الجزء 7

ياخي البت دي خافت خوف😂👊🏻قالت ليه هو ما قال ليك جااي لشنو 😪سامر قال ليها اساسا انا وهو متواعدين اننا نتقابل قبل كم يوم وحصل ليه ظرف وما جاء هسا هو قال جاي💔 البت دي قلعت ليك عيونها💔😂😂😂👊🏻 وسالت ريم قالت ليها ما عندك طرحه ريم قالت ليه وطرحه لشنو يعني💔 شعرك كده حلو ما تغطيهو😏 طبعا لابسه بنطلون اضيق من اخلاق امجد😂👊🏻 وبلوزه بس مع الكمر عامله شعرها كيري والميك اب ما يديك الدرب😪 والعطر فائح لدرجه😪💔 قالت لريم ده ما وقت لتاختك شوفي لي طرحه ياخ😪 ريم قالت ليها والله ما معاي طرحه غير اللابسها سالت زحل برضو قالت ليها ما عندي😂 اتلفتت علي وقالت لي ي انتي ما معاك طرحه😪 انا عملته نفسي كاني ما سامعها ورجعت اشرب عصيري 😂👊🏻

شويه كده وحذيفه جاء 😻 ولد زي السته في الليدو 😻 اسمر طويل عريض المنكبين😻😂👊🏻 ما شاء الله تبارك الله 😻 جاء وسلم علينا كلنا وما سلم علي سوسو😂 ويشيل ويحدر ليها😪 قال لسامر البت دي منو سامر قال ليه دي بت شريك الحاج وقاعده معانا💔 قال لي اتشرفنا ي مناسك انا حذيفه قلت ليه الشرف لي والله💔

شويه كده وجابوا لينا الطلبات وسوسو خشمها ده ما فتحتو ومنزله راسها لتحت😪 حذيفه قال ليها سماح لي ما قاعده تاكلي الاكل ما عجبك ولا شنو💔 قالت ليه لالا والله بس ما عندي نفسريم قالت ليها من قبيل شابكني جعانه جعانه ما تاكلي💔 سماح حدرت ليها وبقت بتاكل 💔

الموهم انتهينا من الاكل وبقينا قاعدين سامر وحذيفه بتونسوا واغلب ونستهم دايره في اطار الشغل😪 وزحل ماسكه تلفونها وانا وريم مره تنونس ومره نعاين للخلق اما سوسو منزله راسها😂👊🏻

سامر قال خلاص نمشي طلعنا من المطعم وحذيفه يشيل ويحدر لسوسو😂 وسوسو ماشيه مع زحل عشان حذيفه ما يشوفها لابسه شنو😂💔 وصلنا العربيه وركبنا سوسو عايزه تركب معانا حذيفه مسكها ليك من يدها وجراها علي عربيتو😪 ونحن اتحركنا ريم قالت لسامر انو هي ماشه البوتيك سامر قال ليها الزمن اتاخر خليها مره تانيه💔 وصلنا البيت واي زول اتجه علي غرفتو دخلت اتوضيت وصليت 😪 ورقدته في السرير وكالعاده بتقلب فتحته الواتس لقيت كميه من الرسائل ورساله من رامي😻🙈 رامي ده زميلي في الجامعه بس هو في تخصصو صيدله خريج السنه دي وشبه مرتبطين🙈

ردت علي الرسائل كلها وفتحت رسالتو اخر رساله لقيتو بيسال مني وكده 💔 اساسا انا ورامي علاقتنا نحن زاتنا ما فاهمينها مره بنكون اصحاب ومره اخوان ومره حبايب😪 ومره بحسو اساسا ما شغال بي 😪

رديت علي رسالتو وقفلته التلفون اتصل علي وبقي يسال مني ووريتو اني هانزل في الخرطوم وكده❤ قال لي زريف وما اتونسنا كتير وقفلنا علي كده ورقدته نمته

الصباح اصبح ونزلته تحت زي الساعه 9 ما لقيت ولا زول امجد مسافر سامر في الشغل وريم وزحل في الجامعه وعمو عثمان في الشغل وعمتو فاتن طلعت😪 مشيت المطبخ لقيت فوزيه قالت لي اخت ليك الفطور قلت ليها لالا بخت' براي ختيت الفطور وفطرته وطلعته لغرفتي😪 وانا طالعه اشوف ليك زول ماشي علي نفس اتجاه الهول القعدنا فيه انا والبنات المره الفاتت تبعتو بوراء 😪 لقيتو مشي علي الهول ولحقتو الزول اختفي😪 فتشت عليه ما لقيتو قلت بكون دخل الغرفه ومشيت بقيت بدق في الباب واقفه قريب ربع ساعه وانا بدق وما في اي زول فتح ليقلت بيكون طلع بس يا ربي يطلع بوين 😪 ما في غير الباب ده عشان يطلع منو 😪

طوالي رجعته غرفتي وقفلته الباب ووقفته في البلوكنه اشوف زول ركب ليه عربيه واتحرك😪 والزول ده زي كاني شفتو قبل كده بس وين ي ربي وين 💔 ما ركزته كتير في حكايه اني ازكروا وفتحت تلفوني وبقيت بقلب فيه ساي💔 وما حسيت بنفسي الا وانا نايمه صحيت زي الساعه 3 كده دخلت الحمام اكرمكم الله واتدوشتها واتوضيت وجيت صليت الضهر قلت انزل تحت بكونو جو 😪 نزلته لقيت عمتو فاتن قاعده في الهول ومعاها ضيوف طوالي رجعت لمحتني ونادتني جيت سلمته علي الضيوف وطلعوا نسابتها😪 عزوني وكده وقعدته معاهم شويه ورجعت علي غرفتي😪 صراحه كده زهجته من القعده في الغرفه 24 ساعه 😪💔

بس بقيت قاعده ومره افتح التلفون ومره اقيف ومره اقعد😂💔👊🏻 محن غيتو

سمعته العصر اذن صليتو وجيت نازله تاني تحت لقيت الضيوف مشوا😪 وعمتو فاتن قاعده في المطبخ مشيت عشان اساعدها قالت انها انتهت من الغداء😪 وجينا قعدنا في الهول وبنتونس مره ومره نركز في التلفزيون💔 زحل جات سلمت وطوالي طلعته غرفتها قالت ما عندها نفس تتغدا😪 بعد شويه كده عمو عثمان جاء ومشا يرتاح😪 ريم جات وطوالي دخلتخ المطبخ😂 شالت ليها جزره وقالت لامها هي تعبانه ما تصحيها الغداء😪 عمتو فاتم قالت لي بالحاله دي باين اننا هنتغدا انا وانتي بس😂👊🏻 قلت ليها انا زاتي ما عايزه ما جعانه والله😪 خليهم لمن يقوموا كلهم نتغدا😪 قالت لي ديل اي واحد فيهم بياكل براه ما بنجتمع في الصفره كلنا الا يوم الجمعه😪 قلت ليها ايووه

كنت عايزه اوري عمتو فاتن عن الزول القبيل دخل البيت وما عرفتو طلع بوين بس

قلت انتي مالك ي مناسك خل

يك في حالك😪💔

الموهم بعد تحنيس من عمتو فاتن قعدته واكلت معاه وطلعر علي الغرفه وفتحته تلفوني 😪 ما تميت نص ساعه فوزيه دقت لي الباب قالت لي عمو عثمان عايزاك تحت😪 نزلته ليه وقعدت معاهم كانوا عمو عثمان وسامر وعمتو فاتن

عمو عثمان قال لي جهزي حالك وجهزي اوراقك الثبوتيه وكده بكرخ هنمشي نسجل في الجامعه😪 قلت ليه بالسرعه ديقال لي ااي لانو الناس ديل نزلوا ليهم اكتر من اسبوع وانا جبته اوارق النقليه بتاعكك وباقي الاوراق الضروريه بكره تمشي مع سامر تسجلي وتاخدي جدول المحاضرات وتنزلي😪 قلت ليه شكرا 💔 قال لي ي بت انا زي ابوك وانا وابوك الله يرحمو واحد ما في داعي تشكريني😪 وبعدين انتي مش كنتي عايزه تتخصصي هيماتلوجي قلت ليه ايوه قال لي معناها اي حاجه جاهزه😪 شكرتو وسامر قال لي جهزي نفسك عليك الله عشان بكره ما تتاخري بالطلعه😪 قلت سبحان الله سامر يقول لي ما تتاخري😂👊🏻💔 قلت ليه ان شاء الله دخلته غرفتي والساعه كانت ماشه لسته كنت عايزه اتصل علي قروبي واوريهم قلت بس بيكونوا وصلوا البيت هسا وتعبانين وكده 😪

غيتو الوقت مضا علي كدا وزي الساعه 9 كده بعد ما صليت العشاء ضربت لقروبي مكالمه جماعيه ووريتهم باركوا لي وقفلنا علي كده💔