الجزء 11

رهف بصوت عالي وخلعه : جريمه قتل.. قتل منو ..

العساكر مسكو مراد ورفعوه علي عربيه الشرطه وهو بقول ليها ،م تخافي اكيد في

حاجه غلط .. كلمي الحاج واضربي لي حازم خليهم يحصلوني علي القسم ..

مراد في سرو ..آه ياربي انت عالم اني برئ وم عملت اي حاجه يارب لطفك وفرجك

ياارحم الراحمين .. المكتوب في الجبين لابد تشوفو العين .. سترك وعفوك ......

رهف مصدومه وماعارفه الحاصل شنو وبسرعه عملت الطلبو منها مراد واصرت تمشي

مع والد مراد الدكتور احمد الي القسم ..

في الطريق دكتور احمد مهموم وبعد صمت طويل : يابتي م عندك اي معلومات عن

الحاصل ..

رهف بصوت مهموم : ابدا م عارفه اي شي حتي مراد لما جا نام علي طول م اتكلم

معاي يعني عشان الطلاق و

احمد في دهشه : طلاق طلاق شنو كمان .. احكي لي الحاصل كلو يابتي لاني محتاج

افهم كل حاجه عشان اقدر اساعد ولدي والنيابه لو ماعندها دليل إتهام قوي م كان

اصدرت قرار بالقبض عليه ..

حكت رهف اي حاجه لدكتور احمد من اول م مشت بيت مازن لحدي م تم الطلاق ..

احمد : لا حول ولا قوة الا بالله ..يابتي انا مصدقك لكن في ذول بعمل كدا .. تصرفك

غلط في غلط وربنا يستر م يكون المكتول دا مازن وولدي متورط في الجريمه ..

كانت دي برضو مخاوف رهف وانهارت اكتر لما فكرت ممكن مراد يكون قتل مازن...

آآآه هل تبكي علي القاتل ولا المقتول ..يارب لطفك يارب تنجي مراد .. يارب انا م عندي

غيرك ..يارب انا م حمل مراد يضيع مني للابد .. يارب

في القسم

بعد تحقيق طويل طلع المحامي .. دكتور احمد ،خير ي استاذ ، رهف واقفه في ركن

بعيد وخايفه وجسمها برجف عاين المحامي لي احمد : والله ي دكتور احمد مراد متهم

بقتل مازن و

صرخت رهف ،مازت اتكتل وعيونها اتملت دموع وبعدها واصل المحامي .. حاليا كل

الادله ضدو ومنتظرين تقرير الطبيب الشرعي احمد شال نفس طوييييل وبي حزن :

الادله شنو .. المحامي اولا في شهود شافوه نازل من بيت القتيل في ساعه متاخره من

الليل وكمان اخت القتيل شهدت انو في النهار جا وهدد القتيل بالسكين ..

احمد انهار علي الكرسي وبقي يبكي ورهف كمان والمحامي طمنهم وبعدها طلب

دكتوراحمد من المحامي ياخد اذن ليهو عشان يقابل ولدو وافق الضابط لي دكتور

احمد ورهف بالمقابله وخلاهم براهم وطلع .. حضن احمد ولدو وبقي يبكي وكمان رهف

سلمت عليهو وهي بتبكي وطلبت منو يسامحها لانها السبب في اي حاجه وبعدها سالو

ابوه وطلب منو يحكي الحاصل كلو وبعد سكوت طويل .. مشيت. البيت عشان اطلب

منو يسيب البلد ويمشي اي محل ويخلينا في حالنا انا ومرتي واتصرف معاي بكل ادب

وقال اصلا هو مسافر بره وماجايي قريب تاني ومشي اتوضا وجاب المصحف وحلف

اسم الله وقال انو ما قرب من رهف وانها مخلصه لي ووراني السبب الودا رهف الشقه

..حقيقه كلامو فآجئني وخلاني احترمو اكتر وشكرتو وطلعت وكانت الساعه 11 مسا

وفي الطريق لقيت ناس وشافوني وانا طالع من الشقه وركبت عربيتي وفقدت تلفوني

بعد حصلت بيت حازم وقعدت واتونست وكنت مرتاح من كلام مازن وعلي ذكرتو

فقدت موبايلي م لقيتو وفتشت العربيه وبعدها اتذكرت انو ضرب وانا في بيت مازن

وصمتو ويظهر في اللحظه ديك وقع مني وبسرعه رجعت عشان اجيب الموبايل عشان

شغلي كلو في التلفون .

سكت مساااااافه وواصل وشو مسود من الاسي ..لقت الباب فاتح واندهشت لكن

وقفت بره وبقيت انادي مازن مازن ولما مافي ذول رد علي دخلت ولقيت البيت كلو

مقلب وبقيت انادي مازن وبعد تفتيش لقيت مازن واقع وغارق في دمو ...

مسح دمعه حاره جات نازله منو وبعدها .. عرفتو لحظات لكن حزنت جدا لما شفت دمو

سايح ومالي الشقه كلها جريت عليهو عشان اشوف اذا كان حي ومع الاسف كان ميت

ويظهر انو القتل كان بدافع السرقه ..

في اللحظه دي تفكيري اتشوش من المنظر وبدون اي تفكير جيت البيت ..

دكتور احمد : وسبب الوفاة شنو يعني مضروب بي رصاص ولا سكين .

مراد في حزن : انا بس لقيت ضربه كبيره في راسو والدم مالي الشقه لكن تقرير

الطبيب الشرعي لسه م طلع .

رهف ساكته ومصدومه وبتعاين لي مراد في خوف وشك لكن مراد قرب منها .. انا

آسف لكن اتمني انك تجدي لي العذر ..

دكتوراحمد : اول حاجه لازم تخلو لعب العيال دا وترجع مرتك لي عصمتك واتلفت لي

رهف.. يابتي انتي موافقه ترجعي لي مراد ..رهف سكتت لكن دكتور احمد كرر الكلام

لي رهف وضاف عليهو انتو مفروض تكونو متماسكين عشان م تثيرو الشكوك ،رهف

ايوه موافقه ارجع لي مراد ..

مرت الايام والنيابه جددت حبس المتهم علي ذمه التحقيق بعد وجدو بصمات مراد

في الشقه وشهادة الشهود والتلفون كمان كان من ضمن الادله.

تقرير الطبيب الشرعي حدد سبب الوفاة ضربه شديده علي الرٱس بأداة صلبه احدثت

كسور في الجمجمه سببت نزيف داخلي حاد 😭😭😭😭😭😭😭

😭😭😭

النيابه وجهت الاتهام لي مراد استنادا لوجود بصمات في الشقه في اماكن متعددة

وشهادة الشهود انو كان آخر واحد شاف القتيل اما سرقه مبلغ كبير جدا بررتو للتمويه

وتوضيح

انو القتل بدافع السرقه

رجعت رهف البيت وهي منهاره وكلام المحامي م مطمن .. يعني بعد رجع مراد يحصل

كدا ولا مازن موتو كان فاجعه كبيره وحتي وهو مودع دنيانا كمان خلي ذكري طيبه

ربنا يرحمه برحمته الواسعه ويصبر اهلو .

رن جرس الباب وبي خطي حزينه مشت رهف عشان تفتح الباب وانفجرت في البكي

لما لقت ميار واقفه قدامها بعد اتبدلت ملامحها الملائكيه الرائعه وبقت انسانه تانيه

مليانه حقد وكراهيه وحزن والشرر طاغي علي الحزن ..

صرخت في وش رهف : تبكي علي شنو وانتي سبب البلاوي كلها معرفتي بيك كانت

لعنه علي ..وبقت تبكي في تشنج .. وكمان لعنه علي اخوي وحبيب قلبي في فتره

بسيطه فقدت اغلي اتنين علي قلبي ابوي واسي مازن .

مسحت دموعها وعاينت لي رهف في كراهيه : لكن م بخليك تتهنئ في حياتك

وماحارتاح الا بعد الف حبل المشنقة حوالين رقبه زوجك