الجزء 20

اتحركنا وطول الطريق امجد كان بعاين لي بطرف عينو وانا عامله نفسي ما منتبهه معاه وشغاله بتلفوني ريم اتصلت علي قالت لي انتو وين قلت ليها قربنا قلت ليها انتو وصلتو قالت لي انا جيت الصاله مع سامر خليت زحل وسماح مع مروه😪 قلت ليها تمام وصلنا الصاله ونزلنا انا اتقدمت امجد قال لي اقيفي خلينا ندخل سوا قلت ليه تمام انتظرو لبس جكت البدله ودخلنا😪 ياخي من دخلنا الناس دي كلها بتعاين لينا لقينا عمتو فاتن وعمتو سناء واقفين جنب الباب مشيت عليه عمتو فاتن قالت لي ما شاء الله تبارك الله ي بتي اتحصنتي قلت ليها ااي عمتو سناء قالت لي ما شاء الله والله😻 ي ريت لو كان عندي ولد كان خطبتك ليه هسا ده عمتو فاتن قالت ليها انا عندي ولدين بدل واحد ومن هسا انتي خطيبه واحده فيهم ابتسمت ليها ابستامه مجامله ومشيت منهم😪 لقيت ريم واقفه مع بنات اهلها من شافتني بقت واقفه مصدومه جات علي قالت لي انتي مناسك زاتها قلت ليها ااي قالت لي ما بصدق ياخي انتي زاتها مناسك قلت ليها ي بت ااي انا مناسك 😂👊🏻 قالت لي فظيعه ما شاء الله تبارك الله فظيعه ياخ😻❤ قلت ليها تسلمي انتي زاتك فظيعه قالت لي ما زي فظاعتك والله مشيت معاها سلمته علي بنات اهلها واحده فيهم قالت لريم دي خطيبه امجد ريم قالت ليها لالا دي بت عمي قالت ليها ايووه افتكرتهم مخطوبين والله عشان جوا مع بعض وكمان مطقمين سوا😻 قلت ليها جات صدفه بس واحده تانيه قالت لي لايقين علي بعض ياخ ابتسمت ليهز واتحركنا انا وريم مشينا قعدنا في واحده من الترابيز وقعدوا معانا بنات اهل ريم 😪 شويه كده والعرسان جو وما شاء الله تبارك الله عليهم😻 حلوين حلا 😻❤ والحفله ابتدت الفنان كان حسين 😻 ياخ الناس دي هايجه بطريقه ريم قومتني عشان ارقص قلت ليها ما عندي نفس والله قاعده في التربيزه وشغاله بتلفوني وريم قامت مع بنات اهلها يرقصوا فجاه رفعته راسي لقيت امجد قاعد في نفس التربيزه وبعاين لي 😪 طوالي نزلته عيوني وبقيت شغاله بتلفوني عمتو فاتن جات وقومتني قالت لي قومي ارقصي قلت ليها والله ما عندي نفس خليني انا كده مرتاحه 😪 قالت لي تمام حسيتها زي الزعلت كده قلت ليها خلاص بقوم في الفاصل الاخير قالت لي تمام ومشت😪 انا بقيت بعاين للناس ومره اعاين لتلفوني بقيت علي الحاله دي لنهايه الحفله في الفاصل الاخير عمتو فاتن جات وقومتني بالغصب ومشيت معاها وامجد مشا معانا بقينا واقفه وبصفق😪 ريم قالت لي ارقصي زي الناس عامله زي البطريق كده😂👊🏻 قلت ليها ده رقيصي وضحكته بس اشوف ليك في الشاشه فوق انهم مثبتين😪 ريم قالت لي الضحكه عندك ياخ الحفله انتهت ومشينا قعدنا انا وريم ومعانا بنات اهلها وزحل وسماح مشوا مع مروه عشان يساعدوها تغير للجرتك بقينا قاعدين 😪 الجرتك بدا وجرتكناهم وانا طلعت قبل ما الجرتك ينتهي وقفته بره الصاله اشوف ليك حذيفه جااي علي وانا خلاص حيلي مات الكائن ده ما ناوي يخليني في حالي😪 جاء علي عايز يتكلم معاي كده سامر وامجد جوا وقفي معاي😻 سامر قال ليه في حاجه ي حذيفه قال ليه لالت بس حبيت اسلم عليها سامر قال ليه افتكر انك سلمت عليها يلت وريني جمال خطواتك حذيفه حدر لسامر ومشا 😪 سامر قال لي ما يكون سالك قلت ليه لالا قال لي علي فكره انا عرفت بحكايه الفصل لي ما وريتني قلت ليه انا كنت قايله الحكايه ما بتستاهل سكته وما رد بقينا واقفين بس سامر قال لي علي فكره يعني الليله ما عرفتك خالص😂👊🏻 قلت ليه ما للدرجه دي كمان قال والله ما عرفتك والله لو كنت ما مرتبط كان خطبتك في ساعتها😂👊🏻 قلت ليه شكرا ياخ ما بتقصر عارفك ما بتضيع ليك فرصه وما بتمسك ليك فيها مزه😪 قال لي حرام عليك ياخ انا انسان ملتزم بعلاقتي😂👊🏻 قلت ليه واضح واضح بقينا واقفين بنتونس وريم جات وقفت معانا شويه كده والناس بقت بتطلع انتظرنا شويه كده وودعنا العرسان واتحركنا في الرجعه رجعنا انا وسامر وزحل ريم طلعت مع امجد ومعاه عمتو فاتن 😪 عمو عثمان طلع من الفاصل التاني تقريبا😂👊🏻

وصلنا البيت هلكانين اتدوشتها ونمته طوالي صحيت اليوم التاني متاخره خالص قلت اساسا ما عندي حيل امشي الجامعه احسن لي انوم تميت نومتي نزلته تحت زي الساعه1 لقيتهم كلهم مجتمعين قلت ليهم مجتمعيم كده في الحرم قالوا لي امين مشيت فطرته وجيت قعدته معاهم😪 اتونسنا عن الحفله وكده بقينا بنحضر في التلفزيون لاحظته لامجاد بس بعاين لي انا برضو بقيت بعاين لي عسي ولعل يحس وينزل عيونو بس خالص ما نزلهم😪 انا زهجته منو ونزلته عيوني اتلفت علي الجهه التانيه ولقيت عمتو فاتن مركزه معانا رجعت اعاين للتلفزيون استاذنته منهم وطلعت علي الغرفه دخلته الغرفه كده بس سمعته صوت زغاريرد😪 جيت نازله لقيت عمتو فاتن بتزغرد وريم بتزغرد استغربت طبعا فيهم😪 عمو عثمان كان في الصالون جاء جاري قال ليهم الحاصل شنو ي جماعه عمتو فاتن قالت ليه امجد قال عايز يتزوج 😪 عمو عثمان جاء وحضنو وسامر برضو حضنو وانا نزلته تحت باركته ليه ريم بقت بتضحك قلت ليها بتضحك لي عمتو

فاتن قالت لي في عروس بتبارك لعريسها 😂👊🏻 قلت ليهم عفوا😳💔 ريم قالت لي امجد طلب يدك ما حسيت بنفسي الا وانا طالعه السلم دخلته غرفتي وقفلته الباب علي وبقيت قاعده في السرير بقول اكيد الناس ديل ما جادين لالا ي مناسك بكونو بهظرو معاك ديل ما جادين خالص 😪 لالا ما تختي في بالك كده اتوضيت وصليت ودعيت انو يكون الموضوع هظار ورقدته نمته صحيت زي الساعه 5 صليت العصر وانا لسه قافله الغرفه علي😪 شويه كده وباب الغرفه دق فتحت الباب لقيتها دي فوزيه قالت لي عمو عثمان قال هو عايزاك نزلته تحت قلت ليه هو ما قاعد في الهول قالت لي هو قاعد في غرفه المكتب اتوكلته ومشيت علي غرفه المكتب دقيت الباب قال لي اتفضلي دخلته وقعدته في الكرسي جاء قعد جنبي قال لي انتي ما موافقه علي امجد قلت ليه اوفق علي شنو قال لي امجد طلب يدك مني 😪 قلت ليه مع احترامي ليك يا عمو عثمان انا ما بفكر في الزواج حاليا قال لي بس انا عايز اقول ليك حاجه قلت ليه اتفضل قال لي ابوك الله يرحمو قبل ما يتوفا قال لي مناسك دي امانه في رقبتك ليوم الدين وقبل ما ابوك يتوفا مره كنا قاعدين انا وهو في صالون بيتكم قلت ليه يا اسحاق انا بتك دي دايرها لواحد من اولادي وانا كنت خاتيك لسامر ابوك قال لي انا موافق بس شرط انو يكون امجد هو العريس واتفقنا علي كده عايزه اتكلم قال لي لحظه اتم ليك كلامي قال لي متزكره المره الفاتت لمن كنت عايزه تطلعي من البيت وانا اتكلمته معاك كتير بس انا قلت ليك الموضوع ده وانتي تقريبا ما كنتي مركزه معاي علي العموم ي بتي امجد ولدي وما فيه اي عيب وانتي لو ما عايزهو ما في اي مشكله بس ادي نفسك فرصه انك تتعرفي علي وانا متاكد انكم هتفهموا بعض عايزه اتكلم كده قال لي انا عارفك عايزه تساليني عن شنو عايزه تساليني من حاله امجد ولي كان بتعامل معانا بالاسلوب الما محترم قال لي انا بوريك بس ممكن الموضوع ده ما يطلع من الغرفه دي وما في زول يعرف عنو حاجه قلت ليه اطمن😪 قال لي امجد كان ما كده يا مناسك هو كان بحب ليه واحده من ايام الجامعه وكانوا متفقين علي الزواج واي حاجه في يوم جاء كلمني وقال انو عايزها انا احترمت رغبتو بس قلت ليه خليني اسال عن اهل البت وكده😪 فعلا سالني عن البت وطلعوا ناس محترمين مشيت انا وهو لابو البت وادونا موافقه مبدئيه واي حاجه كانت ماشه سمنه علي عثل بس في يوم اتصل ابو البت لي وقال لي انو ما في قسمه امجد اتحسس من الحكايه كتير 😪 ومشا عشان يفهم منها الحاصل قابلها في مكان عام والبت قالت ليه انو هي ما عايزاهو وخلاص الحصل حصل😪 البت جات قاطعه الزلط وقدر الله وما شاء فعل جات عربيه ضربتها وربنا اخد امانتو 😪 امجد من اللحظه ديك اتغير شديد لمن مشا سال ابو البت ابو البت قال ليه انو ابوك ما موافق علي الارتباط امجد ما فكر انو يسالني بس في الوقت داك بقي يتعامل معانا بطريقه ما ظريفه واعتبر انو هو السبب في انو البت ماتت 😪 بس لمن حالتو اتازمت عرضنهو علي دكتور نفسي وكان متابع معاه طوال السنوات الاربعه الفاتت بس حالتو كانت ماشه في تدهور لحدا ما سامر شاف ليه دكتور في الامارات وامجد سافر طوال فتره الشهرين الفاتو اتعالج بس لسه فتره العلاج ما انتهت😪 وما في زول من ناس البيت عارف بحكايه انو هو مريض نفسي الا انا وسامر باقي البيت مفتكرين ده من تاثير المخدرات وانا شفته من حقك انك لازم تعرفي عشان تكوني علي بر عشان بعدين لمن توافقي ما تقولي غشيناك😪 يلا انا بعد كلام عثمان راسي بقي يودي ويجيب دي مصائب شنو البتنزل علي انا دي 😭😪 ياخي اطلع من مصيبه تجيني مصيبه اكبر منها ما معقوله والله الحمد لله علي كل حال الحمد لله ي رب 😪 طلعته من المكتب ومشيت غرفتي راسي بقي يودي ويجيب ياخي لي انا بس البتحصل معاها حاجات زي دي ليه ي رب ليه انا بس استغفرت ربي وفتحته تلفوني ضربته لايثار قلت ليها لازم بكره تجيني في الجامعه عايزاك في موضوع ضروري😪 وقفلته علي كده