الجزء 10
بعد احمد شاف المنظر وم المره الاول يلقاهم مع بعض قرر يحكي لي احمد بس بعد يتأكد من حاجه
محمد:احمد كيفك
احمد:اخوي محمد الحمدلله بخير وانت..
محمد:تمام قبيل مالو تلفونك مغلق اتصلت عليك
احمد:فاصل شحن ... بس عافيه الحاصل شنو?
محمد: هههه بطاريتك الوهمية دي جيب ليك وحدي جديده
احمد:ههههه حاضر بشتري وحدي قبل السمستر دا يخلص ..
بس م وريتني في شنو?
محمد:يعني الا يكون في شي 🤣🤣
احمد:جادي معاك في شنو
محمد:احمد والله بصراحه انت زول اخوي وكل حاجه بينا وم بتطلع مكان من عندنا وبنتمنا الخير لبعض
احمد:تسلم كتير اي صاح بس م فهت شي وريني الحاصل شنو?
محمد:اصبر شويه
احمد:طيب احكي لي الحاصل شنو
محمد:احمد علاقتك مع سميه كيف الايام دي
احمد:ليه يعني بتسال
محمد:ياخ انت سالتك رد علي حسب كلامي ليكّ
احمد:طيب ووريني في شنو
محمد:😒 مافي حاجه
احمد:عليك الله احكي في شنو
محمد :طيب رد لي في الاول وبعداك بنتفاهم ...
احمد:طيب. ي محمد لينا فتره انقطعنا من بعض ورجعنا تاني بس حسيت في تغير شويه وقررت أبعد منها لفتره ... بس لشنو بتسال
محمد:التغير كان من شنو والسبب...
بحكي ليك اصبر م تستعجل
احمد:منها هي بقت م بتسال وهي يومي موجوده لينا سنه مستمرين في العلاقه وكانت سمحه بس الفتره الاخيره دي اتغيرت شديد
محمد:تغير من ياتو ناحيه
احمد:من كل النواحي اتصلت ليها كم مره م رفعت وكانت موجوده في النت ولمن سالتها قالت م كانت خاشه ولو م رسلت ليها م كان سالت
محمد:والله دي عوجه .. واسي ليكم كم يوم من انقطعتو تاني
احمد:أسبوع كدا وكنت مراقبها بس عندي وعد مع زول ووفيت بيهو بطلت المراقبه وخليتا علي هواها ... بس غريبه الليله بتسال عنها كدا ?فشنو
محمد:احمد الحقيقه شفتها كم مره في الموقف ومعاها ود كدا بلبس لبسهم حق الجامعه اظنو زميلها ولا حاجه طوالي بوصلها ولا مره ولا مرتين شفتهم بس هي م بتعرفني انا بعرفها ومتأكد منها
احمد:بتتكلم جادي انت😢
محمد:جادي والله ي احمد وانت اخوي في النهايه عايز مصلحتك واخليك قدام الامر الواقع .. شفتهم كم مره بس كنت متردد احكي ليك ..
احمد:من الاول ليه م وريتني بي الحاصل كان تكلمني عادي مدام انت بتهمك مصلحتي ...
محمد: كنت متردد وتاني حاجه قلت أتأكد قبل اقول ليك اي شي ّوعرفت تفاصيل الود من وحدي بعرفها معاهم في نفس الجامعه مصاحبه صحبه سميه سالتها عن سميه والود المعاها ...
احمد:وقالت ليها شنو?
محمد:الود دفعتهم ووضعو كويس وهي مايلا ليهو شديد وطوالي طالعه ونازله معاهو وشكلهم في بدايه علاقه كدا ّحب..
احمد:انت جادي في كلامك دا?
محمد:جد والله. وصحبتها سالتها ليه هي بتسأل قالت ليها ساي ومنها حكت لي الحاصل قلت احسن اوريك عشان م تعيش في وهم ساي
احمد:كتر خيرك م قصرت عشان كدا هي أتغيرت شديد وم بتسال...م ح اخليها بي الكلام دا
محمد:ولا تشتغل بيها.... ي زول الحاجه دي بينا م تكلمها وخليها علي كدا عشان م تعمل لي زولتي دي مشاكل في الجامعه ...ولو عاوز توريها وريها بدون زكر اسم. ووريها اسم الود وشوف ردها شنو عشان تنصدم ... ...
احمد:حاضر ي محمد اصلآ انا حالف م ارسل ليها بس بجي يوم وبقول ليها الحقيقه...ّ
احمد دخل في حاله استياء من الحصل دا .. ياربي ليه هي بتعمل كدا وعايزه تصل شنو وح تستفيد شنو من كدا.. بس على العموم كل شي لخير ولاح اسالها من شي وبشوف الأيام ح تثبت لي شنو 😔...
شهر كامله بدون تواصل بينهم واحمد حلف م يرسل ليها ولا يسالها ومواصل في وعدو ...
المره دي م كلم دكتوره اقبال بشي عشان م يوجع راسها ساي رغم انو هو عارف هي ح تزعل لو عرفت متاخره بس قال احسن اخليها ترتاح شويه من وجع الراس دا... ويحكي ليها لو حصل تطور جديد
الفتره ماشه تطول وفي يوم سميه اظنها فاضيه وم عندها موضوع رسلت لي احمد بكل برود وكانو مافي شي حاصل ..
احمد فتح الشبكه ولقا رساله من سميه ...
في اول رساله قالت ليهوّ......?
سميه :احمد كيفك
احمد:هلا وغلا سميه تمام الحمدلله
سميه: تمام
احمد:تمام
سميه:مالك م بتسال مني ولا بتتصل لي
احمد: بعد الفتره دي كلها يادوب اتزكرتيني لو عايزه تسالي كان سالتي م ضروري كل مره انا أسأل واتصل واخر مره قلتي ح تتغيري وظروف جامعه عشان كداّ
ّسميه:مالك الليله ردك دا كدا... لسه انا مع ظرف الجامعه
احمد:اهااااا تمام طول الشهر الفات كانت جامعه ومافي وقت تتصلي او تفقدي ع العموم ربنا يوفقك
سميه:ظرف الجامعه عشان كدا..م مصدقني انت
احمد:تمام صدقت بس مهما كانت الظروف دي الواحد يحاول يتختاها ويخلي حيز قليل لبعض الناس....
سميه: تمام ح اخلي الظروف دي وبسال تاني عشان م تزعل
احمد: تمام
احمد عارف كل شي وسميه لسه بتواصل في كضبها وغشها فاكره احمد م حيفهم شي ولا بعرف حاجه عنها ...
قرر يواجها ويوريها عن الود بتاع الجامعه ويشوف طبيعه ردها شنو ...
بس قبل دا رجع لدكتوره اقبال وكلمها بكل شي وردها ليهو كان......?
تابع