الجزء 13

ما تتعـوج انا حِملي كـلو على قفـاكـك

ما تنتـني كان اتكسرت بقـع معااكك .✨❤ ...

...

دكتور تشرف انفو نزف ... وملا وشو .. في مناديل في الكمودينه حقت قصي شلتها وجريت اسعفو بس قصي شداني لي ورا ... والساعه دي انفصمت فيهو .... قصي قصتك شنو انت يعني مامعقوله معااك يااخي ... البني آدم ساعدك وبيساعد فيك وواقف معاك تقوم تأذيه بالطريقه دي ... اتجاوزته كل الحدود ... قالي انت ماعارفه شي اسكتي وخليك بعيدة

.. قلت ليه اعرف شنو مثلا ... عارفه الكائنات الفوق دي هي الأذتك وهي الحاولت تأذيك الليله وانت بدل ما تضربهم تأذي البيحميك ... عاين لو مسكتني تاني انا حاتخلا عن حالتك واشوف مريض تاني ... لانو مشاكلك كترت شديد ... بعدين دكتور اشرف ذاتو ما بجيك ... حانغيرو بي دكتور تاني ... هنا دكتور اشرف قاطعني ... قالي لالالا نحن متعودين على الهجمات الذي دي ... وقصي ده حالتي من 3 سنوات ما بتخلا عنها الا اعالجو ... وأنا في سري قلت 3 سنوات ولسه ماعالجتو وانت سبب انتكاسات قصي كلها .. لكن تصبر لي بس انا في وانت في والزمن حايكشفك للكل يادكتور أشرف

... ايوا الفصل الناقص العملتو في قصي ده كلو عشان تصل لي نقطه واوصل فهم لي دكتور اشرف .... انو انا عرفته حقيقه هديل وايهم .. وحفظت اشكالهم ... بس الماعارفو هو انو انا متابعه كل تحركاتو وعارفه انو هو السبب ورا جوطه قبيل هو الفكى النور ... وهو الساعد ايهم عشان يشيلو قصي لانو الويفر هديل 🌚 ما بتقدر تشيل شنطتها قصي كتير عليها ...😒 فاكيد ايهم ما بيقدر يشيلو براه ... تانيها ايهم ده دكتور خارج المستشفى يعني ماشغال هنا .. كيف عرف اتجاه غرفه الكهربا ... افرضنا عارف المستشفى مثلا ... كيف يدخل بدون اذن الحرص لو مافي واسطه دخلتو .... وانا شفت ملامح اشرف لمن جيت نازله وسانده قصي .... وشفت برضو عدوانيه وكره قصي ليهو .... ده كلو بيشير لي انو اشرف عندو يد في الحااصل ..

ومسكنا خيط جديد '

....

بعد الوضع استكان .. والنور رجعوه مكانو والمستشفى رجعت ع طبيعتها ... ضربت لي رهف ... وقالت انها بره هي وخالدين ... اتحركت عليهم

وقعدنا في حديقه المستشفى ....

خالدين قالي .. الليله طلعت من البيت بت ودي اشك انها هديل ... بعدها بي مسافه بسيطه طلع ولد يشبه قصي شديد وده تقريبا ايهم اخوه .... لمن طلعو رهف دخلت لقت بس الخدم .. سالت متين بيرجعو قالت انو ما بتعرف لكن ماما حياة بتجي بعد شويه ... ماما # حياة

ام قصي

قعدت وانتظرتها لغاية ماجات ...

رهف قالت لي ماتشوفي الانسانه دي تعاملها حلو كيف رغم المشاكل الفيها بس زوله طيبانيه والله ... استقبلتني كويس وادتني بياناتها ووين شغاله ورقم تلفونها ....

يلا الباقي عليك تمشي ليها وتحكي ليها بالحاله حقت قصي

اليوم ده عده ع خير لكن شفف دقت جرس الا تبدل خنساء في السكن .... وفعلا بدلتها 😂 قااهرة هي ماشاءلله ...

ب ليل كلنا كنا قاعدين في الارض لابسين بجامات والكعيك ما يفوتكم ... خاتين صحن باسطه وبنشرب في الشاي ... مرام قالت لينا انو هي قررت تصاحب هديل دي ... بي اي طريقه المهم تصاحبها .. رهف قالت ليها الما عندها ملة دي تصاحبي ليك كافرة ...😂 شفف قالت ليهم دقيق انتي دايرة تصاحبيها لي فهم صح؟ ! مرام قالت ليهم اكييد ياجماعه يعني زوله زي دي استفيد من صحوبيتها شنو وبعدين انتو امخاخكم بقت دكوة للطيش ...

قلت ليهم ما شفتو الليله دقييت هدييل دق المدايح .. كلبه..😍 والله طلعت شعرها ده كلو في يدي وكفتها وخربشتها في وشها ❤😂 ووقعتها .. بتكون البسكويتها دي كسرت ضلعتها 😂

كلهم ضحكو الا مرام ... قالت لي جنيتي يا همس ... كيف تعملي كده؟ 😳! انتي عارفه دي ممكن تعمل اي شي ممكن تاذيك ما تشوفي الكيوته المتجسده روحها دي سحاارة ياابت 😳 والله ياهمس الخوف تعمل ليك شي .... وعم الصمت الكسرتو انا بي ضحكتي 😂.. لالا نا بتجيني منها شي هي اصلا نا بتعرفني ولا حصل شافاني ... قالت لي ان شاءلله ياهمس

.... ابوي اتصل علي قالي يابت امرقي لي بره ... قلت ليهو خاضر ... لبست لي توب وجري .... ماعارفه ليه بس باقي البنات كلهم لبسو تيابهم وجرو معااي ... ياخ ديل الشمار ملخبط مع دمهم .😂 لقيت الحاج جايب لينا سندويتشات وعصير ...❤😍 ياخ انا ابوي ده مافي منو اتنين ... الله يحفظو ..❤❤ قدامهم قلت ليهم هسا عندكم ابو ذي ابوي ... كلهم قالو لالالا 😂😂 كلاب .. ضعيفين امام الكرشه بعرفهم انا ... ودعت ابوي بعد مااتصلت على امي واطمنت علي ... ودخلنا انا والبنات بعد الباسطه الاكلناها اكلنا الطقه دي 😂😂😂

مصفحييين نحن ما بتجينا شي ....👌😌 ونمنا

صباح اليوم التالي .. وكأني امضيت حياتي بحثا عنك لذالك اوقفني قلبي عندك

وجدت فيك املا جديدا وعلى الكل القبول به

م الاثر الذي تلقيه بي كلماتك كما نجد السكون

في ابيات القصيد اجد السكون في كلامك

كما نرتاح عند الشاطئ ارتاح عند التحديق في عينيك

انسيتني المي وعلمتني كيف اعيش مجددا

كما يفرحني المطر اصبح كالطفلة على انقام ضحكتك

وكما يهدئ المسكن الجروح كانت ابتسامتك مسكنا لكل جراحي

وجهك المبتسم يخبئ بداخله بحرا من الطيبة اعطيتني الظل مع انك تقف على الشمس

قلبي يقوى بك فاخبرني ماذا فعلت به

بعيدا عن زحام المرضى ... وشغب الاطفال ... كل البعد عن همسات صديقاتي ونظراتهم لي ....

ايقنت مأخرا اني اوثقت بقيود العشق .... احببت ذاك المرح السفاح ... ذو طرفة لي بعض الوقت ولكنه حازم في الحين الآخر .... لديه كثير من الالتزامات ولكنه غير مسؤول تماما .... اعشقك يا خالي الرأس

...

# قصي

.....

قفلت دفتري ودخلتو الدولاب بعد ما قفلتو تمام ... وشلت المفاتيح دخلتها شنطتي ... لسه ما اتساوكت ولا اي شي ... بس اول ما صحيت جات في بالي الخاطرة دي وكتبتها ... اي بكتب انا ... رحلتنا من الليله ابتدت .... لبست ... واخذت وصف مكتب حياة ... واتحركت عليها ... طول الطريق بدعي بس انو ان شاءلله تتفهمني او تستوعب الانا عايزة اوصلو ليها وان شاءلله الفكرة حقتي تقنعها ... ان شاءلله توافق ....

وصلت المكتب .. وانتظرت لانها كانت في اجتماع ... واول ما خلص السكرتيره قالت لي اتفضلي ... دخلت المكتب ... كان عبارة عن حاجه فخمه بي كل معنى الكلمة .... طراز عجيب وديكور راقي .. كانت مسترخيه على كرسيها باين عليها التعب .... وبرضو ماغريبه علي

هي طبعا عرفتني من ما شافتني اول مرة ..... قالت لي ياااهلين يابتي اتفضلي ... سلمت عليها وقعدته ... قلت ليها خالتو انا شايفاك قبل كده؟ ! قالت لي مرة وصفتي لينا المستشفى .. لاقيناك في الشارع .. اذا بتتذكري .... قلت ليها ايوااا ايوا .. اتذكرتك صح ...

سالتني من حالي وشغاله وين .. قلت ليها شغاله في المستشفى ___... طوالي سكتت وحسيت بي ملامحها اتغيرت .. قالت لي بتعرفي مريض اسمو قصي ... قالتها لي بي لهفه ... قلت ليها ايوااا قصي هو الحاله الماسكاها لي مدة شهر ... وهسا ده الاسبوع الاول لي معاه ... سالتني تاني اسئله ورا بعض .... كيف حالو ... صحتو .. بياكل كويس .. بيشكي من شي ... حالتو كيف .... طمنيني عليه ...

قلت ليها جاياك ياخالتو في الكلام ... هو كويس وصحتو تمام .... بس في مشكله انا عرفتها قريب .... قالت لي شنو ...

قلت ليها خالتو انتي ليه ما بتشوفي قصي ولا بتزوريه ... سكتت قلت ليها انا ما عايزة احقق معاك والله بس ده جزء من رحلة شفاؤ ... وان شاءلله انتي تساعديني بي ادق التفاصيل .... قالت لي هو ح يبقى كويس؟ ! ممكن يرجع قصي الزمان

قلت ليها اكييد وانتي ماشاءلله معارفك واسعه اكيد خ تقدري تساعديه ... قالت لي قصدك شنو ... قلت ليها م تفهميني غلط .. قصدي انو في دكتور نفسي شاطر جا من اوكرانيا لي مدة اسبوع ... ممكن يمسك حالة قصي ويبقى كويس بإذن الله الشفا يكون على يدو ... قالت لي اي سمعته بيهو الدكتور ده .. قلت ليها بسس ... هو ب ذاتو حايعالحو ان شاءلله ويبقى كويس ... قالت لي طيب المطلوب ... قلت ليها خالتو اذا قلت ليك كم حاجه ممكن تستغني عنهم عشان ولدك قصي ... حاتخليهم قالت لي اكيييد

قلت ليها طيب ... انا عرفت انو هديل هي ورا تعاسة اسرتكم ودمارها ... وولدك ايهم هو السند ليها في كل المصايب دي ... اول خطوة انك تخلي ليهم البيت ع اساس ماشه ماموريه خارج البلد او عندك اجتماع ... قالت لي وبعدين ... قلت ليها بعدييين دي لسا عليها شويه ... لكن في الفترة دي دايرنك تختفي عشان تقدري تتقربي من قصي وتقدري تعالجيه ... وياريت لو كان برة البلد قالت لي انا موافقه حاجه فيها امل ممكن تشفي ولدي انا مستعده اعملها قلت ليها طيب اتفقنا ... تاني شي ياخالتو غيري شريحه تلفونك لانها ممكن تكون مراقبه .. واوراق ملكياتك واملاك قصي ومستحقااك امنيها في البنك وجمدي عليها لانو عندنا خطوة انو نرجع اي شي ذايد على الاتنين ديل ... قالت لي دقيقه ده ما جزء من العلاج ..

قلت ليها مدام حياة حاليا قصي ولدك بيعني لي كتير هو ما مريضي وبس هو صديقي ... وانا لما سمعته بي الظلم الاتظلمو قطعت وعد الا اخد ليه حقو ... لاذم حقو يرجع ليه ولاذ م هم يضوقو من نفس الكاس الضاقها قصي ... وانتي أدرى ب الكان بيحصل ... قالت لي انا ماعارفه لو ماانتي جيتيني الليله ووريتني بالحاصل ده وانو ممكن يتعالح ع يد الدكتور ده ماعارفه ... انا كنت فاقده الامل ... قالو لي ولدك جنا ... وما ح يرجع تاني لي واقعو ... قالو لي الذيارات ممنوعه ... كم كرة حاولت انو امشي اذورو بس الدكاترة بيمنعوني انو اشوفو بيقولو لي حالتو خطرة وبيعوق وبيضرب ... بقول ليهم ما مشكله انتو بس دخلوني ... بيرفضو والله .... قلت ليها كمان هم متآمرين مع ايهم وهديل .... قصي سلييييم مابيأذي زول ومسالم جدااا ... وبيحب الونسه ... كمان عندو البوم صوركم ... وبيتذكركم وبيحكي لي عنكم كتييير ... مرات كتير وعيو بيرجع ليه وبيكون طبيعي

وبيشمأذ من الحاله الفيهو وانو مع مجانين وكده ... ولدك حايبقى كويس بإذن الله بس انتي ختي يدك في إيدي عشان نقدر نوصلو بأمان

وبعدين اكتشفت انو قصي بيدوه دوا بيساعدو على النسيان .... وده من جوة المستشفى برضو ... وكم مره حاولو يدوه صدمات كهربا بس نحن كنا موجودين وما خليناه يتأذى ... بس الايام مامعروفه وممكن في اي لحظة يتأذى ..... انتي الحتحسمي الامور دي .

... خلصت نقاشي مع ام قصي ... ومشيت لي خطوتي التانيه ....

.....

وفي نفس اليوم جا قرار من الامين حق المستشفى بانو يخرجو قصي على مسؤليتو الخاصه بي حجه انو ناقلنو لي مستشفى تانيه ... وهو في الحقيقه مسافر القاهرة ... رحله علاج مع دكتور البرت ...

سفرتهم كانت الجمعه بالصباح ... وانا طول الليل كنت بتفق مع امو في حاجات مفترض نعملها .. وفي الاخير قررت انو اسافر معاه

... عاد اخليه وييين برااه

مشيت كلمت امي وابوي بالحااصل كلو خليتهم على بينه غايتو ... شاكلوني بالاول كتير وخافو علي برضو بس طمنتهم انو ما حاتجيني حاجه وانو خالتو حياة زوله راكزة والامن في وما يخافو

... الصراحه كنت مستهونه بي هديل وايهم شديييد ... بس طلعو اباليس ولاعبين بالبيضه والحجر ❌

وعندهم معارف كتيرة .. كلهم زي وشوشهم واشكالهم ناس اجرام نا بيخافو الله ... والاكتشفتو برضو انو هديل عندها مصنع بتاع ادويه غير وكالة السفر والسياحه ... وايهم عندو شكره ايراد وتصدير .... ناس ملو مركزهم

بي عرق الغير ... بس ربك ما بضيع حق زول

.....

وسافرنا مصر

بقيه