الجزء 9

احمد بعد طول انتظار رسل لي سيمه وعايز يعرف الحاصل عليها

احمد: سميه كيفك

سميه:اهلين احمد تمام الحمدلله وانت

احمد:الحمدلله👍🏻 تمام انا

سميه:تمام... وجامعتك كيفّ

احمد:تمام وانتي

سميه:الحمدلله بخير...

احمد: ووين مختفيه ليك كم يوم لا بتسالي ولا بترسلي

سميه: والله مع الجامعه ولي كم يوم م منشطه يادوب الليله نشط

احمد: معقوله طولتي م خشيتي😨

سميه:اي م مصدقني ولا شنو كان منشطه كان سالت

احمد:اهاااا تمام طيب والمكالمات مالك م رجعتي ليها

سميه:ما كان معاي رصيد

احمد: تمام ربنا يسهل عليك

سميه:امين بس مالك اتغيرت كدا

احمد:انا ولا انتي

سميه:انت

احمد:ابدآ والله م اتغيرت ولاحاجه انتي الاتغيرتي من فتره

سميه:لالا مافي تغير مع الجامعه عشان كدا...

احمد:اهااا تمام

دي كانت اول بدايه الكذب لسميه على احمد ..

احمد كان متأكد من كل كلمه هي بتقولها كذابه فيها بس م عايز يواجها بشي ويخرب العلاقه ...

واكتر شي كذبه انها م بتخش النت رغم انو احمد متابعه وشايفه يومي موجوده بس م حبه يكتر عليها الكلام ...

احمد اضايق شديد منها وفكر يبعد تاني لفتره ويشوفه ح تتغير ولا لسه ح تستمر في في حركاتها دي...

بس قبل يبدا في القرار اخد راي دكتوره اقبال وكلمها بكل شي حصل ويشوف رايه شنو ويوريها التطورات الحصلت وبعد سمعت كان ردها...

اقبال:احمد مشكلتك م بتسمع الكلام

احمد: كيف م بسمع الكلام

اقبال: من اول يوم وريتني وكلمتك تصبر عليها شويه وتخليها براحتها تفكر زي م هي عايزه عشان تقرر علي هواها...

احمد:طيب وانا انتظرت الفتره دي والعلاقه كانت كويسه شديد

اقبال:صاح انتظرت كتير بس م سمعت كلامي ليك رغم اني كنت خايفه تحصل ليك حاجه من استعجالك دا ونبهتك بس انت من يومك راسك ناشف وم بتسمع الكلام..

احمد: صاح والله😔من المفروض اعمل بي الكلام القلتي لي .. بس في الفتره الاولي كانت مهتميه شديد وانتي عارفه كل كبيره وصغيره..

اقبال:اي حكيت لي كل شي وكل بدايه بتكون جميله بس تصرفاتها الاخيره دي بتزعل والله مافي داعي انها تكذب مش انت متأكد انها كانت متصله?

احمد:اي متأكد ميه في الميه يومي هي متصله كان فيس او واتس دا غير ال3مكالمات وم رجعت لي...

اقبال: طيب والجابرها شنوتكذب للدرجه دي ... وبعدين طالما هي لقت المكالمات مفروض ترجع مافي حاجه اسمها م عندها رصيد

احمد: والله م عارف اعمل شنو ... اي صاح لينا3او4يوم ولا فكرت ترجع ساي...ّ

اقبال:دا عدم تقدير منها بس م اكتر من كدا ... طيب قبل تتغير لمن تلقي مكالمه كانت بترجع?

احمد:اي بترجع لو م مكالمه رساله

اقبال:طيب اسي الجد شنو تتغير كدا

احمد: والله م متأكد منها اكيد في سبب

اقبال :طيب انت قلت ليها حاجه ولا زعلتها في شي

احمد:ابدآ والله ولا كلمه متواصله معاها عادي ولا حصل شي

اقبال: احتمال دخل زول في حياته جديد ولاحاجه تانيه م مفهومه

احمد:زول كيف😢

اقبال: حاجه عاديه م تستبعد تصرفات زي دي غير كدا م شايفه ليها حل ...

احمد: الله اعلم😔

اقبال:طيب ي سيدي م تزعل خليها براحته واوعك ترسل ليها المره دي ولو هي صحي لسه بتحبك ح ترجع وترسل ليك

احمد:حاضر ولا رساله ولا مكالمه تاني وبشوف البحصل

اقبال:وعد وعد ولا زي وعد كل مره😒

احمد:لا والله المره دي وعد حقيقي ونشوف البحصل فترت من العتاب لو رسلت خلاص ولو م رسلت راحتها...

اقبال:تمام ي احمد ولا يهمك يلا عيش حياتك عادي وخليك مبسوط وم تركز كتير ...

احمد:حاضر

معليش شيلتيك هم معاي😔

اقبال: احمد أنت غبي ولا شنو ياتو يوم بينا معليش .. دي حركه جديده ولا شنو ...

احمد:لالا م كدا 😅

اقبال:كان م كدا كيف .. زمن مشاكلي انا وهناي كلها كانت في راسك وانت الوحيد البفضفض ليهو .. ولا م عايزني احكي ليك شي تاني?

احمد:لا والله العفو ... اي صاح بس مشاكلكم كانت خفيفه وبترجعو سريع😅وللان الحمدلله مبسوطين🙈..لالا احكي عادي ... وانا لو في شي جديد بحكي ليك

اقبال:هههه هرشت مني شكلك😌...اي الحمدلله عقبالك😍

احمد:امين يارب😊

احمد فضل منتظر ومره اسبوع كامل ولا حياه لمن تنادي ومنها مراقب اخر ظهور ليها ومتصله ّوفعلآ موجوده ومافي ولا رساله منها ..

بس اتزكر وعدو لدكتوره اقبال وبطل مراقبه وعايش حياتو عادي مع الجامعه وجريها ...

وكالعادة مع لمه الشباب وفي يوم محمد صحبو شاف سميه في الموقف وهو رجع لبيتهم من الجامعه معاها ولد😨 يا ربي دي م سميه أتأكد دي هي ....

اتصل لي احمد بس احمد تلفونو مغلق

محمد وصل بيتهم وفي المسا لقا احمد وقال ليهو.......?

تابع