الجزء 10

لشرقيتي المتمردة :

# احبك ... رغم البعد ولو كان مؤلما ...

..

سامعك انا بالمناسبه .... ولي كم يوم شايف تصرفاتك دي ... افهم شنو حاليا ... قالت ليهو بي مياعه ... ايهم انت لي دايما ذالمني ... ودايما بتشك فيني يعني انا عندي فرندز كتييير وهم بيحبو يتصلو يطمنو علي ... دي فيها حاجه 😔 ؟

ايهم انكسر تحت مياعه زوجتو # هديل ... كالعادة ... قاليها .. ياهدييل ياقلبي ماانا بغير عليك ... يعني ما بقدر اشوفك بتتكلمي مع زول غيري ... مش من حقي؟ ! قالت ليهو بس ما بقدر اتخلا عنهم هم كانو قبلك انت .... بعدين انت ما تكون شكااك للدرجه دي ... مامعقول معاك ... يوم ح تلقاني مافي بالاسلوب ده ...

...

في المستشى كنا قاعدين في النجيله انا ومرام وخالدين .... بنتناقش في موضوعنا القبيل .... لاحظت للبواب بيفتح البوابه وجا بص كبير داخل ... نزلو منو المرضى ... كلهم حالتهم كانت آسفه .... ممشنهم في صف ... قبل الاخير كان قصي بيعاين لي الصف القدامو كان في حالة صمت .... اتأثرت شدييييد .... ما شبههم الزول ده طبييعي ودي حالات مفترض يتعالج منها ويرجع لي اهلو .... ديل كلهم فقدو الاهليه لكن # قصي ما ذيهم ... لفتت خالدين ومرام قلت ليهم هسا ياجماعه الزول ده بيشبه الباقيين ... اصلا ما مجنون ... خالدين قالي ظاهر وواضح انو الزول ده عندو حالات بس بتقوم ليهو ومفترض يتعالج .... بس يترمي الرميه دي غلط والله ...

قمته وبقيت انفض في ملابسي ... قالو لي وين ... قلت ليهم قريب وطلعت لي غرفه قصي .... لقيتو راقد في سريرو ونايم .... شكلو مرهق من مشوار اليوم .... ختيت ليهو شكوكلاته جمبو في الطربيزة وطلعت ... مشيت لي دكتور عبد لله في مكتبو .. دقيت الباب قالي اتفضل .. دخلت ... قلت ليهو دكتور عبدلله معليش وجع وش 😅... قالي ولا يهمك ياهمس اتفضلي ... قعدته ... قالي تشربي شنو ... قلت ليهو ولا شي قالي طيب احكي ليك عن # قصي ... لانو حاسي ... قلت ليهو شنو .. حاسي بي شنو ! ؟

... قالي ... انا وقصي اصحاب اساس ... وهو ودعمي قريب لي شدييد وما بنفترق من قمنا سوا ... دخلنا الثانوي ... وقرينا الجامعه سوا ... انا قريت علم نفس وهو قرا ادارة ... بس في نفس الحوش .... ابوه وامو ناس عود في الحكومه واخوه الكبير دكتور نفسي ... عندو اخت اكبر منو ... هو اصغر زول في البيت .. ابوه اللي هو عمي ما كان فاضي لي تربية عيالو من سفر لي شغل لي مناسبات رسميه وكده ... اما امو كانت هي المهتمه بيهم ودايرة بالها عليهم ... مااشديد لانو برضو عندها سفريات برة البلد ومؤتمرات وكده ... عشان كدة الوقت اغلبو بيكونو معانا ....

قلت ليهو ابوهم كان بيعاملهم كيف؟ ! قالي ماعندو ليهم شي ... غير القروش ... لكن ماحصل مرة شفتو قاعد بيتونس مع اولادو او بينصحهم ... لالا بس اي زول عازيهو بي عربيه وحساب في البنك ... ده كل اهتمامو تجاه اولادو .... ولدو الكبير ايهم ... والله ما بيتبلع نيهائي .... زول مفتري وقليل ادب ... وياهامان انا فرعون ... شايف نفسو ع سماحتو وقروش ابوه ... لكن ماعندو حاجه نافعه .. قلت ليهو وكيف هو طبيب نفسي؟ !😳.. قالي اشترى الشهادة بي كل بساطه 😊... وايهم كان مشارك في الحالة الوصل ليها قصي ... قلت ليهو معقوول 😳 ؟ ! قالي جاييك في الكلام .... اختو فرح برضو ع نفسها علاقتها بي عماتها اكتر ... دخلوها في كاريزما ماحقتها .... اتزوجت قبل فترة واتطلقت بعد سنه من العرس ...

.... قصي ... هو الكان بيكسر روتين البيت الممل ... بيخاف ع اخوانو مع انو الصغير بيسال دايما عن ابوه ... وهو القريب لي امو ... يعني في العيلة دي ... تطلعي قصي منهم بس

اول ما دخلنا الجامعه ... قصي ده اتشهر عديل 😂 الولد القرض الشاطر السايق عربيه .. طبعا البرالمه ماكلهم بيكون عندهم دابه وكده 😂.. قلت ليهو فعللا انا لي هسا ب لمواصلاا 😂... قالي بالظااابط كده .... هو كان زول حبووب شدييد واحلا من كدة كان بيغني عندو صوت ماشاءلله ❤.. كم مرة كلمناهو يشارك في دورة او مسابقه بس رفض ... قال انو الغنا دا هوايه بس ماعايز ينشهر بيهو ... هو من نوع الناس البيخللص في العلاقات لي اببعد حد .. وده السبب البيخليه ينصدم في الناس .... يعني كان مرة حب وحده في الجامعه ... حبتو عشان قروشو وكده ... ونحن كلنا قلنا ليهو البت دي ماديه يامان اخطاها ... رفض لغايه ما زهجت منو وخلتو 💔... قلت ليهو وكرامتو وين؟ !.. قالي يلا في الكرامه مافي زول بيفوتو ... ما بيغصب زول ع حاجه مادايرة ماحصل مرة طلب من زول طلب ... وشخصيتو قويية ما بيغروه البنات ولا بيلفتو نظرو مع انو المدردقيين كتاار 😂😂 قلت ليهو وانت موقعك من الاعراب شنو ... قالي انا احساس الولد اب نظارات .. زول العلم الماعندو شي لي زول الناس كانت بتعرفني عشان يصلو لي قصي بس

قلت ليهو شيخ الطلس 😂😂👌... قالي بسسس شيخ الطلس ... يلا قصي كان زي ماقلت لييك فردتي الروووح يعني انا وهو للموت ... عارف كل اسرارو وبيحكي لي عن كل شي .... واجيك بالاختصار ياهمس ... سبب حالة صحبي ده ..

. وحدة اسمها # هديل .. ماعارف دي طلعت لينا من ياتو جهنم لكن البت دي وزعت العيله كلها ... لي عمي ماسلم منها ... قلت ليهو اها 😳 عملت شنو؟ !

قالي يا ستي هديل دي انا وقصي ايام عرس اختو فرح طبعا دعكونا بالمشاوير ومشي الاسواق .. لاقيناها هناك ... واتعرف عليها قصي ... والغريبه ياهمس دي كانت اقصر علاقه يدخل فيها قصي ... قلت ليهو كيف يعني ... قالي يعني قصي بيدرس الشخصيه بالاول .... ما بيرطبت بي زول ما بيعرفو ... قلت ليهو اها يعني بيدي الزول فترة يتعرف عليه وكدة ... قالي بالظبط .... يلا في الفترة دي قصي اتغييير 360 درجه .... بقى همو في حياتو يسعد البت دي .... والله والله مره كنا غي شرق النيل ... وهي كانت في الكلاكله ... ضربت ليه قالت ليهو تجيني هسا .... دور عربيتو وفات ... زعلني كيف ... ومرة مصحياهو من النوم الساعه 3 صباحا .... بتبكي ... الزول اتهور ومشى ليها .... يعني بيحبها لي درجه ما عندها حد 👌..🌚 قلت ليهو مباالغه بالجد 😢... قالي يلا قصي عرض فكرة انو يخطب على ابوه .... ووافق واي شي ... بس قصي كان عندو شرط ... انو تكاليف عرسو يقوم بيها هو بي قروشو الجايبها من تعبوو .. ابوه دقا جرس ... ع اساس انو تعبو وشقاه في الدنيا عشانهم وانو الفروش دي حقتهم .... برضو ابا قاليهو انا بشتغل براي ... وبجيب قروشي براي ... في الفترة دي سافر قطر ... واشتغل في شركه وراتبو كان ظريف .... بيتواصل معاي داايما ... وببيحكي لي بي التفاصيل .... تتخيلي انو لمن جا عيد ميلاد هديل وهو نافي كلفنا انا ومها نعمل ليها حفله ليها ... ورسل ليها هدايا .... شفتي لي اي درجه بيعزها وبيحترمها؟ ! قلت ليهو ماشاءلله عليه رااجل والله 😍❤

قالي وفي يووومو الجا .... ماادتو فرصه ... طوالي قالت ليهو تجيني ... عمل مطنش ع اساس يفاجئها بالخطوبه ... وهي فاجأتو انو هي مادايراهو .... يااخ قصي اتصدددم صددمه بالجد ماكانت هينه عليهو ... والصدمه التانيه لمن لقى ابوه اتزوج هديييل بنفسها على امو لمن كانت في مؤتمر في القاهرة .... اتخيلي كانت حبيبتو ... وتبقى مرة ابووه وفي بيتو ... وطبعا ابوه اتوفى بعد عرس هديل بي شهريين ... اول ماخلصت العدة ... اتزوجها اخوه ايهم .....

هديل هي الجابت ليهو النفسياات والمرض والقرف ... كرره الحياة .... وكررة حاجهاسمها اسرة وكره البنات ... وكره نغسو ماكان بيفضفض لي زول نيهائي .... كان كاتم ع قلبو .... وفي يوم اغبر اختو اطلقت وجات البيت والسبب حق الطلاق ... كان هديل برضو ... ماعارف السبب الصراحه هو شنو لكن كانت ورا خراب البيت هديل ... وفي يوم حاولت تتقرب من قصي ... قام اداها كف .... مشت لي ايهم وقالت ليهو قصي اتهجم علي قال الا يقتلني ... اخوك مجنوون .... وقصي كان جاي يكمل عليها .... دقا اخوه هشان صدق مرتو انو هو حايعتدي عليها ....

مااستحمل الوضع بعد ده وجا قعد معاي . .. وفي يوم كان ماشي يجيب كل حاجاتو البتخصو .. قطع تزكرتو خلاص وراجع قطر .... لقا البيت مضلم .... مااشتغل بالموضوع طوالي مشا غرفتو ... واثناء ماهو بيجهز في اغراضو .. جاتو هديل ... نفس الفصل الناقص حق المرة الفاتت حاولت تعملو وبي تمادي كمان 😡... قصي قاليها يامخلوقه انا كارهك في لله لل لله ... اخطيني عشان ماارتكب فيك جريمه .... بعدها اتمادت بالجد .... قصي كفتها وطردها بره غرفتو وفي اللحظه دي هديل ضربت لي ايهم وقالت ليهو جيب معاك الاسعاف حقكم لانو اخوك ما طبيعي ... حاول يقتلني والفت روايات والمسكين كان بيلملم في حاجاتو وسايب ليها الدنيا .... شال شنطتو وطلع من غرفتو وهو نازل في السلم سمع صرييخ هديل جاي من تحت ... ماترردد طوالي جرة يشوف الحاصل شنو ... وهي لمن شافتو غمرت .... شال كبايه القزاز ورشاها ابت تصحى ... لمن جا ايهم ومعاهو كم دكتور وسيرفز قامت ع طولها واتدست ورا ايهم .... مثلت تمثييل ... وطبعا قصي لسا ماسك كبايه الموية في يدو ... ايهم جا وكفتوو واتشاكلو شكلها اخرها كانت انو يودو قصي مستشفى المجانين ... النحن حاليا فيها 💔.... وهديل مااكتفت بي كده كمان وصت ايهم انو يدو قصي كهربا عشان يتعالج ... ومن اول جلسه قصي بقى ماطبيعي .... احيانا بيكون طبيعي جداا ... ومارت يقلب طفل صغير مرات مجنووون ... ومرات سفااح ...

الناس كلها بتقولي ياعبدلله انت فقدته قصي ... قصي جن ... بس انا لسه ما فقدته الامل وبحاول بي قدر الامكان خلال التلاته سنين الفاتو وللان انو القا دكتور شاطر يقدر يعالج قصي ....

وفي اللحظه دكتور عبدلله طلع نظارتو وقش عيونو ورجعها تاني .... قالي انا خاسي انو انتي الحطلعيهو من حالتو دي ... لانو من اول يوم شافك فيه وهو بيحكي عنك ... لو في حالتو او لمن يكون طبيعي .... لو لاحظتي ما بيأذيك ... ولامرة انتي العلاج ياهمس ....

انا في الساعه دي طرحتي اتملللت دمووع ووشي بقى طماطم بس .... ياخ معقووول معققوووول كده انسان بني ادم ... كائن بشري ... يستحمل المعاناة دي .... من ظلم لي ظلم ... وبي سبب بت كلبه حقييرة 😭😭😭😭 انا القصص الذي د

ي ما بتمر علي الا في المسلسلات والافلام ... وبرضو ما بتكون للدرجه دي ... معقول في شياطين ذي دي حايمه ع هيأه بشر ... يااهدييل ياابت ابلييس شاااحده الله الا ماالم فييك اعدمك السنه .. والله مااخليك 😭😭😭💔

عبدلله قالي همس ... في شنو؟ ! قلت ليهو مافي شي ... لكن قصي من الليله حالتي الخاستلما في التريننج ... عايزاك تساعدني في القصه دي ياعبدلله ... قالي انا حاكون متواصل معاك ... بس ماحاكون معاك ... لانو حاسافر لي مها ان شاءلله بكرة .... حكيت ليك القصه دي عشان تديري بالك عليهو ... وماتخلي اي زول يشوفو ... مرات هديل بتحاول كتير تجي وتزعز كيانو .... وهو بيتهور وبيأذي نفسوو ... قلت ليهو ان شاءلله .. ما بخليهو ...

استاذنت منو وطلعت ... حاسه راسي ده تقيييل بي معنى التقل ...

وجاتني فكرة

# لها_بقيه

سوري غايز وباسف ع التأخير كنت بقرا في روايه تانيه😅💔