الجزء 17

الصباح جات سبأ صحتني قالت لي نبو ي كسوله وارثة انتي نايمة للساعه 9بالغتي صحصحي يلا صحيت مسكت راسي قعدت طلعت تاني جات بعد 5دقايق قالت لي مالك هزيت ليها راسي بمعني م ف شي وطلعت طوالي مشيت برة لقيت امي ومصطفي قاعدين صبحت ليهم امي قالت لي نبو مالك امس م اكلتي انتي * يمة م كنت جيعانة بس * بالغتي اكلتي شنو امس جيت صحيتك بس م صحيتي اها الصداع خلاك * م عارفه بس حاسة نفسي مهبطة * ارح اوديك المستشفي بكرة تقعي لينا م بنقدر لوقعاتك الدكتور حذر انك تتعبي * م اسي لحدي بعدين لو م خلاني ح امش طيب * اقعدي اشربي الشاي طيب * لا يمة اتاخر زمنو بكرة ح يعمل لي صداع خلي *

رجعت الغرفه ماسكة راسي اخخخخ ح يتكسر رقدت فتحت تلفوني لقيت رسايل من غالب

صحي النوم حبيبي

صباح الخير

طمنيني عنك كيف اصبحتي

رديت ليهو

واتصلت لي علا قلت ليها تعاليني ضروري قالت لي طيب افطر واجيك قلت ليها البسي وقولي لامك انك ماشة معاي المستشفي * سجمي مالك تاني تعبتي * لالا م شديد بس انتي تعالي * م تخوفيني عليك ياخ عشان انا عايزة الاقي احمد لانو بكرة راجع قطر قال لو م عيانة م اخلي موضوعي واجيك * علو ياخ انتي البسي وتعالي بنتفاهم بعد تجي * اوك جاياك

قفلت منها وطلعت لي عبايه وطرحة ومشيت لي امي قلت ليها عايزة بطاقتي وقروش ماشه المستشفي * خلاص انا بمش معاك م تطلعي براك * لا يمة انتي خليك علا جاياني بتمش معاي * متاكدة بتقدري تمشي * اي يمة انا كويسه دا تعب بسيط * خلاص كويس

ادتني بطاقتي وقروش اتصلت لي غالب قلت ليهو ممكن اشوفك اسي قال لي نتلاقي وين قلت ليهو ف بحري قال لي طيب طالع

جات علا يداب بدت تسلم لناس البيت انا طوالي قلت ليها ارح مستغربه فيني وم فاهمة شي من الصباح انا بتحاشي سبأ عشان م قادرة اتكلم معاها اصلا 😔💔طلعنا قالت لي وشك دا مالو م بتفسر * م ف شي عيانة بس * شكلك باكيه م تقولي لي عيانة * علا م ف شي ياخ * مخنوقه كدا ليه طيب الزعلك منو * سكتة م رديت ليها * قالت لي سبأ صاح * وانا خلاص دموعي عايزة تنزل م رديت ليها * اها المرة دي عامله ليك شنو كمان *انا بس ساكتة م برد ليها ركبنا المواصلات حمدت الله م قعدت جنبي وعشان تخلص معاي قاعدة لي جنب ولد شغال يعاين لي انا دموعي م عايزة تقيف قال لي زعلانة مالك *م رديت ليهو بقا يتكلم معاي لحدي م وصلنا وانا خشمي م فتحتو معاهو *نزلنا قلت لي،علا امشي لاقي احمد انا بلاقي،غالب وبمشي المستشفي من هناك وبعدين بتصل ليك نرجع سوا *حلفت لو م حكيت ليها م بتمش تخليني * طيب بعدين بعد الاقيهو بحكي ليك انتي امشي اسي * اتصل لي مشيت عليهو اول م شافني قال لي ي بت مالك قلت ليهو م ف شي * م بعرفك انا ملامحك م بتتفسر م تقولي لي م ف شي * نحن ح نتكلم واقفين كدا * اوك اركبي * ركبت واتحرك بالعربيه طوالي وهو ساكت وانا ساكتة بعد شويه قلت ليهو اي موتنا عادي * خفف السرعه قال لي م براك بتعرفي تزعلي وممكن اعرف المزعلك شنو اسي * م عارفه انت ليه مفتكر الموضوع ساهل عارف يعني شنو اخت ولا م عارف * اي صاح انا م عندي اخوان م ح افهمك انتي بس البتحسي باقي الناس لا * اسفه ياخ انا م قصدي كدا بس انت م فاهم الموضوع اصعب مما بتتصور * حبيبي روقي ايزي ح نلقي حل بس بالطريقه دي انتي م ح تخلينا نفكر ف حل * طوالي دموعي نزلت هو م عارف انو سبأ بتحبو وانا لا يمكن اسرق سعادة اختي يمكن هو بحبني بس انا م بقدر استمر معاهو وعارفه انو سبأ بتموت فيهو * وصلنا المستشفي وقف العربية قال لي انزلي * انت جايبني هنا ليه * يعني م شايفه روحك تعبانة كيف انزلي وانتي ساكتة * نزلت دخل الريسيبشن سلم علي البنات القاعدين قال لي واحدة اعملي استمارة لدكتور مجذوب داخل ليهو طلعت ليهو بطاقتي قال لي كويس انك عارفه روحك عيانة مداها ليها ملت الاستمارة وشالا قال لي تعالي معاي انا ماشة وراسي لافي بي خلاص. ركبنا الاصانصير وصلنا دخل معاي لي دكتور كدا مع انو كان ف ناس ف الانتظار بس،البت البتنده اول م شافتو سلمت عليهو وشالت الاستمارة ودخلتا قالت ليهو ادخل سلم للدكتور سألو قال ليهو عسي زيارة خير ي د/غالب * خير بس شوف لي مالا مهبطة كدا * دي اختك * ههههههه لالا * كل الونسة دي وانا واقفه وم فضل لي الا اقع شدة م راسي لافي بي قال لي اتفضلي وهو واقف الدكتور قال لي ف شنو حاسه بي شنو قلت ليهو م ف شي غالب دا قرب يكفتني قال لي نبأ ياخ انا م جبتك عشان تقولي م ف شي اتكلمي حاسه بشنو * براحة ي دكتور غالب خليها م توترا نبأ حاسه بشنو انتي * مصدعه شديد بس * صداع نصفي ولا كامل * كامل * من متين معاك * من امس * طيب عندك اي مشكله ف الدم حاسه باعراض تانيه * اووووف دا دكتور شنو دا م يجيب اخلاقي زاتو اي حاسة عندي مشكله ف الحياة دي بحد زاتا قلت كدا جواي ورديت ليهو اي انخفاض حاد ف الدم * اعملي الفحص دا وتعالي * غالب شال الورقه وقال لي ماشاءالله حالتك عايزة تبقي دكتورة * سكتة م رديت ليهو مشينا المعمل البت بتجهز ف الحقنة قال ليها بر

احه ي سهي ضحكت قالت ليهو يدي باردة م تخاف * دا علي اساس،انا بخاف من حقن الحقن والدربات دي جزؤ من روتيني السنوي عاديه ف حاجات تانيه بتوجع اكتر من طعنت الابرة انا بفكر كدا جواي ولا جايبه ليها خبر زاتو قال لي يلا ارح ننتظر النتيجة تطلع مشيت معاهو ركبنا فوق قال لي ارح مكتبي جينا ف الباب لقا البت القاعدة ف الريسيبشن سلم عليها وقال ليها عليك الله نادي لي سمانتا او اي واحدة من السيرفر قالت ليهو اوك ي دوكتر دخلنا مكتبو قال لي اقعدي رقي الكرفته بتاعتو وكف قميصو رفع سماعه التلفون اتكلم مع زول بي لغه غريبه طبعا انا بعاين ليهو اها لسه اصدمني دي اي لغه دي كمان البتكلم بيها دي جا جر الكرسي الجنبي وقعد قال لي ف شنو ي نبأ ممكن تروقي وتحكي لي بعد كدا سكتة ساي احكي ليهو اقول ليهو شنو يعني انا واختي م لقينا ود ف الدنيا الواسعه دي خيرك والاتنين بنحبك 😔شويه كدا الباب حقو دق قال ادخل جات فلبينيه كدا رطنت معاهو كم كلمة وناولتو صينية وطلعت جا ختاها جنبي شال المويه فتحا لي قال لي اشربي انا والله شدة م عطشانة من امس الساعه 4م شربت بقه موية دي يعني 8ساعات انا م دخلت مويه ف خشمي ودا ف حد زاتو مضاعفات بالنسبه لي زول عايش بي كليه واحدة قلت ليهو م عايزة اي شي انا قال لي لو م شربتي واكلتي الاكل دا وفهمتيني مالك من هنا م ف ليك طلعه قفل الباب وشال تلفونو قال ي سارة م تدخلي لي اي بيشن انا مشغول وعندي موضوع مهم بعد اخلص اجمع لي كل الفوايل العند د/طارق وجيبيهم لي ح اداوم بالليل كلمي طارق يستلم بدلي وقفل الخط انا بقيت اعاين ليهو هو جادي يعني جا قال لي اها انا فاضي وم عندي موضوع اكلي واشربي العصير دا وروقي واحكي لي انتي مالك امري للله دا لو قال عايز يعمل حاجه بعملا كسر رقبه ساكتة قال لي انا زاتي م فطرت وامس م اتغديت لو م اكلتي م ح اكل رفعت سندوتش مديتو ليهو وشلت اكلت ربع قلت ليهو شبعت انا شربت المويه تلفونو اتصل قال ليها طيب جاي قال لي ارح نتيجة الفحص طلعت نشوف الحاصل ونجي نتفاهم دخلنا الدكتور قال لي،انتي عارفه عندك مضاعفات ف الدم والسكر كيف تقعدي اكتر من 5ساعات بدون تغذية الهموقلبين والدم والكلي كلها م متزنة قال لي كم ساعه م شربتي مويه قلت ليهو 8بس قال لي كمان بس طبعا لما وقف فوق وبتكلم بي نهرة كدا انا قلت دا مالو ان شاءالله اموت هو مالو ومالي اسي لو كل الدكاترة بتعاملو مع المرضي كدا م كان ف زول بمرض زاتو ولا عشان شايف غالب معاي عايز يعمل روحو مهتم هو يرغي ساي وانا ولا شغاله بيهو قال لي كتبت ليك محاليل واصلي فيها واخدي درب سكر قلت ليهو انا كويسة م بحتاج عاين لي مسافه قال لي ي سلام غالب شال الورقه وقال لي ليه دا كلو امس م كنتي كويسه م رديت ليهو مشينا الصيدليه تحت اشتري الادويه وقال لي ارح يركبو ليك الدرب قلت ليهو م عايزة انا كويسه جراني من يدي دخلنا الاصانصير قال لي نبأ ممكن افهم انتي مالك قلت ليههو فكني بالاول وانا كويسه م فيني شي الدرب ح اركبو لما اصل البيت قال لي والمستشفي دي عملوها لشنو قلت ليهو ح اتاخر انا جيت اتكلم معاك بس قال لي كويس وصلنا دخلنا مكتبو وقف قال لي قلتي عايز تتكلمي معاي صاح انا واقف قدامك قولي ف شنو بلعت ريقي وقلت ليهو م ترفض سبأ * قال لي جنيتي انتي صاح او الحمة دي راكبه ليك ف راسك * غالب انا واعيه للبقولو ليك دا * م ارفضا؟ ؟؟؟ دا علي اساس انا وافقت اشوفا اصلا م كنت عارف انها دي هي وحتي لو كانت بت تانيه انا كلمت امي مسبقا وقلت ليها ف بت وانا ح اخطبا وهي قالت لي م ح تجبرني الموضوع ايزي ح اقول لي امي انتي * قاطعتو غالب ي ريت تسمع كلامي دا للاخر انا وانت لا يمكن نكون سوا سبأ بتحبك من لما دخلنا الجامعه دي واظنك عارف م تعمل لي فيها م ملاحظ انت بتلاحظ لا ادق التفاصيل معقوله م شايف حبها ليك وبعدين هي اختي انا كيف ارتبط،بالشخص الهي بتحبو وكل يوم بتحكي لي عنو دي خيانة م بعملا * اي ملاحظ بس حركات زي دي انا ف الجامعة دي بتلاقيني الف مرة ف اليوم يعني بت معجبه بي انا امش ارتبط،بيها اوك ف سنة اولي ف كميه زي دا وانتو وناس تالته ورابعه وكل الجامعه انا ارتبط،بي كل البنات دي مثلا ولا انت بس خيانة تحبيني لانها هي بتحبني طيب م خيانة لما هي ترتبط بي وانتي بتحبيني ولا م خيانة انا ارتبط،بيها وانا بحبك جاوبيني ساكتة مالك * غالب انت م فاهم انا م بقدر م بقدر اعمل شي زي دا كل البنات عارفين هي معجبه بيك وانا اكتر. واحدة عارفة هي بتحبك قدر شنو * بسيطة انا ح اكلم كل العالم اني بحبك وكدا هي ح تعرف لو عايزة اكلم الجامعه كلها وناس المستشفي وكل اهلي واهلك وكل العالم لو عايزة بس م تقولي لي اوافق عليها دا شي انا م بقدر اعملو * دموعي خلاص انتهت من كترة البكي قلت ليهو غالب م تختني ف موقف زي دا انت م عارف هي كانت مبسوطة قدر شنو لما عرفت انو دا انت اتخيل هي م كانت موافقه انا اقنعتها وقالت لي ف زول ف بالي بس،عشانك انا ح اشوف ولد استاذة خالدة دا كانت عايزة تنساك باي طريقه حتي ال

انزل مسكني من يدي عاينت ليهو فضل ماسكني مسافه هو ساكت وانا ساكتة فكاني نزلت طوالي مع السلامة م قلت ليهو لقيت علا اجرنا ركشة قالت لي بقيتي كيف قلت ليها كويسة قالت لي غالب وصلك قلت ليها اي قالت لي حظك هو جنبك وح تشوفيهو علي طول احمد مسافر بكرة قلت ليها موش ح يجي ينزل معانا تالته قالت لي اي احتمال كانت زعلانه لدرجة م لاحظت لي زعلي اصلا

(من المؤسف ي صديقتي ان نصاب بألم ف نفس اللحظة ف لا انتي قادرة علي مواساتي ولا انا فاعله ذلك 😔💔)قلت ليها سسسسجم كلها شهرين وح ننزل الجامعه وتشوفي كل يوم بطلي حركات العشاق دي ضحكت قالت لي كتيرة ياخ شهرين م اشوفو وصلنا نزلت معاي مشينا من دخلنا امي قالت لي نبأ تلفونك دا وين بتبالغي اتصلت عليك ميه مكالمة وانتي ي علا برضو اتزكرت تلفوني صامت علا قالت ليها تلفوني صامت دخلنا قالت لي ادوك ادويه قلت ليها اي قالت لي طيب تعالي اكلي عشان تستخدميهم قلت ليها م بحتاج شبعانه واصلا درب ومحاليل مرة قبل الفطور ومرة قبل العشا بس قالت لي تاني درب انتي م بتهتمي بنفسك دي امشي سبأ تركبو ليك سبأ سبأ سبأ الاسم دا ف حد زاتو بألمني 😔💔

دخلت طلعت عبايتي ورقدت جات قالت لي،سلامتك حب مالك م كلمتيني كان مشيت معاك ابتسمت قلت ليها علا مشت معاي علا قالت ليها انا اتاخرت ماشة بكرة بجيك ي نبو وقالت لي سبأ ركبي ليها الدرب دا جات قعدت جنبي شالت كيس،الادويه شافتهم وشالت الدرب قالت لي حق سكر ولا ملح قلت ليها سكر قالت لي طيب اكلتي حاجه ولا لا * فطرت ركبيهو خليني انوم * يدي حارة كان تخلي علا تركبو ليك دقيقه اناديها * م ف داعي م ح احس بالالم ركبيهو * بقت تونس فيني وانا بس برد ليها كلمة وغطايتا بعد ركبتو لي طلعت رقدت م صحيت الا الساعه 5 صحيت صليت امي جات جابت لي اكل وعصير وشايله التلفون قالت لي هاك سلمي عليها دي لونة اتكلمت معاها شويه واكلت وشربت شويه المغرب اذن صليت علا اتصلت اطمنت علي وقفلت تلفوني ختيتو ف الشحن مصطفي جا قعد معاي شوية صليت العشا ورقدت قلت ليهم عايزة انوم م ف زول يصحيني

(ماذا ان كان النوم هو الوسيله الوحيدة للهروب من الواقع 💔)

يتبع

قدر ختاك ف طريقا انا منو عشان اجي اسرق سعادتا دي م بقدر اعمل كدا والله اهون لي الموت من اعمل كدا فيها انا عارفه كويس،ردت فعلها ح تكون شنو لو عرفت دي لو زعلت ساي احتماال يغمي عليها كيف اصدما كدا مالك م عايز تفهمني * حبيبي. انا معاك الموضوع م ساهل بس راعي لينا نحن ذنبنا شنو اذا هي قدرا كدا نحن من حقنا نسعد كمان طيب لو هي كانت مكانك ح تضحي بحبها عشانك قرب مني مسكني من كتوفي قال لي الله يخليك م تعملي كدا بكفي تفكري في الموضوع كتير ربنا ح يسهلا علينا سوا ح نتجاوز الموضوع فترة وح تعدي انتي بس كوني معاي اي ح تتألم وتزعل وتنكسر وتنجرح بس ح تنسي علي الاقل هي واحدة بس نحن لو عملنا كدا لا انا لا انتي ح نكون مبسوطين وصعب ننسا لانو نحن بنحب بعض وعندنا زكريات مع بعض ح تكون صعبه علينا اكتر منها * م بقدر م بقدر ي غالب وربي م بعملا سبو ح تموت لو عرفت انا ح اخسرا لو م حصل ليها شي ف روحا هي م ح تسامحني زعلا كعب شديد انا م مستعدة اخسر اختي. سعادتا عندي اهم من اي شي تاني لو م هي كانت بتحبك قبلي انا م كان ح يكون عندي اعتراض بس،من اول يوم شافتك هي م في زول شاغل بالا غيرك كتير مرات بالهظار بتقول لي انا بموت لو غالب دا عرس كيف لو عرفت انو طول الوقت دا انا ابقي سبب حزنها ارفضا بس انا م ح استمر معاك * يعني اخترتي اختك وضحيتي بي انا * سميهو اي شي بس انا م بقدر اكسر قلبها كدا 😔💔* دا اخر كلامك * اي انا فكرت الف مرة قبل اتوصل للقرار دا 😔 * قعد مسك راسو انا واقفه ودموعي دي بللت كل وشي. اسفه بس دا غلطي انا م كان اواصل معاك انا عارفه انو اختي بتحبك ومع ذلك حبيتك م كان وصلنا للنحن فيهو دا * طيب انتي ح تكوني مبسوطة كدا * سكتة مسافه قال لي ردي ح تكوني مبسوطة اذا اختك قلت ليهو اي واتجهت بالاتجاه المعاكس منو وبقيت اقش ف دموعي جا قرب مني رفع وشي بي. يدو قال لي عايني لي واتكلمي معاي انتي ح تكوني مبسوطة اذا اختك مبسوطة صاح طيب كمان ح تفرحي اذا اختك اتزوجت من الزول الطول عمرها بتحلم بيهو والزول دا منو حبيبك جاوبيني انا بس ببكي وساكتة طيب ي نبأ انا جاهز ادا الحاجات دي ح تبسطك انا مستعد اعمل اي شي يخليك تكوني مبسوطة سكت عاين لي وقرب مني قال لي كلمي اختك انو العرس ح يكون ف العيد انا ح اكلم امي تهتم بباقي التجهيزات * انا غمضت عيوني واتمنيت لو اني موتة وم جا اليوم دا قشيت دموعي قلت ليهو بس،طلب واحد ي ريت سبأ م تعرف شي * لالا معقولة انتي تأمري يااااااا اخت مرتي *غريبة كان مبتسم وبتكلم عادي ولا كأنو حاصل شي * انا من جوة قلبي بتقطع مع كل كلمة بقولا * ابتسمت قلت ليهو شكرا وجيت طالعه قال لي نسيت م عندي رقم سبأ ممكن تسجليهو لي ولز لي تلفونو ف التربيزة ومشي علي الشباك رفعت التلفون لقيتو قافل قلت ليهو النمط قال لي Nعاينت ليهو جا شالو قال لي خلي بشيلو من خلود بعدين طلعت طوالي انا رغم التعب الفيني نازله بالسلم م حاسة باي شي غير دموعي م واعيه اصلا للعالم الجنبي نزلت تحت لقيتو طالع من المصعد شايل كيس الدواء قال لي ادويتك م لازم تنسيها الشاغل بالك شنو م رديت شلت الكيس،واتحركت قال لي انتي م معقوله بتنسي،كتير شديد البطاقه مشي شالا وجا قال لي،انتي عارفه احسن شي اوصلك احتمال تنسي تركبي مواصلات غلط،نهائي م فتحت خشمي معاهو طلعنا برة فتح لي الباب حق العربيه قال لي اركبي ركبت وهو سايق باقل من مهلو عاينت ليهو مسافه واتلفت منو وجواي بقول (اسسسسفه م كان لازم اجرحك كدا بعرف م مفروض الزول يستهون بي حبو ولو م كان قدر الحب م ف داعي يحب انا القلت ليك الكلام دا مرة والليله جيت وعملت عكسو بس مجبورة غصب عني م بقدر اتخيل حياتي سعيدة واختي حزينة كلو بستحملو بس كونو اختي تخسرني دي حاجه اكبر من اني اتخيلا اصلا ي ريت تقدر تسامحني 😔💔)

غالب كان بعاين ليها وقال( انا اسسسف م بعرف الخلاك تتصرفي كدا يمكن فعلا انا م عارف الاحساس دا لانو م عندي اخوان بس بعرف شي واحد اني بحبك وم مستعد اخسرك مهما كان السبب عملت كدا عشان احسسك موش انتي قلتي لي مرة م بنحس بقيمة الحاجه الا نفقدا لسه بتزكر لما اتكلمنا اول مرة ف الفيس وقلت ليك انا خايف اعترف ليها وم عارف السبب قلتي لي م تخاف الحب م للجبناء احسن ليك تواجها بمشاعرك وحارب خوفك واتغلب عليهو ي اما تخسرا ووقت داك ح تحس بقيمتا امش اعترف ليها والبحصل يحصل طوالي انا سمعت كلامك وجيت اعترفت ليك ولسه م اتهنينا بي بعض ظهرت كل المشاكل دي بس برضو م ح استسلم شكلك بتنسي الكلام البتقولي بس انا متزكرو وم ح اخليك تضيعي مني انا قلت ليك كلمي اختك لاني عارف م ساهل عليك وم ح تقدري تعملي،كدا ساهل الكلام بس الفعل صعب بتمني تستوعبي سريع وم تنجرفي ورا مشاعرك مستنيك انا تغيري رايك 😔💔)

طول الطريق كنا ساكتين فجاه تلفوني اتصل دي علا رديت ليها قلت ليها وين انتي *قربت * انتظريني ف اللفه نركب ركشه ونرجع سوا * بعيدة ولا قريبه * مسافه 10 دقايق وبكون عندك وسكتا طوالي وصلنا اللفه شايفة علا واقفه جيت