الجزء 5

لطيفه بقت تتمتم وتعاين ل رهف في انكسار واخيرا سكتت و م قدرت تقول اي حاجه

ورهف مشلوله واقفه محلها وبعد صمت قالت لطيفه م تفهميني غلط يابتي امك عمرها

م تعمل غلط زي دا و

قاطعتها رهف بصوت باكي ، وطيب المحامي طارق بعمل شنو في غرفه نومك ؟

لطيفه في موقف لا تحسد عليه : عمك طارق .. عمك طارق بكون زوجي علي سنه الله

ورسوله ... وفي اللحظه طارق دخل الغرفه وجاب وثيقة الزواج واداها رهف في يدها

وبعد م استجمعت قواها قرت المكتوب ورمت الوثيقة علي الارض وعاينت ل امها في

حزن ،خلاص انا آخر من يعلم رايي م مهم وحتي عمي عاملاهو شاهد علي العقد وانا

البت الهبله والغبيه م عارفه اي شي .

عاينت ل طارق في غضب : وانا فاكره عمو طارق الاب الروحي لي وخايف علي

مصالحنا اتاريهو هو كمان عندو مصلحه ومصلحه كبيره كمان .. عموما انا م قاعده ليكم

في البيت دا اخدو راحتكم خاااالص وكأني م في حياتكم .

قرب منها طارق وحاول يتكلم معاها لكن رهف ابتعدت عنو بطريقه عنيفه وقالت ليهو

دا موضوع خاص بيني وبين امي انت م تتدخل .

طلع طارق بعد الكلام دا ورهف طوالي جرت غرفتها وبقت تبكي ولطيفه لحقتها

وقعدت جنبها في السرير وهي حزينه وبعد مده قالت :يابتي اعذريني انا وحيده

وماعندي غيرك في الدنيا دي .. امي وابوي ماتو في المغرب وم قدرت حتي امشي

اعزي فيهم ابوك منعني ...

اتزوجت ابوك وانا عمري 18 سنه وقعدت عشره سنه م خليت دكتور م وداني ليهو

ابوك وبعد تعب ربنا رحمنا بيك انتي وكنتي ومازلتي احلي حاجه في عمري وعمر ابوك

كمان رغم انو كان عايز ولد لكن لما جيتي مليتي علينا حياتنا وبعدك م قدرت اجيب

غيرك وابوك من حبو لي رفض يجيب لي ضره ورضي ب نصيبو وفات وخلانا وبقيت

وحيده ..انتي عندك جامعتك وبكره تتزوجي وتمشي بيتك .. والشي التاني الحمل علي

تقيل مصايف البيت اكل وشراب وكهوباء ورسوم جامعه وايجار .. كنت محتاجه ل ذول

يقيف معاي ويشيل معاي الحمل وفي نفس الوقت يكون ود حلال. ودسيت منك لحدي

م تخلصي امتحانات نهايه السنه .

مسحت رهف دموعها وقالت في غضب : انا من بكره بفتش شغل في الايام البكون فيها

م عندي جامعه ويكون شغل مسا عشان اقرا الصباح واستغل المسا وم دايره اي حاجه

لا منك ولا من الراجل داك وبسكن داخليه وبعمل حق الله بجي اسلم عليك كل فتره

كنيير م زميلاتي ساكنين داخليه عشان في البيوت م قادرين يقرو.

لطيفه وهي بتمسح في دموعها :يابتي انتي اسي مصدومه وافكارك مشوشه ارتاحي

وفكري ومره تانيه نتكلم.

قبلت رهف علي الحيطه ونامت بدون م تحس وصحت مخلوعه لما سمعت صوت امها

بتصحي فيها ..رهف حبيبتي نوم المغرب مكروه قومي صلي عشان نتغدا انا جهزت

الغدا ... قامت رهف مخلوعه وسريع علي الحمام وقالت ،ليه خليتيني انوم لحدي

المغرب انا عندي مشوار مع ميار صحبتي

لطيفه : خير ان شاء الله

رهف وهي في الحمام م عارفه لما ارجع بكلمك.

رغم انو رهف حزينه من جوه والاسي مالي عيونها لكن دا كلو م قدر يأثر علي جمالها

الفاتن وقفت قدام المرايه وعاينت لوجهها وحاولت ترسم ابتسامه لكن طلعت باهته

وشاحبه وضعت كل المساحيق الموجوده في خزانتها وغيرت كم لبسه واخيرا مسحت

كل آثار المكياج وقررت تمشي علي الطبيعه يعني حاجه خفيفه اقرب للطبيعيه

.. واتصل مازن في لهفه عشان يتأكد انها جايه وطلب يجيها ويمشو سوا لكن هي

اختارت تجي ب امجاد وبعد اكتر من عشرين دقيقه كانت رهف في المكان المتفق

عليهو وكان روعه وهادئ ورومانسي وشبه خالي الا من حبيب الروح وكان قاعد في

ركن بعيد وكالعاده في كامل اناقته وعطرو واصل ليها وخفق قلبها في قوه لما وقع

نظرها عليهو وحست انو رجليها م شايلاها وبقت ماشه عليهو ودقات قلبها تذداد سرعه

وهو كمان لما شافها وقف واستقبلها بابتسامتو الساحره وسلم عليها في حراره وزح

ليها الكرسي عشان تقعد ...

مازن وهو بعاين في عيونها : خفت انك م تجي .

رهف في سرها م اجي والله انا قَلبـ ♡ــيے سابق خطاي : لا معقول م اجي . اتلفتت

حواليها : وين ميار م حتجي ولا شنو

مازن في حيره وهو بعاين جهة المدخل : والله م عارف اتأخرت لي مفروض تكون هنا

قالت ماشه الكوافير وبتجي علي طول

رهف وهي سعيده : حتكون علي وصول

مازن عاين في عيونها شديد : اذا قلت ليك م نسيتك ولا لحظه بتصدقيني .

رهف وهي خجلانه : بصدقك لانو دا كمان كان حالي وانتي بعيد ومافي خبر عنك

بقيت اخجل من ميار من كتره اسئلتي عنك مازن مسك يديها وباس كفيها في حنان :

اوعدك اني م ابعد عنك تاني .

رن جرس تلفون مازن ورد مازن : وين انتي يابت م جيتي و

قطع كلامو واتغيرت ملامح وشو سريع وهو بقفل في الخط ودموعو جرت واستغربت

رهف ، في شنو ميار قالت ليك شنو ،مازن الحاج اتوفي في حادث ولازم اسافر اليوم

باي طريقه.

رهف في بكي شالت ليهو الفاتحه وطلعت معاهو هي علي البيت وهو علي المطار.

جات الحزينه تفرح.... مشت رهف وهي سارحه الْحٍمَدٍ للـّہ الذي لا يحمد علي مكروه

سواه .. اتصلت ب ميار عشان تعزيها التلفون خارج التغطيه وفجأة وهي ماشه لقت

نفسها قدام صيدليه كبيره وقفت جنبها مسااااااافه واخيرا قررت تدخل وتسأل عن

شغل وكان في شاب في اواخر العشرينات متوسط الطول عندو لحيه خفيفه ولونو

فاتح وباين عليهو الراحه والنضافه وكان بفتش في تلفونو ولما شافها ارتبك وعاين ليها

في اعجاب وهو بطنطن ماشاء الله : اتفضلي

رهف : انا بقرا صيدله وفي نهايه السنه الاولي لكن عايزه شغل المسا اذا امكن .

الشاب : انتي الزيك دا الناس تشتغل عندو مش هو يُشَتغلً عند الناس

رهف في سرها العبيط دا انا ناقصاهو ،تمام خير آسفه علي الازعاج

الشاب في سرعه وجديه : عايني يابت الناس انا م بعرفك لكن تقدري تقولي اني

ارتحت ليك من النظره الاولي

سكت مسااااااافه وهو بعاين ليها وبعدين قال : انا وحيد عند ابوي وقريت صيدله

واتخرجت وشغال في مجموعه الصيدليات حقات ابوي مشرف عليها كلها عشان الحاج

تُعباُنٌ شويه و

قاطعتو رهف في ضيق : انا دخلي بالموضوع دا شنو

الشاب في جديه: صبرك علي شويه انا اسمي مراد احمد مراد وطالب يدك للزواج نكون

شركاء في الحياه الزوجيه وشركاء في الشغل .. انا ماعايز منك رد اسي اسألي عني

وفكري براحتك اما انا يوم ميلادك بالنسبه لي هو اليوم م عايز اعرف اي حاجه عن

ماضيك اي حاجه .. واذا وافقتي بكون اسعد انسان