الجزء 7

انا صحيت بدرى وبقيت انضف فى البيت جدى محمد بجى بدرى وفى الغالب معا واحد من احفادو

نضفت واتزكرت عندى مليات ملونات بالبنفسجى والابيض فرشتهم وبخرت البيت

ودخلت المطبخ قفلتو على عشان ريحة الفسيخ 😂

طبختو والساعة 9 كان جدى احمد جا داخل لى وقال لى بابتى مية مرة قلت ليك ما تطبخى والباب مقفول لا قدر الله لو حصل حريقة ولا وقعتى 😡

قلت لى ان شاء الله ما بحصل حاجة بس عشان الريحة انا تعبانة منضفة الشقة

انقذنى الجرس قال لى ما انتهى الكلام بس افتح الباب 😒

سكتا وبقيت اغسل عاينت للوقت لقيتو 10 ونص جريت جبت عبايتى وسلمت على جدى محمد كان معا ود بتو اسمو على نوعا معا قصيرونى لكن من الناس العاجبهم روحوهم ما بشوفنى الا بالعباية الاثرية دى 😂

المهم قعدتا معاهم وجدى محمد قال لى عرس حفيدتو الشهر الجاى ولازم اجى وكدا

قلت ان شاء الله ومبروك ليها

جدى محمد عاين لى جدى احمد وعلى وقال لى عقبالك قلت لى تسلم

ما فهمت النظرة دى معنا شنو لكن شكلو فى سر

جرس الباب ضرب مشيت فتحتو لقيتو امجد ونهى😍 سلمت عليهم واطمنيت عليها كانت احسن

امجد قال لى قلت احسن من تتعذبى انتى وتطلعى ليها قبل يخشو جا ابوها عم فيصل وفارس سلمو علينا ودخلو

نهى جات معاى المطبخ وختينا الاكل للرجال براهم وانا وهى فطرنا فى المطبخ

بعد الفطور عملت عصير وقالو الشاى والقهوة بعد يجو من صلاة

حنست نهى دخلت غرفتى ترتاح وقبل ما تمشى قلت ليها غرفتى ما حقت بنات ما تتخلعى😂

ضحكت دخلت

وانا بقيت انضف فى مكان الفطور واجهز الشاى وعملت زلابية بريدك جدى محمد حتقولو لى زلابية بنهار اى مع الضهر 😂 طقوس عجيبة

عملت عصير برضو الجو سخن

ودخلت استحميت و شلت غيار براحة كانت نهى نايمة يحليلا

وشلت المصلاية براحة صليت فى الصلاة

وانا بقرا الكهف الرجال جو جدى محمد قال لى حرما قلت لى جمعا يارب

على حفيدو قال لى الاخت شيخة 😂

نظام بتظارف قلت لى اى وما تخلينى ادعى عليك اسخطتك قرد

فارس قال لى ما بحتاج 😂

كلهم ضحكو على وعلى كرهنى كره

امجد سال من نهى قلت لى نايمة فى غرفتى قال لى خليها ترتاح

دخلت اكب العصير فارس جا داخل المطبخ وخبت الباب قلت لى اتفضل قال لى تلفونك برن جدك قال لى اجيبو ليك

قلت لى منو قال لى ماما قلت اها صمتو بعدين برد ليها

قال لى امك ما تتجاهليها 🙁 انا لو فى اجتماع برد فى حالتين بس ما برد فى صلاة ولا فى غرفة العمليات

قلت لى ربنا يخليها ليك خالتو تستاهل

ورديت بقلبى ياربت كل الامهات ما يهملو اولادهم

امى تانى اتصلت فتح الخط وختى التلفون فى اضانى وبيدو التانية مسك منى الجك

امى بعد سلمت على قالت لى انا الاسبوع الجاى ماشة موتمر الاطباء فى دبى محتاجة حاجة قلت ليها سلامتك قالت لى السودان بقى غالى عشان كدا زودتا ليك مصروفك قلت ليها مافى داعى مرتبى مكفينى

فارس شال الصينينة وطلع قالت لى انتى مشغولا

قلت ليها معنا جيرنا وجدى محمد قالت لى سلمى عليهم وعلى عمى محمد

قلت ليها الله يسلمك

قالت لى جيرنا منو ديل

قلت ليها ما بتعرفيهم سكنو ليهم 4 شهور فى الطابق الفوق قالت لى تمام يلا انا طالعة من الشغل لو احتجتى شى اتصلى بى

بعد قفلتا جات نهى قالت لى الرجال جو قلت ليها قبيل وشالو العصير قالت لى تعالى دايراك

😊

دخلت معا غرفتى وطلعت دى غرفتى😂

مرتبة ترتيب لمن ما عرفتها والكتب الكانت جايطة فى كل ركن مرتبة بطربقة حلوة

والعجب مرياتى

قلت ليها نهى ما نمتى قالت لى مستحيل انوم فى مكان جايط

بعدين تعالى دى كلها كريمات ومكياج وعطور دا جحود يا بت قلت ليها دى امى وابوى كل شهر برسلو لى وانا ما بكون خلصتا الفات

قالت لى ياخ انا لى سنه بفتش فى الشامو دا قلت ليها من غير ما اعرفو شيلى

قالت لى دا ورفعت لى واحد قلت ليها لا دا ما بديك لى😂

قالت لى عاينى المعفنة حسى ما قلت لى شيلى من غير ما اعرفا

قلت ليها مافى شى يغلى عليك

قالت لى واضح🙁 عموما شكرا ماعايزاو

اصبرى يا نهى

عندى ضلفة فى الدولاب فيها كمبة اكياس 😂 هدايا من ابوى وامى

طلعت ليها مجموعة من نفس النوع فيها شابو وكريم جسم وصابون سايل وليفة

نهى دى قرب يغمى عليها فرحت فرح قالت لى دى مجموعة كاملة قلت ليها شفتى

قالت لى امك وابوك ما مقصرين قلت ليها دا تعويض عن بعدهم ما اكتر

ما علينا المهم فرحتا دى كانت عندى بالدنيا قالت لى مكياجك دا اعملى ولا اقول ليك بكرة لمن تجى من الشغل تعال لى😊

قلت ليها لى قالت لى كدا ومن غير كلام

قلت بتصل بيك قبل اجيك

وقعدنا نتونس امها اتصلت وسلمت عليها وقالت ليها جاين يوم الاتنين يعنى بعد يومين سوقى بت شغالة ونضفى بيتنا فارس وابوك بكونو خربو 🙁

قالت ليها كويس انتى تامرى يا جميل بس ما تنسى حاجتى امها قالت ليها يابت انتى جنك طلبات ابيت😂 ويلا ماعندى رصيد

قالت ليها مى هنا قالت ليها ادينى اسلم عليها قالت ليها حسى ما قلتى ماعندك رصيد

امها قالت ليها يابت بتحاسبينى كمان😂

وادتنى سلمت عليها وقالت لى ما نفسك فى شى اجيبو

ليك قلت ليها تسلمى قالت لى النبى ما تخجلى قلت ليها والله ماخجلانة بس عايزة سلاامتك قالت لى خلاص يوم اجى القاك فى البيت معا نهى سامعة يا مى قلت ليها طوالى

وقفلت قالت لى يلا الرصيد يابنات يارغيات 😂

وقفلت ...

بعدها جدى محمد طلع معا حفيدو وشال الزلابية دلفيرى😂

اما عم فيصل وفارس وامجد طلعو عندهم مشوار وجدى احمد مشى نام وفضلنا انا ونهى نتونس للعصر قالت لى النبى ما تعملى غدا لمن يجى امجد نشرب شاى وزلابية

امجد جا وقعدنا لحدى المغرب ونسة وشاى وجدى احمد بحسو مبسوط بيهم بعدها طلعو وانا انتظرت العشاء😴 نعساااانة صليت ويا سرير جاك زول

نتلاقى ..