الجزء 5

عارفين اصعب حاجه في الدنيا الخيانه وخصوصا " لم تتخان من شخص هو بالنسبه ليك الدنيا وم فيها ..

شخص وثقته فيه وضحيت عشانو

طبعا " من التلفون اكتشفته انو على علاقه جنسيه مع وحده متزوجه وكان معاها امس ودردشتهم كلهاااا عن لقاء امس اخر سفاله وقلة ادب ومرسل ليها صور ومرسله ليه صور منتهى الانحطاط ..

بجد بطني قلبت لمن رجعته ودمعتي م وقفت ..

بس جمدته قلبي وقلته لازم اكمل واعرفو ع حقيقتو اما الهانم الثانيه طلعت بت اسمها نضال موظفه

ودي اخر رومنسيات ودلع معاها ومعشمها بالزواج

عملته اسكرينات لكل شي وسيفته الارقام

طبعا هو بفتش تلفوني عااااادي

طواااااااااالي رسلته كل شي لصفاء اختي

ورجعته التلفون .. الليل كلو بعاااااااين ليه م جاني نوم

وفي نفسي بقول معقووووله هو ده الانا حبيتو

واتزوجتو والضحيت عشانو

وياترى هو من زمان كده ؟؟

ولا دي القروش غيرتو ؟؟

وما بعرف من وين جاني نوم

صحيت الصباح الساعه 6 ع صوت تلفوني

بيرن

لقيتها صفاء اختي .. طبعا " م اقدر اتكلم معاها الا هو يطلع ..

وياريت لو م صحييت بجد موجووووووعه

من جهه اقول انتقم منو ومن الوسخ البعرفهم

ومن جهه اقول اخدي حقك واتخارجي من الوسخ ده

بس لمن اتزكر كلمة عاقر بحس نفسي قلبي ح يقيف من الالم ..

لحدي ما الشملول صحى قلته ليه عايزه امشي بيتنا

قال لي من رجعتي م كملتي اسبوع .. قلته ليه صفاء عيانه ووعدتها امشي معاها الدكتور

قال لي خلاص وديها وتعالي

قلته ليه بصراحه ناقصني حاجات عايزه اجهزها عشان الاسبوع الجايي ان شاء الله ح انزل الشغل ومدام صفاء عيانه ح اخد امي معاي .. وافق

واخدته منو قروش ..

وع بيتنا طواااالي صفاء عزبتني بالمكالمات رديت ليها قلته ليها جاياكي ع البيت

في نفسي كنت عارفه م ح اعرف اتصرف براي

ومحتاجه حد اشكي ليه كل الجواي

وصلته لقيت صفاء عليها حاله فظيعه

تقول لي معقوله المقرف ده راجلك بكيييييييييييييييت

قلته ليها اتخيلي ده زوجي وده البحبو وده العشمانه اجيب منو عيال

قالت لي هسي ح تعملي شنو ؟

قلته ليها اول شي عايزه اتأكد انا بالجد عاقر ؟؟

وثاني شي عايزه اصل للوسخ ديل واعرف اساميهم

واخر شي عايزه طريقه اطلع بيها دهبي منو وتاني لا عايزه اعرفو ولا يعرفني ..

قعدنا واتكلمنا وخططنا

اول شي عند ولد عمتي في الجامعه سايق موتر طوااااالي اشترينا ليه علبة شكولاته وغلفناها

وعملنا فيلم قلنا ليه تتصل باللبت دي وتقول ليها انا تبع خدمه جديده اسمها وصل لي ..

وفي طرد عندي بإسمك وعليه رقمك والمفروض اوصلو ليكي ..

وفعلا نفذ الخطه طلعت شغاله في شركه وادتو العنوان ..

قالت بتطلع الساعه 4

طواااااااالي صفاء قالت ليه اتصل بيها تاني الساعه 7 مدام عرفنا عنوان الشغل نعرف عنوان البيت ..

ومشيت لامي اتكلمته معاها قلته ليها يا امي عايزه منك خدمه بس بيني وبينك قالت لي عيوني ليكي يا ريم .. قلته ليها ي امي زي م عارفه انا طولته والمفروض هسي يكون عيلين ثلاثه وانا زمان م كنت ساكه الموضوع عشان الجامعه والخدمه وكلمته خالد ‏« الي هو زوجي ‏» وكل مره يماطلني وانا يا امي عايزه اطمن .. فطلبي انك تشوفي دكتور كويس وتاخديني

قالت لي حاااااضر ي ريم بس عايزه اعرف ليه الموضوع سر ..

قلته ليها والله يا امي احتراما " لخالد عشان م يفهم انا اتخطيتو .. ولا مشيت لأهلي يعالجوني وكده

قالت لي عفيت منك الله يحفظك ويكملك بعقلك

وفعلا امي سألت ودلونا على دكتور ممتاز

وحجزنا ..

وابوي الله يديه العافيه طلع محول لي قروش ومشيت السوق اشتريت كم طقم جديد للشغل وجهزته اغراضي كللللللها

الساعه 7 رجعنا للدكتور عمل لي موجات وقال كل شي تمام وطلب مننا فحصوصات

وحدد التواريخ الي مفروض تتعمل فيها ..

طبعا كنت متوتره جدا " جدا "

والدعاء والاستغفار م فارق لساني ..

اتحججته لخالد بان صفاء لسه تعبانه

عشان اخلص الفحوصات

.

.

اما موضوع نضال ولد عمتي اتصل بيها المساء واعتزر ليها ان الموتر اتعطل ووصل الشركه لقاها طلعت

وفعلا وصفت ليه البيت ..

والجبانه كانت منتظراه مبلمه في ناصية الشارع ..

بس هو طلع مفتح وباراها لمممممممممن عرف البيت

.

.

.

اما الهبله الثانيه خدعناها بجائزه من ناس سوداني وعرفنا البيت ..

وعملته الفحوصات الحمد لله الفحوصات طلعت كللللللها نظيفه وسليمه

والدكتور طمني وقال لي م عندك اااااااااااااااي مشكله

سبحان الله زي م الوجع كان مالي قلبي الفرحه ملت قلبي ..

تاني يوم خالد كان جايي المساء ياخدني

بالنهار صحينا انا وصفاء من فرحتي قلته ليها عايزه امشي الكوفير اتظبط

وفعلا مشينا ‏« طبعا انا على درجه من الجمال وجسمي حلو واحلى من الشرابات اقصد الشلابات الي بيخوني معاهم ‏»

اتظبطه وصبغته شعري بالجد نفسيتي اتغيرت

المساء لمن زولكم اتحرك لبسته لبسه طقم جديد

واتمكيجته وظبطه تسريحه جا شرب شاي المغرب

وطلعنا اول م ركبنا العربيه قال لي ايه الجمال ده

قلته ليه الحمد لله من يومي جميله قال لي عشان كده اتزوجتك اخد يدي باسها طوالي سحبتها بحجة اصلح الطرحه وطول السكه شغال يسمعني في اغاني ويونس فيني وانا خلاص من جواي بطني طمت منو

ومستحمله بس عشان اخد حقي وشقى ابوي

.

.

.

وصلنا البيت زولكم قال لي م تشغلي نفسك بااااااااااااااي شي الليله انتي حقتي انا برااااي

قلته حاااااااضر

كالعاده استحميت صليت وجهزته فشاري ومسكته كنبتي بنفرج في التلفزيون

زولكم جا قعد جمبي ريحة العطر تقول ي غربتي

ونازل فيني غزل قلته ليه خلودي انا رسلته ليك فيديو من تلفون صفاء وصلك قال لي ايوه

قلته ليه ممكن اشوفو عشان عارفه في تلفونك ح يكون اوضح قال لي بكره تشوفيه طبعا اتمايعته ودلعته صوتي وقلته ليه لا هسي خلودي

اداني التلفون الفيديو كان رومانسي قال لي ممكن اتفرج معاكي قلته ليه عيوني ...

وبقينا كده لحدي ماااااا خلاص ضعف اثناء م هو حاضني عملته مكالمه لزوجتو المستقبليه

وبقيت معاه اااااااخر ضحك ورومنسيات وغزل واحاول اعلي صوتي قدر الامكان .. لحدي ما التلفون شاشتو نورت . عرفته انها اكتفت ههههههههههههه وقالت الروب ...

طوالي استأذنتو وقلته ليه معليش حبيبي عندي البي ..........

بصراحه ابتسمته ابتسمته من جوه قلبي

زي م قبل اليوم سمعتني صوتها وهي بتقول ليه حبيبي الليله سمعتها اليهرد مصارينها

وطبعا الوقت متأخر يعني م في طريقه يزوغ مني ويتكلم معاها