الجزء 6

بنحضر فى الزفة كانت حلوة جا الشباين كل ولد معا بت واخرهم فارس ومعا اخت امجد

بس شكلو زعلان او مضايق طوالى نهى فكة الضحكة قالت لى طبعا فارس مغيوظ مفروض يخش مع اختى بس فى اخر لحظة دخل مع اخت امجد😂

عاين ليها وقال انا غايظنى المفاجاءة ماعندى مشكلة اخش مع منو بس ما تفاجونى كدا😂

انا ضحكتا وانا من النوع لمن يضحك بضيق عيونو

بعدها جو العرسان واكلو التورتا والاسلو

فجاءة فارس يمد لى شكولاتا قلت لى ما بحب الحلو

قال لى وحدة ما حتعمل حاجة

شلتا منو فعلا كانت ظريفة

حتقولو لى لى ابوك بجيب ليك شكولاتا وانتى ما بتحبيها

حاقول ليكم اساسا ابوى ما بعرف بحب شنو بكره شنو

ولمن يجيبا اما بتقدم للضيوف او بشيلا معاى الشغل اوزعا

المهم نرجع ل نهى عاينت للساعة لقيتا ماشة على 8

قلت ليها بعد دا امشى قالت لى خليك

قلت ليها يا بخت من زار وخفف 😂

فارس قال لي الكلام دا للضيوف

انتظرى امجد قرب يجى وانزل معاك ما صاح تنزلى بليل

قلت لى كلها 10 سلمات قال لى برضو

عاين للساعة وقال لى نهى اخدتى المضاد قالت لى لا😭 ياخ تعبتا من الحبوب

قال ليها اصبرى اخديهم لحدى بكرة عشان نفحص تانى

يلا انا قصص الطب دى بتزهجنى

قالت لى شفتى يا مى الدكاترة ديل اصلهم ثقلا كدا

فارس قال ليها معليش عارفين نفسنا 😂

يعنى انت دكتور قلتها من غير ما احس

الاتنين عاينو لى باستغراب شلت صينية الشوربا وطلعت المطبخ

جا وراى قال لى نهى اخدت المضاد الحيوى

قلت لى كويس

غسلتا العدة قال لى مشكلتك شنو مع الدكاترة قلت لى ولا حاجة

اممم شكلو مرتى بتجربة مع دكتور

قلت لى يعنى

قال لى بس ما تقيسى بشخص واحد الناس كلها

قلت لى فهم برضو .. عن اذنك اشوف نهى

مارة بجنبو مسك يدى وقال لى المرة الفاتت دموعك قدرتى تغشينا وتقولى شطة المرة دى السبب شنو

قلت مافى سبب بس ما بحب سيرة الدكاترة عقدة نفسية 😊

قال لى بس كل عقدتا ليها سبب .. عموما امجد شكلو جا وانا نازل لو عايزة تمشى

طوالى طلعت ودعت نهى وكانت بين صاحية ونايمة

قلت لى انا بكرة الجمعة ما تعملو فطور انا بجيب ليكم

قال لى ما تتعبى روحك

قلت لى عادى جدى بيجى اخوه كل جمعة للفطور يعنى ما فى تعب

ودعتهم ونزلت وفارس وراى وصلت الشقة قالت لى شكرا قال لى خشى الاول قلت لى جدى جوا

ضربت الجرس جدى فتح لى قلت لى معليش نسيت المفتاح😂

ونسيتى التلفون برضو 😂

سلم على فارس وقال لى اتفضل

فارس قلى معليش يا جدى الوقت متاخر

جدى قال لى ما تتاخر بكرة

استغرب وانا بقيت بعاين لى جدى وفارس ودخلتا فارس قلى فى شنو بكره

جدى قال لى اسال ابوك ودخل وقفل الباب😂

جدو اوقات بحب الهزار

قلت لى يا جدو فى زول بقفل الباب فى وش الزول كدا قال لى ما بتعلمينى انتى اتعامل مع الناس كيف😐

يلا امشى نومى وجبا ليك فسيخ اعملى لينا لكره فطور عازم ضيوف

ودخل غرفتو وقفل الباب😂

ما قلت ليكم غريب الاطوار

نتلاقى