الجزء 14

رهف لاحظت لي لون مراد المخطوف وشكت فيهو وبسرعه دخلت الغرفه وفتشت

الحمام وطلعت تاني تفتش بره ولما م لقت حاجه عاينت لي مراد في ضيق : مالك زي

العامل ليك عمله كدا.

مراد بصوت مرتبك وم علي بعضو : عمله ..عمله شنو يظهر انك بقي يتهيأ ليك ..

رهف ولسه شاكه : انا قلبي حاسي انو في حاجه حصلت.

مراد وبقي يرجع لي وضعو الطبيعي : حاجه شنو .. حبيبتي تحبي اوديك لي دكتور .

رهف : خلاص طلعتني مجنونه كمان .

استجمع مراد قواه وبقي يفكر... لو رهف جات بدري بس قبل خمسه دقايق كانت لقت

المجنونه ٱريام وكان حيكون آخر يوم لي رهف معاي لانها حتتهمني بالخيانه وبصراحه

معاها حق لكن ٱريام دي عجيبه بتحاول تصحي فيني حاجات حصلت زمان .

استأذن مراد عشره دقايق يمشي لي حازم ويجي .

منزل حازم

مراد تصور المجنونه ٱريام جات في البيت بعد ضربت لي وقالت لآزٍمٍ تلاقيني وانا

اتحججت بي رهف في بيت والدتها وماشي اجيبها وبعد فتره بسيطه دقت الجرس

ولقيتها واقفه قدامي وانهارت قواي لما شفتها وم قدرت امنع دخولها البيت وقعدت في

الهول وبعد شويه قالت عايزه تشوف غرفه نومنا انا ورهف ودخلت الغرفه وانا بحاول

اتخارج منها وطلبت حاجه تشربها وجبت ليها عصير انناس وكشحت العصير فيني

وهدومي اتملت عصير

ولما شفتها م ناويه تمشي شبه طردتها وبسرعه مشيت الحمام بعد قدمتها لحدي الباب

وهي بتقول لي تلفونات بااااااااي .. اتخيل بس غيرت ملابسي وطلعت كدا عشان

امشي اجيب رهف لقيتها قدامي وشكت في الموضوع لكن الحمد لله عدت علي خير .

حازم : اعمل حسابك من البت دي ختتك في راسها وضربت لي وقالت عايزاني

ضروري وجات في البيت وسألت منك.

مراد وهو طالع علي الباب : تمام اسي الوقت اتأخر بجيك مره تانيه. ونتكلم .. سلام .

رهف بقت تمشي وتجي وتعاين للساعه وبعد لحظات جا مراد : هوفا العشا جاهز انا

جعان شديد .. رهف بدون كلام مشت علي السفره وكانت مجهزه كل الاكل البحبو مراد

وطول فتره العشا رهف م قالت ولا كلمه ومراد لاحظ ليها وبعد خلصو رقدت في

السرير واتغطت ولسه ساكته لكن مراد حاول يقرب منها ويتكلم معاها.. روحي مالك

الليله .. رهف بدون م تتلفت عليهو .. مافي حاجه .. مراد تخبي علي حبيبك ونور عينك

.

رهف اتلفتت عليهو : انا م خبيت حاجه انت اوضاعك الايام دي م تمام ودا طبعا بعد

ظهرت الاسمها ٱريام دي.

مراد يضمها عليهو : بحبك والله.. دا الشي الانا متأكد منو ..

ضحكت رهف : دا بس البتقدر عليهو..

مراد : ههههه يامره انتي عشان عارفه اني بموت فيك عشان كدا بتعملي الامور دي .

زح منها الغطي وقال ليها : نفسي احضر معاك فيلم وناكل فيشار عاينت ليهو رهف في

دهشه : مجنون الساعه كم ..بعدين انا تعبانه

مراد في حنان : انا بساعدك مافي فيشار جاهز صح ..طيب وريني بعملوه كيف وانا ح

اخليك تاكلي احلي فيشار من يد حبيبك .

رهف قامت من السرير في خمول : اسمعني انا م مستغنيه من روحي .. بعملو انا وانت

فتش لينا فيلم جميل كدا مراد : حااااضر من عيوني ياعيوني .

مشت رهف المطبخ وطلعت علبه الفيشار وسخنت الزيت وبعداك ختت الفيشار وخلتو

عشان يتفتح ومشت الهول تشوف مراد عمل شنو ..

اختار مراد فيلم رعب خطير لكن انتظهر لحدي م رهف جابت الفيشار وقعدت جنبو

علي الكنبه وبعدها شغل الفيلم وقعدوا علي الكنبه الفاخره المريحه ورهف مالت عليهو

وختت راسها علي كتفو ومراد فرح جدا بالحاجه دي وميل راسو عليها في رقه وبقو

يحضرو في الفيلم والمناظر كانت مخيفه ورهف تكورك وتدفن راسها في حضنو وكل

مره بتكون عايزه تمشي لكن مراد بمسكها ويصر انها تكمل الفيلم وقضو كل الوقت

يضحكو ومراد يكب فيها الفيشار ورهف تجري وتجيب مويه بارده وترشها بيهو وكانو

اسعد اتنين لحدي م جات رنه رساله في تافون مراد واتغيرت ملامحو وبان عليهو

التوتر والقلق بعد م بدا الغضب علي رهف وهي بتطلب منو يفتح الرساله ومراد متردد

وفي عصبيه شالت رهف التلفون وشافت الرساله وكانت