الجزء 9

شفتو بعد الدقه ديك نفسي قام فتحته ليها الباب قلته ليها يلا غوري وتاني كان صحي مره تعالي داخلي بيتي هنا ..

قالت لي م قايمه ولا طالعه من محلي دي الا يجي اخوي ويشوف العملتيه فيني

قلته ليها قلتي كده

اصلا " العصايه اتكسرت استني النجيب الخرطوش طلعتي بره قامت جاريه يقلنته وتسكلب

طوااااالي مشيت بوراها

لقيت ليك الام مدفوسه في اوضتها ومشغله راديها

قلته ليها اسمعي هنا واسمعي الكلام ده كويييييييييييييييييس عشان انا م ح اقولو تاني

انا بت عز وبت رجال وابوي صاحب فضل عليكم من ساسكم لي راسكم

انتو قايلين عشان ساكته على قلة ادبكم معناها تتمادو

ولا قايلني م بقدر عليكم اها فهميني

وبعلو صوتي قلته ليها ردي

قلته ليها الليله دي انا بلم اهلي ورجالنا

يجو يقعدو مع رجالكم وانكت الجديد والقديم وتشوف أهلكم رايهم شنو في عمايلكم دي

عشان انا وساخه وقلة ادب تاني م بتنفع معاي

طلعته منهم والله بي جوه قلبي يرقص رقيص

مشيت لابوهم وحكيييييييت ليه الحاصل كلووو

قال لي والله ي بتي لو فيني حيل بعد دقتك دي

اقوم ادقها تاني

وناداها قال لي تشيلي هدومك وبيت راجلك طوالي

انتي جايه للمشاكل وخراب البيوت

بعد داك حسيت نفسي جعااااااااااانه

ظبطه اكلي وااااكلته وظبطه لي كباية قهوه معاها

حبة بندول ونمته عاد كتوفي عايزات يقعن من لبيع السجمانه دي

صحيت لقيت اخوهم جا وقاعد في التلفزيون

ولا هببتو صليت وجيت فتحته تلفوني

جاني قال لي مالك ما بتسلمي مالك

قلته ليه سلام

قال لي امي حكت لي الحصل وابوي زعلان جدا واختي دي انتي عارفاها اصلا هبله وم بتعرف تتصرف

انا ح اجيبها وتعتزر ليكي وانتي م في داعي تكبري

الموضوع كلنا ناس بيت واحد وكشف الحال ما حبابو

اللهم حنكني كوييييييييس ووافقته اول شي لانو لسه الوقت بدري ع جية اهلي وتاني شي

عايزاها بعد م دقيتها تجي قدامي مزلوله وتعتزر وبرضو ده م بيشفي غليلي انا ضقته منهم العذاب

سنه واكتر

وفعلا جات اعتزرت وباست راسي

وفي نفس اليوم المساء كان موعدنا مع الدكتور اخدنا التحاليل والفحوصات ومشينا وظهرت الصدمه الكبيره

طلع خالد هو العقيم كانت صدمه صدمه لابعد حد

رغم اني كنت متأكده اني سليمه بس م اتوقعته

ابدا العقم الاتمناه لي يكون عندو هو

طبعا اول كلمه قالها للدكتور لو ما في علاج هنا انا

ممكن اسافر لحدي امريكا

سبحاااااااااااان الله ‏« انا بقروشي استكتر علي سفر مصر وهو بقروشي عايز يسافر لمن امريكا ‏»

الدكتور فهمو ان ما في امل في الطب بس ربنا قادر على كل شي وانو ممكن يستشير كذا دكتور تاني

عشان يتأكد

طبعا طول الفتره دي انا قاعده زي الهبله من الصدمه الدكتور يتكلم اعاين ليه وخالد يتكلم اعاين ليه

وم نطقته ولا حرف

طلعنا وركبنا العربيه ولحدي وصلنا البيت ما في زول فينا نطق حرف

بس انا من جواي كنت زعلانه عليه ومبسوطه عشان ربنا نجاني

طواااااااااالي صليت وركعته لربنا وقعدته ابكي واحمدو ..

وطبعا زولكم داك بس ضارباه كهرباء

عاهدته نفسي بعد الحصل ده لو تاب وعرف قيمتي انا ح انسحب بس لا عايزه قروش ولا انتقام

لان الخبر العرفو ده صدمتو م ساهله

طبعا " حسيت برضو محتاج كلام يشد من ازرو ويخفف عليه ..

مشيت وقعدته معاه واتكلمته معاه ان كل شي في الدنيا قسمه ونصيب وانت لازم تكون شجاع

وتتقبل اي حاجه تجي من ربنا بكل صدر رحب

بس هو كان مستاء جدا " وكان واضح عليه

وعدا كذا يوم ع الحال ده

لحدي م في يوم جاني وقال لي الدكتور ده ما سوره

وفي كم شخص ... شخص ليهم غلط وانا اصلا م ح اشتغل بكلامو .. وح اسافر بره قلته ليه تمام

شفتو الغريق البتعلق بقشايه بس ده حالو

اخدته كم يوم وفتشته تلفونو لقيتو على نفسسسسس

الحال والقرف وحتى نضال نزلت دخان استعدادا "

للعرس ومصور ليه الدخان واخر رومنسيات مع بعض

اما الحقيره الثانيه م خلت شتيمه فيني وهو بس مرسل ليها اموشنات ميت ضحك

قالت هو كتير علي وانا م استاهلو والمفروض هي

التكون زوجتو وكلام منتهى السفاله والحقاره

وحلفته الا اندمها وتبقى ليها عظه في حياتها

لاني م بعرفها ولا عمري اذيتها ..

بعدها بيومين كنت قاعده في الصاله وقلته وهو بيتفرج ع التلفزيون رسلته لصفاء في الواتس قلته ليها اتصلي بي وختيت تلفوني قدامي ع الطربيزه

ثواني ورن شلتو ورديت ع اساس انها هشام ود عمتي

من قلته اهليييييين هشام كيفك

زولكم طوالي وطا صوت التلفزيون وركز معاي المكالمه كانت كالاتي ‏« اهليييييييين هشام كيفك ؟ اها ان شاء الله موضوعك اتحلا ... والله ي هشام ياريت لو عندي طريقه والله فرصه زي دي ابدا " م كنت بفوتها انت م ينفع اي شخص من بره العائله ... اهاااااااا محصوره فينا يعني .. والله ابوي معاه حق بس .. تمام ي هشام والله ارض زي دي وفي موقع زي ده انا بعتبرها فرصة العمر لكين كل شي قسمه ونصيب وان شاء الله ربنا يسهل ليك ويوفقك ... الله يسلمك يا هشام ‏»

ودي كانت فكرتي الارجع بيها قروشي منو