الجزء 11
بعد احمد عرف الحقيقة وكلم دكتوره اقبال وكان ردها
اقبال:انت جادي في كلامك دا
احمد:اي والله دا كل الحصل😔
اقبال:من يوم قلت لي انها اتغير عرفت في شي حاصل و كلمتك ح يكون في شي بس انت مشكلتك م بتقتنع بساهل
احمد:انا كنت مستبعد الحاجه دي عشان مستمرين لينا سنه وم حصل تغير الا في الفتره الاخيره دي
اقبال:اي تغير بكون فيهو سبب يعني مافي تغير ساي علي العموم اسي ناوي تعمل شنو ليها
احمد:ناوي اصارحها بي ياسين ...
اقبال:يطلع شنو كمان دا....
احمد:😒 دا الود الفي الجامعه...
اقبال: ايووووه كمان لمن عرفت اسمو ... شكلك بحثت شديد..
احمد:لالا م بحثت بس عرفت من زول وهو متأكد من كل شي...
اقبال:طيب ي احمد القرار في يدك ح تعمل شنو بعد عرفت كل الحصل دا....
احمد:ناويه اصارحها بكل شي عشان هي فاكراني م عارف اي شي وبعداك البحصل يحصل ....
اقبال:لا م تكلمها اسي
احمد:ليه يعني م اسي...
اقبال:صدقني حاول اصبر شويه وخلي الزمن يثبت ليك هي شنو واحتمال تحصل حاجه جديده...
احمد:حاجه زي شنو يعني ... بعد غشاها وكضبها دا ...
اقبال:مع الزمن بتعرف خليك ساكت بس واوعك ترسل ليها تاني خليها تسال بي راحتها زي م هي عايزه...
احمد:حاضر بس ح يجي يوم واصارحها بكل شي ... حاضر م ح ارسلها طالمها هي بتجي وقت فراغها انا زاتي قنعت منها وبطلت عتاب المافيهو فايده دا كل م يحصل عتاب بتقول ح تتغير ولا حاجه بتحصل 😔 ...
اقبال:احسن ليك والله ... خليك علي كدا وحتى لو رجعت خليك طبيعي وم تبرهن ليها شي ولا تجيب سيره الود دا ليها شوف تعاملها ح يكون كيف... بس اعمل حسابك وم تتعامل بي طيبتك الزايده دي ...
احمد:حاضر ..والفيها خير ربنا يسهل...
اقبال:آخر مره رسلت ليك متين
احمد:طولت والله ليها فتره
اقبال:طيب خليها زي م اتفقنا وم ترسل الا بعد هي ترسل ليك
احمد:ياخ هي كان سألت ح تعديها عتاب وتمثل دور البراءه العايشه فيهو دا...
اقبال:ويعني شنو ماليك شغله بيها ...
احمد:تمام اتفقنا ...
استمرت فتره علي غياب سميه واحمد اشتاق ليها بس كل م يتزكر اسلوبها يقول وانا مالي بيها م ح ارسل ... استمرت الفتره ودخل عليهم شهر رمضان ...وسميه ظهرت كالعاده كانو مافي شي حاصل ... دخلت لي احمد وفي اول رساله
سميه:احمد كيفك ورمضان كريم
احمد:الله اكرم ..سميه تمام وانتي...
سميه:الحمدلله بخير بس أجزتا من الجامعه لرمضان..
احمد:اهااا تمام حمدلله ع السلامة
سميه:ومالك قاطع الخبر
احمد:موجود انا
سميه:طيب مالك م بستال مني
احمد: قلت اخليك مع ظروفك دي شويه
سميه: اي صاح تسلم كتير
احمد:الله يسلمك
واستمرت المحادثه بينهم ...
احمد فكر وقرر يصارحها ويشوف ردها وهو متأكد هي م ح تقول الحقيقه...
بس تاني اتراجع وقال اشوف البحصل شنو ح تتغير ولا لا ...
استمر الشهر وهي مستمره وبعدها انقطعت تاني واحمد رجع يسال عليها تاني ومافي اي تغير زهج من الوضع دا ...
وبقي مافي حل غير يسالها من ياسين دا... في اول رساله قال ليها.....?
تابع الحلقه