الجزء 2

فى الاول ما كان عندى علاقة بيها بس كان دايما بحصل خطا من الناس البزوروهم بدل يطلعو الرابع بجيونا فى التالت لانهم بحسبو الدكاكين طابق

جدى كان بضايقو الموضوع دا بس انا الشفتهم ناس نضاف ومروقين

لحدى ما بعد 3 شهور العريس كان اتاخر فى الايجار وجدى ما سالو قال عريس جديد وطالع من مصاريف .

جدى كان بستلم الايجارات فى حساب ف البنك وكل شهر بيجى اشعار وكان بعرف انو جارنا ما دفع

ويوم جمعة بعد جا جدى محمد وطلع بعد العصر اتصل جارنا وقال عايز يجى زيارة

انا كنت نايمة جدى جا صحانى وقال لى جهزى شاى وكدا قلت لى طيب جيب كيك او بسكويت نزل جاب بسكويت مالح😂

نسيت اقول ليكم انو انا وجدى ما بنحب السكر او بالاصح اتعودتا على المالح

وزى زى اى طفل كنت بحب الحلاوة والشكولاتا بس جدى كان مانعنى منهم مرة كل شهر لحدى ما بقيت اكرهو.

المهم جونا العريس والعروس وحلاتهم يفتحو النفس العروس ظريفة وتخش القلب والعريس برضو

بعد جبتا الشاى جدى ساق العريس اسمو امجد ودخل مكتبو وانا قعدتا مع العروس اسمها نهى

عرفتا انو اهلا ساكنين فى الشارع الورانا عشان كدا طوالى بيجوها

وقعدت تعاين فى الشقة قالت لى انتى قاعدة مع جدك ولا بتمشى وتجى قلت ليها انا عايشة معا لى

قالت لى ولاشى ..احم .عايزة موية مشيت جبتها جات وراى المطبخ قالت لى مطبخك حلو بس مالو فاضى

قلت ليها كيف قالت لى لا ولاشى

وطلعنا بعد جدى وامجد طلعو قالت لينا لازم تردو لينا الزيارة

جدى قال ليهم ان شاء الله

وشالت رقم جدى وطلعو وكان يوم ظريف بس السبت ما ادراك ما السبت

شغل السفارة وشغل المعهد وكمان محاضرات فى الجامعة

بعد العشاء نومتا كالعادة وكنت بفكر فى العروس

واول مرة اركز فى تفاصيل بت لبسها ونضافتا وكلاما

وقلت ربنا يسعدا ونمتا

وانا طالعة جدو قال لى مى بكرة عندك شنو حتاخرى

قلت لى لا 5 بكون فى البيت لى ؟

قال لى نهى وامجد اصرو انو نمشى ليهم بكرة عشاء

قلت لى وانت رايك شنو

قال لى ماعندى مشكلة وكمان البت ظريفة وامجد راجل طيب

قلت لى خلاص نمشى

وعاينت للساعة وجريت

كان طلبتى فى الجامعة اخر محاضرة ليهم

واجتماع فى السفارة ومحاضرات فى المعاهد يوم مابقدر افكر حتى فى نفسى .

نتلاقى