الجزء 10

بقينا بنتونس لحد ما اذان المغرب اذن صلينا المغرب وانا وريم مشينا قعدنا في الهول الفوق 😪 بقينا بنتونس وكده تلفوني رن ولقيتهم قروبي الكريم😪 سالوني من اول يوم وكده حكيت ليهم من جرجره التسجيلات لحتي نا وصلته البيت😂👊🏻 نون قالت لي عايزه اوريك حاجه يا مناسك بس براحه علي اعصابك وكده 😪قلت ليها قولي قالت لي رامي ما صدق بقيتي ما بتجي الجامعه يوميا طالع نازل مع سمر😪 لا وكمان بيمسك يدها علنا قلت ليها هم مجرد اصحاب ما اكتر😪 ايثار قالت لي اصحاب اصحاب انا وانتي يختي😂 شلبوك يا حبيبه😪 قلت ليها رامي ما اظن يعمل كده 😪 هبه قالت لي نفسي اعرف يا مناسك انتي متمسكه بالشخصيه دي ليه😪 ياخي ما فيها اي حاجه ااي هو وجيه وسمح ومقرش بس خاين وواطي😪 قلت ليها الحكايه ما كده يا هبه يمكن انتو فاهمينهم غلط😪 ايثار قالت لي بلا فاهمينهم غلط بلا شي معاك 😪 رامي ده احسن تقطعيه معاه لانو هو اساسا ما يتساهل ذره من احساسيك ومشاعرك تجاهو😪 قلت ليهم انا هاستفسر منو واشوف الحاصل وبعدين تعالي هنا يا ايثار بت عمك تكون بتقرا معاي في نفس الجامعه ونفس التخصص وما تقولي 😪 يخسي عليك قالت لي والله نسيتهاا 😂👊🏻 بس هسا عرفتيها الموهم اخدته ونستي معاهم وقفلته منهم 😪 لقيت ريم بتعاين لي قالت لي رامي ده منو😪 قلت ليها حبيبي 😪 قالت لي الكان بكون قاعد معاك في الكافتريا قلت ليها بس ياهو زاتو😪 قالت لي مالو حكيت ليها بالقالوا لي ناس ايثار😪 قالت لي ااي انا زاتي شفتو قبل يومين وقاعد مع بت قعده ما ظريفه😪 وبعدين الناس كلها بقت بتعلق عليهم لانو حركاتهم شاذه شديد😪 قلت ليها ايوه انتظرته العشاء اذن صليتو وطلعته لبسه بكره وكنت عايزه انوم😪 ريم جات قالت لي تعالي احضري معاي الفلم قلت ليها خليها يوم الخميس لانو محاضراتي اغلبها من سبعه ونص 😪 قالت لي زريف تصبحي علي خير قلت ليها وانتي من اهلو قفلته باب الغرفه ورقدته نمته وصراحه ما جاءني نوم😪 لاني بقيت بفكر في كلام البنات وكلام ريم قلت معقوله رامي يخوني😪 لالا سمر صحبتو ساي ما اظن يخوني😪 ونمته وانا بفكر صحيت اليوم التاني ولبسته ونزلته تحت لقيت زحل وريم قاعدات وزحل ما لابسه قلت ليها ما عندك جامعه قالت لي لا نازله امتحانات بعد اسبوع قلت ليها ايوه😪 ولقيت ريم لابسه وجاهزه شربته العصير وكنت عايزه اطلع عمتو فاتن قالت لي دقيقه دقيقه ماشه وين انتي💔 قلت ليها ماشه الجامعه قالت لي وماشه براك😪 قلت ليها هاركب امجاد 😪 قالت لي وامجاد لشنو يعني عمك عثمان كلم السواق امبارح وقال هيجي يسوقك الليله 😪 قلت ليها ما كان في داعي والله 😪 قالت لي اياك تقولي كده تاني نحن زي اهلك ولو عمك عثمان سمع الكلام ده هيزعل منك الموهم انتظرته مسافه خمسه دقائق والسواق جاء واتحركنا انا وريم😪 السواق وصلني اول حاجه نزلته ودخلته الجامعه ضربته لمي قالت لي نحن في القاعه تعالي بسرعه الدكتور قرب يصل 😪 استعجلته ومشيت القاعه لقيت واحد عبيط كده واقف لي في الباب بتاع القاعه 😪 امشي يمين هو يمشي معاي يمين وامشي شمال هو يمشي معاي شمال😪 وقفته وعاينت ليه قلت ليه لو سمحته ممكن الشارع 😪 قال لي ولا ما ممكن يا حلوه 😪 عاينت ليه من فوق لتحت وجيت عايزه ادخل مسكني من يدي 😪 قلت ليه لو سمحته عايزه انزل يدو كده لقيت دكتور حذيفه جااء علينا وقال ليه في حاجه يا منتصر 💔 الولد زي الصبت فيه مطره قال ليه لالا ي دكتور نزل يدو مني سالني في حاجه قلت ليه لالا ودخلته القاعه💔