الجزء 8

عاينت رهف وبقت تتمتم واعصابها كلها منهاره وحاولت تستجمع قواها وتخفي

انهيارها وارتباكها الواضح : تقصد شنو

عاين ليها مراد في غضب اكتر وسخريه : انتي لسه عايزه تكذبي... جاوبي مشيتي وين

من الجامعة ؟

رهف بقت تعاين وتتلفت حواليها ، مشيت لي صحبتي جات من السفر و

بترت عبارتها لما هوت يد مراد علي خدها زي الصاعقه ورهف عيونها بقت تشوف سواد

وخدها جهة الكف بقت م حاسه بيهو ولقت نفسها مرميه علي الكرسي وبقت مذهوله

تعاين ودموعها جاريه وماسكه خدها بدون كلام ..

مراد طلع من البيت ومشي لي صديقو حازم وكان تقريبا في نفس عمرو مليان حبه

وطويل ووسيم وعندو صيدليه كبيره في وسط البلد عايش براهو وحيد بعد وفاة

الوالد والوالده وزواج اخته الوحيده وسفرها للخارج مع زوجها ..

حازم : وين ياذول م ظاهر البعرس بسيب اصحابو يعني.

مراد في حزن : عرس ياريت لو كنت زيك عايش حياتي بالطول والعرض ولا عرس ولا

وجع راس ..

مشي حازم وجاب مشروب وقعد جنب مراد : مالك خير ان شاء الله بتين لحقت تزهج

من الزواج .

ولع مراد سيجاره وشال نفس طوووويل : زوجتي مشت شقه واحد كان خاطبها ..

حازم في خلعه : ياخ م ممكن وانت عرفت كيف

مراد بدخن السيجاره في عصبيه شكيت فيها ورسلت وراها ذول بثق فيهو ومشت

بيت مازن

حازم :ولما سألتها اعترفت ولا نكرت .

مراد : نكرت لكن ضربتها

حازم : لا لا يامراد موضوع الضرب م بأيدك عليهو ..

سكت مسااااااافه وبعدين ،وحتتصرف كيف ياخوي .

مراد : والله م عارف

حازم : لآزٍمٍ تصل ل قرار

مراد : انا متأكد انها م عملت حاجه لانها طلعت سريع لكن واحده بتطلع وتنزل علي

كيفها وبدون م تكلمني م بقدر اثق فيها

حازم : يعني حتخليها

مراد : وتمشي ليهو واحتمال تتزوجو

حازم : انا نصحتك م تعرس بت سمحه للدرجه دي لكن معليش.

مراد : انا بحبها وماقادر اتخيل حياتي بدون م اصحي الصباح والقاها جنبي .. شمسي

م بتشرق الا لما اشوف عيونها ..

حازم : مدام بتحبها الحب دا كلو سيطر عليها وخروج الا معاك وتلفون كمان بحساب

واتعامل معاها بقسوه شويه خلي حنيتك دي واهم شي تعرف مشت هناك لشنو .

طلع مراد من صديق عمروحازم بعد ارتاح نفسيا ومشي البيت ولقي رهف راقده في

السرير ولما حست ب حركتو قامت وقعدت علي السرير ومراد م عاين ليها حتي في

وشها وشال غيارو وطلع من الغرفه ولحقتو رهف بعد رقد في الصاله علي كنبه وقعدت

جنبو في الكنبه وهو بعاين في السقف ، رهف انا غلطت لما مشيت ل ميار وماكلمتك

.. لكن دي اقرب صديقه لي وزي اختي .. المهم شرحت قصه وفاه ابو ميار وسفرها بره

السودان وكل التفاصيل ديك .

مراد بدون م يحول بصرو من السقف .. ميار دي منو واحده ساكنه في بيت مازن .. لسه

مصره تكذبي الشقه حقت حبيب الروح مازن .. سكتت رهف وبعدين .. ميار اخت مازن

اتلفت مراد وعاين ليها ،اختو ... ايوه اختو ومشيت عشان اعزيها ..

مراد : وهو كان هناك

رهف : ايوه لكن قدمت واجب العزا ومشيت طوالي ..

مراد خت يدو علي وشها واتحسس آثار الكف واتألم جدا وبكي ومسك وشها بين

يديهو انا آسف حبيبتي آسف ياريت لو يدي اتقطعت قبل م تصلك .. بكت رهف في دلع

ومشت الغرفه ورقدت في السرير واتغطت لكن مراد قرب منها ومسح علي شعرها

وقبلها بين عيونها واعتذر ليها كمان مَـرّھٌ وبعدها نامت وكانت طول الليل كوابيس

مزعجه وكل مره تصحي وتصرخ ويهديها مراد ويقرأ ليها لحدي م تنوم في حضنو ..

بعد مرور كم شهر

خلصت رهف امتحان نصف العام ومراد كل يوم يذداد عنف معاها سَـآعــهْْ يضربها

وساعه يكسر التلفون وساعه يمشي ليها في الجامعه زياره مفاجئة ولما تجي البيت

يحبسها في الغرفه ويرغمها علي حقه الشرعي وبعدها يقفل عليها ويطلع ويجي نص

الليل وينوم جنبها بدون حتي م يعاين في عيونها وفي يوم صرخت في وشو بعد جا

نص الليل ممكن افهم نحن حنستمر كدا لحدي بتين

مراد بدون م يعاين ليها : مالك ناقصك شنو عايشه ملكه ..

رهف تكورك : انا م عايزه اعيش ملكه انا عايزه اعيش كانسانه .

مراد يضحك في هيستريا: انسانه ؟؟ وانا مش من حقي اعيش كراجل محترم ومتزوج

من واحده كان فاكر انها محترمه .

رهف في غضب: خلاص اذا حاسي اني بقيت م بنفعك كل واحد يشوف طريقو

مراد: هههههههههه دا حلمك انا قدرك حتعيشي معاي وتموتي معاي .. انسي اطلقك

عشان تمشي لحبيب القلب وترتمي في احضانو .. لا .. م بحصل ابدا .

رهف : انت بقيت تعاملني زي وزي اي بت ليل او عاهره جبتها معاك آخر الليل اخدت

منها الدايرو ومشت .. تتعامل معاي بعف بدون مراعاة لاحساسي المجروح وانا زوجتك

علي سنه الله ورسوله .

مراد : بالمناسبه انا بمشي اشرب مخدرات واقدر انسي انك مشيتي للحقير مازن في

بيتو حتي اقرب منك ولما افوق بحتقر نفسي عشان لمستك ..

رهف تبكي بصوت عالي اذا م طلقتني بنتحر

😭😭😭😭😭

مراد عاين ليها في عدم إكتراث : في الحاله دي يكون دا يومك تم وتقابلي ربك ..

ورقد في السرير ونام زي كأنو مافي حاجه حصلت ومن الصباح مشي الصيدله وبعدها

مشي لي حازم في البيت ولقي معاهو صديقهم التالت ايمن ودا دكتور بشري لكن كان

شخص مستهتر وخالي مسئوليه وحياتو كلها نسوان وشراب سيجائر واحيانا خمره ..

قعدو في الهول وبقو يتونسو وبعد شويه رن جرس الباب وكانت واحده جايه لي حازم

واتحرجت لما لقت اصاحبو معاه لكن حازم جراها عشان تقعد معاهم وعرفها بيهم لكن

البت م كانت مرتاحه وبسرعه استأذنت ومشت

مراد: البت دي شكلها م غريب علي م عارف شفتها وين .

حازم : دي ساكنه بدايه الحي وزوجها شغال في مصنع وهي بتجيني حسب ورديه

زوجها ..

مراد : لا حول ولا قوة الا بالله ربنا يهديها

وسرح بعيييييد وفكر ياربي رهف تكون بتخوني .. معقول تبيع نفسها للشيطان وتخرب

وتدنس بيت الحلال بالرذيله .

ايمن وهو بشرب في سيجاره : سرحت وين انت لو داير في من النوع دا متوفر كتير .

حازم عاين لي ايمن في توبيخ : ياذول مالك مراد ذول خايف الله وبعدين متزوج .

ايمن : ههههههه حلوه متزوج دي .. وصحبتك دي كمان م متزوجه .

حازم: لو سمحت يا ايمن انت عارف مراد دا من زمان م ليهو في الحاجات دي..

ايمن وهو محاول تغير الموضوع : اسمعني ذولتك دي م شرحت ليك انها بتعمل كدا

ليه ووين زوجها حازم : ههههه قالت زوجها مافاضي ليها وم مقدر جمالها ..

مراد طوالي شال مفاتيح العربيه : يلا ي جماعه انا امشي تلفونات ..

ايمن : انت شكلك م عاجبني لكن خليها لما نتلاقي تاني ..

مراد : اوك يلا سلام

وصل مراد البيت ولقي رهف راقده في السرير وظاهر عليها المرض وبترجف من البرد

وبسرعه مراد مشي عليها ولمس وشها : حرارتك مرتفعه جدا .. ومشي علي المكيف

قفلو وبسرعه جاب مسكن وكاس مويه ورفع راسها وبلعت الحبه وعمل مكمدات لحدي

م الحمي بدت تنزل حبه وبعدها مشي جاب ليها حاجه عشان تشربها لكن رهف رفضت

بحجه م عندها نفس مراد: لازم تشربي عشان تبقي كويسه.

عاينت ليهو رهف في حزن: بهمك كتير يعني

مراد عاين ليها في حنان : ربنا يعلم بحبك قدر شنو وممكن افديك بي روحي

قبلت وشها منو وبكت :انت بقيت تكرهني حتي م بهمك اعيش ولا اموت

مراد ضماها عليهو في حنان : انتي روحي وماداير اي مره غيرك تاني وحتي اذا لا قدر

الله افترقنا بعتزل الزواج والحب ..

رهف عاينت في خوف ورددت : افترقنا ..

بكي مراد وشال نفس طويل : خايف الشك الجواي يكبر ويدمر حبي ليك ..

رهف حاولت تقوم لكن م قدرت : انا تعبانه وحاسه بمغص شديد وراسي لافي مراد:

خلاص اخدي راحتك م تتحركي .

رهف في اعياء وهي محاوله تقوم تاني : شنطتي عايزه الشنطه ..

مراد : عايزه منها شنو قولي وانا بجيب الحاجه العايزاها لحدي عندك ..

رهف نزلت رجليها وحاولت تقوم لكن وقعت علي الارض واغمي عليها وصرخ مراد في

خوف رهف رهف وبسرعه حملها بين ذراعيه وعلي العربيه ولما وضعها علي المقعد

وبسرعه ساق العربيه ووداها احسن مشفي في العاصمه وبعد فحص طويل طلع

الدكتور وقال لي وهو حزين للأسف م قدرنا نحمل حاجه