الجزء 1

فتحتا عيوني بضيق من حرارة الشمس الفقعت في وشي ، قومتا مخلوعه و انا بعاين

لساعه التلفون الكانت عامله 7 ص ، جريت الحمام سرعه غسلتا وشي و جيت مسكتي

المرجع .. فضلت اراجع لغايه الساعه بقت 8 .. و انا بلبس اتذكرتا اني ما صليت الصبح

نفختا خدودي بزهج ااووف ياااخ نسيت 😪 جدعتا الملابس وخشيت الحمام اتوضأ

.. عادي عندي اصلي الاوقات متأخره وما كدااا على الصلاه اوقات كتير بفوتا و

ساعات بكسل منها 💔 ‏( عارفه ان دا غلط و بجاهد نفسي عشان استقيم يعني انا

ما مجاهره بالمعصيه (💔 خلصتا صلاة ، لبست جمسوت لقيتو في وشي كان لايق

مع جسمي الشبه نحيل و بشرتي الحنطيه و طولي المربوع .. سلكتا شعري بالفرشه ،

عملتا شويه ميكب و لفحتا طرحه بيج خفيف في اكتافي ، و انا جاريه بلملم في

حاجاتي بعجله مسكتا مقبض جريتو بس ما فتح اتذكرتا امس نجوان قفلتو علي ..

طلعتا مفتاحي من الشنطه فتحتو غبيه ما عارفه عندي مفتاح مثلا ؟ لكن بسيطه بغير

الكيلون دام بقت تتجرء تصل عتبت بابي .. فتحتا الباب في ظرف ثواني كنت وصلتا

العربيه . اتحسست الدركسيون بيدين بإيتسامته خبيثه اتمعنته العربيه بإنتصار ..

فحصتا كذا شي قبل ما ادخل المفتاح و اضغط على البنزين بقوة ، لفيت بيها في

الساحه الاماميه للبيت و ضربتا " البوري " لعم حمدان يفتح الباب ، سوقتا بسرعه

مستقصده اني اعمل صوت عشان اصحي نجوان الحية .

# استكانه 🐾☕

انا " ناردين مجدي " او " نود " اهلي انفصلو و انا سن صغيره ، امي سابتني مع

ابوي بعد رفض يخليني امشي معاها و ما سألت عني تاني ابدآ من ساعه ما قدمها

اتخطت العتبن .. عايشه مع مرت ابوي " نجوان " في نفس البيت وقتي الصغيره كانت

بتضربني .. تحبسني .. تحرقني بالنار .. نجةان خبيثه و كعبه ومافيها رحمه ابدآ كل

انواع العذاب انا ضوقتو معاها حتى التحرش ..💔بنسبه لابوي وجودو و عدمو

واحد في حياتي لا بطقع لا بجيب الحجار يوميآ .. في حالة مشاحنات و مشاكل مع

نجوان .. بس لمن كبرته اتغيرته تمامآ من شخصيه صامته لمتمرده قدرتا اجبر مجدي "

ابوي " يكتب لي نص الفيلا بإسمي صح انا عايشه معاهم في بيت واحد بس طابق

كامل حقي براي .

الدنيا علمتني ورتني كتير .. شوفتا و عيشتا حاجات المفروض ما اعيشه و انا صغيره .

انعدام اهلي من حياتي خلاني اعمل علاقات متعدده و اعرف ناس كتير عشان املى

الفراغ الجواي بس مافي زول قريب مني و الكل علاقتي معاو سطيحه .. عندي فوبيا

من الوحده و الظلام بصوره رهيبه في نفس الوقت ما بحب حد يكون حواليني

خصوصي وقت زعلي عصبيه و عنفوانيه شديد .. ما بحكي اسراري لزول غير شخص

واحد نكافي بكدا حاتعرفو باقي التفاصيل قدام ♡♡

______________

مشت بخمول اتجاه اهلها القاعدين في الصاله بشربو في الشاي ، صبحته عليهم رد

ليها فيصل بينما امها ليلى فضلت ساكته بدون اكتراث . فيصل اشر ليها تجي تقعد

جنبو ورفع الترمسه يكب ليها شاي

منار : ما عايزه متأخره انا .

فيصل وهو بكب في الشاي : ح تركزي كيف اذا مشيتي جعانه ؟ لسه الوقت ، قدامك

ساعه اقعدي اشربي الشاي .

شالت نفس وقالت ليهو : لا ما عايزه ما لي نفس ..

" اتلفتت اتجاه امها : ماما عايزه التلفون .

ليلى عاينت ليها بطرف عينه و هي بتشرب في الشاي و رجعت لوضعيته ، منار فهمت

انها مح تديها ليهو استعدت عشان تطلع ،، فيصل عاين ليها بإستغراب :

= تلفونك عند امك بعمل شنو ؟.. !

ليلى عاينت لي منار نظام ردي ... !

فيصل بقى بعاين لينهم الإتنين و هم الاتنين ساكتين ، قطع الصمت صوت ليلى :

شاحنه باظ و قالت يشحنو ليها بس ابا يتشحن عندي ، رفعت عينا على منار و كملت :

كملي اليوم دا من غير تلفون وانتي جايه جيبي ليك شاحن ...

منار هزت ليها راسها و استأذنت منهم ، فيصل وقفه اداها مصروفها و قروش زياده

تجيب بيها شاحن

فيصل : لو محتاجه التلفون ضروري شيلي حقي انا ما بستخدمو كتير ..

ليلى مقاطعه ليهو : لا ما عندها بيهو شي ، يوم واحد من غير تلفون ما ح تخرب

الدنيا !!.

منار : صح اساسآ كل المحتاجاهو في الابتوب ، انا امشي قبل ناردين تجي تزن على

راسي .

فيصل وهو ماشي اتجاه غرفتهم : ربنا يوفقك ركزي كويس و اقري السؤال اكتر من

مرة ما تجاوبي سريع ..

منار ابتسمت ليهو ابتسامه خفيفه و طلعت الشارع مشت بسرعه و هي بتسترجع في

حركات امها الغظتا شديد .. وقفت مسافه ناردين لسه ما وصلت !..

اتقدمت ليها وقفت ناصيه نهاية العشرة حقتهم جنب الزلط و اتكلت على العمود و

هي بتاكل في اضافره .. اثناءما هي واققه جا واحد مفحط بعربيتو بسرعه مشى

مسافه و جاء راجع تاني وقف قدامها و نزل قزاز العربيه و طلع راسو ..

= لوسمحتي يا اخت وين ممكن الاقي بيت ‏(... ‏)

منار : البيت دا في الحله الورا خشيت غلط .

شال نفس و طلعو بزهج و ضرب يدوب بالدريسكون : اوووف يعني الف تاااني !!..

منار : لا ما محتاج ، امشي طويل و اكسر يمين في يمين في شمال جغرافي بتلاقاهو

واضح في نص البيوت .

ابتسم و قال ليها : اول مرة تلاقيني بت بتعرف توصف .. هز راسو و هو بعاين قدام :

تسلمي ، شكرآ .. قبل ما يتحرك قال ليها

: اذا ماشه كدا بوصلك في طريقي ..

منار : لا مستنيه صاحبتي انا تسلم .

رفع ليها يدو وهو ماشي 👍

___

وقفت العربيه لمنار و اشرت ليها تركب ، منار لفت حوالين العربيه بدهشه فتحت الباب

و هي بتعاين لي للعربيه بإعجاب ..♡♡

مررت يدها على العربيه وهي بتفحص فيها وراسمه على وشها ابتسامه : مباركه علينا

عربيتنا الجديده 😍 ♡♡

ابتسمتا بإستهزاء : سكتوني بيها ك العاده ، عجبتك ؟!

ركبت و نزلت المرايه القداما عاينت لي وشها : توسان 2019 اكيد طبعا كحلت عيني

♡ انا بحبك ابوك دا شديد يا نود ♡♡

قولت ليها بضحكه : تتحب قروشو بس .. امبارح ضربته ليك الف مكالمه ما بتردي ليه

ولا بتحفري من وراي ؟!

منار : احفر شنو تلفوني صادرتو ليلى خانوم ، ما عرفتي الحصل لي بعد مشيتي

💔😔😭

= اها احكي سامعاك .. بدت تحكي لي كل حاجه من طقطق لسلام عليكم

= اصلآ مؤيد دا انا ما ردتو و وشو شوم الصراحه من يوم ما عرفتي وانتي حياتك

مشاكل × مشاكل انسان انتهازي وكلبوبي لدرجه ، كويس انك سبتيهو .

عاينت لي بطرف عينا بزعل : فلنفرض انو غلط من ساسو لراسو غلط وانا غلطتة و

خياري كان غلط ماما تتعامل معاي بلأسلوب دا ليه ؟ انا ما صغيره تاني !..

= عايني للموضوع بنظرة ام ما بنظرة بت + هي ما زعلت من علاقتك معاهو هي كل

الزعله انك كذبتي عليها و صغرتها قدام حازم .. المره حست انك غشيتها يا منار !...

منار بضيق : انا برضو زعلتا من نفسي في الحته دي و ضميري أنبني يا ناردين .. بس

كانت تتكلم معاي بدل تاخد الموضوع بإستعجال وتصدر حكم علي كدا !!..

= تسمعك شنو يا منار دي ام ! وبغض النظر عن العملتو انتي لازم تقعدي تتكلمي

معاها وتفهميها الحاصل وتعتذري ليها عشان ما تسقطي من نظره اكتر مما انتي ساقطه

، عاينت ليها : دي امك !!..

منار سكتت و سرحت بعيد وصلنا الجامعه ، خشينا الكفتريا ، جبته لي نسكافيه و

سندوتش ، تلفوني ضرب صمتتو بالجنبه و بديت اكل ،، منار عاينت لي باستغراب

فهمتو قولت ليها بلا مبالاه : مجدي !

منار : هو لسسسسه ...

قاطعتها : فكينا عليك الله براي مصدعه

لبين ما خلصته اكلي باقي الشله وصلت ، جات جيلا و سبأ ‏( تيمان البرقو الما

بتفرقو ‏) ،، نقيف شويه نتعرف عليهم ....

جيلا : مامات الشله اعقل واحده فينا و دايمآ بنلجأ ليها في المشاكل .. سنفوره اقصر

من مني بسنه ... ضعيفه ، صفراء ، وشها مثلث عفويه و زولة ضحك وجمجره 😂

😂 ، مطلقه اتزوجت غصبآ عنها و اطلقت بعد سنتين من زواجها ، في السنتين دي

شافت الويل مع راجلها ضرب و نبز و خيانه وشتيمه كانت حامل و اجهضت اثناء ما

راجله بضرب فيها وقت اهلها عرفو طلقوها منو بالمحكمه بعد ما اثبت التعنيف و

التعذيب الكان بعملو فيها ... ، تجربه الزواج بقدر ما كانت مؤلمه بنسبه ليها الا انها

قوتها شديد .. الانتقادات و الصعوبات الاقتها بعد اطلقت من الحواليها خلتها تعمل

مبادره اسمها ‏( خلقن قويات ‏) و هي مبادرة خاصه بالمطلقات ، الانطلاقه كانت صعبه

بس مع الوقت لقت ناس دعموها و بقت متحدثه تحفيزيه السنه دي بذاات بقت

معروفه اكتر وناس كتير بقت محترماها و مقتديه بيها 🐾💙

سبأ : ملكه الجنبات و القعدات اسالوها من شيء اسمو قهوه 🐾💙🐸😂

مع اننا موزعين كل فتره نتجمع عند واحده الا انو دايمآ الغالب بتكون عندها . طويله

بس طوله مغمور في صحتا الكويسه .. مسكينه مسكنه مخلوطه بشويه شقاوة عفويه

تموت في الضحك والشمارات بتحس انو جيلا وسبأ في الطباع فولة و اتقسمت نصين

شايلين من بعض شديد ♡ ما عدا سبأ شويه زعوله ما زي جيلا المهم سبويه دي

مخطوبه ♡♡

اها نرجع ....

منار : ما بدري !

جيلا : من عمرك حبيبي ♡ .. وقعدو الاتنين في التربيزه

سبأ : اوووف فضل 20 دقيقه بس

قولت ليها باستهتار : سبرااااايز صح ؟؟؟!

سبأ : ما ناقصاك انتي كمان الفيني مكفيني ..

ضحتكه : شكلو اليوم العالمي للكئآبه

جيلا : وين فلانه ديك لسه ما وصلت ؟ !

سبأ : مصاحبه الدكتور يهنايه بتجي على كيفه الطريق امااااان 💃

جيلا : والله البت دي الله يهديها بس لكن سكته عوجه ...

= خلاص قفلو هدي جات ..

عبير : مورنيييغغغ يا بنات 🎶😘😍

اتلفتنا عليها كلنا عاينا ليها باستغراب و دهشه شديدتين 🔥 ، كانت لابسه بنطلون

احمر ضيق وهي النوع الجسمه مقسم ، فميله بيضاء مكتوب فيها عبارات

بالانجليش .. شاكاها جوة البنطلون فوق ليها جالي بُني طويل فيهو كذا لون داخلين

في بعض كاسراهو باسبورت بني درجه اقل من درجه الجالي ، فاكه شعره و لافحه

فيهو طرحه بيج فاااات والمكياج دا ما يديك الدرب نااار الضلع بس 🎶🔥

جيلا : شوفتو يا بنات نفسيات الامتحان بتكون كيف ؟ مش زيكم جايني بوش

المطلقات دا .. غمزت لي عبير وقالت ليها : فرسه يا بت 😘

عبيره و هي بتجر في الكرسي و بتضحك : قولت ارفع معنوياتي شويه .. شكبت

اصابعه وختتهم في التربيزه : اها كيف قرايتكم ؟

عاينت لينا لقت اي واحده فينا ماسكه مرجع .. اتلفتت يمين و شمال و طلعت تلفونه .

كنت متكله على الكرسي و ماسكه المرجع بيدي و بحك في القلم في شعري عاينت لي

عبير لقيتا ماسكه التلفون وبتضحك ، عاينت لي منار و اشرت ليها على عبير ..

منار : الله يديني برودك دا يا عبير ،، عبير ضحكت و اكتفت بالسكات ..

عبير : زكاة الشله احلى واحده فينا حلبيه ، طويله ، عيونا عسليه ، شعرها شويه

خفيف بس طويل ..

البت دي من عرفتها ما بتقعد مع ولد اكتر من شهرين تلاته ... كل سمستر بي

بويفريند شكل و كل البترتبط بيهم سايقين و هاي كلاس ..

ابوها رجل اعمال معروف و امها عندها مركز تجميل بفروعو ‏( عرفتو جايبه السماحه

من وين ؟ 🐸 ‏) بت واحده نص تلاته اولاد عشان كدا العايزاهو بصله قبل تفكرو

فيهو ...

في واحده اسمها شهلا دي سادستنا حاليآ هي مافي خلصت امتحانتها و سافرت بلدهم

تلقوها حايمه هسا من بيت لبيت .. ح نكتفي بإسمها لغايه تجي 🐾💙

جيلا و هي بتلم في حاجاته : فضل 10 دقايق انا ماشه القاعه بعد دا .. نتلاقى بعد

الامتحان موفقين يا بنات ♡

سبأ : استني جايه معاك انا برضو ماشه القاعه ... نحنا برضو طلعنا معاهم واي واحده

اتجهت لقاعته ..

نحنا ما في نفس المجال جمعتنا الجامعه وجزو مننا جمعو الثانوي والاساس .. يعني

مثلآ سبأ و جيلا اصحاب من الثانوي ، وانا و منار اتلاقينا في الجامعه ايام كنا برالمه

و بالصدفه عرفنا اننا ساكنين في نفس الحي و امها و امي كانو صحبات ... ♡ منار

كانت بتعرف سبأ في الاساس و افترقو و اتلاقو تاني في الجامعه بس كانو في نفس

الحي .

اما عبير فدرستا معاها من تامن اساس سوا واهلنا بعرفو بعض بس اتصاحبنا في

الجامعه .. المهم بقينا كلنا شلة واحده تاني بإختلاف المجال ، جيلا و سبأ بقرو

حاسوب واحده it والتانيه شبكات ، انا و منار و عبير بنقرا مختبرات بس عبير كانت

سنيرتنا ربتت و نزلت معانا لمن دخلنا الجامعه .

الزمن جا دخلنا قاعه الامتحان انتبهنا انو عبير مافي اتلفتنا يمين وشمال ما شايفينها

!.. ما اهتمينا كتير اصلآ دي حركاته المعتاده مافي شي جديد ، قعدنا جنب بعض انا و

منار هي قدامي وانا وراها ، واحد من المراقبين قال لينا انتو الجوز واحده ترجع ورا

والتانيه تقعد مكانه .

قولنا ليهو بصوت واحد : ليه ؟!

المراقب : من قبيل وانا شايفكم بتتبسموا وتتكشمو لبعض حركاتكم دي كاشفنها يلا ورا

.

= والتِّبسم ممنوع يعني ؟ لمن تشوفنا شغالين مع بعض تعال فرقنا غير كدا ما

متحركين من مكانا . تكلت ضهري على البينش و مسكتا قلمي .

المراقب بصوت عالي خلى كل الفي القاعه يتلفتو : قولتا قومي يبقى تقومي من غير

نقاش و كلام كتير..

= مبدئيآ كدا صوتك دا ما ترفعوا عشان دي قاعة امتحان ، ثانيآ انا ما متحركه من

مكاني دا شبر وكونك مراقب دا ما بديك الصلاحيه انك تقرر انا وين بقعد ! انا بقعد

في المكان البعحبني ، انت جاي هنا تراقب ف ياريت تكتفي بعملك ك مراقب و بس .

المراقب : كمان جابت ليها طولة لسان ؟! دي شنو قلة الادب دي احترمي نفسك يا

طال...

وقفتا على حيله وختت يديني في البنش و قاطعتو : انت التحترم نفسك ، و اياك

تسيء لي تاني او تتجاوز حدودك معاي بكلمه !

المراقب التاني جا ناحيتنا قال لينا : في شنو يا طلبات ؟! منار مسكتني من كتفي و

همست لي : نود خلاص ما تضخمي الموضوع ، اتلفتت على المراقب : مافي

شيء انا

ح ارجع ورا ...

ممسكتها من يدها و جريتا علي : ترجعي ليه ؟ مافي واحده فينا ح ترجع ورا و انت

لو ما عاجبك اطلع ..

المراقب التاني اشر ليهو الامور عندي : اهدي يا بتنا واقعدي مكانك مافي داعي

للعصبيه سمي الله و ابدي اشتغلي برواق ...

بدينا الجلسه و المراقب داك طلع برا فضل واحد بس هو البراقبنا ، شويه جاء داخل

معاهو دكتور ضياء " دكتور المادة " اشر ليهو ناحيتنا و جاء وقف قدامي

دكتور ضياء بهمس :مالك يا بت مجدي مع المراقب ؟!

حكيت ليهو الحصل ، هز لي راسو و مشى على المراقب التاني اتكلم معاهو شويه

وطلع هو والمراقب الثقيل .. بعد مسافه المراقب جا راجع ، طول الجلسه المراقب

بحدر لينا ، واقف لي في في راسي

بزهج : انا كدا م ح اقدر اشتغل ، ممكن من فضلك توجه تركيزك لاي شي تاني

غيري ؟ !

المراقب : سألتك انا يا بت الناس ؟.. !

جا المراقب التاني

= بدلني انت راقب ورا وانا براقب قدام ، مشى وهو زهجان شديد لو عليهو يخنقني

من رقبتي انا اكتر حاجه بكره الحقاره و الاستفزاز ممكن عادي اوصل الموضوع للادراه

لو طول لسانو معاي دي واحده من الدروس الاتعلمتها مهما حصل مافي حد في الدنيا

يغلط فيني ... قبل نص الزمن بخمسه دقايق جات عبير خاشه تتقدل ..

المراقب : كنتي وين انتي يا طالبه ؟

عبير بإستهبال : كنت تعبانه شويه يا مستر 💔

المراقب : الف سلامه ، ختي شنطتك هنا و شوفي ليك مكان اقعدي فيهو .

اداها ورقة امتحان و كراسه مشت قعدت ورا .. الامتحان كان عاصر شديد واسأله ما

تعرف ليها راس من قعر . نص الزمن جاء زول طلع مافي ! المراقب الثقيل داك قعد

يستظرف لمن مافي زول طلع .. التلاته ساعات خلصت وجمعنا الكرسات طلعنا اي

زول يتأفأف و مكرفس وشو ...

جيلا و سبأ كانو مبسوطين شكلو امتحانهم جا زابط ، دكتور ضياء نادانا مشينا ليهو ..

دكتور ضياء : المراقب دا حا يكون معاكم طول فترة الامتحانات الفضلت حاولو ما

تاخدو و تدو معاهو كتير عشان هو شخص عصبي وحا يفاقم الموضوع ، قبيل لاقيتو

وكان ماشي للعميد لو ما ربنا ختاني في طريقو كان سبب ليكم مشكله ...

منار : ما قدرته اشتغل من نظراتو ياريت لو تغيرو بجد لا يُتحمل يا دكتور !..

دكتور ضياء : ح احاول اشوف ليهو صرفه عشان الشكاوي عليهو كترت ، اها اشتغلو

لي مادتي كيف ؟. !

بإبتسامه مصطنعه قولت ليهو : ما بتتخيل الامتحان العسل دا اشتغلنا فيهو عسل كيف

دي الامتحانات ولا بلاش ♡

منار : حقيقي يا دكتور انت نعمه امتحانك دايمآ بسيط و خفيف زيك كدا ♡

دكتور ضياء بضحكه استهتار : رغم انو دي شيتمه بلفّه لكن اطمنو لسه الجاي اعسل

♡

= الله يطمنك ، نحنا كدا اطمنا على مستقبلنا المح نشوفو عن اذنك يا دكتور !!

مشينا منو و نحنا بنضحك في كلامو وفي نفس الوقت خايفين .. دكتور ضياء على

قدر ما هو ظريف ومتفهم للطلبه على قدر ما هو كعب شديد بذات لو ختاك في راسو

اتلقتنا عبير : كنتوا بتحكوا شنو مع مستر ضياء بتحكنو فيهو ينجحكم ولا شنو ؟

ضحكته : هو بتحنك 💔 قال لينا ما نحتك مع المراقب عشان هو اصلا مشكلجي .

عبير : مراقب شنو ؟

منار : دي البدايه الفاتتك حبيبتي لو جيتي ابدر كان حضرتي الفلم ..

جيلا : انتي تاني جيتي متأخره ؟ يابت انتي ما بتوبي ؟!

عبير بعدم اكتراث : طيب يا جماعه نتلاقى ، عندي ميتيغغغغ 💃

جيلا بضحكه : غير حق الصباح 😂😂

عبير بتنهيده وهي بتقرب من جيلا : شوفي يا جيلا ركزي مع نفسك وفكك مني

تمام ؟!

جيلا : انتي مالك ما طايقه لي ريق ؟!

عبير وهي بتأشر على حلقه : عشان بتخنقيني ، بتخنقيني .. انا واعيه و عارفه انا

بعمل في شنو كويس جدآ !! و بدل ما انتي مركزه في حياتي شنو سويت وشنو عملته

، وين مشيت ومن وين جيت !.. ركزي في حياتك الما معروف ليها راس من قعر دي

ظط ؟!

منار: شنو يا جماعه ما تهدو شويه !!!.

سبأ ربتت على كتف جيلا و همست ليها : ما تشغلي بيها .

اشر لينا من بعيد شاب وجا علينا " طويل ، فاتح البشره ، جسمو رياضي ، حواجبو

غزيرة و مواسيه ، لحيته خفيفه و مرتبه ، لابس بنطلون بيج بقميص سماوي هادي ،

مكفكف اكفاف القميص شويه ، اسبورت ابيض ، ساعه سيلفر ، نظاره طبيه مدوره،

حالق تربيعه ، شايل شنطة يد رجاليه وماسك مرجع في يدو ..

ياسر : هاا ..كيف الشغل ؟!

ردينا ليهو بصوت واحد : الحمدلله

اتلفت اتجاهي : نود ، اشتغلتي كيف ؟!

عبير : يعني السؤال الجماعي ما كان بشمله و لاشنو ؟

ياسر وهو بصلح في نظارتو : لا طبعا اكيد بشمله .. ‏( احرجتو الكلبوبه (🌚

قولت ليهو و انا بحدر لي عبير : جوطته شديد انا ، اها انت اشتغلت كيف ؟

ياسر : جابو عاصر لدرجه بعيده ، طالعين مكان ؟

منار : لا ابدآ ... عايز تعزمنا ؟!

عبير : السؤال ما موجه ليك حبيبااااه ؛ ورفعت لي حاجبه ...

ياسر وهو بدخل يدو في جيبو : انا سألته بضمير الجماعه دا اذا انتبهتي يا عبير !

شايفكم وافقين ما حابي اعطلكم عن شي ، هاا منار اختاري المكان ..

= بجد يا ياسر !!!!

ياسر : حتى اذا هظرته معاك في الحاجات دي انتي ومنار بتاخدوها جد !

... = 😑😑😑

ياسر بشبح ابتسامه : ، حددوا الزمان والمكان وانا ready ❤

= خلاص نمشي "..." هسا انا محتاجه تغير جو شديد 💔😪

ياسر : ما بتفوتو فرصه 😂 امر على اصحابي ونتلاقى في البوابه زابط

منار : عايز تنط صح 😑!

ياسر وهو بمرر يدو في شعرو : حصل وعدتكم بشي و نطيت يا آنسه !

عبير : الدعوه بصيغه الجماعه زي السؤال ولا فرديه ؟

ياسر دخل يدينو الاتنين في جيبو ورفع راسو قبل يحك لحيته بيدو : الدعوه مفتوحه

يا عبير ...

منار : ااااا .. طيب يا جماعه انا ما بقدر اجي معاكم بعتذر لازم ارجع البيت بدري

.. 💔 عاينا ليها بنظرة استغراب

منار : امي منبه علي اجي بدري عشان اقعد مع اولاد انفال اختي هي عندها مشوار و

مافي زول غيري في البيت ، وانا من الحماس نسيت 💔💔

ياسر سكت واكتفى بعقد حواجبه

عبير : وانا سلفآ معزومه سوري ياسر مرة تانيه ...

جيلا وسبأ كمان اعتذرو ، منار بقت مبحلقه في ياسر و هو ساكت !..

ياسر : طيب نأجله لغايه نهاية الامتحانات اذا حابين !

منار : اوكي انا موافقه ✋

ياسر : اذا كلكم موافقين اتفقنا ..

تموتو وتعرفو ياسر دا منو صاح ؟ ؟ !

ياسر شخصيه هادئه جدآ ، شخصيتو بتديك احساس انك بتتعامل مع شخص ناضج

وهو فعلإ كدا .. دفعتنا و صحبانا شديد .. يمكن تقولو ان جزوء من شلتنا هو و منذر

دي ضكور الشله 😂 كتير بتلاقيهو قاعد معانا واكتر ولد في الدفعه مقرب لي و

بتعامل معاهو على صعيدي الشخصي ، هو وعبير على خلاف مافي واحد فيهم بطيق

التاني .

عبير جاها اتصال كذا مرة كنسلت فيهو ، شويه جاته مسج فتحتا و اتلفتت وراها ،

شالت حاجاتها واستأذنت مشت اتجاه ولد شكلو غريب عن الجامعه ...

_____________

،،، في جانب عبير ،،،

ساقتو و طلعو برا الجامعه ركبوا سوا في العربيه ...

عبير بزهج : انا مش قولت ليك ما عايزه اشوف وشك تاني ؟ انتهينا نحنا انتهينا ما

بتفهم .. ؟؟!

طارق : انتي ما بتقدري تاخدي القرار دا براك من غسر ما ترجعي تنهي علاقتنا

بالبساطه دي ! اديني سبب واحد مقنع يبرر لي قرارك دا ؟ انا قصرته منك في شي ؟

ما خليت شي ما جبتو ليك ليه بتعملي فيني كدا لي يا عبير ؟ !

عبير : انا ما عايزاك دا ما سبب كافي بنسبه ليك ؟! ثم عااااين شنو جبته ليك و سويت

ليك وحركات الشحاتين دي ؟ حبيبي انا عيني مليااانه الجزمه الابساها في رجلي دي

تسو حياتك كلها فاهم !

طارق بتمتمه: معقوله يا عبير حبيبتي اهون عليك ؟ بعد الحب الحبيتو ليك جايه

تسيبيني بالبساطه دي ؟

عبير : حب شنو هيييي ها ! انت عارف كويس اننا كنا بنمضي وقتنا بس ما اكتر ! ما

تعمل لي فيها روميو ما ناقصاك انا ..

طارق : بس انا حبيتك بجد يا عبير 💔

عبير : و انا قولت ليك اننا خلاص بحح ..

طارق بعصبيه : و انتي فاكره اني ح امشي على هواك مثلا ؟ ! اذا ما اتراجعتي عن

قرارك دا فانا ....

قاطعتو عبير : انت شنو يا حبيبي اها كمل ؟! كمان طلع ليك لسان تتكلم بيهو !!

طارق : ما تنسي انو عندي صور ليك ..

عبير بضحكه سخريه : صور ؟ ويعني ؟ بلها واشرب مويتا صور عاديه زيها و زي اي

صور تانيه !.. و ياريت ما تنسي انا منو ؟ وبت منو ؟ وشنو الممكن اعملو فيك انت

واهلك ! .. جاي تتحكم فيني وتجبرني اكمل معاك غصب ؟! لا يا بابااا دا عند اي بت

تانيه ما عبير امين !.. ، ومن اليله انا ما عايزه اشوفك ولا اسمع صوتك والكان بينا

صفحه سودا وطوينها واذا رجعته فتحتها ما تلوم غير نفسك و اعتبر دا اخر تحذير

ليك .. لزتو لزات متكرره في كتفو قبل تقول ليهو : انا ممكن امحك من الحياة دي

في دقيقه اقصر الشر عشان انت ما قدري فاهم ؟

_________________

" ان الاباء الذين يدعون المثاليه ينتجون نسلآ مليئآ بالشوائب لدرجه لا تغتفر "...

# معسلامه 🐾🚶☕