الجزء 3

الدنيا زي ضل الضهر

اتحلي بالصبر الجميل

ما دام نهاية الناس قبر ...

.....

نواصل الصدمة 😳😳😱... طبعا الولد شايل كرستالة مقدده 😂...😂 ورشا بيها مرام رش ... مرام بقت تصرخ وجارية الحوش كلو ...

وانا ما فاهمه شي 😂.. مخلوعه ذيها واحد ... وهو يضحك وساكيها ويرش في المويه لغاية ما جا دكتور ووقف قدام مرام ...

الدكتور : قصي ... ده شنو التصرف ده

قصي بي ضحكه طفوليه .. اي طفوليه عديل ... وبينطط ابا يقيف كلو كلو 😳... بعد السماحه والوجاهه دي طلع ما طبيعي ... الدكتور ساقو من يدو .. وطبعا وهو ماشي بينطط وبيصفق بيديه .... بالجد ما طبيعي 😔💔

طبعا مرام حالتها بقت كعبه .. اطرينا نمشي الحمامات عشا ملابسها تجف ... والميك اب سال 😂❌.. والحاله بطاله ... اصلا كم مرة بقول ليها انتي بدون ميك اب حلوة .. بس هي لو ما خرتت البدرة دي خرت ما بترتاح 😂❌

بعد داك مرقنا لقينا رهف وشفق ... شفقه جاتنا جارية ... ورهف ماشه بالبطئ التقول عروس ... شفق قالت لينا .. كنتو وين انتو فاتتكم اللفه حقت المستشفى 😍.. ياخ فيها اماكن حلوة كيف ... ولا العجب النجيلة البي ورا ديك .. واي من المووت بس 😍😍❤.. اتخيلو انو حانبيت في الميز ده ... واشرت على مجمع سكني بسيط بس حلو وراقي ... قلت ليها نحن ماشفنا شي دايرين نشوف . رهف قالت لينا خلو خالدين يلففكم ...

طبعا خالدين ده اسمو خالد لكن عشان زول طويل وعاتي بيقولو ليهو خالدين 😂😂😂💔

خالدين جا وورانا المستشفى حتته حتته ... واكتر مكان اثر فيني لمن جينا بي عنبر الاطفال ... ياخ ملائكه بس ... حلويين حلاا ... بس للاسف المربط مربط ... والماسكنو بي جنزير ... والراقد وبيعاين للسقف وما بيتلفت .. ولا البتركب لعبها وبتفكفك ... يقطعو القلب بالجد ربي يشفيهم 💔😞

... وجينا لي آخر قسم .... كان تابع لي ذيادة الكهربا ... ناسو رايقين شديد عكس ما توقعنا يعني 😂 لكن اكتشفنا انو بيهدئوهم بي حقن عشان يبقو عاديين واول ما مفعول الحقنه تخلص بيشتغلو راب هندي 💃👏😂😂......💃 مرينا بالغرف .. غرفه غرفه .. وكلهم كانو بي قزاز مقوى ... اخر غرفه دي كانت عاديه مافيها جزء كاشف والباب كان شبه مقفول ... بعد شويه نسمع غنيه # متيم _ بالهوى

... واااي من الصوووت 😍😍❤ حلووو لي درجه ❤....👌😭 وفيهو بحه كدة ما طبيعيه ... ياخ صوووت بيخش القلب توووشك ❤😍😍 شعرت جسمي لمن قامت .... مرام قالت لي سامعه 😍 ؟ ! قلت ليها اي اي 😍❤ خالدين قالينا هوي ارح بعد ده المغرب قرب يأذن ... انا طبعا لاييووووقه لي ابعد الحدوود صممته انو اشوف من البيغني وعندو الصوت الجميل ده ... فتخت الباب براحه .. اتفاجأ ليك بالولد القبيل سك مرام بالمويه # قصي ....

قاعد فوق الكمدينه ... وخالف رجل فوق رجل ومغمض عيونو ... واااي احساس بيغني لمن يقول # خطاي _ والخطى _ ماهو _ خطاهم ❤😍😍😍 لمن بكييت 😭😭... وبقيت اتشهق 😂😂.. اي انا حساسه بعيد عنكم ...

بعد شويه فتح عيونو .. قالي # مالك 😄

قلت ليهو ولا شي ... قام نزل من الكمدينه وجاي علي ... انا طبعا رجليني التقول قطعت شاحن ... غير الرجفه ابت تتحرك كلوكلو 😱 وقصي لسه جاي علي ... ياربي ده بيفكني بي شنو هسا ان شاءلله يجي زول يحلني 😖... وبقيت انادي ياخالديين .. مرام ... زفته مرااام ... وقف قدامي 😦.. قالي بتكوركي مالك انتي ... قلت ليهو انا ☝😟 ابدا والله ما كوركت ☺.. قالي لا بتكوركي ... وبالمناسبه انا بكره الكوراك .... بكره الكوراك بكره الكوراك ... بقى يعيد في الجمله دي قريب عشرين مرة ... بعدها قعد في الارض ومسك راسو ومرر يدينو في شعرو وبقى يشد عليه .. ماتصرخي انا جايييك ... لااالالا ماتسرخي .... خلاص جيت 😳 اتخيلتو المنظر ... بعدها بقى يبكي ... ويقول ... لا ماتخليني عليك الله ... ماتروحي وتخليني ... وبكى حاار من جووة يقطع القلب عدييل ....

واي انا من شدة ما بكيت معاهو لمن حسيت راسي لفه .... باكية خوف 😬 وانا بهدي فيهو وهو يشيل ويترجاني قولي ليها ما تمشي وتخليني ... وانا بقوليهو خلاص ماتبكي .. وبس معليش وبهدئ فيهو .. شويه كدة جا الدكتور القبيل حجز مرام منو ... ولقاني قاعده معاهو في الارض بنعزي سوا 😂😂😂... قالي ده شنو 😳.. قلت ليه حلف كان يسكت ... قالي وانتي الجابك عندو جوة شنو ... قلت ليعو كان بيغني وصوتو جزبني قمته دخلته ... قالي ممنوع يااستاذه انك تدخلي غرفه مريض ... ممكن يأذيك عادي .... وانا ماعارف اللييله طلعتي منها كيف .... قلت ليهو قاصد شنو .. قالي ساعديني بالاؤول نرفعو واعملي حسابك ... اول ما الدكتور مدى يدو قصي وقف بكا .. مسك الدكتور من يدو .. ولواها ليهو

الدكتور صرخ علي .. قالي بي سرعه جيبي حقنه مهدئه ... ونادي الاصطاف ... سرعه .. وانا واقفه في مكاني مخلوعه 😳.. قالي سووورعه ... جريت ماعرفت امشي وين .. صادفت خالدين ومرام .... خالدين قالي مالك ... قلت ليهو اجري الغرفه القبيل ساعد الدكتور ومرام انتي تعالي معاي ... خالدين مااتردد طوالي جرا 😂 سوبرهيرو ..

انا ومرام جبنا كم دكتور ومعاهم سستر وحده ... طبعا كلنا جارييين خلينا المرضى ديل يعاينو لينا سااي 😂😂

لمن وصلنا لقينا قصي لاوي يدين الدكتور وخالدين 😱...😱 طبعا القوة دي جاتو من وين ... راجلين ... وبعدين خا

لدين يعني 😳 ماممكن ... جو باقي الدكاترة ... والله رشمهم ليك رششم ... ضايرهم حلاة مضايرة ... السستر جرت 😂 ومرام دخلت تحت السرير ... بقيت انا بس 😳 وهو بقى يعاين .. لي ... خالدين قالي اجري يا همس ... اجري .. وانا كالعاده مابقدر مع الخوف مابقدر اتحرك 😭😭 وقفت مكاني بس وهو جاي علي ... عاين لي شديييد ... وقرب مني 😭 انا قلت الليله ياهمس البارودي ماتحلك في تشويه وشك ... الليله اقبل بي وين .. وهو كل ماليهو يتمادى .... قام رفع يدووو .. خالدين شغال يقوليهو ياحيوان لا ... افتكرتو داير يضبني طوالي ضاريت نفسي بي يديني ... احس انو في زول بيربت على راسي 😳.. ي ربي انا بيكفنو فيني ...😂😂 سليمه سليمه؟؟قلعت عويناتي براحه براحه .. بقيت اعاين القاهو ليك رجع للحالة القبيل ... وعيونو مدمعه ... واي من ملامح وشو وهو بيبكي ... وانا طبعا مصدومه لسه ... قلت للدكتور ... كدا اطلعو وخلوه معاي ... الدكتور هو ذاتو اتحير كيف مااذاني؟ ... طلعو كلهم الا مرام تحت السرير ...

قعدته معاهو في الارض .... قلت ليه زعلان ... قام هز لي راسو بي معني اي 😔.. قلت ليه المزعلك منو ... قالي انتي 😞💔... وطبعا لسه مصدومه انا ... قلت ليهو انا عملت ليك شنو طيب ... مارد علي .. قالي اطلعي برة بي نبرة جااده كده 😳... قلت ليهو اااا .. قالي بررة قلت ليك ... المهم اتسحبت في الارض براحه عشان اقوم .. ومرام من تحت السرير بتاشر لي نظام انا . .. ماتمشي وتخليني 😂😂😂 واقعدي .. وانا ديك يالزوغه .. ماصدقت لقيت الباب فاتح طوالي طلعته .... وخليت مرام جوه ... لقيت خالدين والدكاترة بره معاهم شفق ورهف قالو رجعت البيت ... خالدين سالني .. وين مرام 😳.. قلت ليهو تحت السرير ماتخاف 😂... كلنا جينا ... جمب الباب لقيناهو رقد في سريرو ولسه بيبكي ... ومرام تتحبي ساي عشان تطلع 😂😂 واي ياخ تاني بكاني معاهو .... مرام مرقت برة وهي ميته من الخوف ... ونحن الضحك شرطنا 😂😂 الدكتور قال للسستر ... اتصلي بي دكتور ايهم ... سرعه خليه يجي .... طبعا نحن استأذنا بعد داك ... خالدين وصلنا كلنا بي عربيتو وبعدها رجع هو .. طبعا خالدين ده زوول فردددة للاخير ... نوع الناس السند ووقفتها وقت الحارة ..... وهو كمان مكسر في مرام لكن مرام ما بتديهو وش ... بتقول هو ولد معاها في العمر مابتعرسو 🌚...

هو عمرا اكبر مننا بي سنتين ... وبعدين بي شغلو زول قدر نفسو ... عموما مرام ... ح تلف وتلف .. وترجع ليهو ❤😊

.... اما انا رجعته البيت عباره عن كسيييح بس ... بعد مااستحميت وصليت ... رقدته وبقيت افكر في قصي ... ياربي هو لي من دون الناس مااذاني انا .. وسبب حالتو تكون شنو ... ولا اصلا هوكان كده من يومو ....

فضلت افكرر افكرر لغايه ما نمته ...