الجزء 5

سميه وصفت لي احمد بالتلفون محل هم موجودين

احمد ماشي وبحكي مع نفسو😍اخيرآ ح القاها اثنا م احمد ماشي لسميه وهبه مكان المولد ظهر محمد لي احمد

محمد:احمد على وين الليله ي صحبي بدري كدا

احمد: ماشي المولد وجاي😊

محمد:ياتو يوم بتمششي بدونا انتظر تطلع معانا

احمد:حاضر تعال تلقاني هنا في فسحه الميدان منتظركم

احمد انتظر كتير ولا في زول فيهم ظهر وزهج عشان الزمن وسميه ح تطلع عشان اتفقت انها تجي و ترجع بيتهم بدري عشان الصباح شغاله جامعه

احمد بقي بتكلم مع نفسو

ياربي اعمل شنو اتقطع ولا اعمل شنو 😔 كان فتهن بزعلو وديل كمان هناك منتظرين

بعد طول انتظر احمد اتصل ليهم وزول رد مافي منها اتحرك حصل المولد نفس الوصف حق سميه وشاف سميه وهبه من بعيد😍

انبسط شديد..

ازيكم

سميه : كويسين بس مالك اتاخرت بعد دا طالعين عديل

احمد:معليش بس حصل لي ظرف عشان كدا...

منها احمد واصل في الونسه ومربوك من الفرحه

سميه:ههههه يا ود مالك الليله م طبيعي كدا خليك عادي م تتلفت كتير

احمد:مالي مافي شي بعاين عشان م يشوفنا زول ويقول شي

سميه:لالا خليك عادي هبه قريبه لينا وفي النهايه انت ما زول غريب

احمد همس لي سميه : ماشاء الله بقيتي قمر14😅 بلاي هي الجامعه دي بتعمل كداّ

سميه:هههههه اصلآ من يومي كدا انت عشان طولت من طلتي😊

احمد : اي اي ياخ

هبه اتحركت منهم مسافه بعيد واحمد وسميه مواصلين تعليقات وضحك في الناس الفي المولد فجاه هبه جاتهم زي العارض يلا ي سميه نمشي الزمن😢

احمد: هوي انا لسه م اتونست معاكم ولسه الزمن بدري

هبه:لا والله ماشه عندي بحث ح اسلمو بكره وسميه عندها جامعه يلا نمشي...

احمد:طيب ارحكم اقدمكم واجي راجع 💔😢

طلعو من مكان المولد و الونسه كانت جماعيه والتعليقات مستمره بينهم ال3...

احمد في الطريق رجع للبيت ومحمد أتصل لي احمد مكالمتين ...

احمد مع زحمه الناس والونسه م افتكر للتلفون الا بعد هو راجع للبيت بعد ما قدم سميه وهبه حصلهم البيت ...

رجع لمحمد: محمد كيف معليش اتاخرتو قبيل ومشيت قدامكم اتصلت وما رفعت لي...

محمد:اي التلفون كان في الشحن بعد جيت لقيت المكالمة اتصلت م رفعت بس مشيتك من بدري دي فيها كلام كتير😉ما من عوايدك ...

احمد:مشيت لي هنايه ياخ🙊😅ومع زحمه الناس م سمعت التلفون الا وأنا راجع لبيتنا

محمد:اي اي طيب ما تقول كدا من الصباح اوعك تمشي بيتكم تجينا محل لمتنا جينا من المولد نتونس وأمشي اتخمد نوم ...

احمد:الزمن اتاخر بكره معاكم من بدري😊

احمد كالعاده فرحان شديد بعد رجع البيت على طول نزل منشور في الفيس يحكي عن السعادة وكلام كتير التعاليق والاعجابات كترت ورسل لسميه ....

سميه خشي الفيس شوفي نزلت شنو😅

سميه:اي منشورك سمح شديد وربنا يسعدك بس دي منو دي 😉ّ

احمد: انتي طبعآ😍ّ

سميه:تسلم كتير احمد بس ما للدرجه دي

احمد:واكتر كمان😊

منها سميه طلعت من النت واحمد لسه صاحي مع التلفون وبفكر يأربي اصارحها ولا لسه بقيت صابر كتير ياخ وخايف يكون عندها زول ثاني😢...

استمرت العلاقه لفتره طويله وكل يوم ارتباطهم ببعض يذيد اكتر شويه من الاهتمام وشويه عتاب ولو زول فيهم ما سال من التاني العتاب بكون موجود ...

دكتوره اقبال دي ساكنه قريب لي احمد وكل كبيره وصغيره بينهم مع بعض عارفه كل خطوه لي احمد بحكي ليها بكل شي ...

ويومي هم متواصلين مع بعض

والراي البتقول هي احمد بنفذو وكمان العكس راي احمد ماشي عليها لكميه الاحترام البينهم والاسرار المتقسمنها مع بعض ...ّ

احمد طول م رسل لي اقبال مع ضغط الجامعه و الامتحانات فقد اقبل ورسل ليها:دكتورتنا ازيك ومشتاقين ياخ...

اقبال:احمد الجافي ليك يومين ما رسلت لي ولا القي احبابو نسى اصحابو😉

احمد:هههه😅لالاياخ م كدا انتي براك عارفه الظروف وامتحانتي ...ّ

اقبال:ياتو يوم الامتحانات بتمنعك ما تسال بطل حركات😅😅

احمد:العفووالله مقصر معاك

احمد واقبال استمر و في المحادثه لزمن طويل ومنها سالت احمد اها سميه كيف معاك😅

وعملت شنو.....??

تابع