الجزء 9

مراد اعصابو انهارت وبقي يتمتم ..كيف يادكتور .. لي حصل شنو ...

الدكتور في حزن ربنا يعوضك لسه المستقبل قدامكم والحمد لله قدرنا ننقذ الام .. تقدر

تدخل وتشوف المريضه ..

مراد بقي مذهول ...رهف كانت حامل ..رهف كانت حامل.. ايوه انا السبب .. انا بقيت

سبب وكتلت اول جنين لي ومن المرأة البحبها ...

طلعت الممرضه من غرفه رهف وقالت لي مراد .. المريضه طلبت تشوفك مش انت مراد

..

بسرعه دخل مراد ولقي رهف شاحبه وواضح عليها الاعياء وماقدر يتحمل وبقي يبكي

ويبوس يديها ويقول .. انا آسف سامحيني .. آسف .

رهف وصوتها تعبان خالص لا لا م تبكي انا مسامحاك انت سامحني عشان خبيت منك

موضوع الحمل ..كنت كل يوم بحاول اقول ليك لكن بخاف لما اشوفك جاي وش

الصباح وماطايق يبص في وشي لحدي م كملت شهرين... قلت اكلمك بعد جبت نتيجه

الفحص وكانت في الشنطه لكن تعبت فجأة وجاتني حمي .

سكتت مسافه ولمست بطنها وبقت تمرر يدها عليها وهي سعيده ، انا حاسه انو البيبي

دا حيكون بدايه سعيده لينا نحن الاتنين وحيقوي البينا اكتر ويبقي احلي حاجه في

حياتنا ..

سرح مراد .. يظهر انو الدكتور م كلمها بسقوط الجنين .. الله كيف ح يقول ليها وهي

فرحانه بالبيبي شديد ..ياربي ساعدني

مسك مراد يدها ، انتي اهم حاجه عندي ياروحي اذا بقي عندنا عشره اولاد م بخلوني

انسي حبك او ابطل اذوب في عيونك الساحره دي ..

رهف ولسه بتعاين لي بطنها ... انا عايزه ولد يشبهك واسميهو حسين علي ابوي ربنا

يرحمه ..

بعد طلعت رهف من المستشفي كانت نفسياتها تعبانه بعد عرفت سقوط الجنين وجات

لطيفه قعدت معاها كم يوم لحدي م تتحسن ومراد في الصيدليه الصباح ومنها للبيت

علي طول عشان يكون جنب رهف في الفتره دي هي محتاجه يكون جنبها ..

منزل مازن

ميار : مازن نحن لازم نكون مع ماما هناك او يجو هي واخواني الصغار يستقرو هنا ..

مازن في حزن : انا كرهت البلد دي وكنت ناوي اكمل هنا لكن صعب بعد فقدت رهف .

ميار في دهشه : عدت فتره طويله افتكرتك نسيتها .

مازن: انساها .. انا عارف لو سافرت المريخ واستقريت هناك م بقدر انساها لكن لازم

ابعد عشان هي تعيش سعيده

ميار : لما جات هنا حسيت انها لسه بتموت فيك .

اخد مازن نفس طويل : ايوه عارف وكمان لو قلت ليها اطلبي الطلاق ممكن تعمل كدا

لكن حرام دا بيت حلال وانا مستحيل اهدم بيت حلال انا عمري م عملت حاجه

تدخلني في حساب مع ربنا .

ميار : ايوه ياحبيبي ربنا يكملك بي عقلك ويديك بت حلال كدا زيك يارب ..

مازن : انا بسافر اكون مع الحاجه واخواني الصغار وانتي تخلصي جامعه وتجي هناك

اما كمان اذا لقينا واحد ود حلال يريحنا كمان يكون احسن .

ميار : ههههههه قاعده ليك انا م بتزوج الا بعد تتزوج انت..

مازن: ههههه خلاص موضوعك كدا حيطول .

في بيت حازم

ايمن : الذوله البتجيك دي عسل ياخ ..

حازم : ياذول العب بعيد مالك ومال مرتي .

مراد : ههههههه عملتها مرتك .. ياخ البت بي زوجها

حازم : والله اتعودت عليها ويوم يكون زوجها في الراحه وقاعد في البيت انا بكون

غيران وحالتي صعبه

مراد : ربنا يهديكم ياخ

ايمن : والله الاسبوع الفات لما قابلتك يامراد في شارع النيل بتشرب قهوة مع المدام ..

ركبت معاي بت تقول للقمر قوم وانا اقعد محلك جمال ولطافه وذوق وادب وباين

عليها بت ناس ..

حازم : ههههههه عليك الله يا ايمن انت بتركب معاك بت ناس..

ايمن : لا لكن انت م عارف الموضوع شنو .. كانت سايقه والعربيه اتعطلت وانا عرضت

عليها المساعده وبعد تعب حتي قبلت اوصلها ووصلتها قريب عماره حلوه كدا ونزلت

وشكرتني ومشت وبقيت انا زي الاهبل م قدرت اشيل رقم تلفونها ولا اخد منها

مواعيد تانيه وفضلت اعاين ليها لحدي م دخلت ورجعت انا ومن اليوم داك كل يوم

بعد الشغل اقيف في راس الشارع حق بيتهم في نفس الزمن الوصلتها فيهو ولحدي

الليله م لقيتها ..

مراد : ههههههه ربنا يجمع بيك ..

حازم : تستاهل عشان خاضع الحسناوات بي وسامتك وقوامك ومكسر اي بت تشوفك

..

🤓🤓🤓🤓🠾񔴓🤓🤓🤓🤓

صحت رهف من النوم ولقت مراد لابس ومستعد عشان يمشي الشغل ..صبحت عليهو

ومشت سريع عشان تعمل ليهو الشاي لكن هو وقفها .. كوني اشوف عيونك دي الصباح

عندي احلي من اي شي ..

رهف في دلع : عشان خاطري معليش انا شالتني نومه .. م بكون مرتاحه لما م اقوم

بواجبي تجاهك ..

مراد : يعني انتي بتعملي كدا عشان واجبك .

رهف قربت منو : لا عشان انا بحبك ..

مراد قلبو قرب يقيف .. اول مره يسمع منها الكلمه دي ويحسها بالجد

❤❤❤❤❤❤❤❤❤❤.

بردت ليهو رهف الشاي وشرب سريع ومشي الشغل وهو طاير من الفرحه...

لبست رهف عبايه سوداء جميله وعملت مكياج خفيف ورسل ليها مراد العربيه عشان

تمشي الجامعه .

سلمي: هوفا والله مشتاقه ليك يا جافيه اصلك م عندك عشره ..

رهف : ههههههه والله انا كمان مشتاقه ليك لكن انتي عارفه ظروفي .

سلمي : اها وان شاء الله الامور مشت تمام مع مراد

رهف : الحمد لله بدا يرجع زي زمان ..

سلمي : وانتي

رهف: آآآه يظهر اني بديت احبو.

سلمي : انتي واحده جاحده ربنا اداك نعمه ..مراد دا اكبر هديه من الله .. ختيهو في

عيونك

رهف في اهتمام: بالمناسبه عايزاك تمشي معاي لي مازن في شقتو سلمي : تااااااااني

مازن 😱😱😱😱😱😱😱😱😱😱

رهف وهي سارحه : ايوه تااااااااني.. اها قلتي شنو

سلمي : انا م بتابعك في جنك البتعملي فيهو انتي دا

ز

رهف في اصرار : اسمعيني اذا م مشيتي معاي بمشي براي ..

سلمي: هوفا انتي حبيبتي وعارفه مكانتك عندي لكن آسفه ...

رهف : اوك خلاص بمشي براي ..

طلعت رهف قبل م تخلص محاضرات واتلفتت في الشارع عشان تشوف مراد مراقبها

وبسرعه ركبت تاكس وعلي شقه مازن ..

مراد مشي البيت ولبس ارقي لبسه عندو واتعطر بعطرو الباريسي المميز وركب العربيه

وقرر يعمل مفآجأة لي رهف ينتظرها تخلص محاضرات ومنو يتعرف علي اصدقائها

وبعداك يقضي باقي اليوم كلو معاها فسح عشان طول م طلع معاها حته ..

وصل الجامعه وكانت المحاضره لسه م انتهت وبعد نص ساعه سأل من رهف وم لقاها

وفتش عن سلمي ودي من شافتو ارتبكت وبقت تقطع الكلام لما سألها من رهف

وجاوبت انها مشت البيت لكن مراد شك في الموضوع هو لسه جايي من البيت وكمان

ارتباك سلمي كان واضح... وقرر يغير اتجاهو وبسرعه جنونيه وصل الحي الساكن فيهو

مازن ودا طبعا بعد م اتأكد من العنوان من الذول الكان مكلفو يراقب رهف...

وقف جنب باب الشقه وقلبو يغلي من الغيظ والغيره وبقي م شايف قدامو وضغط

الجرس وبعد مسااااااافه جا مازن عشان يفتح الباب وكان لابس عادي لبس البيت

شورط وتي شيرت ..

وقف مازن يعاين لي مراد في دهشه ومراد يردها ليهو في غضب 😡😡

مازن : خير اي خدمه

دفعو مراد للداخل وبقي يفتش عن رهف ومازن يكورك ياذول انت منو وداير شنو ..

فجأة طلعت رهف من الغرفه وعيونها مليانه دموع وقلبها بخفق في قوه وخوف وبقت

تعاين لي مراد .. ومراد بسرعه مشي المطبخ وجاب سكينه و