الجزء 2
يلا احمد وسميه استمرت علاقه الصداقه وبلقاها من فتره لفتره واحمد لسه متردد وكل ما يمش زياره لي ناس هبه بسالها عنها واخبارها شنو وسميه جديدها والحاصل عليها شنو ..
احمد عارف بس عايز اطمن وهبه كان عندها الاحساس دا
هبه:احمد بطل حركاتك الغياظه دي انت عارف عنها كل شي
احمد😅:صاح عارف والله بس رقمها م معاي الا الظروف تجمعنا نسلم على بعض ولا انا جاي عليكم للبيت
هبه:هههههه عشان كدا كراعك كترت علينا😂😂
احمد :لالا ياخ دي زياره بس م اكتر من كدا😅
هبه: سميه جايبين ليها تلفون عشان الجامعه
احمد:اي قالت لي كانت بتمشي بي حق اختها الدكتوره😊
وواصل الونسه ومنها احمد طلع على بيتهم ...ّ
وجا بشارع بيت سميه وفي سرو (ان شاء الله القاها ياخ)واصل الطريق ولمن حصل لقا احمد أخوها سلم عليهو ازيك وكيف عامل المهم عايز يعمل ليهو موضوع عشان هي تطلع ويشوفه😅😅...
وفجاه كدا اخوها كشر😊 لي احمد اتفضل علي البيت ...
احمد انبسط شديد بس تاني اعتزر ابو حميد خليها مره تانيه ياخ ماشي بيتنا وعندي موضوع مستعجل عايز احصل ...
احمد فات وحصل بيتهم وفي سرو(ياريت لو كان خشيت ياخ كان علي الاقل اسلم عليها ساي)المهم نسا الفكره والمسا طلع على فسحه الميدان ونسي الفكره مع لمه الاصحاب والونسه ّّّ.ّّ.
وكالعاده اصحابو يتونسو شويه وكل زول فيهم يطلع التلفون يضرب لي ست الريد...
و احمد خاشي الفيس وم شغال بيهم ...
محمد دا صاحب احمد شديد وكل اسرارهم مع بعض بسال فيهو اها يابتاع سميه صارحتها ولا لسه ما لقيت ليها طريقه تصل وتتونس معاها ولا لسه بتلفون اختها زي زمان...
احمد:لسه والله ياخ ساعي وقالت احتمال تجيب تلفون جديد
محمد:اي اي ياخ عشان م تكون لينا سنجل كدا الشله كلها خالطه الا انت 😂😂
احمد:هههههه يعني بتتونسو بي
في الوقت داك معتز كان بتكلم مع هنايه😉...
انتبه ليهم وبضحك في احمد ...
بقيت ملطشه ساي ي اخوي😂😂
احمد:اي اي اضحكو بجي اليوم وانا وسميه بنكون مع بعض وحركاتكم دي بعملها اجي عشان اتونس وانتو كل زول يمسك التلفون ويخلص خدمتو ويجيني راجع نتونس شويه ومنها كل زول يمشي بيتهم😣...بعد فتره كدا احمد ماشي على الجامعه حصل الموقف عشان يطلع للعربيه شاف هبه موجوده في نفس العربيه وفي كرسي جمبها حجز الكرسي الجمبها وبقي. بتونس معاها ...
احمد:هبه صباح الخير. وماليك الليله طالعه متاخره
هبه:اهلين احمد صباح النور انا دا زمني الا تكون انت المتاخر...
احمد:صدقتي والله😂😂😂
هبه:كسلان من يومك
احمد :لالا ياخ اها اخبار سميه شنو🙈طولت منها
هبه:😂😂😂والله متاكده من كدا بس عندي ليك خبر سمح
احمد: شنو😍😍???
تااااابع