م تتاخري وخلي تلفونك جنبك ح اتصل ليك قالت لي طيب مشينا ركبنا علا قالت لي ح تنتظريها لمتين قلت ليها بعد اصل ح اتصل ليها تجي ونرجع سوا قالت لي كويس وصلنا اتصلت ليها قالت لي جاية عليك ربع ساعه نحن واقفين جاتنا معاها مازن قالت لينا اركبو ركبنا سلم لينا وبقا يتونس معانا قال لينا معقولة انتو برالمتنا وم عايزين تتعرفو بسنايركم قلت ليهو م كدا والله لكن م ف وقت بس وبقا يتونس قال لينا وقت انتو ساكنين شمبات هنا م كان تجينا قبيل ف المؤسسة سبأ ضحكت قالت ليهو انت شكلك م بتعرفا بت دي اتجاها واحد بس علا طبعا ساكتة تحمر لي ساي وصلنا نزلنا وماشين علا قالت لي مع السلامة بي زعل كدا ومشت دخلنا البيت امي قالت لينا اتاخرتو وين انا بقيت ساكتة ساي م بعرف اكذب ياخ بتلخبط،طوالي 🙊سبأ قالت ليها مشية السوق والعربي زحمة ودخلنا قالت لي سكوتك دا يوم بضيعك ضحكت قلت ليها ح تخليني اضيع يعني قالت لي لو انا م ف الح ينقذك منو قلت ليها اصلا م ح اقع ف المشاكل! 😂😂😂ضربتني وقالت لي سجم انا بوقعك ف المشاكل يعني قلت ليها انا بسميها مشاكل وانتي بتقولي عليها مغامرات الموهم طول م انتي معاي انا م ح اضيع قالت لي وطول م انا قاعدة م ح اخليك تقعي ف مشكله كنت عايزة احكي ليها عن انو مشعل اتصل لي بس م حبيت افتح مواضيع قديمة سكتا منها دخلت ادوشت ولقيتا ف المطبخ بتعمل عصير قعدت قلت ليها كيف كانت طلعتك قالت لي هووووووش🤫ماما بتسمع بحكي ليك بعدين جا مصطفي بي عجلتو شايل الرغيف دخل بيها جوة العريشة سبأ ماسكة جزرة فنتو بيها 😂😂قالت ليهو طير بالزفت دي برة نحن نتعب نمسح وننضف وانت بس،الله يخليك توسخ م قلت ليك م تدخل بالعجله دي جوة يعني الا اكسرا ليك حتي ترتاح قال ليها السمعك يقول انتي النضفتي هو الناس النضفو م اعترضو بدخل وبدخل وبدخل😝مالك ومالي وبقا يطاردو ف الحوش امي مسكتا قالت ليها سبأ ي بت اعقلي لمتين ح تقعدي تتصرفي تصرفات شفع مصطفي جاني قال لي البت المجنونة دي ي ريت م كانت قاعدة معانا.زاتو 😒قلت ليهو اجي ي مصطفي دي اختك تمش وين يعني قال كان ابوي يشيلا زاتو جات سمعتو قالت ليهو شالك السيل 😂😂😂طبعا هم بتنابزو جنس نبز تحلف تقول م اخوان بس هم اكتر اتنين حنين لبعض سبو دي لو مرضت مصطفي م بنوم الليل كلو بقعد جنبها وبقول ليها ابقي كويسة سريع عشان م ف زول بشاكلني غيرك جات ليان داخله سلمت لينا وقالت لي نبو جهزي الغدا ياخ انا جيعانة شديد قلت ليها جاهز كنا حارسينك بس اكلنا وقعدت اتونس مع امي قالت لي اشتريتي شنو مشيت جبت الحاجات وصفتهم سبو قالت لي متحمسة للعرس للدرجة دي يعني قلت ليها م كدا بس اصلا عندي قروش وقلت اشتري لي كم حاجه طولت م اشتريت واديت مصطفي ايادي البلستيشن قال لي اختي م زي ناس كدا قاعدين للجوطة بس وعاين لي سبأ قالت ليهو لو اي والله مع انك م تستاهل بس نبو بتبزر قروشا عاينت لتلفوني قالت لي جبتي ليك جراب جديد قلت ليها اي قالت لي وجايباهو نفس حقك القديم ليه غايتو ي نبأ عليك جنس هباله انتي وقت عندك واحد زيو مشترية نفس التشكيلة ليه قلت ليها لانو انتي شلتي داك وانا م حبيت اشيلومنك وعاجبني مشيت اشتريت واحد قالت لي انا اصلا عندي جراب بس كنت مطقمة بيهو ونسيت ارجعو ليك طلعتو قالت لي،هاك حاجاتك قلت ليها شيليهو انا جبت غيرو قالت لي بري مالي قال تديني القديم. وقامت لونة قالت ليها اجي ي دا هو كم نبو مسكينة زاتو م بتخلي ليك تقول ليك اديني جراب تلفوني بس،انتي ي سبأ م تبقي كدا كمان سبأ قالت لي عموما انا عايزة اغير تلفوني وامس كلمت ابوي قال هو جاي يوم السبت وجايب لي معاهو تلفون جديد امي مع كلمة ابوي جاي دا غيرت ملامحا وقامت دخلت المطبخ انا لحقتها قلت ليها يمة قالت لي عايزة حاجة قلت ليها ابوي ح يجي قالت لي اي كلمني قلت ليها يعني انتي عارفه قالت لي اتصلت اكلمو انكم مسافرين وقال هو زاتو جاي قلت ليها طيب مشيت لي سبأ قلت ليها بكرة مفروض نسافر قالت لي اووف طلع من بالي كنت ح امش مع لونة قلت ليها ح نتاخر لازم نطلع بدري احضري معانا اللاب قالت لي نسيتي دا لاب مستر غالب نحن الخميس الفات اتبدلنا وحسيتو شك ف الموضوع وامس كمان لاحظ بكرة م ح يخليني احضر معاكم قلت ليها م ح يرفض مرة واحدة بس عشان نطلع بدري قالت لي طيب لبكرة جهزت حاجاتي وقلت ليها تعالي نزاكر شوية عشان م تقولي م كلمتك جات قعدنا نقرا ساعه كدا تلفونا اتصل قالت لي اقفلي الباب امي م تجي داخله

وفتحت الخط بقت ت

تكلم جيت اقفلو ليان جات داخله قفلتو قالت لي بتتكلم مع منو قلت ليها م عارفه والله ليان دخلت الحمام انا شلت الشيت وواصلت قرايتي وسبو بتتكلم ولونة ماسكة تلفونا نص ساعه كدا خلصت قالت لي قريتي خليتيني ليه ليان قالت ليها سبأ دا منو بنهرة كدا سبأ قالت ليها دا مازن الكان لقيتيني معاهو قلت ليها تعالي نخلص سريع انا نعسانة ياخ قاعدة كدا تلفوني اتصل ليان قالت لينا بالصف هو يعني قبل شوية سبأ واسي انتي ضحكت شلت تلفوني فتحت الخط، جاني صوت سسسسسسسسسجججججججججم :اهليييييييين:مس يووو يااااخ:سوووووومااااتش وحاتك:الخبر:والله تمام التمام انت كيف:كلو بااااسطة:هههههه عاد كيفن م يكون باسطة وانت قاعد ف قطر:ههههههه نزلت السودان امس ياخ:النبي مالك م كلمتني:انتي بتسألي من الناس:مشغولة ياخ ولو انا م سألت انت م تسأل:م قاعدة تدخلي الواتس رسلت ليك الصباح ولقيتك اوف لاين:من امس م منشطة دخلت امس رسلت ليك وطلعت طوالي:م حنك اها بكرة نتلاقي انا جاي الجامعه اشوفكم اشتقت ليكم والله:والله بكرة نحن مسافرين ح نحضر المحاضرة ونطلع طوالي:اووف من الحظ: هههههه نتلاقي الاحد خلاص: ايييييك للاحد كتيرة ياخ ح اجيكم بكرة طلة بس اسلم ليكم وبمش انا زاتي مشغول:خلاص اتفقنا: يلا كت يور فيس:ههههه مرض يلا

لونة قالت لي سبأ ووووووبعلييييييا من الكلام م قايلة نبأ بتتكلم كدا 😂سبأ قالت ليها م شايفاها حقارة كيف اسي غلطان البتصل ليها اخر الليل زاتو قلت ليهم اعصابكم دا صحبي احمد كان ف قطر وجا قال عايز يلاقينا بس

لونة:يلاقيكم انتو ومنو؟

سبأ:صحببك ف قطر ووووبعلي من ناس قطر

انا وعلا طبعا ح يكون منو يعني ههههه اي مشا لابوهو زيارة بس هو بقرا معانا لكن مجمد السنة دي ح ينزل معانا السنة الجايه لونة قالت لي اها كويس والله شكلو ظريف سبأ قالت والله جامعتنا مليانة بالظريفين بس انتي اعرفي اتعااملي معاهم م يغشك ضحكت قلت ليها هبلة اقول ليك صحبي هو خلصنا شرحنا ونمنا