الجزء 14
قاليها ولووو زولتنا لو ماخدماناك انتي نخدم منوووو ....شكرتو وقغلت منو قالت لينا شفتو كيف سوما قالت لالا شوووفنا عجبنا وغلبنا ضحكنا وقلنا يلا ننوم ونشوف بكرا بحصل شنوو مشينا رقدنا نومنا صحينا الصباح واتلمينا كلنا عايدة قالت لي رحاب يلا انا اليوم ح اسوق بناتي وحنأجر بيت برانا وخلي الجو يخلا ليك رحاب كلمة مانطقتها سكتت بس ودخلت غرفتها الراجل ضرب ل عايدة ووصفت ليه قاليها مسافة السكة بس قامت قالت لينا انتو ي بنات جهزو ورتبو حاجاتكم لانو لحدي الليل كدة بنكون مشينا البيت الجديد لو دا ماعجبني بنشوف غيرو يعني الليلة ح ننجز ح ننجز قلنا ليها تمام بعد مسافة كدة الراجل اتصل وقاليها واقف برا اطلعي قالت ليه تمام جاية عليك قامت وبقت ماشة تاني اتلفتت علينا وقالت لينا زي ماقلت ليكم رتبو حالكم واتجهزو عشان لبعدين كل شئ منتهي قلنا ليها تمام يلا وطلعت ... طبعآ عايدة سايقة معانا 5 بنات عبير ولينة وتمني وسكينة وتودد اتعرفت بيهم طلعو ظريفات ومشاء الله جميلات شديد مايستاهلو الحاصل ليهم بس حال الدنيا ظلامة شديد بعد اتونسنا طلعنا الغرف نرتب ونضاير انا غايتو حاجاتي جاهزة ماطلعتهم من الشنطة المشكلة سوما هههههه طلعت عفشها وكبتو في الدولاب والتسريحا رصتهم رص عاينت لي ممغوصة قالت لي هسة في داعي لجنس دا قومي قومي ساعديني قلت ليها عفنة ارح ضايري بعد انتهينا ورتبناهم عايدة اتصلت وقالت لينا اجهزو ح راحلين طوالين البيت لقيتو تححححفة فرحنا وقلنا ليها ياسلاااااام احسن مشينا كلمنا باقي البنات قالو جاهزين ماعندهم شئ يعملو بس يمشو طلعنا حاجاتنا وختيناهم في الصالة وباقي بنات رحاب قعدو يبكو مع ديل وانا زاتي بكيت معاهم يحلييلهم مساكين عايدة جات وقالت لينا اها جاهزين! ! قلنا ليها ااي رحاب جات طالعة وقالت ليها بكل برود لسة راكبة راس وماشة!! قالت ليها هو انا بهزر في حاجات زي دي !! يلا يا رحاب مع انك خزلتيني بس شكرا لانك مسكتي لي بناتي قالت ليها اقعدي ي عايدة ودا سؤوء تفاهم واكيد حيتحلا قالت ليها لا ي رحاب قراري واخدتو هسة اجرت عربية نمشي بيها انا والبنات وزولي جا معي برضو لانو عربيتو كبيرة يشيل فيها الشنط والحاجات ويلا مع السلامة ي رحاب واكيد بنتلاقى يلا ي بنات فوتكم عافية مع السلامة يلا سوما عائشة وعبير وانتو ارحكم مانتاخر قومنا طلعنا ومشينا ركبنا سلمنا علي الراجل ورفعنا عفشنا بس الراجل نظراتو لي ماعجبتني ما اديتو اعتبار رفعت حاجاتي ومشيت ركبت في العربية التانية واتحركنا ووصلنا بيتنا ياسلام ع بيتنا الحلووو عجبني عجب كمان حديقة وحمام سباحة يااخ انا سكنت في حلات بيوت يارييت لو كان مع راجلي ... نزلنا ونزلنا الحاجات ودخلناهم خيتاهم في نص البيت وبقينا نتجارا عشان نحجز الغرف انا وسوما جرينا حجزنا فوق عشان متعودين ع فوق بسس عايدة ضحكت وقالت لينا براااحة ي بنات ديلك حجزن اتنين معانا والتلاتة تحت يعني فوق 4 غرف حجزناهم ونزلنا تحت نزلتي تحت كدة عايدة معاها صاحبها الجابنا قامت نادتني عيوش تعالي مشيت ليها مالك في شنوو بقت تعاين لي وتعاين للراجل انا قلت ليها ماالك في شنوو...!! قالت لي جهزي نفسك لانو أسعد دا قال عايزك الليلة انخلعت وعاينت ليهو شديد ابتسم لي تاني اتلفت منو لي عايدة حمرت ليها وطلعت فوق غرفتي بكيت سوما جاتني عائشة مالك في شنو بتبكي لييه!! سوما تخيلي عايدة قالت لي جهزي نفسك لبعدين قالت لي جاي منوو!! قلت ليها اسعد صاحبها الجابنا هنا قالت لي نفهم منو شنو يعني الشئ بالشئ هو تبع عايدة حنتوقع منو شنو تاني انتي هسة تبكي لشنو وانتي عارفة نحنا جينا هنا لشنو وعشان شنو قلت ليها اااه فعلا ابكي لشنو عايدة جاتني في الغرفة قالت لي اتجهزي واتظبطتي اسعد زي مابسطني عايزاك تبسطيهو واوعى تعملي ليه عمليتك لي عامر فاهمة ضحكت وطلعت انا فعلا جهزت نفسي وجا بالليل مستنياه زي العروسة دق الباب قلت ليه اتفضل دخل وجاني قام يمدح ويتغزل فيني انا بس ساكتة تاني جا وقرب علي وانتهت الليلة صحى الصباح بدري وانا صحيت قالي مامصدق انا كنت نايم جنب الملاك دا يااخ انتي ..... قام طلع قروش وختاهم لي في التسريحة وقالي عايدة قالت لي الليلة دي هدية لييك بس انا انبسطت بيك شديد عشان كدة انتي تستاهلي الهدية وامسكي ديل ختاهم وطلع انا قمت استحميت واتسرحت ماطلعت من غرفتي نهائي جاتني عايدة ومعاها اكل ختتو لي وقالت لي ايييوة مبسوووطة منك انتي كدة بتي وكدة بجيبو الزباين طلعت خلتني اكلت وتاني رجعت نومت صحيت المغرب نزلت تحت لقيت البيت كلو متغير مزيننو كيف والبخور منطلق والبنات لابسات كييف زي الرقاصات لبس كعب قلت ليهم في شنووو سوما جاتني نازلة وهي كمان لابسة زيهم قالت لي الشغل من الليلة حيبدأ اسعد جاب لي سوما زباين وقالو بعد المغرب كلهم بجو قلت ليها انا ما كلمتني قالت لي اي استني طبعا انتي عجبتي اسعد وعلق معاك قاال عايزك انتي وبس تبقي ليهو وقال ليها مرتي ماتعرضيها علي زول لانو ح استلمها انا
براي وقاصدك انتي طبعآ يا بختك انا زاتي لو لقيت واحد بس احسن لي بدل كل ليلة مع واحد جديد وهسة اطلعي فوق عايدة لو شافتك ماحتخليك لانو الرجال حيوصلو ولازم يشوفونا نحنا فعلا طلعت غرفتي وقفلتها علي بالمفتاح سوما رسلت لي رسالة قالت الرجال وصلو "طبعا الرجال بقعدو والبنات بجو بتعرضو وبرقصو ليهم والبتعجبو ديك بسوقها وبدخلو الغرفة" وكان في البيت كل شئ محرم حتى الخمرة وعايدة قاعدة تتفرج وتضحك وتتونس معاهم ... عدت الليالي والايام والشهور ونحنا بالحال دا واسعد كل ما يكون عايزني بجيني البيت وانا بتظبط واتجيه ليهو التقول مرتو بس انا ماعندي شئ اتجاهو غير الكراهية بس ما بينت ليهو كدة ابدآ وكنت مابطلع من غرفتي لانو دي اوامرو هو وعايدة محبوسة وماعارفة البحصل شنو تحت حتى سوما بقيت مابلاقيها كتير بس دا الحال والروتين اليومي بس يوم كدة الضهر اسعد اتصل لي و قالي الليلة يومنا غيير ح نطلع من البيت دا اكيد زهجتي من الحبسة صح قلت ليه حنمشي ووين قالي مفاجئة بس استعدي واجهزي المغرب ح اجي واسوقك ...