الجزء 1

في وسط الحشود .. وحينما اكون مغمض العينين

..... وحولي الاف الاشخاص من كافه الاجناس ...

استنشق ذلك العطر الذي لا ينفك ان اعتاد عليه كاالاوكسجين ... حينها وفقط .. اميزك

نعم انت ... وهل يغبى علي عليل عطرك ...

ام ترنيم مشيك .. تكاد تكون كصوت اجراس علقت لي منذ صغري ... ومازالت عالقة في مخيلتي

..... تغنييت بك ... انا ذاك الولهان الذي اصبح كالمجنون الاجرد حافيا ... ذاك المتيم ... الذي احتويته ...

إسمك ... كل ما سئلت عن صباحي او مسائي

كيف حالك ... فقط اردد اسمك

اقولها امام الملاء

تعلقت بك ♡

احببتك ♡

..

اصبحت كالذي التف حول الكعبه قائلا

اللهم زدني حبا بليلى ♡

نعم ... ك ذاك المهوس اصبحت انا

... اجل

أدمنتك عشقاا '♡ ~

-

السستر : دكتور اشرف ... كيف حالة المريض الليله

أشرف : اديتو مهدئ حاليا ... يوميا حالتو ذايدة في تدهور .. وماعارف الحل شنو .. نعرضو لي جلسات كهربا ... نكلم اهلو يسفروه برة .. للان نحن عاجزين بالجد ... حالتو تحير

السستر : بس يادكتور المحيرني انو اهلو ماساءلين عليهو 3... سنين تقريبا من اتعينت هنا وانا ماشفت زول زارو ولا جا إطمئن على حالتو

أشرف : المدير العام بيقول انو لاذم نتوصى بيهو ... يعني شكلو اهلو ناس مركز والا ماكان هو بي نفسو قال كدة

السستر : بس في الحالة دي مش ممكن يأذي ناس الترينينج الجايين الاسبوع الجاي؟

أشرف : لا لا هو مابيأذي زول .. بس وقت الحالة تقوم عليهو ممكن يهيج .. والحاله دي بتجيهو يوم في الشهر

السستر : ولي اليوم ده تحديدا

أشرف : ماعندي فكرة بس في اليوم ده بالذات بيجن عدييل

واثناء ماهم بيتناقشو في حالة المريض ... سمعو صوتو وهو بيغني جوة غرفتو كان بالجد صوتو حلوو ... كلو احاسيس ...

كان بيغني غنية مصطفى سيد أحمد # عارفني _ منك ... الغنية طالعه منو وكلها ألم ..

...

السستر : دكتور أشرف ... صوتو جميييل ماشاءلله

اشرف : ماحصل سمعتيه .. مرات كتير بيغني لينا ... اغانيهو كلها حزينه .. بتحسي بيهو بيغني من قلبو ...

السستر : اكيد قبل حالتو دي كان موجوع ... او فقد زول عزيز عليه

أشرف : انا برضو حاسي كده ... # قصي ده وراهو قصه ... ومؤلمه كمان

....

في جانب ثاني من القصه ... حيتحكي بي لسان # همس

....

الجو كان مطر ... والموقف مليان ناس ... والموية دي كاسرة من كل الجهات ... والمظلات اتملو ناس وياكافي البلا كلهم رجال ... ونحن نجري من عربية لي تحت كشك ماعرفنا نعمل شنو في الاخير استسلمنا للمطرة ... البللت ملابسنا وشيتاتنا .. يوم كان آسف من اولو ... مرام صحبتي قالت لي ارح نرقص ذي الهنود مع الجو ده ... سكتها بي ضربه وانا اصلا عارفاها مجنونه ممكن تعمل شوو في المطر ده تخلي الناس دي كلها تشبشب معاها...😂 واخيرا جات حافله ... الصراحه ماكنا عارفنها ماشه وين ... بس الناس دي كلها ركبت ونحن ركبنا مع الراكبين ... موت الجماعه # عيد ...💔😂 لقيت من امي ذي 4 مكالمات ... رجعته ليها لمن ركبتة المواصلات

: الو امي كيفك ... طوالي انفصمت فيني ... من قبيل ما تردي التلفون ده شايلاهو معاك منظر ... وين انتي هسا ... قلت ليها بس اهم شي تروقي الضغط ياامي الضغط بيرتفع 😂 ونفسياا كده ماصح .. قالت لي : خلاص دايره تلفلفسفي فيني ... قريتي قراية المجانين دي وبقيتي ذيهم واحد .. قلت ليها : امممي دي ماقراية مجانين لو سمحتي .. انا بدرس سايكولجي ودي قرايه راقيه ... قالت لي : عايني برضو ما تلفلفسي فوقي .. وين انتي ... قلت ليها : تتفلسفي يمه .. وانا هسا ماشه على الصينيه قربت اصل ... قالت لي : اقيفي قبلك ابوك بيجي يسوقك هسا ... ما تتحركي تمام .. قلت ليها حاضر .. وقفلت الخط ... مرام اتشالقت وقلعت تلفوني ... دخلت الفيس بي حسابي ونذلت بوست طوييل عريض عن مطرة الليله والمغامرات الخضناها ...✌😂 رهف كانت ساكته بس ... هي من نوع الناس البيحبو يتأملو في الطبيعه والمناظر وكدة ... يلا مرام بتقوليها انتي بالذات قرايتنا دي جايه معاك شدييد ... احساس زوله مجنونه مجنونه وطبيعي ساارحه .. وتكتب عن حاجات كده ماانزل الله بها من سلطان ... وصحبتنا الرابعه شغق ... يلا دي الشفقه ذاتها...😂 بتطلع من المحاضرة قبل الاستاذ ... بتصيف قبل الناس وبتشتي قبلهم 😂 ... نوع الناس المستعجل ومتهور طبيعي ... يلا اصلا شلتي دي مافيها ذول طبيعي كلنا مفوتيييين وماعندنا حاجه لي زول ... وصلنا الصينيه نزلنا انا وصحباتي لقينا ابوي راجينا ... ركبنا ورجلينا شايله طييين مبالغ فيهو وملابسنا اتبللت ... والجو بارد ... مرام دي طوالي اشتغلت تعطس ... ابوي يقول ليها يا كافي البلا .. ياساتر ...😂😂 وكل ماتعطس نحن نقبل منها ... عديناها ونسه لغايه ما وصلنا اي وحده بيتها ... بيوتهم كلهم قريبه مني يعني نحن في منطقه وحده مع اختلاف الحلل ...😂✌

وانا وابوي مشينا جبنا مشاوي مع الجو العجيب ده ولقينا امي دي واقفه قصاد الباب ... اول ما دخلنا اتلقتني بي بطانيه ...😍❤ قالت لي : انا ورييتك من ماتشوفي الجو ده قالب كده ما تمرقي ... فاكرة نفسك هنديه انتي

... الليله بيجيك التهاب وتطلعي ذيدي بالسهر ... ابوي قاليها : خلاص يااحجه البت هدي جات يعني تقعد في الجامعه م

ثلا .. طبعا انفصمت في ابوي ...💔😂 وانت قالت ليهو قاعد تسوي في شنو ما تمشي تسوقها ... قاليها وانتي قاعدة بتسوي شنو من قبيل امشي جيبي ليها حاجه سخنه تشربها 🌚 وانا يا بطني فطست من الضحك 🏿✋😂 طبعا هم طبيعي في حالة ناقر ونقيير ... بيتشاكلو شكللل وبيرجعو تاني ... بس الحلو انو شكلهم بدون اساءات لي بعض او تجريح ... ياخ حلويين ...😻

طيب ممكن نتعرف بعد ده؟ 😂

انا همس بابكر احمد ... وحيدة امي وابوي اتولدته وكبرته في الكويت ... ابوي كان عندو شركة عربات هناك وامي محاسبه في نغس الشركه ...🏿👌😂 والمدرسه كانت جمبهم .. يعني اليوم كلو قصادي وانا قصادهم 💜 عندي صحباتي كتاار في العمارة وفي المدرسه وفي النادي ... ابوي كان مسجلني في نادي القادسيه للفروسيه ... بحب الخييل بي طريقه ...😻 وعايشيين حياتنا ... وماحصل جيت السودان من ولادتي .. لغاية ما جا اليوم الاتوفا فيهو جدي الله يرحمو ....💔 اول مره اشوف دموع ابوي ... وهو معودني انو اشوف ضحكتو دايما ... تاني يوم حجزنا وجينا هنا السودان ... طبعا ابوي تم 15 سنه ما جا السودان .. بس ماكان مقصر مع اهلو بالذات جدي وحبوبه .. حتى مرة جابهم ذيارة لينا في الكويت ... ودي كانت اول مرة اشوف اهلي ... حبوبه حنيينه شديييد اما جدي بتاع نكات ذي ابوي .. لمن يحكي لي كيف كان بيركب الحصان ويقدل بيهو ونسوان الفريق يتخجلو ويتكلمو فيهو .. وحبوة تسمعو وتقعد تشاكل فيهو 😂😻.....😂 بالجد اخلا ثنائي بعد امي وابوي 💜

بس خبر وفاتو جانا ذي الصاعقه ... كلنا زعلنا عليه شدبييد .... وجينا السودان

ايام البكا الاولى عدت وكان كل يوم اعداد الناس بتخف ... وقتها كان عمري 14 سنه ... ومدرستي كانت شغاله .... عمتي اقترحت على ابوي انو يقروني هنا ... اصلا انا بحب السودان حبه حبه .. حصحاصة حصحاصة ... لمن يكون في لمة اصحاب ابوي سودانيين وكده بتشبك فيهو الا امشي معاهو ... حتى امي وابوي ماكانو بيتكلمو كويتي الا كلمات بسيطه ... يعني هويتي هي هي 😌...🀾􏄞 استقرينا بعد وفاة جدي في بيت العيلة .. بس عماتي ما كانو بيحبوناا وبيعاملونا بي طريقه كدة رف عديل ....

ابوي قرر انو نرحل عشان نتفادى المشاكل

....

وفعلا رحلنا وخليناهم مع مشاكلهم

بس الاحلا 💜😻

انو جبنا حبوبه تعيش معانا