الجزء 8
راي اقبال بعد كلام احمد معاها
اقبال:لا انتظر
احمد: حاضر 😔
استمرت فتره والمناسبه مرت علي خير ولسه احمد وسميه متواصلين اكتر من الاول...
فتره الإجازة انتهت واحمد نزل للجامعه يكمل باقي السمستر ...ّ
كالعاده احمد يومو م يكمل الا يختم اليوم بلمه الاصحاب. وفي يوم وصل للبيت بدري ورجع فسحه الميدان كالعاده لمحمد وباقي الشله ...
ونسات وضحك علي الاخر
محمد: احمد عجبتنا الحنه عقدو ليك مع قريبك دا ولا شنوّ😅😅عايزين نحركها ليك هناك في المناسبة بس احترمنا اهلك ديل هههه
احمد:ههههه لالا ياخ مجرد حنه 😍... لو كان جيتو يوم الحنه كان اتحننتو😊
محمد:امممم تمام كنا جاين يوم الحنه بس طلعنا مشوار كدا بس المناسبة كانت سمحه شديد
احمد:تسلمو م قصرتو اشتغلتو معانا عقبال اردها ليكم
محمد:ههه ولا علي كيفك ياخّ
احمد:حاضر ي غالي😅
احمد فضل منتظر راي سميه والمده طالت شديد و مافي رد ليها رغم انهم يومي متواصلين و هم مع بعض ...ّ
في يوم احمد مله من الانتظار ...
وسال سميه ّ
احمد: سميه بنسبه للموضوع لسه م قررتي
سميه:احمد انا مقرره من البدايه بس كانت عندي ظروف كدا وانتهت علي خير
احمد :اها حمد لله ع السلامه وظروف شنو دي كمان
سميه:ابدآ حاجه بسيطه كدا وحليتها
احمد:اهاااا تمام يعني موافقه
سميه: احمد وريتك قبل كدا مستحيل اخسرك كان كصديقه او حبيب😍
احمد: اي عارف ولا انا كمان
سميه: طيب موافقه بس م تبعد مني مهما كانت الظروف
احمد:انا بوعدك بكدا ... بس انتي توعديني?
سميه :أوعدك 😊
استمرت العلاقه فتره وكل يوم بتزيد اكتر احمد اتعلق بسميه شديد وكل يوم بزيد في حبو ليها اكتر عايز العلاقه تكون لي قدام م تكون علاقه لفتره وكل زول فيهم يمشي مكان تاني....
كالعاده رجع لي اقبال ومعروفه هي شنو بنسبه ليهو في مكان اختو الكبيره كل اسرارهم مع بعض ....
احمد:اقبال 😊 اتكلمنا انا وسميه وقالت موافقه 😊
اقبال: براها كدا ولا انت سالت
احمد:صراحه كدا انا سالتها
اقبال:مش كلمتك قلت ليك خليها براها بس ي سيدي شكلك مستعجل ...بس على الاقل كان تنتظر ....ربنا يسعدكم ان شاء الله ...
احمد:لا والله بس قلت اشوف قرارها ..
اللهم امين يارب ... ويسعدك انتي وهناي ... بالمناسبة صحي اخبارو شنو🙊
اقبال:هههه والله انت م بتنسي ..ّاللهم امين يارب .. بالمناسبة هناي سافر يكمل الدراسه خارج السودان
احمد:ماشاء الله فكر صاح والله بس كان يكمل فضل ليهو سنتين ويتخرج
اقبال:لا هناك افضل من هنا عشان يعمل شي ويشتغل هناك منها يكون مستقبلو. 😊
احمد: يرجع بسلامه ... مستقبلكم ولا مستقبلو🙊
اقبال:ههههه والله انت عجيب...يلا م تركز كتير 😅😅
احمد:حاضر😊
احمد وسميه العلاقه متواصله وتمت سنه
احمد لاحظ في شويه تغير من سميه بقت ما زي زمان م بترسل الا احمد يرسل ليها او هو يتصل ويفقد يشوف الحاصل عليها ...
احمد مع نفسو فكره يبطل يرسل ليها وينتظر كم يوم ويوشف هل هي ح تسال وترسل ولا لا ...
صاح ايام صعبه بس احمد انتظر لمده 3او4يوم ومافي اي رساله منها وكان متابعه اخرظهور ليها وهي يومي متصله وموجوده ولا فكرت تسال ولا برساله...
احمد تعب من الانتظار ومافي حل غير يرسل ليها ويشوفه ماله ...
اتردد كم. مره يسال ولا لا بس قال احسن أسأل واكون افضل منها وفي اول رساله من. احمد لسميه.....?
تابع