الجزء 29

في مطعم احد المنتزهات

شهلا بفرحه : ما مصدقه انك جيت من البلد عشان تلاقيني ، يعني امس لمن قولت لي

بكره جاييك ما صدقته .. ناكل اول بعدين ندردش

عادل : خليك من الاكل انا جايك في موضوع مهم

شهلا : نتكلم بعدين خلينا في ...

قاطعه بنبرة حزينه : شهلا .. انتي عارفه اني بحبك شديد و عمري ما حبيت غيرك

بس لازم نبعد عن بعض 💔

تلاشت الابتسامه الكانت مرسومه في وجه شهلا و دموعه جات جاريه : ليه يا عادل

ليه ؟ انا قصرته معاك في حاجه ؟

عادل : بالعكس .. بس لازم نبعد 💔

شهلا : ليه ؟ ليه كدا فجأه تقرر نبعد ؟ انت مش قولت انك ما حا تسبيني .. ؟! خلاص

، خلاص استسلمته و فكيت يدك مني يا عادل ؟ بعد السنين دي كلها .. بعد حبي دا

كلو .. ؟

عادل : انتي قولتيها بعضمه لسانك " شوف حياتك !.. "

قاطعتو : ايوة قول كدا من الاول .. قول انك كنت مستني اقوله ليك عشان تمشي ..

تمام يا عادل تمام امشي هدا قولتها ليك ، امشي الله يعدل عليك .. بس كنتي تسيبني

في وقته مش بعد تعلقني بيك اكتر !

عادل : انا عرسي اتحدد يا شهلا حا يكون الشهر الجاي ..

وقفت على حيله و ختت يدينها في التربيزه بزعل : قول كدا بعتني ؟ بعتني و

اشتريت منو ؟ دا حبك لي مش ؟ اصلا كلكم كذابين و خونا .. كلكم واحد مستنين

فرصه ، التضوي ليك يا عادل التضوي ليك ..

عادل : انا خاين ؟ انا يا شهلا

شهلا ببكى : انا اسفه بس جاتني حارة ما اتوقعتها منك ..

عادل : ممكن تهدي و تسمعيني للاخر .. ؟!

شهلا : ما عايزه اسمع شي .. عموما ربنا يسعدك و يهنيك .. و انا ما زعلانه انت

اتمسكت بي كتير و ... بكت

عادل : يا بت الناس ..

شهلا : عن اذنك

عادل : شهلا ، اقعدي و اسمعيني من فضلك !

شهلا : ما عندي القوة البسمعك بيها .. ما قويه للدرجه دي .. انا حبيتك ...

عادل قاطعه : انتي شنو الدراما الانتي فيها دي ؟ انتي عرفتي العروس منو اعرفيها

اول !

شهلا بغضب : بكل بجاحه مستني مني اسمعك و اعرف هي منو ؟ انت شنو يا اخي ما

بتحس ؟

عادل بعصبيه : يا شهلا

شهلا قاطعتو : انا جايه من بيتنا فرحانه عشان جيت عشان تطلع في النهايه جاي

تقول لي عرستا ؟ كنت تستنى بعد فرحتي تختفي و لا تجييها لي بالتدريج

عادل بنفز صبر : ياخيي انتي العروس

شهلا كانت عايزه تردح بس سكتت بعد سمعته جمله عادل

شهلا : عيد انت قولت شنو ما سمعته ؟

عادل بإبتسامه: انتي العروس

شهلا : انا العروس كيف يعني ؟

عادل بذات الابتسامه : حا اعرسك انتي

شهلا ختت شنطه في التربيزه براحه : تعرس منو ؟

عادل : انتي ما مصدقه صاح اننا حا نعرس لكن انا و انتي حا نعرس الشهر الجاي

ختت يدينا في التربيزه بإنفعال : كضاب والله !..

عادل : معليش انا زاتي في الاول ما صدقته !

شهلا : انت جادي و لا بتهظر يا عادل ؟

عادل : جادي جاااادي .. ابوكي واقف امس و جيت جررري اكلمك

شهلا : كدي احلف

عادل بضحكه : و الله العظيم ابوكي وافق و عرسنا اتحدد الشهر الجاي

شهلا : يعني قعدتا معاهو و قال ليك عديل من خشمو لاضانك موافق ؟

عادل : اي اي اي جانا في البيت كمان

شهلا : عادل ، قال كلمة موافق دي و لا جابه ليك بفوق و انت في فسرته من عندك ؟

عادل : ياخي قال لي عدييييل بتي اديتك ليها

شهلا : بتو منو فيهن ؟ هو عند تلاته بنات غيري

عادل مسح وشو : شهلا قال لي اديتك شهلا ، جيب شيلتكم في الوقت البتحددوا انتوا

شهلا بلخيطه مشاعر : واااااااااااااااي النبي ؟؟ يعني افرح !...

عادل بإبتسامه : اي افرحي افرحي 🐾💙😍

شهلا : دقيقه سكتت مسافه قلبته في راسه و الساعه الفكت الزغرودته ...

ايوووووووووي يووووووي يوووووووووووووووووووووي ... الناس كلها اتلفتت

اتجاها 💔😂😂

عادل جراها بهمس : اسكتي اسكتي حا تفضحينا الناس تقول علينا شنو ؟

شهلا بصوت عالي : تقول التقول حا عرسك وايوووووووي يوووووووووووي

يوووووووي

عادل نزل راسو ما عرف يوديني وين 😂😂!..

جات واحده ماشه بتعاين ليهم و تضحك

عادل : حا نعرس و كدا مصدومه هي ..

بينو بين نفسو : غلطان انا زاتي الجبتك مكان عام

البت : الف مبروك .. و قامو كل الفي المطعم يباركوا ليهم كل ما تسلم على زول تقول

لي : ابوي وافق 💔😂😂😂

جا النادل جاب ليهم كب كيك و مشروبات قال ليهم على حساب المطعم بارك ليهم و

مشى 🐾🐾💙😂😂 طول الوقت كانوا بعاينوا لبعض و الناس بتبارك

ليهم عادل بعد بكى و بكاها معاهو 💔

_________________

فهد جا مارق من مكتبو : اوووو خبي سليمان شخصيآ عندي ؟

خبي و هو بتفقد في المكان بنظراتو : بختك افرح

فهد جا عليهو وخاتي يدينو في جيبو : خير يا طير شنو الرماك علينا ؟

خبي : رمتني مصلحتني .. كلنا خدامه و لا شنو ؟

فهد بضحكه خباثه : وافقته على عرضي حا تعرس لي ناردين مقابل المبلغ العرضتو

عليك .. ؟

خبي بضحكه : لو داير الدنيا اديك ليها مش ناردين بس .. طلع CD من جيبو اداهو

ليو

فهد شال منو بإستغراب : فيها شنو ؟

خبي : جنتك و نارك .. اختار و اديني تلفون .. مشى خطوتين .. وجاهو راجع حرك

ارنبة انفو باصبعه حركه سريعه و قال ليهو بهمس : نصيحه ما يحضرو معاك زول و

خلي المكان مغلق انت و شيطانك وبس .. مشى منو سحب مقبض الباب .. لبس

نظارتو الشمسيه .. ضرب بامشاط اصابعو الارض تلاته مرات و طلع ...

_______________

~ في مكالمه جماعيه ~

شهلا : اها يا بنات الجايه معانا منو ؟

منار : اهلي ما بخلوني اطلع بليل 💔

شهلا : ماشين ليها العصر في الكوافير

جيلا : قولت ليكم ما ماشه انا

شهلا : ما سالتك يا جيلا .. نود وين انتي ؟!

= معاك يا شهلا

شهلا : اها يا منار احسمي موقفك ماشه و لالا ؟

منار : امخمخه لي طريقه واديكم رد ، وين عبير ؟

شهلا : اتصلته ليها بديني مغلق !

جيلا : انا برضو اتصلته ليها امس نهاية اليوم اداني مغلق ماله ياربي ما عوايده !

منار : هي كلمة اهله يا ناردين ؟

= ما عندي فكره والله اخر مرة شوفتها لمن كنا سوا

جيلا : بديت اخاف عليها

= انا زاتي ، بعد نخلص من الشلابه دي نمشي نطمن عليها

شهلا : ان شاءالله الوقت يسعفنا ..

= بنادوني يلا باي ... فصلته منهم و مشيت لامي الكانت بتنده علي ..

= نعم يا ماما ناديتني !

كان باين على ملامح وشها الراحه : اقعدي عايزاك .. " قعدتا "

امي : ابوكي اجر لينا شقه صغير كدا على قدرنا في "..." حا نمشي نقعد فيها لغايه

موضوع نجوان دا ما يتحل

بإبتسامه حماس : يعني انا و انتي و ابوي ؟

امي : اي .. هي صغيره وما زي الفيلا الكنت عايشه فيها بس شرحه و مرحه اها قولتي

شنو ؟

= واي واي واي حا نعيش سوا ؟

امي بإبتسامه : اي

= احلفي

ضحكت : اجي يا بت 😂😂

نطيت حضنتها و انا بنطط

بحماس : امشي استف شنطتي ..

مسكتني : استني هنا ماشه وين ؟ ما هسي الاسبوع الجاي ان شاءالله حا نمش ..

عشان الاسبوع دا نرتب امورنا و كدا بعد ابوكي حا يجيب المأزون يرجعني بيهو

= مأزون ... ؟!

امي : اي عشان نجدد زواجنا تاني

حضنتها : واااي مبرووووووك 🐾💙😍

جات عفراء : مالك يا ناردين بتكوركي

بحماس : امي حا تعرس ابوي تاني 🐾💙😍

ضربتني في كتفي : يا بت اتهدي 😂😂

= دا كلامك يا ماما ما انا 😂😂

عفراء زغردت و بضحكه جات ضمت امي و باركت ليها .. جات غادة و رفيف جو

جارين على صوت الزغارديت ..

خالتي غادة : مالكن بتزغرتن ؟ ناردين جاها عريس و لا شنو ؟

رفيف : قولي حا تعرسي و تخليني يا ناردين 💔💔

ضحكته : ماما هي الجاها .. و لكزتها من كتفه خجلت 🙊🙈

خالتي غادة زغردت و جات عليها : الف الف مبروك يا اختي تتهني ان شاءالله ♡

امي بخجل : الله يبارك فيك ♧♡..

عفراء : اها و جاي متين ؟

امي : بكره مغربيات كدا

عفراء : نعلووو التاج عارف و ما كلمنا ؟

امي : عارف

عفراء : اجي اجي يا بنات امي ؟ اتلوم التاج دا ما جهزنا حالنا .. يا كافي البلاء لا

نضفنا لا حنه في يدك ما سوينها ليك راجلك يجي يردك غبشا ؟

امي : ما مشكله ..

قاطعته خالتي : لالالا كيف ما مشكله ؟ يقولوا علينا شنو ؟ قولي التاج ما اتكلم

معليش راجل انتي مالك ما تتكلمي ! الراجل حا يجب اختو معاهو تقول رديناها

غبشا ؟ و حالهم حاله ؟

امي : يا جماعه انا عرفته اسي دا من التاج !

عفراء : اسي ما فات شي امشي عشه الحنانه دي يا غادة تخت ليها حنه بالصبغه و

تجدع ليها شكل شكلين تمشي بيهم حاله .. و ان كان البيت انا ورفيف وناردين بنضفوا

.. و المعمول نجيبوا جاهز .

= عفراء كلامه صاح

غادة :خلاص نصلي المغرب و نمشي

عفراء : بكره من الصباح ناردين ورفيف من النجمه القاكم نضفتوا البيت

= زابط

رفيف : انا عندي مدرسه لكن

عفراء : مافي مدرسه بكره قالو اجازه اترزعي في البيت ..

رفيف : اكدوها ؟

غادة : اكدوها اي ..

رفيف : حا انضف بس على شرط ! تسوقني ارسم معاكم ..

غادة : رسم شنو الفي نص الدراسه ؟ مافي لكي رسم لمن تخلصي مدرستك ارسمي

لضراعك

رفيف : 💔😔

ربتا على كتفه : ما تخافي برسم ليك انا 💅😌

رفيف : دايمه جابره بخاطري 🐾💙😔

= طيب يا جماعه عندي مشوار صغير كدا بجي قبل المغرب

امي : مشوار شنو ؟

= عندي صحبتي حا تعرس ماشين نبارك ليها و نجي معاي البنات

غادة : و ما تمشي العرس ؟

= ااا .. العرس في منطقه تانيه عند اهل العريس في البلد عشان كدا قولنا نمشي

الكوافير هنا نبارك ليها

امي : خلاص عديله ، امشي لكن ما تغيبي الشمس

= حاضر يلا امشي انا اجهز عشان اكسب الوقت ..

مشيت غيرته ملابسي و طلعته في الطريق اتصلته لعبير ما ردت .. اتسلل الخوف

لقلبي يكون حصل عليها حاجه !.. دعيت جواي ربنا يحفظه .. وصلته للبنات الكانوا

مستنيني مع بدايه الشارع .. شهلا و منار و جيلا !.. وقفتا ليهم ركبوا ..

عاينتا لجيلا بالمرايه : ما قولتي ما جايه ؟

جيلا بتوتر : عندي نكتيف انيرجي عايزه اطلعه

= لالا كويس

شهلا : عربية عبير حا تفيدنا

= شدييييد ندقها و نجري 😂

شهلا : طبعا انا عندي ليكم خبر زابط بس ما هسي

منار : يزوله امور الانتظار ما معانا 😑

شهلا : بقولو في الرجعه وعد

عاينتا للكوافير : متاكده يا جيلا دا الكوافير الهي فيهو ؟

جيلا : زي ما متاكده من انك قدامي ..

شهلا : يلا بنات شمرو السواعد ..

نزلنا و مشينا اتجاه الكوافير دخلنا .. لقيناها قاااعده معاها صحباته تضحك سااااي

للضرس الاخير .. وقفنا كلنا قدامه ..

جيلا بنظرات استحقار : مبروك يالشلابه تتهني بيهو في جهنم

شهلا بصوت عالي : الناس الخسسسيسه عرست يا سبحااان الله !!...

ابتهال بغضب: ما تحترمي نفسك انتي وهي

= هو انتي بتعرفي الاحترام بالله ... ؟!

عندها صحبته طويله و ضعيفه كدا وقفت قدامنا بغضب : في شنو مالكم داخلات

هايجات كدا ؟ حارقكم حاجه

شهلا لزته بيدها : كلامنا ما معاك

البت جات تاني : لا يا ختي كلامك معاي انا

شهلا لزته من وشها : زحي من وشي قبل اتفك يا فاره

البت بإنفعال : منو دي الفاره ... ؟

جيلا لزته بقوة : ما قولنا ليك زحي ..

جيلا وقفت قدام وش ابتهال : قولت لي حا تعرسي الخطيب السااااااااااااابق لاختي

!...

ابتهال بعجرفه : حا اعرسو حلاليييي .. اليله حنتي و بعد بكره عرسنا و الما سامع

يييييييييسمع

= حلالك يا شلاااابه يا عايبه يا خايبه يا سااااااايبه يا ام عين فااضيه يا خطافة

الرجال ..

ابتهال ختت يدينها في نصها : انا ما شلبتو انا عجبتو

جيلا : تعجبي بشنو يختي من سماحتك و لا من شعرك و لا من قعرك ؟ العيون

كديسه و الريحه فطيسه

منار : اريتو ايييمه ناااافع الطيور على اشكاله تقع .. زباله اتلمت زباله زيها " عاينت

ليها من فوق لتحت "

ابتهال : و انا عرستو و كييييه ليكم عرستو مرتو على سنه الله ورسوله اقعدو يا

البايرات انتوا و صحبتكم الطيره

شهلا بإنفعال وصوت عالي صفقت : هييييييي و تاني هييي بجرو وراناااااا و دايرين

رضانا .. بنات عوااايل و عندنا فايل .. بدقوا بابنا ما بنشلب جيرانا ..

ابتهال : بايراااات و حسادات و حاقدات موتو بغيرتكم

منار صفقت : هيييي جري لااين و اقيفي بهايند تفهميها و لا ترجميها امشييي يا شلابه

يا خراااابه يا الحرشتي و حبكتي و لضميرك بعتي .. يا خوة الدود و الخشم المقدود

.. يا خسيسسسيه يا بت نفيسسسه .. يا الما شوفتي خير يا في السمايتك ضبحو

سسسخيل .. يا البعتي الخوه و طلعتي و سخك الجوه .. يا حيييه يا البتاكلي اللحمه

نيه .. يالبشحدوك و بتدي يا البتنومي و بتلدي .. 👏👏

ابتهال بغضب : لمي لسانك ي ... و ي.... يا بايره يالرحتك فايره .. زعلانين على

صحبتكم و هي لزتكم صحبتكم الوسخانه و الخملانه .. خطبه هي و عرسني انا

جيلا : يسمعووووووو بنضااافته و سماحته .. عينه ملاينه .. بشتروها بالغالي قايلاها

زيك .. يكرور يا وسخ الخور .. يا تربيزه الجزاره يا الامه العفن و الزفاره .. يا خاينه يا

خسيسسسيه يا الببعوك و بالجنيه بشتروك .. قايله روحك شلبتي راجل هو كان راجل

بجي للزيك .. ؟! فااار و شبهو بالرجال .. تتهني بالخرا يا الحتسكني ورا ... يا ام يدينا

رقاق يا تربية الشوارع و الزقاق

واحده من المواظفات : لو سمحتو احترموا تفسكم و اطلعوا برا

جيلا : دقيقه يا هنايه النوريك .. طبعا يا جماعه قلة الاصل و الخيانه الله لا وراكم ليها

. العاييه الخايبه حا تعرس العايب الخايب الكان راجل صحبتها .. عرستو بالخساسه و

الوساخه .. جينا نبارك ليها و نأدي الواجب بس و ماشين و لا شنو يا بنات ... ؟

اطلعوا برا اتشاكلوا دا كوافير محتترم

منار : فضل نديها الهدايا بس و ماشين نحنا ناس بنعرف في الاصول و الواجب ما زي

ناس كدا عديمه الاصل و الربايه .. عاينت لينا : بنات الهدايا ...

جيرناها من يدها ووقعنا في ضرب .. اي واحده جات حامت ليها ادينها عكازه .. بعد

ورمنا ليها وشها تفينا في وشها و طلعنا .. صلحنا ملابسنا اللي جزو منها اتشرط في

الشكله .. ركبنا عربيتنا و دورنا مشينا .. طول الطريق بنضحك على بعض قي اشكالنا

بعد الشكله 😂

بألم : في واحده سمينه عفصت لي يدي

جيلا : عضيتها ليك في يدها كان على السمينه 😂

بضحكه : حبييييتك 🐾💙😂😂😂

شهلا : بت يا منار طبعا فاجئتني و بهرتني ردحتك حااارة ما كنت عارفاك رداااحه كدا

منار بعجرفه : دا اقل ما عندي 👏😌

بضحكه : لا صراحه ابهرتينا 💙😌😂😂

شهلا : لكن عارفين لو سبأ هي الدقته كان حا تفش غلها

جيلا : لا دي ما شخصيته ، خليهو يعرسه بكره براااهو بندم و سبأ حا تعرس الاحسن

منو و يوم يجي يقيف على بابه ندمان يلاقي راجله يرد ليهو .

= الزمن الدوار و كما تدين دان

منار : حا نمشي لعبير ؟

= نمشي سبأ اول بعدين نشوف عبير

جيلا : وقفي لي هنا يا ناردين نازله

= ليه ؟ ما ماشه معانا ؟

منار : يا جيلا انتي اخدتي ليها حقها و ما عايزه تسامحيها !... ؟

جيلا : العملتو انا شي و العملتو هي شي .. في النهايه اي زول بتعامل بأصلو كسرة

الخاطر ما هنيه ..

= لكن يا جيلا ...

شهلا قاطعتني : وقفي ليها يا ناردين خليها تاخد وقته

= طيب .. ركنته العربيه جيلا نزلت و نحنا كملنا طريقنا لسبأ ..

شهلا : لو شوفتي وشها ما بتفسر ردحنا ليها ردحي حتى منار ردحت

= خلينها فرجه للي يسوى و اللي ما يسوى وش تقابل بيهو الناس تاني مافي

شهلا : ياريتك كنتي معانا كنتي شوفتيها و هي محتاره تقبل لياتو قبله .. احييييي

بس وشها دا الا كان تملاهو كونسلر و فاونديشن لو نفع

منار : اديته ضربه في مكان .. ها و الله بكره لو قال ليهو قرب ليها ما يقرب 😏

= العفنه تستاهل 😂

سبأ : ما كان في داعي الله بياخد حقي

= و نعمه بالله بس شفينا الجوانا

سبأ بتنهد : الله يهني سعيدة بسعيده

منار : سعيد شنو و سعيده شنو هو فاره و هي لاحقاهو

سبأ سكتت مسافه و لعبت بورقه ماسكاها في اصابعه جات دموعه نازله : اعفو لي

كان قدرتو 💔

منار : ما زعلانين منك نحنا عافين

= الفات مات و دي صفحه جديده

سبأ : اخواتي ما عملوا العملتوا عشاني و انا بكل سهوله اتخليت عنكم عشان واحد ما

بستاهل ، ما عارفه اودي وشي منكم وين شكرا .. شكرا ليكم .. نزلت راسه في كرعينه

و بكت ...

اتلمينا حواليها : ما تقولي كدا في النهايه كان اتشاكلنا و لا اتخاصمنا ما لينا الا بعض

و كلنا بنغلط و مصارين البطن بتتشاكل !

شهلا : ما تبكي يا سبأ و الله ما شايلين منك في قلوبنا و عافين ليك

رفعت راسه قشت دموعه : بختي بيكم بختي 💔

قعدنا معاها شويه و طلعنا .. فضل الا انا و منار وصلته قدام بيتهم

منار : انزلي خشي معاي

هزيت راسي : امي منبه علي ما اتاخر و المغرب خاشي !

منار بإبتسامه : كيف انتي و هي ؟

= حلوين الحمدلله .. مجدي اجر لينا شقه بعيده شويه و بكره جايب مأزون يرجع امي

و حا نمشي نسكن فيها الاسبوع الجاي

منار بسعادة : بجد .. الف مبروك فرحته ليييك 💙

بادلتها السعادة : الله يبارك فيك ..

منار : طيب انا انزل قبل ما حازم يجي يعمل لي موضوع . شالت حاجاتها و همت

بالنزول

= منار

اتلفتت علي : ايوه

عانقتها : بحبك شديد انا الله لا يحرمني منك 💙

منار : و لا منك يارب 🐾💙

نزلت اشرت ليها بيدي و دورتا مشيت البيت ..

___________________

~ في منزل فهد ~

_ فهد .. فهد .. فهد انت ما سامعني !!..

اتلفت بزهج : نعم ، عايزه شنو ... ؟!

_ انت كيف بتتكلم معاي كدا ؟

فهد : و الله لو ما عاجباك طريقتي في الكلام ما مجبوره تتكلمي معاي ! ..

_ الكلام دا لي انا ؟

فهد : لا لامك

بعصبيه : ما تحترم نفسك و توزن كلامك !!..

فهد : انا زهجته منك بقيتي خانقاني و ما طايق امك في البيت دا لو سمحتي شيلي

كراكيبك وطيري بيتكم

بإستغراب : انا بقولوا لي كدا ؟

فهد بزهج : خليكي انا ماشي .. شال مفاتيحو و قفل الباب بقوة وراهو ...

______________

~ في مكالمه هاتفيه ~

= الو .. اي يا خبي

خبي : كيفك

= كويسه الحمدلله و انت ؟

خبي : كويس ، مع امك ؟

= اي

خبي : ليه ما قولتي لي انك ماشه قبيل؟

غضمتا عيوني : نسيت .. لكن كلمته عمتي

خبي : و جايه متين ؟

= ما اعتقد تاني اجي .. مجدي اجر لينا شقه حا نمشي نعيش فيها ..

خبي : عارف ..

= في شي تاني ؟

خبي : زهجانه مني ؟

= لا عايزه انوم نعسته 😅

خبي : و انتي من متين بتنومي بدري ؟

= من اليله يلا تصبح على خير

خبي : و انتي من اهلو .. تيت تيت تيت ..

فصلته منو عاينت لاسمو مسافه قبل اجدع التلفون .. قعدته في طرف السرير بتذكر

في كلام عمتي سكينه .. رجعتا ضهري لورا و اترميت في السرير .. بحلقته في السقف

مسافه دموعي جات نازله .. مسحتها بسرعه لمن حسيت بحركه امي داخله الغرفه

معاها خالتي غادة .. عاينتا ليها بدهشه من فوق لتحت ..

مسكته يدينا عاينته ليهم : وااااو وااااو واااااو ما شاءالله عروووس ♡ " حاوطته

خدوده بيدي "

خالتي غادة : عاد كيف ما تكون عروس و عريسه جايها بكره ♡

امي بخجل : ما تشغلوها لي .. اتخطتني دخلت الحمام تغير ملابسه .. غير و جات

لقتني قاعده في نص السرير عيني في التلفون .. عاينت لي و ابتسمت .. جات قعدت

جنبي ..

امي : ما شبعتي من تلفونك دا ؟ اديني جنبو مساحه ..

قفلتو و ختيتو جنبي : اساسا كل المساحات حقتك يا ماماتي

اطبحت : تعالي في حضن امك

تكلته راسي في كتفه و حاوطتها بيديني .. مررت يدها في شعري ..

= لهسي بتخجلي لمن يجبوا سيرتو .. قدر شنو البينكم حلو بعد كل الحصل بينكم ♡

امي : انتي و مجدي باقين لي زي الحلم حلم .. حاسه روحي بحلم .. كل يوم بصحى

فيهو والقاك نايمه جنبي بقعد بتأملك و بسال روحي ياربي دي بتي ؟ هي حقيقه ؟

بقرص روحي مرتين و تلاته عشان اتاكد .. مرات بصحى نص اليل اقعد في نص

السرير و ادعي قدرتي ما اتحرم منكم او افقدكم .. عارفه يا ناردين يا بتي

= شنو يا ماما

امي : اي يوم انا عشتو بعيد عنكم ما متذكره منو تفصيله .. كل ايامي ياها العشتها

معاكم دي غيره انا ما متذكره شي .. ما بقدر اتحمل ثانيه بعيده عنك .. شمت رحيتي

مسافه و هي مغمضه عيونها..

= و لا يحرمنا منك .. ما بتتخيلي مبسوطه بيك لياتو مدى .. طول فتره غيابك انا

فاكرك .. محتفظه بملابسك و تيابك و كل حاجاتك حتى ريحتك ما خليت نجوان

تهبشه انا بحبك شديد .. شديد يا ماما