الجزء 33
جمانه : انت جنيت منو دي البتعتقلوها انت عارف ابوي يبقى مين ؟؟
الضابط : مش اسمك جمانه محمد الشيخ ؟
جمانه : انا جمانه مجدي بابكر بت العقيد مجدي بابكر
الضابط : لا يا حلوة انتي ابوك اسمو محمد الشيخ ، وزحي من وشي خليني اشوف
شغلي ما فاضي ليك
جمانه : انا حا اخليكم تندموا على اليوم الاتخلقتوا فيهو انا اربيكم يا كلاب .. شالت
التلفون عملت اتصال ما جاها رد .. شويه العساكره جو ماسكين نجوان من يدينها
الاتنين و هي بتقاوم فيهم
نجوان بغضب : انت عارف انا منو ؟ عارف راجلي يبقى منو ؟ انا مرت العقيد مجدي
بابكر
الضابط : طليقة العقيد مجدي بابكر يااااا ها مدام . ارفعوها في البوكس
نجوان : بوكس بوكس شنو يا اولاد الحرام ، انا حا اندمكم انا حا اخليكم تدفعوا التمن
غالي . اتلفتت على جمانه : وكلي المحامي بتاعنا اجري كلمي لي محامي ..
الضابط بنهره : ارفعوها سرعه .. طلع برا و رفعوا نجوان في البوكس ، جمانه مسكت
تلفونها عملت اتصالاته .. غيرت ملابسه و طلعت ورا امها .. لحقوها هي و المحامي في
مركز الشرطه . دخل المحامي و جمانه فضلت منتظره بره شويه جاها طالع
جمانه : امي بتهمه بشنو ؟ حا تطلع صاح
المحامي و هو بمسح في عرقو : هو شنو الما متهمه بيهو ؟ امك متهمه ببلاوي زرقاء و
كلو مثبت بالادله القاطعه عايني امك دي غرقانه غرقانه و انا منسحب من القضيه
امشوا و كلوا محامي غيري ..
جمانه بغضب : يعني شنو الكلام دا ؟ حا ندفع ليك الانت عايزو بس انت طلعه
المحامي : لو تدوني املاكم كلها انا ما بدخل في قضيه خسرانه ، عن اذنك ..
جمانه : انا حا اندمك حا اقطع رزقكك
المحامي : اعملي العايزاهو والله معجزه ما تطلعه
جمانه : حا اجيب الاحسن منك يا جبان و اعتبر نفسك من اليله مرفود
المحامي : طيب طيب .. ومشى خلاها واقفه .
جمانه ضربه الارض برجله بغضب و هي بتردد : انا اربيك يا جربان استنى و شوف ..
شويه امها جات طالعه ماسكنها اتنين من العساكره ..
نجوان : المحامي قال شنو ؟
جمانه : رفض يستلم القضيه لكن ما تشيلي هم حا اجيب ليك الاحسن منو
نجوان : رفض ! رفض كيف يعني انا دافعه ليهو قروش كيف يرفض ؟
جمانه : انتي ما تختي في بالك حا اوكل ليك افضل محامي في البلد انا ماشه بجيك
الصباح انا و المحامي
نجوان : ماشه وين حا تسبيني ابيت هنا ؟
العسكري : حا تشرفينا هنا اليله و بكرا حا تترحلي المحكمه .
نجوان : اشرفكم و ين انتوا مجانين ؟ انتي عارفين انا منو ؟ انا نجوان ابو عاقله
زوجه العقيد مجدي بابكر ما حا ارحم واحد فيكم يا كلاب الجن يا معرصين
العسكري لزاها بنهره : لمي لسانك يا حيواااانه
نجوان بعصبيه : حيوانه دي انا ؟ يا كلب يا حيوان ..
جا الضابط طالع : في شنو الجوطه دي كلها ! ؟
نجوان : انا يقول لي حيوانه انتوا عارفين راجلي منو ؛ اناااا منو ؟
الضابط و هو بلبس الكاب : انتي نجوان طليقه العقيد مجدي لو ما عارفه اعرفي انو
طلقكك
نجوان عيونه اتملت شر : انا مرتو و على زمتو انا ما طليقتو مجدي ما طلقني .
الضابط : لو كنتي بتقعدي في بيتك كنتي عرفتي انو ورقه طلاقاكك و صلتك اليله
الصباح " عاين العسكري :" طفش الحيوانه دي من وشي اجدعه في اي زنزانه لغايه
تترحل بكره الصباح المحكمه .
العسكري : اوامرك ساعدتك ..
جمانه مشت لحقت الضابط : هي متهمه بشنو بالضبط ؟
الضابط : شوفي يا بت الناس امك دي لو اتكتبت في كتاب ما حا تطلع مافي تهمه ما
معقله في رقبته فساد و قتل و خطف و شعوذه و دجل .. بإختصار غرقانه للركب
امشي شوفي ليك محامي شاطر يقدر يخفف ليها العقوبه لكن طلعه ليها من السجن
مافي الا كان لي قبره .
جمانه : يعني شنو الكلام دا ؟
الضابط : السمعتي ، عاين للعكسري الجنبو : امشي بينا .. دور العربيه و مشى ..
جمانه اتوجهت لبيت فهد من القسم على طول ، رنت الجرس مافي حد فتح طلعت
المفتاح من شطنته فتحت الباب و خشت .. قربت من غرفة النوم سمعت فيها اصوات
ضحك و همهمه .. فتحت الباب بغضب لقتو في وضع مُخِل مع واحده .. مسكته من
شعره جرته بعد وصلته الارض ، عاينت لفهد بغضب و عيونها بطلعوا شرار
جمانه : بتخوني انا يا فهد ؟ انااا جمانه مجدي تخوني مع واحده من طرف الشارع ؟
ياااخ كنت استنضف شويه !
فهد ببرود : ليه اول مره تعرفي اني بخونك ؟ بعدين المن الشارع دي احلى منك و
احسن منك ، اطلعي برا .
جمانه : ما طالعه انا لي الاحقيه فيك ، ودي دي عاجبك فيها شنو ؟ مسكته من شعره
جرته طلعته برا البيت ضربته كف و رميت ليها هدومه ، فهد ما حرك ساكن .. شال
كبايه الوسيكي الجنبو ارتشف منها قطرات و رفع عينو في جمانه اللي الغضب بطاير
من عيونها ...
جمانه : لمتين حا تفضل تجيب في البنات من ورا ضهري ؟ لمتين يا فهد حا تخون
فيني !
فهد ببرود : انا ما جبته زول من ورا ضهرك و انتي عارفه كدا كويس ، بعدين تعالي منو
انتي عشان اعمل ليها حساب و اخونه ؟ انتي زيك زي البت الطردتيها دي ما احسن
منها في حاجه
جمانه : بقى كدا !.. انا انا تقارني بال... دي ؟ انا بت نجوان اللي الاكلتكم شهد و
لبستكم احسن لبس و عيشتكم احسن عيشه انت و اختك ، انا اللي كنت بتجري وراها
زي الكلب هسي جاي تقول لي انتي منو ؟
فهد بضحكه استفزاز : اناااا جريت وراكي ؟ انا كل القلتو كلمتين و انتي سلمتني
نفسك زي الهبله .. و نجوان امك الببتفاخري بيها دي ايامه ولت خلاص .
جمانه : يعني انت عارف انها في السجن ؟
فهد : قريت رسالتك
جمانه : و هونته عليك تسبيني في المصيبه دي لوحدي ؟
فهد : تهوني ما تهوني ليه كانت امي و لا امك ؟
جمانه : فهد انت ليه قاسي معاي كدا ؟ وين ايام الحب و الغرام الكانت بينا انا بحبك
يا فهد
فهد : و انا قرفته منك
جمانه : و الوعود الكانت بينا يا فهد !
فهد بزهج : انتي حا تغني لي اغاني الحقيبه ! وعود اييه يا امو وعود ، امشي من
وشي انا ما عايز اشوف خلقتك لا انتي و لا امك بت الحرام الباعتنا و الكان بينا تبلي
و تشربي مويتو ولو شفته خلقتك هنا تاني حا اشيل روحك في يدي ، و الباب
الفتحتيهو بكرا دا حا اغير كيلونو و ابقي وريني حا تخشي هنا كيف ! اطلعي برا
حياتي يا رخيصه
جمانه مسكت يدو : خليك من امي و خليك من البنات البتجييهم .. ختت يدو في بطنه
: انا حامل يا فهد امي كدا كدا ما حا تطلع خلينا نسافر بعيد ونعيش انا و انت و لدنا
زي الناس العاديه .
فهد فكا يدو منها بغضب : و انا مالي و مال حملك لو كنتي حامل و لا حتى عقيمه
الدخلني شنو ؟
جمانه :كيف يعني الدخلك شنو دا ولدك يا فهد !
فهد قام على حيلو بعصبيه : ولد مييين ياااا "... عاين ليها من فوق لتحت : " انتي
تحملي و تجي ترمي بلاكي علي ؟ امشي ابني العش دا مع ابوهو الجبتيهو منو يلا برا
.. و مسكه من يدها طلعه برا الغرفه
جمانه بتوسل : فهد انت ابو الفي بطني و الله العظيم دا ولدك
فهد : و انا شنو بالضمني انو ولدي ؟ شنو الضمان اني ابوهو و انو مني انا ؟
جمانه : كيف يعني شنو الضمان انت عارف انك ابوهو يا فهد ما تستهبل !!..
فهد : لا والله ما عارف تصدقي ! زي ما اديتني بتدي غيري ما بشيل لي بلاوي انا ما
ناقص امشي فتشي ابوهو اجدعي ليهو ولدو ، اطلعي برا البيت عليك الله عكرتي
مزاجي
جمانه : انت كيف بتقول كدا يا فهد ! انت حبيبي و انا ما تنازلته لغيرك و ...
قاطعه بزهج وضربه كف : عايزاني اصدق واحده رضت تعيش معاي بالحرام ! امشي يا
... و ..... و..... يلا من هنا ، مسكه من يدها طلعه برا البيت قبل ما يقبل الباب مسكتو
هي بيدها
جمانه : و الله العظيم يا فهد حا اخليك تندم على اليوم المديت فيهو يدك علي يا
حقير يا تافهه ..
ركبت عربيته و عملت مكالمه و هي سايقه
= الاقيكك اسي في الوقت دا ؟
جمانه بغضب : ايوة تلاقيني اسي دا
= لكن يا آنسه ..
جمانه : اذا وصلته لقيتك مافي تاني يوم بتكون جنازتك .
بخوف : حاضر ، حاضر مسافه السكه و بكون عندك . تيت تيت
جمانه مع نفسه :اصبر يا فهد الكلب انا تضربني كف انا !! ؟ بعد كل العملتو عشانك اصبر
حا اربيك يا ود الحرام اقسم بالله لاخليك تسف التراب و ما تبلو بلسانك . وصلت
المكان المتفق عليهو .. من بعيد لمحتو قاعد راجل كبير في العمر لابسه نظاره .
ختت شنطته في الكرسي بزهج و بنبره صارمه : جبته القولته ليك عليهو ؟
الراجل بتمتمه : كككلو كلو حاضر يا آنسه . مد ليها الاوراق شالتهم منو اتفحصتهم
كويس
جمانه : عايزاك تلم كل رجالنا يفضوا لي المعرض من كل العربات الفيهو حتى لو كانت
عربية لعبه مختوته
الراجل : بببس ليه مدام ؟
جمانه بنهره : انت تعمل البقول ليك عليهو من غير ليه ! المعرض انا شريكه فيهو بنص
و انا بتصرف فيهو زي ما حابه فاهم !
الراجل : طيب بس بس سيد فهد ما حا ...
جمانه : خلال ساعتين اذا لقيت العربات لسه موجوده في المعرض او المخزن حا
ادخلك في فتيل ما تقدر تطلع منو طول حياتك .. وقفت على حيله : لمن تعمل الاتفقنا
عليهو اديني اتصال و مكأفتك انا ما ناسياها حا تكون كبيره اكبر من راسك دا ! " و
اشرت على راسو شالت شنطته ، ركبت عربينه و اتحركت ..
_____________________
مشيت لابوي كان قاعد في الغرفه دقيت الباب قبل اخش .
= كنت عايزاك في موضوع اذا فاضي !
ابوي : اي فاضي تعالي خشي .
خشيت قعدته جنبو : الموضوع بخصوص عبير
ابوي : وصلتي لمكانه ؟
= لا ما بضبط بس قبل ما يخطفوني بشويه هي كان اتصلت لي طمنتي عليها و طلبت
مني اسحب الشكوى المتسجله ضد انور عدنان ، قالت انها ما اتخطفت و بعدت عشان
محتاجه تقعد مع نفسها
ابوي بعصبيه : دا كلام شنو دا ؟ دايره تبعد تكلم اهله مش تخليهم يفتشوا زي
المجانين وراها تتصرف بمسؤوليه امها امس مرقده في المستشفى بسببه ، دا تصرف
زول في عمره ؟
= معاك حق في كل القلتو ، هي عايزه تبعد عن اهله عشان كدا ما حبت تكلمهم حتى
طلبته منها تتصل لاهله بس رفضت قالت ما عايزه تسمع صوت حد فيهم و طلبت مني
اطمن اهلها و انو ما يفتشوا ليها على الفاضي هي ما حا ترجع غير لما تكون هي عايزه
ترجع
ابوي بزهج : لالالالااا الكلام دا ما بجي ، كييييف يعني عايزه تبعد عن اهله و حا
ترجع وقت ما هي ترغب دا كلام زول عاقل هسي ؟ شنو الحاصل لي جيلكم انتوا ؟
بتتصرفوا على كيفكم و على هواكم ما ما مباليين لا بي اهل لا بي ام لا بي ابو دا
شنو الجيل دا شنو ؟
مسكته يدو : بابا ممكن تهدا شويه ؟ يمكن في وجهه نظرك هي غلطانه و تصرفه اهوج
بس ...
ابوي قاطعني : طبعآ اهوج ، في بت بتختفي كدا بت يا ناردين بت !! انتي واقفه في
صفها كمان !
= يا بابا يا حبيبي انا و لا واقفه في صفها و لا غيرو انا بس عايزه اوضح ليك الامور
عشان تعرف هي اختفت ليه ! ممكن تهدا شويه !
شال نفس : مهما كان مافي بت بتصرف كدا من غير ما تعمل حساب لاهله البت عرض
يا ناردين ..
قاطعتو : دا السبب الخلاها تبعد اساسآ ! عبير اهله ما بسألو منها و لا خاتين بالهم منها
و لا حتى بفقدوها ! انت ما بتتخيل الاهمال العايشه فيهو البت دي و مافي اي حد
جنبها ياخي امها دي بتشوفه في الاسبوع مرة مع انهم عايشين في نفس البيت ! انا
اول كنت حاسداها على حاجات كتيره و منها امها كنت بحسدها انها جنبها و بتطلع
معاها بس مع الوقت عرفته انها بتطلع معاها بس عشان تعمل شو ببتها ما اكتر شوفو
بتي السمحه ! مع اني اتحرمته من امي لسنين طويله بس كان عندي ذكريات معاها
عبير لا ، بابا عبير في حياته في قروش ما اهل !.. لا ام منتبه ليها و لا حتى اب فاضي
ليها حتى اخوانه يا بابا ما حصل سالوها و اي واحد فيهم عايش في عالم براهو ! انا
واحده من الناس الما كنت متفقه معاها في حاجات كتيره و دايمآ بتشاكل معاها يعني
ما قريبه لي عشان ادافع عنها او اقيف في صفها !.. عبير وحيده يا بابا وحيده ما
عندها حتى البقول ليها دا صاح و دا غلط ! انت عارف كل مره نحنا بنتشاكل معاها في
تصرفاته ! ياخي كل يوم متناقشين معاها ما حصل عدا يوم كدا ساي من غير مشاكل
بينا كان بإمكانه تبعد عننا عايزه بينا شنو هي ؟ في النهايه نحنا مجرد ناس عرفتهم
في الجامعه ! بس هي كانت بترجع لينا عشان هي محتاجه حد ينتبه ليها ، كانت
بتفتش للاهتمام .. لحد يشاكله يقول ليها لا دا صاح و دا غلط و تحس انو بهمو
مصلحته بهمو امرها و نحنا كنا الحد دا من غير ما ننتبه ! ما حصل حكت لينا عن اهله
او جابت سيره عنهم دايمآ كانت بتسكت لمن نقول ليها حياتك حلوة ناقصك شنو انتي
، انتي نهائي ما تشكي البت وحيده و مدلعه بس اكتشفته انو هي وحيده فعلآ ! متذكر
الحادث الاتعرضنا ليهو قبل فتره ! كان مرة جيبنا سيرتو و حكينا كيف اهلينا كانوا
خايفين علينا و البتقول شاكلني و البتقول هرشوها بعد بكت كلنا كنا متزمرين من
التوبيخ اللي اتعرضنا ليهو بس عبير طول الوقت كانت ساكته حتى لمحته دموعه و
لمن حست اني لاحظته ليها اتحججت بانها بتتكلم بتلفون ! ما قادره اشرح ليك كميه
الوحده اللي هيا عايشاها ! حتى تورطه مع انور دا كان بتفتش للاهتمام ما اكتر ! هي
فعلا محتاجه العزله و محتاجه تقعد مع نفسها و تعرف حياته دي ماشه كيف هل
البتعملوا دا صاح و لا غلط ؟ شنو هي زاته محتاجه تفهم نفسه البت دي جاااايطه
براااها ، براااااها يا بابا برااااها !
ابوي سكت مسافه قبل يقول : انتي كمان كنتي ...
= لا انا ما زيها ! انا صاح كنت بعيده عنكم بس كان في حياتي خبي و خالد و زين و
عمتي ، كانوا واخدين بالهم مني و خبي هو العلمني الصاح و الغلط هو الكان معاي
لحظه مهما عرفته ناس فلتو يدي خبي كان بمسكني ما بخليني اقع ! كان مهتم بادق
تفاصيلي ما خلاني لوحدي ابدآ ، انا ابدا ما كنت بوحدته دي ، عبير ما عندها و لا حد
في حياته واخد بالو منها و لاااا شخص وحيده تمامآ كانو مخلوقه براها و ياما اختفت
بس مافي حد كان بفقدها و انا متأكده لو ما ابوها جا الاسبوع الفات رنا ما كان
لاحظت انو بتها م موجوده في البيت .. بابا الوحده في وجود الاهل مميته ، احساس
حارق زي مويه النار قلبك بياكلك انت بتتأكل من جوه و انت ما قادر تعوض وحدتهم
عشان الاهل ما عندهم بديل .. نحنا ما جيل متهور نحنا بس بنفتش ليكم في ناس
تانيه في اماكن تانيه عشان نملى الفراغ دا بس ما اكتر ! الهُم حاسين بيهو دا اضعاف
اللهي كانت حاسه بيهو و هم قاعدين معاها تحت سقف واحد ! خليها تختفي يمكن
اهله يحسو بيها شويه 💔
ابوي سكت مسافه و هز راسو : طيب ادي اهله الرقم الاتصلت ليك بيهو يطمنوا عليها
بس !
= ما حا ترضى و بمأنها لجئت لي ما حابه اخزله
ابوي : الرقم سوداني و لا دولي !
= سوداني يعني ما طلعت برا البلد ، عبير واعيه و مسؤوله هي بتبان عكس بس هي
واعيه شديد على نفسه .
ابوي : طيب يا بتي التقعد مع نفسه ربنا يهديها
= ممكن بكره امشي اكلم اهله ؟ عشان وصتني اني اكلمهم بنفسي ..
ابوي : طيب حا اخدك بكره نكلمهم و اجيبك راجعه تاني .
بإبتسامه : طيب ، امشي انوم انا تصبح على خير .
فتحتها مقبض الباب عايزه اطلع ابوي ناداني ..
اتلفت عليهو : نعم
ابوي : انتي .... كنتي وحيده كدا في غيابنا ؟
ابتسمته ليهو : تؤ ، كانت بتونسني ذكرياتي معاكم ♡
ابتسم لي خفيف بادلتو نفس الابتسامه و مشيت خشيت غرفتي .. قفلته الباب
واطبحته في السرير على الجهه التانيه .. حسيت بصوت حركه جنبي في الغرفه اتلفته
لقيتو ابوي .. جا اتبطح جنبي هو و امي و خلوني في النص بيناتهم .. عاينتا ليهم
الاتنين
= في شنو ؟
امي : كنا بنفكر ننوم معاك
= بس السرير حا يشيلنا !..
ابوي : و ليه ما يشيل ؟ زحي كدا شويه و خلي امك تجي كدا شويه .. ايوه بس كدا
خلاص اها شالنا و لا ما شالنا ؟؟
بإستهبال : شالنا بس احضن منووو فيكم !
امي ضحكت : طبعآ انا ♡♡
ابوي حاوطنا بيدو : لا حضن الاب اوسع ♡ طفى النور و قال لي : مافي داعي تخافي
من الضلام طالما نحنا جنبك ♤ غمضتا عيوني و نمته ما حسيت بشي تاني ..
صحيت بدري لقيتهم لسه نايمييين .. اتسحبته من جنبهم برااحه طلعتا برا صليت و
اتسوكته كان في سخان و لبن في التلاجه .. سخنتو و كبيتو في الترمسه الجابت فيها
رحاب امس شاي المغرب .. فتحته الماسوره لقيت المويه جات طلعته الكباي من
الكرتونه غسلتهم و ختيتهم ما لقيت صينيه اختها فيهم ، خشيت غرفة ناس امي
استحمى ، خلصته و برضو ما صحو الجو كان حلو شديد فضلته استنى فيهم لغايه
يصحو الساعه عدت ال8 و ما صحو ! فتحت الباب براحه شلته تلفوني و طلعته برا
ختيت الترمسه و الكبابي و الكيك و صورتهم ختيتهم استوري " يصبح كل شيء
جميلآ في وجدوهم حولي ♡ "
رساله من خبي : عساكم ما تفترقوا و عساها دايمه 🐾💙😍
= ♡♡
خبي : كيف اصبحتي ؟
عملته سيين و ما رديت ليهو 😂
خبي : طيب ما تردي لكن ما تعملي سيي !!
قريته و ما رديت ..
خبي : دي كتابه علفكره يعني ما حا اسمع صوتك و لا حا اشوفك !
قريته و ما رديت ...
خبي : 🔥😒😒😒😒😒
= ؟
خبي : رديتي ! كتير خيرك
= ☺
خبي : نجوان اعتقلوها امس بليل
= !!!!!!!!!.....😳
خبي : والله ، تُهمه كتيره ما حا تطلع تاني
= 👥 ؟؟؟!
خبي : كلمني واحد صحبي شغال في الشرطه ، اتصل لي اليله الصباح امي من قبيل
تزغردت 😂
ضحكته انو فهمني 😂 رسلته ليهو
= 🔥🔥🔥🔥💣
خبي : امين ان شاءالله 😂
= 💙😴😴
خبي : بماني جبته ليك الخبر السعيد دا اتكلمي معاي يلا ♡♡
= 😜
خبي : بت قلبي 💔😔
= 😌 💅
خبي : بليز 💔💔
.... = 👏😏!
خبي : ما بعتذر قولت ليك 😒
= 😎😌
خبي : انتي ما اشتقتي لي 💔😔
= 16 🕚 ! ✔
خبي : عارفه 16 ساعه 😒
= 😂😂😂
خبي : حا اتصل ليك ردي تمام ؟
= 😏😏😏👅👅
خبي : انتي خليكي في سكاتك دا بس اسمعي الحا اقولو زابط ؟
✔💤
جاني اتصال منو رديت ، صوتو كان مبحوح و حلوووووووو ♡♡
خبي : سامعاني ؟
= اممممم
خبي : اذا ما اتصحبته بصوتك صباحي ما بطلع ما ممكن تخليني في اليل دا طويل !
انتي عندك فوبيا من الضلام صح يعني عارفه شعور الخوف البنتابك منو ! سمعني
صوتك !
= هئه
بعد صمت : اشتقت ليك طيب !
بنبرة استغرابيه : امممممم !!!!
خبي : ما طللس مني ، اشتقته ليك بجد و ما بيرضيني تنومي و تصحي و انتي زعلانه
مني 💔
= اهاااا !!...
خبي : البت بت جيرانا اتغابي فيها العرفه يعني ؟ اما بت جامعتكم ديك اساسآ انا ما
بعرفه و لا حلوة زاته عشان يعجبني الكلام معاها ! انتي عارفه مكانتك عندي انتي
النفس الطالع مني ، عاقبني اي عقاب تاني غير انك تمنعني عنك ما ببقى بلاك انا ! و
ادلعي و غيري زي ما عايزه هو انا اطول لمن تغيري علي حوريه ! الله ما يحضرني
يوم ما اسمعك او اشوفك فيهو
بنهره : خبي !!!!
خبي : روح خبي ، اذا ما سمعته اسمي منك بموت !
ابتسمته و ادعيت عدم الاكتراث : كويس انك اتأدبته
خبي : ما تقسي على في العقاب كدا تاني !
= قسيت شديد ؟
خبي : اخدتي سمعي لمن سكتي 💔
سكته ما عرفته ارد ليهو بشنو ؟
خبي : مالك سكتي تاني !
= عشان بتقول كلام حلو و انا ما بعرف ارد عليهو 😔
بضحكه : طيب ، امشي شوفي المطبخ ناقصو شنو من اووواني عشان اجييو معاي من
البيت
قومته : اوكيييه هداني ماشه .. يلا اسمع ناقصنا ... ااه اتذكرته امي قالت حا تجيب
عدتها الفي بيت ناس خالي التاج مافي داعي تجيب شي . جيب الفطور بس
خبي : فطور بعد الكيك الاكلتي دا ؟
= ما اكلته و لا شي مستنيه ناس امي يصحو لهسي ما صحو !!
خبي : امس كان يوم صعب عليهم خليهم يرتاحوا شويه
= صحي بالمناسبه امبارح نمته في نصهم لغايه الصباح ♡♡♡♡♡
خبي : مبسوطه شديد ♡
= قدر البحر و بعد السماء ، اديك معاي ؟
خبي : خليها ليك كلها انا سعادتك معاك ♡
= و انا بحبك ♡♤
خبي : اضعاف ♡ يلا حا اقفل ..
= خلي بالك من نفسك
خبي : بالي معاك خلي بالك منو انتي ♡
خبي ياااخ انا بضعف ها !
ضحك : قاصد اكركبك عشان تسكتي و افصل 😂😂
= عواليق
خبي : زيك ، طيري من وشي ..
فصلت منو امي جات طالعه صبحت علي مسافه اتسوكت ابوي صحى اتلمينا شربنا
الشاي و بدينا ننضف لغايه زمن الفطور جاتنا رحاب بفطوره .. ما خلت شيء ما عملتو
.. ابوي طلب مني اجهز عشان نمشي لاهل عبير نكلمهم .. جهزته و طلعنا على بيتهم
سلمنا على اهله الحالهم كان ما بسر عدو ابدآ 💔 جمعته شجاعتي و حكيت الحصل
زي ما طلبت مني عبير .. الحوا كتير ياخدوا مني الرقم بس رفضته اديهم ليهو و الا
عبير حا تختفي مننا كلنا اقتنعوا و ما كان قدامهم حل غير انهم يوافقوا 💔
ابوها بكى لمن قولت ليهو هي عايزه تبعد شويه عنكم رغم اني جبتها بفوق و ما
قولتها بصريح العباره عشان ما أذي بس كانت تقيله على قلبو انو بتهم عايزه تبعد
عنهم 💔 طلعنا منهم و ابوي وصلني لغايه البيت و مشى .. لقيت رحاب لسه ما
رجعت كانت بنترتب مع امي و خالتي غادة اللي جابت العدة معاها خالي التاج فقط ،
سلمته عليها و غيرته ملابسي جيت اساعدهم .. شويه جا خبي خاشي شايل مواد
تنمويه في يدو خاتها في التلاجه و سلم علينا ..
امي همست لي : خشي البسي ليك توب يا ناردين
= ليه الجاي منو ؟
امي : اجي انتي ما شايفه ود عمتك قاعد !!
= ود عمتي منو قصدك خبي ؟
امي : اااي امشي اتعدلي ليكي بتوب ما صاح تمشي قدامو ساي يعاين فيكي !
= يعاين فيني شنو يا ماما دا خبي !! علفكره هو امس دا كان بلبسني ملابسي تقول
يعاين فيني بتبالغي طبعآ ! ..
امي : حتى ولو انتي لازم تحتشمي قدامو ما صاح تمشي الا بالجامه !
= و بعدين معاك يا ماما ! دا خبي ما زول غريب عشان احتشم و اتغطى منو عااااادي
...
ضربتني في كتفي : عادي كيف يعني ؟ خبي ما من محارمك عشان تمشي قدامو ساي
اليله دي ممكن يعقد عليك ، بعدين هو اكبر منك لازم تحترمي وتغطي راسك لمن
يجي !
= اغطي راسي منو ! شنو جو العادات القديمه دي ! يا ماما بالله عليكي هسا خبي دا
ممكن يعرسني + مافي بينا الحواجز دي يعني نحنا اصحاب كبير و صغير دي ما
بينا !!!
امي : طبعا يعرسك و ليه ما يعرسك ؟ هو ما من المحارم عشان كدا امشي البسي
توبك و العادات القديمه دي نحنا اتربينا عليها امشي سرعه جيبي لي توبك
عاينتا ليها بزهج : اذا لبسته توب ما حا اقدر اساعدكم عشان ما بعرف بشتغل بيهو !!
امي : ما دايره منك مساعده امشي احتشمي و استري نفسك
بصوت عالي : شنو احتشمي و استري نفسك شيفاني ماشه عريانه ؟
امي : خفضي صوتك و امشي البسي توب