الجزء 6

اترا الثقب اللذي تركته لي في رحيلك ، كُنت اخفيه كي لايظهر اما الان فهو يكادُ يخفيني

.....

الحب ... كلمة من حرفين ... بس بتعني لي الدنيا وما فيها 😊❤....

هو الشعور الجاني في لحظة حوجه .. لمن كنت وحيد ... هي نفس الاحاسيس الخلتني اعيش مبسوط ... ولي لحظة حسيت انو انا مالك العالم كلو .... # الحب ... هو الخلاني اقيف في وش اهلي .... ناسي واصحابي عشانو .... وهو نفسو الخلاني اتخذل واتوجع سنيين ....

هو حاجه حلوة ... وفي نفس الوقت مرة .... بيضوقك جانبيين من الحياة ... وتتوقع في اي وقت ضحكته فيهو ح تلاقي نفس مساحة الضحكه حزن ودموع ... هو نفس الشعور القلب موازيني ... وخلاني في الحالة دي ... هو الباقني وحيد .... ماعارف نفسي وين ... احيانا بحس انو دة ماعالمي ديل ماناسي ... اصلا انا مابنتمي للمكان دة ... ومرات كتيير مابحس بي نفسي ... بقيت مافاهم شي ... انا عايش بي جسد لكن روحي مافي .... بفتش لي السعادة ... بحاول اتحسن بس ما بيدي .... إدمان ..# الحب عبارة عن ادمان

الإدمان البيخليك تصل بي حد الجنون .... # الحب .... اكعب احساس في الوجود ....

... بعد ماقال الكلام ده .... انا كنت فاتحة خشمي تلاته امتار 😳.... قام كسر الطبشيرة واداني وحدة ... قالي دي اتذكري بيها كلامي ده .... وفي اللحظه دي قصي كان طبيييييييعي ... اكتر مني انا .... ولي لحظة بس ... قالي انتهى الدرس بي ضحكة طفوليه ....

# قصي ... بالجد الكائن ده حييرني شديييد ... وانا لو ختييت شي في راسي ... الا اعملو واعرفو .... خلاص ياقصي انت لاذم ترجع لي عالمك

ال بالجد بتنتمي ليهو ... ولاذم تتعافى وتعرف انو انت مامجنون ... انت في حالة الم مرت بيك وبقتك كده ... واصلا الدنيا شدائد وبتزول .... الوقت بس هو الكفيل انو ارجعك لي واقعك ....

قام قالي يلا بعد ده داير انوم ...😊.. قلت ليهو يلا ... قام مسكني من يدي ... ومشينا ... هو بيمشي وبلوح بي يدو الماسكني بيها ... حركات شفع ااروضه بس ...😂... يلا انا ماحصل اتضايقته منو نيهائي ... ولا حصل مرة كوركت فيهو بي حركاتو الطفوليه دي دايما بسايرو وبسايسو ... طبعا لمن هو بيتكلم عن الحب ... عملت ليهو ريكورد .... وقفلتو لمن قمنا .... وصلنا غرفتو ... دخلتو وقلت ليهو قصي يلا انا ماشه بعد ده عشان المغرب اذن ... بكرة ان شاءلله بجيك بدري تمام ... قالي الاسبوع ده ح يجي متين 😢... قلت ليهو قررب خلاص 😂 كم يوم بس وبجي اتونس معاك اليوم كلو ... قالي تمام 😊.. قلت ليهو يلا تصبح على خيير واحلام سعييدة .. قالي همس ... قلت ليهو عيونا 😊.. قالي بكرة جيبي لي القلتو ليك ... قلت ليهو شنو .. قالي ياالللللله يااخ انا كنت فاكرك بتفهمي 😐.. قلت ليهو في شنو 😂... بفهم انا والله ... قالي انتي مش سألتيني قبل كدة انت بتحب تاكل شنو ... قلت ليهوو اااي 😂.. قالي .. واااها؟ !😕... قلت ليهو اهاا 😂😂😂 طبعا فهمت قصدو شنو بس حابه اداغل عليهو شويه ... قالي خلاص يااخ تصبحي على خيير قلت ليهو وانت من اهل الخيير ياقصي 😂😂.. طلعت وتاكيت الباب ... قام في نص السرير وبقى يحاكي فيني .... وانت من اهل الخير يااقصي ... واااي من محاكاتو لي 😂😂😂.... قام رجع رقد تاني .....

رجعت البيت براي ... مرام عزمها خالدين عشا واصرو علي انو امشي بس ابيت .. مرام زعلت مني لكن خالدين اتكلم معاي بي جنبه .. قالي مرات انا قاعد احبك والله 😂😂 حيوان خلاص عارفاهو داير يااخد ااجو ... قلت ليهو هسا بقعد اصلي جيعانه ... خليتهم يمشو ورجعت براي .... يلا في شارع كده شويه طويل من المستشفى لي الشارع الرئيسي ... بيتمشي بس عشان الوقت اتأخر مفترض اركب ركشه ... مالقييت ركشه نيهائي ... وقلت خلاص ياكرعيني ارح .... شغلت اغاني ومشيت وانا ماشه القى لي عربيه ما انتبهت لي نوعها شنو بس هي يابرادو يا لاندكروزر ... المهم بيضا ... نزلت منها مرة ماشاءلله ... يعني ما بتعايني ليها مرتين من السماحه ... مححنننه والتوب كيف ... ونزل من الجهه التانيه شاب ... فات مرام بس ... كان رقصت لي زومبا عديل لو شافتو 😂😂😂 لكن هو سمممح ❤😍 سمممح 😍❤ سمممح 😍❤ وصلت 😂😂 ؟ ... وجوة شكلو في ناس بس ما لاحظته ... المرة وقفتني .. قالت لي لو سمحتي ... قلت ليها ايوا . قالت لي معليش بس عايزة اسال من مستشفى للامراض

النفسيه في الحته دي .. بي وين ... قلت ليها ايوا تمشي بالشارع ده طويل بتلقيها فاتحه ع اتجاه اليمين اخر الشارع طوالي ... قالت شكراا يابتي عززبتك ... ابتسمت ليها قلت ليها ولا يهمك ... المرة طلعت والولد لمن جاي يركب ... غمز لي 😳... وجعع لاكن 😂😂😂 طبعا خلعني شدييد وانا خلعتي شيينه .. بفتح خشمي ده فتحه ذي حقت اكبر من واصغر من .. ايوواا بس حقت التمساح ديك 😂😂... ضحك من منظري وركب ومشى وانا مالحقت اردح ليهو ... اكلتها جوااي وتابعت مشي ... لغايه ماوصلت مكان المواصلات .... مالقييت سبحان الله يعني دايما بتكون رااقده الليله عشان براي ولا شنو ... قعدته ذي نص ساعه برضو ماجات 😕... ضربت لي ابوي قلت ليهو انت وين ... قالي صحبي عندو بكى ونحن معاهو هسا .. قالي وصلتي البيت قلت ليهو لسه ياابوي .. مافي مواصلات ... قالي كيف الكلام ده .. قلت ليهو عديل كدة والله .. قالي اركبي امجاد ... قلت ليهو طيب .... اتخيلو انا مافكرته في الام

الامجاد نيهائي 😂👌 كم كنت غبيه ... لالا 💃👏.

جا بتاع امجاد ركبته ورجعته بيتنا وانا نازله لاقاني عمو سعيد راجل جيرانا وشكلو معاهو ضيوف داير يقدمهم ... جا سوورعه ودفع لي بتاع الامجاد احرجني طبعا 😍... قلت ليهو لي ياعمو وماكان في داعي والله ... قالي يابتي تخشي ولا انادي ليك حمودي ولا كيف 😂... قلت ليهو لاخلاص .... المهم قلت للرجال المعاهو السلام عليكم واستأذنت من عمو ودخلت جوة حكيت لي حبوبه وامي بي موقفو الحلو العملو معاي ... امي قالت لي اصلا ولدو طالع ليهو ماشاءلله 😊.. قلت ليها اي ... لقيت امي عامله خدرة 💃💃👏 وي وي وي 😍 الحووب .. دخلته فيها بي رجليني ويديني وراسي 😂... ظبطه بطني وطلعته استحميييت وصليت وغررقته في النومه 👌....

جاااريه جرري في ممر مضلم شايله لي طفل وجاريه بيهو وكل مااجري كل مااسمع صوت الرجلين الجارية وراي ... بس لقيت ذي ضوء بعيييد شويه حاولت بي قدر الامكان انو اصل وقعت والطفل الشايلاهو مسكو شاب جمب الضوء القبيل وانا وقعت مكاني في الضلام .... صحيييت مخلووووعه .... ونغسي قاييم كأنو انا جاريه حقيقي .... اول حلم كعب يجيني بعد وفاة جدي الله يرحمو .... والغري

به انو صليت واتحصنت .... قلت اللهم اجعلهو خيير .. شربت مويه وجيت عشان انوم ماقدرته .... خفته خوفه ... شلت كرعيني ومشيت غرفه حبوبه ... ذحيتها كده .. قالت لي ياقليلة الادب استأذني 😂😂... قلت ليها حبوبه حلمت حلم ماحلو ... قالت استعيذي ب لله رقدتني في كتفها وقرت .... طوالي نمته .... طبعا هي ماشاءلله .. بتصحى تصلي الفجر حاضر .. صحتني قالت لي قومي خدرتي لي يدي 😂... بستها في راسها وقلت ليها ماتخدر مش حبوبتي 😂 قالت لي الليله مش عندك مستشفى . ؟قلت ليها ااي 😪 قالت لي قومي صلي طيب واجهزي ... قلت ليها حااضر ... قمته اتجهزت وصليييت ونزلت اشرب الشاي ... طبعا ابوي كدة يومين مالاقياهو .... لقيتو بيشرب الشاي مع امي وحبوبة ... قلت ليهو ابوووي 😖 .. شفت انا شغل بيبعدني منك ما بمشيهو .... قالي ياااحناكه شوفي حجه غير الشغل 😂😂😂... قلت ليهو والله مشتاقيين ياابوي ... يوميين مااشوفك 😔❤ امي قالت لي هسا شفتيهو في شنو 🌚... قلت ليها غييرة ورووح شرييره بتكلم مع ابوي انا ... قاليها انتي بتغيري يا عسجد 😂. ؟ !.. قالت لينا اصلي ما بسألكم ودخلت المطبخ 😂... قلت لي ابوي انت دام صاحي ارح ودييني المستشفى ... قالي يلا ... شربنا الشاي وغشيت مرام جنو 😂 ومشينا المستشفى طبعا الدوام بيبدى 8 وانا الليله من النشاط الفيني جيت 7:30 ... طبعا خالدين لقيناهو قاعد مع الحارس برا بيشرب في الشاي 😂... صبح ع ابوي .... ودخلنا ... مرام اتونست مع خالدين ... وانا مشيت لي قصي طوالي ... دقيت الباب مافي زول فتح ... فتحتو لقيت قصي واقع في الارض وشكلو كسر الغرفه كلها .... واتاذي شديييد ... صرخته صرخه لمييت كل الدكاترة القاعدين وبقيت اكورك فيهم ... وينو اشرافكم انتو مستشفى خاص حالتكم .... لو مات هسا ... ومنو المسؤؤوول ويلا ارفعووه سررعه دكتور اشرف جاجاري معاه دكتور تاني .... شالوه في نقالة وجرو بيهو ... والدكتور التاني مخلووع عليه شديييد ... كانو بيعرفو ...

دخلوه غرفه ماعرفتها شنو المهم بعد شويه دخلو كم دكاترة كبار كده ...

وانا كنت برة الغرفه معاي مرام وخالدين ...