الجزء 6

اداها كرت فيهو ارقام تلفوناتو وكمان طلب رقمها ومشت رهف وافكارها مشوشه ..

سَـآعــهْْ تفكر في موضوع مازن وكل تلميحاتو ليها بانهم يرجعو لبعض لولا ظروف

الوفاه وساعه تانيه تفكر في عرض دكتور مراد الشغل والزواج ..موضوع الشغل جا في

وكتو اما الزواج حاليا هي بتحب مازن وبتموت في مازن وعرفت معاه معني الحب

وهو اول حب في حياتها .. لما اتزوجت لاول مره كان زواج بس عشان ترضي ابوها

كان بحبها بجنون لو م كان غيور غيرة مرضيه .. مدرسه مافي مرقه مافي الا بيت ابوها

وهو يكون معاها لبس فستان او حتي عبايه مافي توب بس عشان التوب ستره وما

بظهر المفاتن .. اما هي كانت معاهو بجسدها فقط بلا روح .. باعت نفسها والتمن رضاء

ابوها .. كانت عايشه معاه بجسد ميت فاقد للاحساس اما روحها كانت محلقه تحلم

بالحريه وحياة الحب والهيام والعواطف الملتهبة .. كانت معه في فراش واحد لكن

احلامها الصغيره والجميله طايره في عالم السحر والجمال ..روحها مسلوبه ونفسها

جائعه للحب والاحاسيس المتأججه.....

❤❤❤❤❤

وصلت رهف البيت وكانت طول الطريق بتحاول تلفون مازن ولسه خارج التغطيه

...ياربي لطفك وعفوك ورضاك .

مشت غرفه والدتها ولقتها موجوعه تتألم ومن شافت بتها صرخت يابتي الحقيني

سريع الحوادث ماقادره طعنه شديده جهة القلب .. بسرعه طلعت رهف الشبط العالي

ولبست حاجه زاحفه ومشت الظلط واول تاكس وقفتو ومشي المستشفي وبعد معاينه

طويله طلبو منهم رسم قلب وصوره مقطعية بس الوقت اتأخر الا الصباح وكتب ليها

الدكتور روشته

ومقابله بكره بعد الصور

وقفو في الظلط عشان يوقفو امجاد لكن لقو طارق نازل سريع من عربيتو وبقول خير

خير ان شاء الله الحصل شنو م فهمت حاجه منك في التلفون ،شرحت ليهو لطيفه كل

الحصل وقال ل رهف وين الروشته لكن رهف طلبت منو يصل مع امها البيت وهو

بتجيب العلاج .

مشت رهف لكن للاسف لقت الصيدليه مقفله ومشت واحده تانيه وجابت العلاجات .

وصلت رهف البيت ولقت امها وجنبها طارق طبعا خلاص الموضوع بقي علني عملت

لامها العشا واخدت العلاجات ومشت رهف عشان تنوم وكان عندها جامعه بكره لكن م

حتمشي لآزٍمٍ الصوره ورسم القلب الصباح ..

صحت رهف علي صوت جرس تلفونها وفتحت الخط وهي متأمله يكون مازن الرقم

غريب لكن من السودان ،رهف بصوت ناعس الوووو،المتصل الووو صباح الخير ،رهف

في دهشه منو معاي ،انا مراد ...يالله دا صباح شنو دا الليله !! ،اهلين دكتور مراد .. خير

،مراد اشتقت ليك وحبيت اسمع صوتك ، رهف في سرها اووووووف ،عفوا،مراد آسف

م قدرت انتظر ،رهف عشان تختصر المكالمه بمر عليك بعد اخلص محاضرات ، ياريت

لو قبل م تمشي الجامعه معليش عارف تقلت عليك ،رهف طيب اوك بمر عليك

قامت رهف وقعت في السرير وحهي كسلانه ياربي دا شنو العبيط دا كمان وشكلو كدا

بتاع تشغيلات 😏😏😏

الله نسيت موضوع العياده دا كلو من الدكتور المهوووس دا لكن بمر عليهو سريع .

سريع جهزت وامها لسه م صحت وشربت شاي وجهزت لامها الشاي وكانت لابسه عبايه

سوداء انيقه وركبت المواصلات الصيدليه قريبه ونزلت ومن الباب لقت الدكتور منتظر

واستقبلها ب لهفه وشوق 😍😍😍😍😍

وطلع تلفونو وضرب رقم وبعد دقائق بس جا واحد يعني في الخمسين كدا وبشبه مراد

يظهر انو السيد الوالد وسلم عليها في حراره وقدمها مراد

رهف طالبه الصيدله كلمتك عنها ..

الوالد : اهلا وسهلا

رهف اتشرفت بمعرفتك دكتور احمد

واستأذنت متحججه بالعياده وسألها والد مراد عن مرض الوالده وحكت اي شي

وبعدها ضرب لدكتور صديقو وطلب منهم يمشوا ليهو في عيادتو واداهم رقم تلفونو

وتلفون الدكتور.

فرحت رهف يظهر انو هذا المراد وش السعد عليها .

قابلت لطيفه الدكتور وبعد شاف الصور كتب ليها علاج دائم لكن غالي جدا واذا بعد

فتره حالتها م اتحسنت لازم عمليه كبيره وتكلفه عاليه جدا ...

كل الحاجات دي خلت رهف تنزل الشغل في الصيدليه وعملو ليها مرتب كبير خريج م

بحلم بيهو ومشت الامور عاديه ومراد كل يوم يذداد تعلق ب رهف ورهف ينزف جرحها

لما تضرب تلفون مازن وميار وم يدخلو معاها وكمان مايسه م عارفه عنهم حاجه وتمر

الايام وتخلص رهف سنه اولي بإمتياز ودا طبعا بمساعده دكتور مراد الكان دايما بشرح

ليها وواقف جنبها في اي حاجه .. الْحٍمَدٍ للـّہ ربنا بعت ليها ود حلال يقيف جنبها بدون

مقابل غرضو شريف وحتي دا م عندو دخل بموضوع الشغل معاه وكمان الوالد بتعامل

معاها بكل حب واحترام .

طارق شخص فاضل لكن عندو اسره كبيره وبإختصار م بقدر يوفق بين البيت الكبير

وبيت لطيفه وكمان موضوع العلاج الغالي والمستمر عشان كدا قررت رهف تضحي مره

تانيه والمره دي عشان علاج امها .. وبعد ضغط شديد من عمها وطارق وامها وكل

صديقاتها قررت رهف توافق بالزواج من مراد علي الاقل المره دي العريس كويس

وشكلو متفهم الحياة وان شاء الله يعاملها بما يرضي الله...

تم الزواج في هدؤ ودا كان بناء علي طلب رهف زواج بسيط بس الاقارب والاصدقاء

في صاله جميله وبعدها سافر العرسان لقضاء شهر العسل .

في الغرفه

مراد وهو فرحان وبعاين ليها في اعجاب : اخيرا ربنا حقق مناي واتزوجت اجمل بت

في الدنيا

رهف وهي مبتسمه ابتسامه باهته : م تبالغ انت كمان

مراد وهو سارح : احلي بت في الدنيا واحلي منها ا

قطع كلامو ورجع لوعيو لكن رهف سألت في دهشه منو دي الانا احلي منها.

مراد في هروب : حبيبتي الليله ليلتنا وماعايزين اي حاجه تعكر صفونا

وعاين ليها في حب ورغبه انا عايزه مهما يحصل م تتخلي عني ..

رهف قلعت عيونها في خلعه :مالك عايز تخوفني

حضنها في حنان :م عايزه تخافي وانا معاك

مرت ايام العسل ورهف جسدها مع مراد وروحها مع مازن البقي حتي م من حقها تفكر

فيهو وحاولت تتناسي مازن وتعيش بنص روح مع مراد علي الاقل يعني .

لاحظ مراد انو رهف م بتبادلو نفس الاحساس لما يكون معاها بحس ببرود شديد منها

واتحمل كتير وبعدها صرخ في وشها مراد : في شنو يارهف ليه م قادره تتجاوبي معاي

انا قدرت اسعدك ولا المشكله شنو بالضبط

رهف في ارتباك : ااا كيف م بتجاوب و

قاطعها ملاحظ من شهر العسل وانتي م معاي بحس انك في عالم تاني وعايزه بس

الموضوع يخلص عشان ترتاحي مني انا م راجل في نظرك اذا فيني عيب قولي لي ..

رهف في ضيق : الموضوع م كدا يا مازن