الجزء 15

حبيبي والله عصير الاناناس الشربتو في بيتك كان احلي حاجه حصلت لي.. بحبك

دا كان فحوي الرساله الجات في تلفون مراد من ٱريام.

رمت رهف التلفون علي الكنبه ومشت بسرعه لي غرفه النوم وبسرعه مشي وراها مراد

لكن قفلت باب الاوضه من جوه ومراد يدق في الباب وهو متونر وحزين ولا حياة لمن

تنادي .

مشي علي التلفون وبقي يضرب ويضرب لحدي م تعب ورقد في الكنبه وقفل التلفزيون

وبقي يفكر رهف ممكن تعمل شنو وبسرعه استبعد فكره تطلب الطلاق وحاول ينوم

لكن تلفونو ضرب وبسرعه عاين للرقم وكان مفتكر دي رهف واستاء لما لقاها ٱريام

وفتح الخط في غضب.. في شنو ي ٱريام عايزه شنو بعد خربتي بيتي .

ٱريام تتظاهر بالبراءة : عليك الله م تهظر معاي الظهاز البايخ يا رورو

مراد : ارجوك ي ٱريام اولا ناديني باسمي الحقيقي وثانيا رسالتك قرتا رهف واحتمال

كبير تطلب الطلاق ..

ٱريام في غضب : دايما بتراعي لي مشاعرها وانا زي ال ماكان بينا شي .

مراد بدون وعي منو : دي رهف عارفه يعني شنو رهف .. انا صاح كنت بحبك لكن الآن

انا متزوج .

ٱريام قفلت الخط في وش مراد وهي بتغلي من جوه وطلعت صندوق سيجاير وبقت

تشرب واحده ورا واحده لحدي م خلصت الصندوق كلو وفتحت التاني وضربت لي

حازم وطلبت منو يجيها في البيت حالا وبعد الحاح وافق وجا في شقتها في حي......

الراقي وكانت ساكنه معاها طالبه جامعيه تدرس في جامعه خاصه واندهشت لما شافت

حازم وبسرعه ولعت سيجارتها ودخلت الغرفه الخاصه بيها وقفلت الباب عليها من جوه

ونامت بسرعه عشان الصباح عندها جامعه .

ٱريام اتحايلت علي حازم عشان يقيف معاها ويرجع ليها مراد لكن رفض وطلع بره

الموضوع وحاول يفهمها انو هي بت حلوه ومتعلمه والف واحد يتمناها لكن هي م

اقتنعت بي كلامو وكان ردها : انا عمري م حبيت غيرو وهي لقتو علي الجاهز

سكتت مده وبعدها

لكن انا ابقي م ٱريام لو م رجعتو لي تاني .

وتاني ولعت سيجاره لكن حازم مسكها منها وطفاها ومشي علي الباب : التدخين ضار

بالصحه ..وعايني حواليك وفتشي لي حب جديد .. مراد م ليك.. انتي م عارفاهو بحب

البت دي قدر شنو .

وقفل الباب وراهو وٱريام شالت كاس كان قدامها وضربت الباب والكاس اتكسر ودا

خلي زميلتها في الشقه تجي بسرعه وهي مخلوعه : ٱريام في شنو .

ٱريام غضبانه : بموت لما اتذكر انها قاعده معاه وانا هنا اشرب في السيجاير .

ربا خففت عنها ومسحت دموعها وقالت ليها انتي عبيطه اشلبي منها انت حلوه واي

حاجه فيك روعه يعني حبه اجتهاد كدا ويبقي زي الخاتم في صباعك .

هدت ٱريام حبه كدا ومشت المطبخ وعملت قهوه ليهم الاتنين وجات قعدت جنب ربا

.. والله يابت يا ربا تاريك م ساهله يلا عملت القهوه دي عشان توريني بي مزااااااج كدا

اعمل شنو مع العلم انو هو بحبها شديد م عارفه العاجبو فيها شنو لكن بحبها.

صحي مراد بدري من النوم وبسرعه مشي وقف جنب الغرفه ودق الباب دقات رقيقه

كدا ومافي رد وحاول يفتح الباب وعلي طول اتفتح معاهو ودخل لكن رهف م

موجوده وبسرعه طلع مراد من الغرفه وبقي يفتش وينادي في رهف وفتش البيت كلو

ومالقاها وضرب التلفون وكان مقفول وجن جنونو ودخل الحمام سرعه وغير ملابسو

وركب العربيه ومشي بيت خالتو لطيفه احتمال رهف تكون مشت ليها عشان الليله م

عندها جامعه وبعد فتره جات لطيفه وفتحت الباب وسلمن عليهو في دهشه واول

سؤال : ان شاء الله خير ياولدي رهف م جات معاك لي..

مراد اتوتر ذياده واستعد للمشي : تكون سبقتني علي الصيدليه اطمني يا حاجه بعدين

بخليها تكلمك .

عاينت ليهو لطيفه في حنان : انا مطمنه لانك بتحبها وشايلها في عيونك ولو مت م

بكون خايفه عليها.

مراد رجع وباس راس لطيفه.. ربنا يخليك لينا ان شاء الله.

بسرعه جنونيه مشي الجامعه وسأل عن رهف وقالو م شافوها الليله وسأل من سلمي

صديقتها الوحيده وكمان م جات وماعارف بيتم وين وفضل يلف في الطرقات لحدي م

النهار قرب يخلص ولطيفه كم مره ضربت وسألت عن بتها وم عرف يقول شنو وفي

النهايه قال ليها اي كلام وبقي شايل هم البت دي بحبها للدرجه دي ..م عارف يُشَتغلً

ولا ياكل ولا يشرب كل همو يلقاها ولما خلاص تعب مشي لي صحبو حازم ولقي معاهو

زيزي لكن حازم لما شاف حاله مراد طلب منها تمشي بيتها وفضي ليهو ومراد حكي اي

شي وطلب من حازم يشوف معاهو حل وكيف يلقي رهف .

مراد قلبو م كان مطمئن وخايف من رهف تسيبو ودا اكتر شي خاليهو حزين .

مراد : معليش ي حازم دايما داخل في مواعيد راحتك و

حازم : عايزني ازعل منك ولا شنو .

سكت مساااااافه وسرح وواصل : بعدين زيزي الليله زوجها شاكلها من الصباح وقالت

جات تاخد رايي اذا طلبت منو الطلاق ممكن اتزوجها ؟

مراد : وانت رايك شنو حازم : هههههههههه انا اتزوج واحده بتخون زوجها معاي اكيد

انت بتهظر .

مراد جاتو رساله من رهف وطالبه بكره تقابلو في البيت.

شويه اطمن وحسي بي سعاده وفرح وبعد شويه تلفون حازم ضرب ورد علي المكالمه

وبعدها وشو اتغير ووضح عليهو الضيق ودا خلي مراد يسألو وحازم قال زيزي مسافره

البلد تقعد مع اهلها لحدي م موضوعها يتحلي وفجأة عاين لي مراد في اهتمام : علي

فكره زوجها من بلد ناس مرتك .

مراد في دهشه : اسمو منو دا بلديات ناس حبيبتي دا .

حازم : اسمو حسام منو م عارف