الجزء 4
جا يوم الجمعه وزولكم جاني ورجعته معاه بس الحمد لله رجعته كأني وحده ثانيه قعدة بيتنا وخوف اهلي عرفني قيمتي وعرفني منو الناس البستاهلوني والبستاهلو تضحياتي ..
طبعا م فتحته خشمي معاه نهائي .. لمن وصلنا البيت بس سلمته ودخلته غرفتي ع طول وزولكم طلع قال ماشي عندو مشوار مهم .. غيرته واستحميت وصليت وفتحته التلفزيون امو بتكورك لي طنشششششششتها
جاتني قالت لي ما سامعاني لي ساعه بنبح قلته ليها معليش يا خالتو م سمعته نبيحك والله -: ) -
قالت لي قومي ختي العشاء قلته ليها تعباااااااانه ومصدعه خلي وحده من بناتك تختو « طبعا اول مره ارفض ليها امر »
قالت لي البنات عندهم مزاكره م فاضيات
قلته ليها انا زااااااتي م فاضيه
والعشاء لو اتأخر شويه لمن البنات يخلصو مزاكرتهم الناس م ح تموت من الجوع ومعليش ي خالتو بعد اذنك جاااااريه الحمام مزنوووووووووقه
خليتها ليك قبلت رجعت منططه عيونها زي الكلب
وقلته ليها لسسسسسسه م شفتي شي
لفلفته كعكاتي وجلبطه كريمي وقااااعده اتفرج
طبعا زولكم لي -11 م جا
صبح السبت طبعا م شغال صحييت بدري صليت ومشيت المطبخ عملته الشاي « كبايتين بس » نزلته لنسيبي كبايه وصبحته عليه والثانيه كتعتها بالهنا ي انا .. طبعا كانو متعودين يصحو يلقو الشاي في السرامس لكين وين ده كان زمان ..
شربته شاي ونظفته غرفتي وبرندتي امي عندها بخور رهيب طلقتو ليك في البيت وولعته حفرتي ..
وادخننننننته ولبسته لي فستان ظريييييف
وعملته لي مكياج خفيييييييف وفتحته تلفزيوني وقعدته ..
زولتكم جات ي ريم ي ريم دخلتها كده صادفة مع صحية ولدها
قالت لي انتي قاعده تعملي شنو بيجاي لي هسي
قته ليها انا ؟؟؟ !!
قااااااعده في بيتي !! ، زي م شايفه
والعده المكومه من امس دي والشغله الراقده زمن الفطور جا
قلته ليها انا لمن كنت في بيتنا منو الكان بيشتغل الشغل ده ؟؟
بعدين بصراحه كده ي خالتو زمان كنت بساعدك عشان بناتك صغار انما هسي .. ما شاء الله بقن في الجامعات
ولمن كلمته ولدك يجيب ليك بنت تساعدك
قلتي لي اسمعي هنا م عندي بنات يخشو بيتي وشغلتي م بتغلبني ..
وانا عارفاكي ما شاء الله عليكي همييييييييمه وقلبك حار عشان كده انا بعمل ليكي الغداء كمساعده يعني
وفي الاول والاخر طبعا البيت بيتك
المره خشمها بقى فاتح زي باب الاستداد
تنحت مساااافه م عرفت ترد وتاني قالت لي فعلا شغلتي م بتغلبني ومن يومي هميمه
قلته ليها والله لو م حنتي جديده كان جيت ساعدتك
وبرضو رجعت قفاها يقمر عيش ..
وقالت لي ولدها الحقني ..
قال لي جهزي الشاي مسافة ادخل الحمام
قلته ليه لمن تلحق امك اشربو عندها
وخليتو متنح « طبعا انا من دخلته عليهم مسكينه وغير نعم وحاضر م بقول شي ردود زي دي ما متعودين عليها »
اخدته لي قعده لمن طلع من الحمام ومشى لامو
وشلته صينية الشاي اوديها
طبعا اخوه بنوم في الصالون واخواتو وحده في الجامعه ووحده نايمه يعني ضمان البيت شبه فاضي
طواااالي اتسحبته شباك غرفتها وبقيت اتسنط
قالت ليه ماله مرتك رجعت من اهلها متغيره ياربي تكون عرفت قال ليها والله م عارف لكين م أظنها عرفت ولو عرفت م بتسكت « وانا اموت واعرف داسين شنو عني » قالت ليه سمح كلمتها بالعربيه
قال ليها لا ظبطي،الفطور وفي الفطور نكلمها كدي النشوفها بتخنق وفكوها ضحكه وبعدها تلفونو رن وطلع « طبعا اول مره في حياتي اتجسس عليهم »
بعد داك طلعته بالراااااحه اتسحب من الزقاق ومشيت بيتي ..
وتسبته مع صفاء وحكيت ليها ككككككككل شي
قالت لي عافيه منك
طوالي تلفوني رن رقم غريب
رديت طلع هشام ود عمتي .. خلص معاملات الصيدليه
وخلاص بقى علي اشتغل معاه
قلته ليه تمام بديك خبر
.. وبقيت بتونس مع صفاء وتوصي فيني اعمل شنو
لحدي م جاتني اختو قالت لي الفطور
طوالي مشيت زي العروس وهو يعاين لي من فوق لي تحت مستغرب التغيير ..
وفعلا اثناء الفطور امو قالت لي عندنا ليكي خبر
قلته ليه اتفضلي ي خالتو .. قالت لي طبعا ولدي اشترا عربيه توسان موديل السنه دي طواااااااااااالي فقعتها ليكي زغروته خليتهم ليك عاملين كده
😳😳😳😳😳😳
اقسم بالله خنق هو وقلته ليهم الكرامه علي
وانا زاتي عندي ليكم مفاجأه
طبعا جاني عرض شغل في صيدلية ود عمتي
قال لي انتي عارفه رأيي في الشغل شنو ومن اتخرجتي قلته ليكي م في شغل
قلته ليه بصراحه ابوي قال لي جربي الشغل ولو نفع معاكي افتح ليكي صيدليه وبصراحه صيدليه يعني قروش تراب واكيد منفعه لي وليك بالله من قلته كده امو صلحت قعدتها ووشها عمل كده -: ) وقالت لي مالو ي بتي الشغل م عيب وقالت ليه البت دكتوره يعني تقفل شهادتها في الدولاب وتقعد ؟
م عافيه ليك كان وقفته في وشها وخمشت ليك خمشة شيه ختتها لي في وشي « بي قلبي ااااااااي لسه م شبعتو قروش مش صبركم علي لسه التقيل ورا »
دفسته كرشتي وجيت بي جاي بيتي دقيت لود عمتي قلته ليه مواااااافقه
وكلمته ناس البيت وابوي وكللللللهم فرحو لي
وطبعا امس نمته وم استنيت فلان بس الليله كان جا الساعه 1000 بستناها عشان افتش تلفونو
وفعلا اتأخر ولم جا عملته فيها نايمه
لحدي م جا نام
واتسحبته بالراااااااحه شلته التلفون من الشاحن وطلعته الصاله
وم بتتخيلو لقيت شنو