الجزء 12

قبل نطلع اتصلت بى نهى وقالت لى تعبانة ما حتقدر تطلع ومشيت ليها لقيتا فعلا تعبانة وامجد وداها الدكتور وعملو فحوصات المهم قعدتا معا شوية ونزلت

جاتنى رسالة من السفارة بتفاصيل تقديم الدكتورا الانا كنت رفضتها

وقلت لى لا بس جدى حاعمل فى شنو اسيبو لا مستحيل هو ما برضى انو يمشى معاى

بقيت افكر وفى الاخر خليت الموضوع على الله هو الايختار لى

بليل جاتنى رسالة من فارس وانا كنت متعمدة ما امسك تلفونى عشان كل مرة بسمع فيها صوت رسالة بتخيلو منو

فتحتا لقيتا صورتو هو فى المطار معاو كمية من الدكاترة

لكن هو سماحة الزول فى الطول والعلا🙈

وصورة تانى رافع لى يدو ✋🏻

واخر وحدة بغيظ فينى 😛

ضحكت وكتبت لى حمدالله على السلامة

رسل لى طوالى الله يسلمك اشتقتى لى؟

قلت لى نهائى😂

قال كضااابة .. انا دكتور وبحس بمريضى

قلت لى اولا مافى دكتور حساس تانى حاجة انا ما مريضة

قال لى مريضة وعلاجك صعب😂

قلت لى دبى كيف قال جوها بارد شوية ياريتك معنا

قلت لى اعمل شنو فى موتمر الاطباء

قال لى تجى بدل فيران التجارب 😂

قلت لى فارس امشى منى خلينى انوم ما تغظنى

قال لى كويس انا زاتى حانوم بكرة حاصحى بدرى

قلت لى الموتمر بدرى

قال لا ابدا بس دى فرصة اشوف دبى ومزز دبى وهم بفطرو 🙈

قلت لى ينفعوك 😂

تصبح على خير

قال لى وانتى من اهلو

اول صورة ل راجل غير جدى فى تلفونى

غير تطلبتى كل نهاية كورس بنتصور معاهم غير كدا ماعندى صور ل راجل

من غير ما احس فتحت الشات حق امى لقيتا متصلة

قلت ليها مساء الخير وصلتى كيف

قالت لى مى حبيبتى مساء النور

وصلت من ساعتين الحمدلله

قلت ليها حمدالله على السلامة اسيبك ترتاحى

قالت لى سؤالك دا راحتى

سكتا ما رديت قالت لى كان نفسى تكونى معاى

قلت ليها مرة تانية سلمى على ابوى لو لقيتى

قالت لى الله يسلمك يوصل

تصبحى على خير

قلت ليها وانتى من اهلو

بعد طلعت من النت مشيت لى جدى لقيتو بكركب فى المطبخ قال لى جيتى متين

قلت لى ما مشيت نهى تعبانة مشيت شفتها وجيت

قال لى البت دى شكلها حامل 😊 ما مشت فحصت

قلت لى فحصت بس النتجة بكرة

قال لى ربنا يتمو ليها على خير

قلت ليها خلاص قررتا انها حامل😂

قال لى حتشوفى تمى باقى القهوة وجيبها لى وصلى العشاء ونومى

قلت لى تامر يا جدى

عملتها لى ومشيت صليت ونمتا بعد تعب وانا بقرا محادثتى مع فارس للمرة الف بعد المليون😂

ومر الخميس عادى مشيت لى نهى اخر اليوم فعلا طلعت حامل والبيت كلو يزغردت بس اختها كانت زعلانة مافى زول حيمشى جيب شيلتا معا واخيرا وقع الاختيار على انى امشى معا

نهى قالت لى استعدى للنقة وجع الرجلين 😂

قلت ليها ولا يهمك مستعدة

بس انا عايزة اجيب لبها هدية ايلاف دا اسم العروس طارت من الفرحة وقالت لى فارس حيجيب الريحة كلها انتى عليك المكياج

امها نهرتا قالت ليها يابت عيب

عيب شنو يا امى انتى عارفة انا ورامى يادوب فى بداية حياتنا محتاجين دعم خارجى .. ويا مى نردها ليك فى عرسك😊😍 وباستنى بجاى وبجاى

قلت ليها تسلمى اختارى المكياج وانا اجيبو ليك اما من باريس او امريكا

قالت لى وااااى لا لا ما بقدر 😳🙈 وبقت تنطط

انا ونهى وامها ميتين من الضحك

وقالت لى ياخ انتى الحب كلو

نهى قالت ليها ولا بختاج دا مى عندها مكياج كتير امشى دولابا فيو المحن

ايلاف قالت لى والله بتبالغى عندك حاجات زى دى وباهتة كدا

امها نهرتا قلت ليها خليها يا خالتو

ايلاف قالت لى بما انو انا ميكب ارتسيت

نهى ردت فاشلة 😂

المهم سيبك من كلام العوازل فا انا شخصيا حاعلمك المكياج

امها قالت لى قصدها تتعلم فيك المكياج😂

قلت ليهم ما تحبطوها انا راضية

واتفقنا على يوم الجمعة تجى وتشوف المكياج العندى ولو ما عجبا اجيب ليها من برا

وحسيت لاول مرة انى لى لازمة فى الدنيا انى زول يزورنى ويهتم بى وابقى مهمة انى امشى معا عروس تختار شيلتا

كلها احاسيس جديدة على واتغدينا سوا ومن غير ما احس نهى صورتنا سلفى ورسلتا لى فارس

وبليل جيت قبل انوم فتحت الواتس وجاتنى صورة فاجتنى

نتلاقى ..