الجزء 7

عاين ليها مراد في خيبه ٱمل وحزن وقام دخل الاوضه وهو بقول : علي فكره يامدام

انا اسمي مراد يعني م مازن ..

ارتبكت رهف ودا ظهر في وشها وبسرعه لحقتو جوه الغرفه وقعدت جنبو وحاولت

تشرح الموضوع لكن مراد اتفجر فيها: ملاحظ انك من شهر العسل وانتي م معاي

احاسيسك بارده تجاهي ومافي تجاوب عندك وانا اقول لا يا مراد امكن لسه م اتعودت

عليك وامكن لانها لسه صغيره في السن وتاني ارجع واقول عندك تجربه زواج سابقه

سكت مده وبعدين واصل لما نكون مع بعض في لحظات حب بحس انك ضايقه بتين

الموضوع يخلص بس عشان تزحي مني ..

رهف م عرفت تقول شنو وقربت منو ، مراد انا حبيت فيك حاجات كتيره والا م كنت

وافقت علي زواجي منك و

قطعت كلامها لما سمعت صوت جرس تلفونها ومشت عشان تشوف منو المتصل

وبالخلعة التلفون وقع منها علي الارض وكان المتصل مازن... دا وكتو منتظره اكتر من

سته شهور ولما تتزوج يظهر ..

مشي مراد وهو غضبان عشان يرفع التلفون من الارض ولقي التلفون قفل وصرخ فيها :

اسمعي يابت الناس انا من عرفتك م سألتك من ماضيك لكن انتي اسي مرتي وقام

وقف قصاد النافذه ورهف جات ووقفت بي وراهو وختت يديها في وسطتو وسندت

راسها علي ضهرو وقالت في دلع انا بحبك انت ومرتك وان شاء الله اكون ام اولادك و

فك يديها منو وقال : انتي فاكره انا اهبل ومابفهم اذا عايزه نكمل مع بعض تغيري

الشريحة وقبلها مازن دا شنو..

رهف في دلع اكتر وهي تداعب في لحيتو : اولا م تقول علي حبيبي اهبل ومابفهم م

بسمح ليك تانيا دا كان خطيبي وحاليا انا مرتك ..

مراد بدا يلين شويه وعاين ليها في حنان وحب ،يابت الناس انا حبيتك وداير اقضي

معاك كل عمري وبرضو بكره بجيب ليك شريحة جديده انا غيور وبحبك بجنون وبغير

من اي اي شي حتي ملابسك لانها بتلامس جسدك ومن النسيم لما يداعب شعرك

وحتي بغير عليك من نفسك....

😍😍😍😍😍

وضماها علي صدرو في حنيه وباس شعرها وبقي بحكي ليها عن حبو وعن احلامو

وهي معاه وغرق معاها في احلي نوبات حب وعشق وجنون ..

رجع مازن من الخارج وكمان ميار وسكنو في شقه براهم ورجعت ميار الجامعه بعد

تجميد السنه الفاتت ..

مازن وهو حزين : ميار البت دي تكون مشت وين بضرب التلفون اول حاجه جرس

وبعدها اداني غير موضوع في الخدمه دا يعني شنو ..

ميار وهي محتاره : انا كمان راسي شاطب لكن ممكن امشي ليها البيت

مازن في فرح : تكوني م قصرتي معاي

ميار وهي بتفتش تلفونها : انا كان عندي تلفون خالتو لطيفه ..خلاص حظنا حلو لقيتو

وضربت الرقم ولقت لطيفه وسلمت عليها في حراره وبعدها طلبت منها رقم رهف وادتا

عنوان الشقه .

مرت الايام ورهف بتحاول تثبت لي مراد حبها او علي الاقل تتظاهر ب حبها ل مراد

وهو ارتاح شويه كدا وبدا بثق فيها تاني من جديد وحياتو معاها بقت حلوه ..

في الجامعه

رهف : سلمي انا في ورطه مراد بقي معاي مازي زمان يعني تلفوناتو كترت لما اكون في

الجامعه وم قادره اخد منو اذن عشان امشي ناس ميار صحبتي قالت عايزاني ضروري

وخلت عنوان بيتهم الجديد مع امي .

سلمي في ابتسامه : بختك متزوجه سيد الرجال وبغير عليك موت والمهندس الوسيم

جاري وراك وانا وااااحد م لامة فيهو 😭😭😭😭😭

رهف : اصعب حاجه انك تبيعي نفسك ل ذول م بتحبيهو وتكوني معاه جسد بس

وروحك مع واحد تاني . سلمي : عليك الله م تبكيني مراد كويس جدا ومثالي وبحبك ..

رهف والدموع في عيونها : دا المعذبني ..

سكت مسااااااافه وبعدين : انا ماشه اشوف ميار واسلم عليها واوريها اني اتزوجت

واشرح ليها ظروف زواجي ومرض امي عشان تفهم اني م خليت اخوها ساي بدون

سبب .

سلمي : انا بنصحك يارهف انا اكبر منك .. انسي مازن وخليك مع راجلك وانتي م

بتخجلي عمرك م تم عشرين ومتزوجه اتنين وخاطبه واحد ..

رهف : هههههه دي قسمتي اعمل شنو بعدين انا ماشه ل ميار والبت دي صحبتي شديد

وماعايزه افقدها وخلي الثرثره دي ما تأخريني الرجل داك بعمل لي موضوع بقي كمان

ينتظرني في الصيدليه لما اجي حتي يدخل معاي البيت..

ركبت رهف امجاد وسريع علي العنوان وضغطت علي الجرس وبعد دقيقه فتح الباب

وكان مازن وفرح جدا لما شاف رهف وسلم عليها في حراره وبكت رهف لما شافتو

وارتمت في احضانو وبعد مسافه عاين ليها مازن في خلعه بعد شاف اثآر الحنه علي

الانامل ،اتزوجتي يارهف وسريع مشي من قدامها ودخل الاوضه بدون م يلتفت ل

نداء رهف وبعدها جات ميار وكمان بعد السلام الحنه الجمت لسانها وماعرفت تقول

شنو...

مشت رهف اوضه مازن وحاولت تشرح ليهو الموضوع واسباب زواجها لكن مازن م

اتجاوب معاها وحاولت تقرب منو لكن صداها وهو بقول : انتي ناسيه انك مره راجل

تاني ولا حنيتي للقذاره تبع حسام ..

كانت كلمات مازن ليها وقع الرصاص علي قلبها وبسرعه مشت من قدامو وهي

مجروحه وحزينه ...

وبدون م تحس وصلت البيت وهي في حالة يرثي لها ولقت مراد واقف والشرار بتطاير

من عيونو 😡😡😡😡😡

وسلمت عليهو وهي حزينه ومشي عليها وعاين ليها في غيظ وقال : اها حبيبك قام

بالازم معاك