الجزء 8

جميلةٌ أنتِ !

كَمئذنةٍ في حيٍّ قد

يمٍ تُوقظُ في الروحِ السَّكينةَ والخشوعْ

........

# هديل ❤

همس ... حصل حسيتي بي شعور انو رووحك دي ما ملكك براك

احساس انو انت عايش في الدنيا دي عشان شخص ... بتحس انو انت بتتنفس كل ثانية # بس عشان هو موجود في حياتك .... الشخص الملا علي حياتي .... فرح ... حب ... البيطلعني من جو النكد # بس لمن اسمع صوتو .... بسمع كل كلمة منو وبحفظها في ذاكرتي ....

انتباهي بس عليهو مهما اتجاوزتني لفتات ... بس كل انتباهي ليهو ... مشاعري كلها ليهو ...

الزول البحبو بالجد .... بي معنى الحب .... او اقولييك لو في شي اكبر من الحب ما ظنيت يكون نفس احساسي الحسيتو اتجاهااا # هديل

البت العمري ماحانساها ... مهما حصل .... يوم سبت الساعه 2:46 ... ضهر ... كان معاي صاحبي ماشين في السوق ..... كان عرس اختي ومرسلننا لي حاجات ناقصه البيت ... المهم تخش دكان ونطلع بعد ماخلصنا الساعه كانت ذي 2 كده ... ارتحنا شويه وبعدها حايين نطلع ... نسمع صوت بت هاايجه صوتها طالع برة المحل .. بعد شويه نسمع صوت حاجه وقعت طبعا قلنا معناها البت دي سيد المحل دقاها او عمل ليها شي . لانو كانت بتتكلم معاه بي طريقه رف شدييد ... انا وصحبي دخلنا المحل ... لقينا حالة البايع ااسفه 😂😂😂 الزول مضاري وشو بي يدينو وخايف عديل ... قلت ليهم يا جماعه الحاصل شنو .... البياع ماصدق لقا زول يتحامى فيهو طواالي اتحامى وراي ... وبقيت انا قصاد البت .... هي يااهمس جمييلة جماال ماشاءلله ... تلقائيا قلتها ... # سبحان _ الخالق 😍...❤

قلت ليهو احلا مني؟ 👏😌!

قالي بي مراحل ...😂😂😂 يلا حاليا انا الصدمة شبه خفت لانو اكتشفت انو الحالات دي بتجيهو وبتمشي مادايما ثابته كده ... وحاليا قصي طبيعي

جدااا ..❤

نرجع ...

... البت بقت تقولي ذح .. ذح لي منو والله الليله مااخليهو ... وانا شغال ليها دقيققه دقييقه روقي ما كدة ... قالت لي لا كدة ... ووالله لو ماخدته حقي منو ما بخليه .... وشغاله تقابض ... طبعا صحبي

# عبدلله قعد في كرسي ومواصل ضحك .... وانا ي ربي الدخلني شنو هسا .... طبعا ابت نيهائي الا تاخد حقها ... قلت ليها طيب فهميني هو الزول ده غلط عليك ... قالت لي ااااي . قبلت طوالي لي عمك ... قلت ليهو غلطته عليها الزولة دي؟ ...! قالي والله ماغلطه عليها في شي ... هي قالت كدة ... وانا عملت اللهي قالتو . طبعا في اللحظة دي مخي دور شمال ..😂 لكن قلت ياقصي ابرد وافهم الموضوع .... قلت ليها يا بت النايدس فهميينا الحاصل طيب عشان نحلها ... قالت لي قبل اسبوعيين انا جيت السوق هنا عشان افصل لي فستان . تمام . قلت ليها تمام اها ... قالت لي جيت مارة بي الدكان ده ... سالتو بتفصل .. قالي اي والسووق كلو بيعرفني وانا وانا وبتاع ... قعد يشكر في نفسو ... قلت ليها اها ... قالت لي اديتو القماش حقي الجاي من ايطاليا عشان يقصو لي .... واديتو صورة للفستان الانا دايراهو ... كده تمام ... قلت ليها اي واصلي ... قالت لي جيت قبل اسبوع عشان استلنو لقيت المحل مقفول .... وياهو جيت الليله عشان استلمو ... لقيت حاجه كده الحمدلله بس ... قال شنو قال ده فستانك .... عليك الله شوفو كيف ... طلعت لي من تحت الكرسي فستان كان واقع في الارض ....😂 لمن ورتني ليهو انا ما قدرت اكتم الضحكه ... حتى سيد المحل ضحك 😂😂😂 قالت لي شفتووو عامل كيف عليك الله 😂😂 طبعا بقت تضحك لانو الفستان بيضحك جد .... حاجه كده ما معروفه نملي .... ناموسيه ..😂 ووراني صورة التصميم حقها في تلفونها .... اديتها نظرة كده ... قلت ليها لكن انتي بتبالغي يعني تصميم دقيق ذي ده دايرة واحد بتاع مكنه في قشرة يفصلو ليك 😂... ؟ ...! قالت لي ماانا سالتو وهو اكد لي انو بيعرف يعملو ... قلت ليها هسا خاليا الله يعووضك بالجد لانو الحاجه دي ما بتتلبس 😂 ... قالت لي اي والله...😂😂😂 عبدالله قالي يلا قصي ارح الناس دي دقت جرس ... قلت ليهو يلا ... طبعا ماسلمت عليها ولا شي خليتها بتعاين لي لمن مرقت .. وسمعت صوت باقي الشكله عبدلله قالي كأنك ماعملت شي 😂 قلت ليهو بس كان الشمار حارقني وكده ....😂

رجعنا البيت لقينا الضيوف جو والبيت اتملى ونحن عايزين نشيل ملابسنا ونطلع ع بيت عبدلله ... طبعا عبد لله صحبي ده متزوج وعندو ولد ... قلت ليهو اها .... قالي شلنا هدومنا ومشينا بيت عبدلله ..

قلت ليهو عبدلله ده صديقك ... قالي هو صديقي وود عمتي قلت ليهو اهااا ... قالي بكرة كان عرس اختي # فرح .... هي اختي الوحييدة ... الله يمسيها ب لخير من جيت هنا وهي ماحصل مرة جاتني ولا اطمنت علي ... طبعا انا سكته سااي 😔💔.. قالي يازوول بكررة العرس طلعنا الصبااح ساعدنا الناس وكدة لغاية ماجا وقت العرس ب لييل ..... افترقت من عبدلله مشيت بيتنا لقيتو فاضي لبست وجيت نازل ما لقيت زول طوالي دورت عربيتي ومشيت الصاله .... قلت ليهو اها ...

قالي دخلنا وعيني ماتلمح الا البت اللاتشاكلت مع البياع ... هي شافتني وجات تسلم علي .... قالت انت من اهل

منو بالضبط؟ 😂... قلت ليها لا انا معزوم 😌👌... قالت لي اها . طيب انا هديل بت خال العريس 😊... قلت ليها قصي اخو العروس ... واتشرفنا ... ق

الت لي والعزمك منو؟ !😂... المهم اتونسنا و حكت لي مواقف كتيرة مضحكه .... اتكيفت ليها شدييييد .... عبدلله جا وجات معاهو زوجتو وولدو خلوه في البيت عشان كان عيان .... خلص العرس ع خير شلت رقم # هديل

وبقيت ع تواصل معاها ... وعلاقتنا اتطورت .. بقيت اهتم بيها واسال عنها دايما ... لغاية ما يوم صارحتها بي حبي ...

قلت ليهو وبعدين؟ !😃

قالي وافقت ... وعلاقتنا استمرت سنه كاملة 😊.... في السنه دي سافرت واشتغلت وجيت راجع السودان عشان اكلم اهلي انو انا دايرها وعشان اتقدم ليها ذي مااهي طالبه 😊.... اتصلت علي ... وقالت لي ضروري تجي تلاقيني ... طبعا ماحصل مررة رفضته ليها طلب .... لو في اخر مكان بجيها ... ولو ماشفتها في اليوم بحس يومي ناقص ... حتى في سفري باكلم معاها بالسكاي .... المهم مشييت لاقيتها وشها مان تعبان كأنها عيانه .... سالتها انتي كويسه فيك شي ... قالت لي تمام ... كويسه انا ... بدون اي مقدمات قالت لي قصي انا ما بحبك وماظايرة علاقتنا دي تمشي لي قدام .. وانو انت في طريق وانا في طريق ... ماركزت في كلامها كتير ... قلت ليها تشربي شنو ... قالت لي قصصي خليك جادي وحاول تفهمني انا ما دايرااااااك .... انا نا بحبك ... افهم .. قلت ليها فجأة دايرة تكاويني ياهديل عشان مااتكلمت معاك امس؟ ! انا كنت جاي الليله عشان اخطبك ... تقومي تزعلي ... قالت لي قصصي من الاخر ياخ مادايراك انا ... انا في اللحظة اديتها كف ... والناس الفي الكافيه كلها صنت ... قلت ليها ده ما كلام بيهظرو بيهو فاهمهه ... لو دة هظار فاااهظارك باايخ وما تقولي كلام ذي ده فاهمه .... بكت شديييد ... سقتها من يدها وركبتها العربيه .... قلت ليها المزعلك شنو انتي في شنو لي بتتكلمي بي الطريقه دي؟؟ ! قالت لي ياخ ما زعلانه انا وبقت تجوط ... قالت لي مادايراك يااخي ما بتفهم ....

... قلت ليهو اها وبعد داك 😳

قالي همس .. بي صوت طفولي 😳... قلت ليهو ايواا قالي وينهها الحاجه الجبتيها لي ... قلت ليهو شنو؟ !😳 قالي ياخ يااخ مش قلتي لي جبتي لي الحاجه الانا بحبها؟ ...!😄 قلت ليهو ااي ... بس انت كمل ... قالي اكمل شنو؟ !... قلت ليهو باقي القصه .. هديل عملت معاها شنو؟ ! قالي هديل منو؟ !

وفي اللحظه دي اكتشفت انو الحالة رجعت ليهو تاني ... 😔💔