الجزء 6

= مافيها حاجه انتي بس معقدة الموضوع بزياده ، وانا خطيبك ما راجل غريب ! يعني

راجلك و اهلنا عارفين اننا مخطوبين ، كل المخطوبين بكسرو الحواجز البيناتهم في

فتره الخطوبه بطلي تعقيد ياااخ ...

سبأ : يا ابراهيم كدا ما صاح و انت مستعجل على شنو ؟ ما بكره بنعرس واعمل ليك

الدايرو ..

ابراهيم بزهج : اووف منك يا سبأ اوووف يعني مصرة تخلي الحواجز دي بيناتنا ؟؟

انتي ما بتثقي فيني يعني ؟!

سبأ : ما عندو علاقه بالثقه وانت بتعرف اني بثق فيك و بحبك بس كمان اهلي خاتين

ثقتهم فيني وخطوبتنا ما بتسمح لينا نعمل كدا في حدود بتحكمنا يا ابراهيم ! ،، آسفه

بس دي خطوه ما بقدر اقدِّم عليها ابدآ ولا عندي صلاحيه بكدا بعد نعرس بعمل ليك

الدايرو غير كدا لا ..

ابراهيم : تمام يا سبأ تمام ما مشكله لكن عرفته نظرتك لي وحبك لي عامل كيف اصلو

ما مشكله ..

سبأ : ما تزعل مني وانا و الله بحبك وبثق فيك يا ابراهيم ♡

ابراهيم بزهج : لا واضح .. تيت تيت فصل الخط ..

سبأ جدعت التلفون بزهج بعد ظهرت على ملامحه الضيق من طلبات خطيبها المتكرره

حول نفس الموضوع ،، بقت ما طايقه تصرفاتو وبتقول بينا وبين نفسه : هو ما مقصر

معاي في شي بس طلباتو بقت لا تطاق و بضايقني شديد دا غير كلامو عن حبيبات

اصحابو العايزني ابقى زيهم متين يفهم اني ما زيهم متين !.. جات حبوبتها داخل

عليها الغرفه وهي بتنادي عليها ،، سبأ قامت بسرعه اتجاها مسكتا من يدها ووصلتا

السرير ، حبوبتها قالت ليها : طلعي لي جلباب وتوب نضاف ماشه مع امك هنا قريب

وجايين

سبأ وهي متجه اتجاه الدولاب : ماشين وين يمه ؟

حبوبتا : فاطنه بت محمد قالو ولدت امس جابت ليها وليد ماشين نتحمدل ليها

السلامه و نغشا خالتك بيغادي ..

سبأ وهي بتريح ليها في توبها : وانتي مالك ومال المجاملات دي تاني يمه .. اقعدي

في البيت خلي بناتك يمشين بدلك .

حبوبتا : يعني كان ما بشوف ما اوصل كرعيي لحِباني ؟!

سبأ : لا يمه ما قصدته ، لكن عايزه راحتك بس .

حبوبتا بضحكه : خابره كلامك الا بدور اضحِك معاك

سبأ : هاك يا حبوبه توبك ريحتو ليك ♡

حبوبتا : يحضرني ريحه عرسك ايمه واجهزك كدي بنفسي ♡ ومدت يدها بتفتش لي

سبأ ، سبأ مسكتا من يدها وحبوبتا مسكت راسه باستا ♡ .. جات واحده دقت باب

الغرفه : احمم قاطعته دفا الحبوبات دا ♡♡ سلمت على سبأ وحبوبتها بحرارة

سبأ بفرحه : ابتهال ♡ يابت مشتاقين وين انتي ؟!

الحبوبه : غيبتك طولت يا بتي ما تعيدها

ابتهال : والله يا حبوبه مع جري الجامعه دا بس ،، اتلفتت اتجاه سبأ : لكن قاعده

للبسأل 😏

سبأ : كنت منتحره والله يدوب خلصته امس

ابتهال : بعرف يابت وضربت سبأ في كتفه ..

الحبوبه طلعت بعدما استأذنت من ابتهال وطلعت معاها سبأ تجيب الضيافه لابتهال ..

سبأ جات وقعدو يتونسو الاتنين سوا بعدما ابتهال لاحظت الضيق الهي عارفه سببو ،

ابتهال قالت ليها : تاني ؟!

سبأ هزت ليها راسه بإنكسار 💔 .

ابتهال وسبأ صحبات من صغار وابتهال قريبه لسبأ اكتر من جيلا وبتحكي ليها كل

اسراره ومشاكله ..

فضلو يتناقشوا في الموضوع واي واحده خاتا يدها في خدها ..

____________________

جيت الجامعه بالمواصلات ما اشتغلت بمنار ،، بعد طلعنا من الامتحان منار طلعت

مستعجله حتى ما سألتني اشتغلت كيف 💔..

مرت يومين لغايه جا اخر يوم في الامتحانات و حصل صمت بيني وبي منار ،

الموضوع ما كان بستاهل وكان ممكن تكسر الصمت دا بإعتذار بسيط او محاولة

تحنيس بس الظاهر هُنت عليها و كانت متسبله ليها في سبب ولقتو .

اثناء ما انا ماشه في الممر وقفتني تاليا وطلبت مني ندردش شويه و عزمتني على

قهوه .. حركة الكبايه بإطراف اصابعه وهي بتقول : انا حابه اعتذر منك على القلتو ليك

الموضوع كان بسيط بعرف بس .. انا كنت مضايقه و مضغوطه شديد وطلع فيك ،

حقكك علي 💔..

قولت ليها : حصل خير يا تاليا ما مشكله بعرف ان ابوك تعبان شويه وانك مضغوطه

من الجهتنين ، ربنا يوالي العافيه..

زحت شعره من وشها باطراف اصابعه وقالت : آمين .. ياسر حكى ليك ؟

= اي جات بالصدفه كان مضايق عشانك .

تاليا : امممم حبيبي 💔.. سكتت مسافه وقالت بتوتر : طبعآ لهسي متزاعلين وما

اتصالحنا 💔

قولت ليها : جربتي تتكلمي معاهو ؟

تاليا بزعل : امممم .. اكتر من مرَة بس ما برد على الكولز ، رسلت ليهو مسجس كتِير

برضو ما رد 💔

فهمتا من كلامه انها عايزاني اصالحهم ، ما كنت حابه اني اساعده بسبب السمعتني

ليهو يوم الشكله بس عصرتا على روحي وقولت ليها : طيب ممكن اتكلم معاهو انا اذا

حابه ! ..

تاليا بحماس : بجد .. ؟؟ هزت ليها راسي ببسمه

تاليا : ما بعرف اشكرك كيف يا نارين منجد ثناكس 🐾🐾♡

قولت ليها : ناردين بالدال ..عاينت لي بإستغراب قولت ليها : اسمي ناردين ما نارين في

دال في النص 😊

تاليا : اووه .. سوري ناردين Raght كذا ! ابتسمته ليها و شكرتها على العزومه و

استأذنتا منها ، حسيت بشلل في قلبي من طريقة كلامه ، ما قدرتا استحمله 10 دقايق

هسا ياسر مستحمل حركاته دي كيف ؟!

تاليا من النوع البتكلم براحه بفتح الراء و بعطش الجيم بعد تموت وبدخل كذا لغه في

الكلام وبدلع وبتتسهوك ، النوع اللي لما تشوفو بتلوي ليهو خشمك وترفع ليهو حاجبك

من غير ما تحس ‏( جاتك وكسه في خيبتك 😷)

طلعتا بوشي بيتنا طوييل لقيت منار قاعده مع امي بتتونس ،، عمتي اول ما شافتني

قالت لي : اتأخرتي كدا مالك ؟ ، ختيت شنطتي في الكرسي وطلعت الطرحه و قولت

ليها : كان عندي موضوع كدا خلصتو وجيت .

عمتي : موضوع شنو دا ؟ هدا صاحبتك جات من 10 ويدوب داخله البيت !

قولت ليها بزهج : جايه من امتحان واخلاقي في مناخيري من فضلك اجلي حلقه

الاستجواب دي ليوم تاني + عندي ام هي المسؤوله مني ما انتي .

شلتا شنطتي ودخلت جوه خليتا بتنقنق ،، منار لحقتني وقفلت الباب عاينت لي ببراءه

قبل تنطق بإستهبال : اشتقت ليك 🐾💙😔

ما اشتغلت بيها وقعدت في السرير طلعت جزمتي ، منار جات وبقت بتفك لي في رباط

الجزمه التانيه .

منار : انا آسفه ما كان قصدي ازعلك

ثبتا يديني في السرير : وكنتي محتاجه الوقت دا كلو عشان تعتذري ؟

منار : لا بس كنت مشغوله شويه ..

= تمام امشي تمي باقي شغلك بعد تفضي تعالي صالحني انا قاعده ما ماشه مكان ..

منار بزعل : كنت عايزه اعتذر منك بس ما كنت قادره ابرر ليك تصرفي وقتا ..

= وهسا قدرتي تبرري ؟!

قامت من الارض وقعدت جنبي : لا بس ... ، قاطعتها : هو مافي تبرير اصلآ غير انك

شايفاني بعين مرت ابوك !

منار شالت نفس : ما كدا والله ما كدا .. ، قاطعتها : لا هو كدا اصلا ، انا عايزه ارتاح ..

انوم شويه ..

منار : نود اديني فرصه اشرح ليك القصه ..

ضحكتا قولت ليها : هو في قصه للسخافه الحصلت دي يعني ؟؟ دايمآ عندك قصص يا

منار تاخدي جائزه نوبل في التأليف ..

منار عيون دمعت : خوفتا اذا عرفتي هو منو تكرهيني وتتغير نظرتك اتجاهي 💔

= منار ... اكرهك عشان بتحبي كيف يعني ؟ انتي هبله ؟

منار بتوتر : مش عشان بحب عشان الشخص البحبو .

= شوفي عايزه تتكلمي اتكلمي عديل وبدون الغاز ما عايز اسكتي واتفضلي برا تمام !

منار : اوعديني انك ما تكرهيني وانو نظرتك اتجاهي ما تتغير وانو الموضوع يفضل

بينا وبس .

ربعته يديني وحدرت ليها ، منار شالت المخده وختتا في رجليني وختت من فوق ليها

يدينا بتوتر : ناردين انا ... انا بحب اااا ... راجل ، راجل كبير كان متزوج .

قولت ليها بإنفعال : كيف يعني كان متزوج .. ؟؟؟

منار : وطي صوتك ... يعني طلق مرتو .

قولت ليها وانا مصدومه : طلقا بسببك ؟؟

منار بتوتر : لالالالا .. اطلقو بسبب مشكله بينهم والله هو كدا قال لي ، حصل خلاف

بيناتهم واتفاقم الموضوع قام طلقه وطلقه واحده بس لكن والله العظيم ما بسببي .

وان ششششاءالله عندو اولاد ؟ انتي كيف تعملي علاقه مع واحد متزوج يا منار

انتي اتهبلتي ولا شنو ؟؟

منار : مش قولت ليك ح تكرهيني 💔

= اكرهك شنو ؟ انتي تمشي تقطعي علاقتك ما الراجل دا حالآ .. كملو الرجال بعد

ترتبطي بمتزوج ؟

منار : ناردين من فضلك اهدي واسمعيني .. انتي فاكره اني مبسوطه بالبعملو ؟ انا

ساعات كتيره بكره نفسي بس مغلوب على امري والله العظيم .

= لييه ؟ ضربك على يدك عشان ترتبطي بيهو ؟؟

منار بإنكسار : ما ضربني بس لقيت عندو حنان الابو والام الفقدتو ، انا حاولته كتير

ابعد عنو بس حنيتو بتخليني اجيهو تاني 💔 ناردين انا ما جنبي زول لا ام لا ابو

ولا بعرف شي عن الحنان وما حصل حسيت بيهو انا كنت محتاجه اليديني العطف دا

ولقيتو عندو ،، لو قبيل جنبي واحد من اهلي ما كنت ح اعمل كدا عارفه ان البعمل

فيهو دا غلط شنيع بس شوفي مافي زول حاوليني انا براي .. وبقت تبكي ..

عيوني دمعت من كلامه مسكتا يدها وقولت ليها : براك كيف يعني وانا هنا بعمل في

شنو ؟؟ وماما ليلى مقصره معاك في شي ؟ دي بتحبك اكتر مني انا بتها ..

منار بصوت متقطع ومخنوق : انا عشان كدا كلمتك انتي ، عمري ما فكرته احكي السر

دا لحد ولا حتى بيني وبين نفسي ما بجيب سيرتو عشان ما اكره نفسي ،، وربي انا لو

ما جاني في نقطه ضعف ما كنت فكرتا حتى اني امشي في الطريق البمر بيهو ،، انا

قرفانه من نفسي يا ناردين قرفانه والله قرفانه ،، كل ما افكر اني بعمل في البتعمل

فيهو نجوان بكره روحي زياده ، انتي مستوعبه اني حقيره زيها ؟؟ هي دخلت بيتنا

وشلبت ابوي من امي وانا بعمل في نفس الشي بس بطريقه احقر على الاقل هي في

النور ما زي 💔 منار اتفقعت بالبكاء وكملت ..

= امس خالتي اتصلت لي قالت لي تعالي شوفي امك هي محتاجاك جنبها ،، عرفت انها

السنين دي كلها كانت عيانه ويدوب بدت تصحصح وتوعى للحولينها .. يعني ما كانت

سايباني بإرادتها زي ما كنت مفكره .. ما بتتخيلي لمن مشيت شوفتها كانت عامله

كيف ! دي المخده واضحه اكتر من جسمه لو ما لاحظته للتوب بتحرك ما كنت عرفتا

ان تحتو زول ،، حضتني وشهقت في البكاء : ما عرفتها يا نود لاول مره في حياتي ما

اقدر افرز ملامحها ،، 7 سنين هي عيانه وبمشوا بيها من دكتور للتاني وانا هنا لايماها

وبنبز فيها ،، كانت بتعاني براها وبساعدوها اخواتا وانا بتها ما جايبا ليها خبر .. ما

عارفه اشكي لمنو ولا اجي لمنو ولا اقبل على ياتو اتجاه ؟؟ انا عايزه اموت واخلص

من حياتي انا بكرها وبكره نفسي ما عايزه اعيش ،، يارب اقبض روحي وريحني من

العذاب دا حيلي اتهدا 💔

منار فضلت تبكي لغايه صوتها اتقرش من البكاء ،، حاولتا اطبطب عليها بس ألمها كان

اكبر من تبردو طبطبه ، ما عرفتا اساعده كيف او شنو ممكن يتقال في ظرف زي دا ؟؟

كل القدرت اعملو اني ابكي معاها و احتويها عسى ولعل افيدها بشي ،، جات ابرار

داخله منار و قفت بكاء ودخلت الحمام تغسل وشها ،، كان واضح في وش منار البكاء

ابرار سألتا : مالك بتبكي ؟؟!

منار وهي بتحاول تداري وشها : ما اشتغلت كويس في الامتحان لقيت روحي حاله

غلط .

ابرار : ما تبكي وتشيلي هم بتتجازف ♡♡

منار : ان شاءالله ♢

ابرار : جيت اناديكم تاكلو عملتا مديده بلح برا ..

منار : انا شبعانه اكلت قبل اجي ، بالهنا عليكم ♢

قولت ليها : وانا كمان هسا ما جعانه ، خلي لي حقي لمن اجوع بضوقو بعدين وبديك

راي 😏

ابرار طلعت وانا و منار فضلنا ساكتين ، قطع حبل الصمت صوت منار :

= قبل كم يوم قولت ليهو ان اتقدم لي عريس واتا موافقع عليهو كنت عايزه باي

طريقه اتفك منو واريخ ضميري ،، قال لي شوفي حياتك انا ما بعرس على مرتي

واتحجج بكذا شي وا ختفى من وقتا 😥

_ دي خطوة كويسه

هزت راسه : امممم ... اساسآ ما كنت بحبو انا كان كان بنسبع لي ملي فراغ بس و هسا

اتخلصته منو بعد رجعتا لعقلي وادركتا نفسي بعد عرفتا حجم الكنت بعملو فيهو ،،

الحمدلله ما كنت سبب دمار بيت ..

عاينتا ليها بزعل وقولت ليها : انا آسفه لو في يوم احتجتيني وما لقيتني يا منار

💔

ضربتني براحه في كتفي و قالت : انا الاسفه اني خبيت عنك دا كلو بس بتعرفي انا

كتومه وما ساهل احكي . حضتني و قالت لي : انتي الطلعت بيها من الدنيا دي يا نود

ما بتتخلي غلاتك عندي قدر شنو ♡

منار طلعت من بيتنا بعد المغرب .. كل مرة بقرب من منار اكتر قلبي بيوجعني عليها

اكتر 💔