الجزء 37
تغريد : الوقفه الوقفه معاك خبي ولد حشاك ما يقيفه معاك و خت في بالك لو ما خبي
المفلس دا ما كان قدرته تتخلص من نجوان ، كل الخطط وضعه هو و هو النفذه .. خبي
راجل و نحنا دايرين لبتنا راجل نطمن عليها معاه ما دايرين ليها بنك !..
مجدي سكت لبرهه و هو سارح بعيد : بوعدك اني افكر في الموضوع برواق .
تغريد : مع اني شايفه انو ما عايز تفكير بس ياريت نهايه التفكير دا تكون موافقه !
مجدي : إن شاءالله ..
________________
منار : و الله قبيل زعلته لمن قولتي لي " ما تعملي لي حركات البنات دي " انا ما كنت
قاصده شيء و عارفه معارفك كتار و دي ما حركات بنات مني كل القصه اني اتعودته
على اني صحبتك المفضله ما اكتر 💔
= ما قصدته اضايقكك او انفي وجودك نحنا كلنا صحبات في بعض .
منار : كنت فاكره روحي مميزه دا الشي الخلاني ازعل
= انتي فعلا مميزه واقرب لي واحده فيهم و عارفه كدا كويس بس يا منار نحنا كلنا
صحبات و كونو انا و جيلا بقينا مقربين الفتره دي ، دا ما معناه انو مكانتك مشت ليها
!.. جيلا صحبتي زي ما انتي صحبتي و زي ما سبأ صحبتي مافي داعي للغيره من
بعض نحنا شله بعدين انتي عندك صحبات و بنات اهل غيري و نفس الشيء انا !!..
منار : فهمته .
= منار ، ما تمشيني طالما انتي زعلانه ! خلينا نتناقش لغايه ترضي انتي اختي ما
تخلي المواقف تتراكم ما بينا عشان ما نخسر بعض !
منار : انا عاتبتك عشان ما عايزه اخسرك 💔
= و انا برر لنفس السبب !
منار : معناها اتصافينا ♡
= من جوه ؟
منار : من المعاميق ♡ ، يلا احكي عملتي شنو في موضوع خبي ؟
شلته نفس : و الله يا منار هو غريب عرفتي ، امس بعد مشيتي جا رعد سلم علي
قاطعتني بدهشه : احلفيييي 😍😍
بضحكه باهته : والله ، المهم جااط فيني و كيف تقيفي معاهو و مسك يدك و شنو شنو
و طنطن و كورك فيني ما فضل الا يضربني .. كلامو معاي استفزاني و جوطه فيهو هو
يجوط و انا اجوط في نص الجوطه قال لي بحبك !
منار : شنو شنو شنو شنو !!!!!.. ؟؟؟
= لكن المشكله ما هنا ! المشكله انو بعد الحصل دا كلو قال لي اعملي رايحه عادي و
هو بتصرف ببرووود يا منار و لا كأنو حصل شي و لا كأنو قال شي .. ؟! حتى اليله جا
اتغدا معانا زي ما وعد امي و جابت لي حلاوة الجمعه زي كل مرة انا ما عارفه بعمل
كدا ليه ؟
منار : غريبه ! انتي قولتي ليهو شنو بعد اعترف ليك ؟
= ما قولت شيء انا جوطته لغايه اسي جايطه يا منار انا !..
منار : بكون خايف يخسرك عشان كدا بحاول يتعامل عادي عشان انتي ما تحسسي و
تحصل بينكم جفوه .
= طيب يستناني ارد ليهو يعرف ردي انا شنو ! ؟
منار : ناردين ، انتي شايفه الموضوع جاري بسرعه كيف ؟ لسه اول امس كنتي
بتفتشي لطريقه تعرفي بيها مشاعرو اتجاهك صح ؟ تاني يوم جا اعترف ليك و دا
تالت يوم انتي مستوعبه ! اكيد اكيد حا يترعب من فكرة انو يخسرك بسرعه دي ، دا لو
ما كان حاليآ مرعوب !
= طيب اتصرف كيف هسا انا ؟
منار : برأي اعترفي بس اصبري شويه لغايه الجوطه دي تترتب و منو تشحتفي شويه
..
= جيلا قالت لي اتقلي برضو
منار : اي عشان ما يقول خفيفه ، بس هييي ..
= اها
منار : حا تعرسوا صح ؟ بما انو خبي دا اكسبشن من باقي الاولاد يعني ما النوع البلعب
و بقضي وقت خصوصي معاك ♡♡♡
ابتسمته : ما عارفه ، اساسآ الموضوع باقي لي غريب غريب يعني ..
منار : يعني بحياتك ما اتخيلتي تعرسي خبي ..
= بالعكس في حياتي ما اتخيلته روحي مع راجل غيرو لا قبلو و لا بعدو يا منار ..
دايمآ لمن يجيوا سيرة العرس ما بجي في بالي شخص غيرو ، حتى لمن ادعي بدعي
بيهو من غير وعي صاح ما بقوله بعبارة صريحه يكون من نصيبي بس كنت بقول ما
يبعد عني .. ما كنت بعرف السبب بس هي عرفته ♢♡
منار : انتي واقعه بكلو يا صحبتي ..
= و ما عايزه زول يرفعني غيرو ♡
منار : هيييي انا ما قدر رومانسيتك دي امشي فضيها في انا انسانه جافه 😂😂
💔
= مالك خاربه اللحظه ياخ 😒....
منار بضحكه : عشان لحظاتك دي بتشتغل معاي عكس 💣
ضحكته : ربنا يوعدك الاحساس دا زابط ♡♡
منار بيأس : ان شاءالله ♡
= منار
منار : اي يا ناردين
بنبرة هادئه : شوفي انا ما مدينه و لا بقدر بفتي في الدين لكن لو كنت اتعلمته حاجه
من المر بي دا كلو فهو ان الله برتب الامور بطريقه تليق بيهو هو كإله ، يمكن هسي
انتي شايفه انو دا شر بس هو خير و ما حا تعرفي الخير دا الا بعد يحين وقتو ، عارفه
كلامي بنسبه ليك مبتزل لكن صدقيني انو هيثم مجرد حائل بينك و يين الزواج عشان
ما تتزوجي غير الراجل الرزق و صدقيني رزقك كبير انتي حا تاخدي حاجه نضيفه
شديد خليكي مؤمنه ان دا في مصلحتك .. ركزي في مستقبلك و ابني نفسك لغايه ما
رزقكك يجيك ما ضروري يجي بدري المهم لمن يجي تكوني مبسوطه ياما ناس عرسوا
بدري و عاشوا في كئابه و ياما ناس عرست متأخره و عاشوا فوق عمرهم عمرين ..
برتب فيها عشان تليق بيك عشان حزنك عندك الله ما هين ابدآ و لا تحزني اتفقنا يا
قلبي ؟
منار بنبره مريحه : اتفقنا ، و اوعدك افكر في كلامك ♡
= و انا حا افضل جنبنك لغايه تعدي زي ما وقفتي معاي لغايه عدت .. و حا في الفتره
دي حا اتعلم ازغردت عشان وقت يجي المهدي المنتظر دا اقدر العلع زي شهلا 😂
💔😂
منار بضحكه : و انا حا اكون كيكه عشان ما يعاين برا
= اكيكك من كدا ماشه وين انتي 🐾💙😂
منار : ماشه اتبروز زي المونليزا 😂
= كدي لمي في دافنشي اول 😂
منار : لااامه فيهو ، عاني معاي مكالمه من ياسر .
= افصل يعني ؟
منار : اي عايزه اخلطو
= دا كلب السره حقكك 😂😂
منار : اصبري بكلمو ليك 💅😌
= كلميهو
منار دخلتو في المكالمه ..
ياسر : الو
منار : ناردين قالت عليك كلب سره
ياسر : ناردين دي كلبه منو هي ؟
منار بضحكه : كلبة ناس كدا
= هيييي سامعاك 💣
ياسر : تسمعي الطرش
= شنو يا حقنا ياااخ ♡
ياسر : انا كلب سرة يا جعفر ؟
= جعفر في عينك يا عواليق
ياسر : هسي في بت بتجي تسلم تقول اوو يا حقنا ؟
= خلاص يا ياسر
ياسر : ياخي استأنثي شويه
= قولنا خلاص دونت بي معاط 😒
ياسر : يمعط تفتك دي
= هيييي قال تفه قال تفه دا انت !!
منار : تسكتوا و لا افصل فيكم ؟
= افصلي
ياسر : افصلي منها عايز اتكلم معاك انا .
منار : خلاص يا ناردين معسلامه
= دايره في شنو يا كلب السره ؟
ياسر : شيء ما بخصل نهائي ..
منار : باي نود
= حا تبعيني عشان كلب سره ؟
منار : و ابيع حلتك كلها
ياسر ضحك ضحكت استحقار شريره .. و جك فصلت فيني !!...
_________________
يوم السبت بليل جات عبير خاشه شايله شنطته ، رنا و امين اول ما وقعت عينهم
عليها جرو ناحيته
رنا حضنته ببكى : كنتي وين انتي و ين مشيتي مننا ، ليه ما سألتي ، ليه مشيتي يا
عبير ليييه ؟؟
امين : دي عمله تعمليها فينا ؟ كدا تمشي و تسبينا من غير حتى ما تكلم اي احد فينا !
ليه يا عبير عايزه تبعدي عننا ليه ؟
عبير ببرود : عن اذنكم ..
امين : يا عبير دا شنو الانتي بتعملي دا ؟ ليه بتعاملينا كدا نحنا عملنا ليك شنو عشان
نستحق منك الجفا و المعامله دي ؟
عبير : ما عملتوا و لا شيء ، و لا شيء يا رجل الاعمال امين ناصر و لا شيء يا
الخبيرة التجميليه رنا عرفات .
جرت شنطته امين مسكه منها : عبير نحنا اهلك احكي لينا مالك ، طمنينا عنك يا بتي
💔!..
عبير : انتوا متوترين و شايلين هم كدا ليه ؟
رنا : كيف يعني ليه يا عبير ! انتي سبتي اي شي و مشيتي من غير حتى ما نعرف ليك
طريق او وسيله توصلنا ليك و جايه تقولي ليه ؟ انتي العارفه الحصل لينا في غيابك ؟
عبير : شنو الحصل في غيابي ؟
رنا : الحصل انو ..
امين قاطعه : لحظه يا رنا ، هل في واحد فينا مضايقك ؟ زعلك ؟
عبير هزت راسه بإبتسامه باهته : ليه انتوا بتقعدوا معاي عشان تزعولني و لا
تضايقوني ؟ ما اي واحد فيكم متلهي بشغلو و بحياتو !
امين : دا كلو عشانك ..
عبير قاطعتو : رجاء بابا بلاها العباره دي انتوا بتعملوا اي شي لسمعتكم و لروحكم ما
لي انا ، انا محتاجه اب و ام مش بنك ما بيخلص و لا كلير سكين يا رنا ! زعلانين
عشان اختفيت ؟ خايفين بجد؟ كم مرة انا اختفيت و ما حد حس او لاحظ
لاختفائي ؟ كم مرة انا احتجته خوفكم و عتابكم دا و انا ماشه في سكك تودي ما
تجيب بس ما لقيتكم ! حصل واحد فيكم انتبه لوجودي في البيت دا عشان يفقدني
بعد اختفي ؟ انا من طول عمري مختفيه بس ما حد حاسس فيكم عشان انا ما مهمه
للدرجه التخليكم تسيبوا الميتنكغس و الايفنتات و الفلوقات و تجو تشوفوا بتكم
الوحيده السايبناها تروح و تجي زي ما عايزه ! تعرفوا انا ما حصل حسيت انكم اهلي
اساسآ !.. بجد و الله العظيم !.. من كتر ما انتوا سايبني في الحيطان دي براي حاسه
اني يتيمه و حيده ما عندي حد لا اشكي و لا احكي لي !..
" اتلفتت على رنا " متذكره صاحباتي اللي ما عجبوك يا رنا ؟ انا لمن امشي بيوتهم
بكون ما عايزه اطلع منها و في الوقت بتخنق و ببقى عايزه ابكي امهاتهم ما عندهم
مراكز زيك و لا بجمالك و لا بانجازاتك كل البعرفوا انهم يطبخوا وبس !.. بس ما
شوفتي كيف مهتمين ببناتهم ما بتتخيلوا اخوانهم و اباهتهم بغيرو عليهم و بخافوا
عليهم لاي درجه !.. كلهم بخافوا يرجعوا متأخرين ، يطلعوا برا البيت لوقت طويل ،
يمشوا مع اولاد ، يمشوا مع شلل كعبه بس انا لا !.. انا ما عندي حد مهتم بي او شايف
اني بت و عرضو عشان يمنعني او يقول لي دا صاح ولا غلط و لا الناس دي كعبه ولا
ما تمشي و لا تجي انا بإختصار قاعده مع ناس بدعوا انهم اهلي ..
رنا عايزه تتكلم عبير قاطعته : عشان فاكرين انو دي حريه انهم كدا بدوني حريتي و
كدا انا عيلتي اووووبن مايند !!.... و اعيش على كيفي ! عارف الحريه دي يا امين
وصلتني وين ؟ خلتني واحده سايبه ، هامله للبسوى و اللي ما بيسوى ، خلتني ..
" ختت يدها بين عينيه تمنع دموعه تنزل : " انا كنت ماشه في سكه خلت كل البعرفني
يحتقرني و يعاين لي بإذراء و احتقار و تصغير عشان انتوا سايبني تحت مسمى
الحريه عشان ما ربيتوني اصلا !!.. " بعصبيه : " خليتوني لنفسي ليه ؟ ضيعتوني
ليه ؟ ما دقيتوني و نهرتوني و رفعتوا صوتكم علي ليييه ؟ " وقفت في وش رنا
:" بتك السمحه اللي كنت بتباهي بجماله صحباتك و تلزيها عشان تمشي تدوب ولد
فلانه الجاي من ماليزيا وولد علانه الجاي من ايطاليا و تخلي اقصى طموحه انها تكون
السمحه الجاري وراها كل آدم ماشي على الارض بقت صايعه و بتاعت اولاد بجد و
سمعته تحت الارض !.. ؟ دي تربيتكم و انا طبقته الانتوا علمتوني ليهو !.. حقيقي انا
ما عارفه اقول ليكم شنو بالتحديد !.. ؟ و لا قادره الومكم انا ما عايزه اتكلم مع اي
حد فيكم ، عشان بإختصار انا ما حاسه اني محتاجكم انا وقت احتجتكم ما لقيتكم
.. لا لقيت اب لا ام و لا حتى اخ .. عن اذنكم انا تعبانه راجعه من سفر من مكان انتوا
ك اهلي ما عارفنوا و لا عندكم خبر انا كنت وين ؟ او بعمل في شنو ؟ و بجد بجد بجد
كنت متمنيه بدل الخوف دا القى واحد فيكم يرفع يدو و يضربني كف او حتى
يضربني باي دهيه عشان اوعى عشان انا محتاجه اضرب و اخد على دماغي عشان انا
قليلة تربيه و ادب ..
عاينت ليهم و جرت شنطته طلعت غرفته فوق ...
________________
ابوي : بتربكتي من قبيل في شنو انتي ؟
= عايزه لي توب من امي بكره عندنا درايشنال لكن ما عارفه اختار ياتو و لا ياتو و لا
يااتووو.. !!
عضيت على اظفري بأسناني جا ابوي وقف وراي و بدا يختار لي تدرجيآ ابتسمته
لحركتو ♡
ابوي : شوفي دا البسي .. شلتو منو لبستو ..
= اها ؟
ابوي : لالا جيبي جيبي ..
طلع واحد تاني كدي جربي دا
= كأنو لمعتو حاره !!
ابوي : لا عادي ما حار
= ما حا ينفع لجامعه يا بابا
ابوي : كدي البسي .
لبستو و جيت وقفته قدامو ، عاين لي لبرهه و هو خاتي يدينو في بعض
ابوي : حلو حلو البسي ..
امي جات : دا شنو العاملنو لي دا ؟
= عندي درايشنال بكره و متفقين نلبس تياب و بابا بساعدني
امي : تقومي تجوطوا لي تيابي كدا ؟ قال ليكم المكوه دي هينه ؟
= حا اكوي ليك اطمني
امي عاينت لي من فوق لتحت : التوب دا حلو النشوف ليك طقمو
= لمعتو حارة لكن بنسبه لجامعه و نهار !
امي : لا ما حارة دا حرير نهاري بتلبس عادي .. هاك دا طقمو . شلتهم منها و ابوي
عاين لي امي ، امي هزت ليهو راسه
ابوي : ناردين
= نعم
ابوي : اقعدي عايزنك في كلمتين
= انتوا الاتنين ؟
ابوي : اي ، كدي اقعدي .
قعدته قدامهم في الكرسي و هم قعدوا في طرف السرير مقاصدني .
ابوي : طبعا انتي عارفه انو .. التحقيقات في القضيه مستمره و انا متهم فيها و حاليا
مانعني من السفر .
= اها !...
امي : كنا عايزين نقوليك انو عشان العداله تاخد مجراها لازم كل المتهمين يكونوا
حاضرين في قفص الاتهام و ..
ابوي قاطعني : انتي كبيره و واعيه يا ناردين و بقدر اعتمد عليك عشان ترعي امك
لغايه ما ارجع صاح ؟
= ترجع من وين ؟ ........ انتوا عايزين تقولوا انو انت حا تدخل السجن ؟
ابوي : لفتره اسبوع ما اكتر لغايه النطق النهائي بالحكم حا اكون في السجن و بعد
الاسبوع حا اطلع !
= هو مش حقوقوا و سجنوا نجوان و اتحاكمت فورا تاني يوم ؟
ابوي : ايوه اترحلت للمحكمه و طول الايام الفاتت التحقيقات كانت مستمره بس انا
كنت مسجون منزليآ ودا عشان اتعاونته معاهم ، و هسي انا حا امشي اقعد الفتره
البسيطه دي لغايه تظهر برائتي واجي !
= لا لالاللا انت ما حا تمشي لمكان فيهو نجوان تاني ، انت قولت انو نحنا حا نعيش
للابد سوا و ما حا نفترق ابدآ ..
امي : ناردين يمه ، ابوكي عقيد ودا شغلو ! لازم يمشي يجيب برائتو يا بتي و
المحامي اكد ليهو انو طالع منها و ما حا يتسجن ابدآ
= اذا ما حا يتسجن يمشي يسجوني هسي ليه ؟
ابوي : ناردين ، حا امشي ك متهم اقعد عندهم لغايه ما اثبت برائتي و ابقى حر
= و اذا ما طلعته تاني ؟
ابوي : انا حا اطلع ان شاءالله ، اذا انتي ما كنت قدر المسؤوليه ما حا اقدر اخلي امك
معاك براها انا معتمد عليك تهتمي بامك و اخوك لغايه اجي ، ما تخزليني 💔
شلته نفس و هزيت رجلي و انا بعاين ليهم ، دموعي جات جاريه تكلته وشي في
رجليني و بكيت ،
ابوي : اذا من هسي حا تبكي طيب انا اعتمد على منو في غيابي ؟
امي : لا ناردين قويه و وفاهمه و اكيد يعني حا تعرف انو دي اجراءت روتينيه ما
اكتر !
رفعته راسي : و جاين ياخدوك متين ؟
ابوي : لا هم ما جاين انا حا امشي اتسجن عندهم بكره ، كلهم كم جلسه و دور بكره
ان شاءالله حا اكون معاكم !
= هم اكدو ليك انك حا تطلع الاحد الجاي ؟
ابوي : الجلسات دي شغاله من نجوان اعتقلوها لكن واخر الجلسات دي لازم اكون في
السجن .
= تمام .
ابوي : كنت متاكد انك حا تتفهمي و تبقي لي سند ♡
= امشي و انت مطمن بس ارجع لينا بسرعه ♡
ابوي : ان شاءالله
مشيت منو و الحزن كاسيني ، كنت مضايقه انو حا يدخل السجن في نفس الوقت
مرتاحه لانو حا يطلع بريء .. الصباح جا بسرعه كانو مستعجل على فراقنا .. صحيت
بدري جهزته الشاي و الفطور جيت ختيتو نفطر
ابوي : ما عندك جامعه اليله ؟ ليه لهسي ما لبستي !
= عندي بس ما حابه امش
ابوي : ناردين نحنا قولنا شنو امس ؟ مش اتفقنا نكمل حياتنا عادي لغايه ارجع ؟
= خليني اقعد معاك لغايه تمش
ابوي : لا انتي حا تمشي تداومي عادي و ياستي اعتبريني مسافر اسبوع وراجع !
= بس يا بابا ..
ابوي : من غير بس امشي البسي انا حا اوصلك في طريقي
بزعل : حا تمشي من هسي ؟ 💔
ابوي : الساعه ماشه على 11 البسي عشان ما تتاخري .
عايزه اتكلم اشر لي بيدو : البسسي التوب عشان اخدك معاك سيلفي بيهو انا ماشي
بجلابيه
= لا ما دايره البس اي توب .
ابوي : ياااااااالله ليه مصره تزعليني منك ؟ اذا حا تتصرفي كدا حا تشيليني هم ما حا
اكون مرتاح ! حا تمشي و لا تزعليني
بزعل : طيب .
مشيت لبسته و جيت لقيتو حتى جهز ، امي كانت لابسه ماشه معاهو
= ليه هي تمشي توصلم و انا لا ؟
ابوي : ناردين !
سكته و كرفسته وشي ، جا وقف جنبي و طلع تلفونو اتصور معاي كم صورة ، حولهم
لي و طلعنا ..لاقينا عمتي و اولاده في الباب سلمت علينا و عاينت لي من فوق لتحت
عمتي سكينه همست لي : ناردين يا بتي ابوك خاشي السجن دا شنو التوب و الجيه
العملاها دي
= دا ابوي زاتو عندنا مناسبه في الجامعه اصر امشي قدر ما حنستو ابا و هسا ابا لي
امشي اوصلو اتخيلي بس !..
عمتي سكينه : انا زاتي ابا لي حدي معاهو هنا اودعوا و امشي اهدي اسبوع و حا
يرجع ليكم
= ان شاء الله و ان شاء الله تموت نجوان السجم دي
عمتي سكينه : اهدي و ما تخلي ابوك يحس انك مضايقه عشان ما يشيل همك ..
هزيت ليها راسي و سكته .
ابوي : واحد فيكم يجي يبت مع تغريد و ناردين .
خالد عاين لخبي اللي ساكت و خاتي يدينو في جيبو ..
خالد : نمارق مافي حا اجي ابيت معاهم انا
ابوي ربت على كتفو : انا مهما عملته ما حا اقدر اجازيكم و اوفيكم حقكم
خالد : دا كلام شنو يا خالي
عمتي سكينه : اجي يا مجدي ، عيالي عيالك و لخال والد
ابوي : شكرا ليكم و لي وقفتكم معانا
= شوفته ما تحسسني انك ماشي تموت
امي بنهره : ناردين !!
بزهج : شنو ناردين ، بابا عليك الله خليني اجي معاك
خالد : تجي تعملي شنو يا ناردين ؟ نحنا حا نوصلو بس و نجي
= اجي اوصلو معاكم
ابوي مسكني حضني عليهو دموعي جرت .. رفع راسي قشاها لي باس جيبني لبرهه .
ابوي : خبي ، وصل ناردين في طريقكك
خبي : حاضر .
= لا انا بمشي براي .
ابوي : لا خبي حا يكون مسؤول عنك لغايه ارجع تمام ! ".. رفع راسو عاين لخبي " :
تعال دقيقه يا ولدي . وقفوا بعيد عننا
_______
مجدي : قالوا فهد لقو ميت و اختو في المصح و جمانه مختفيه ، عايزك تخلي بالك
منهم و من ناردين بذات في احتمال ان جمانه هي القتلتو و جمانه بتكره ناردين ، حا
اخليها امانه في رقبتك ..
خبي : انت ما تشيل هم و ربنا يرجعك لاولادم بالسلامه
مجدي : امين يارب . خبي عايز يمش مجدي ناداهو
خبي : ءامر يا خال ..
مجدي : ما يأمر عليك ظالم ، انا عارف انو ما وقتو بس لازم اعترف اني غلطته لمن
رفضتك المرة الفاتت ، اذا ربنا مد في العمر و طلعته و ناردين وافقت تاخدها و اذا ما
وافقت حاول اقنعه من هنا لغايه ما اطلع عايزين نفرح بعد دا كفايه زعل . ربت على
كتفو و مشى ..
خبي الكلام وقع على اضانو زي الصاقعه وقف مندهش من غير حراك ، ابتسم ابتسامه
عريضه و هو بعاين ناحية ما قلبو واقف ، من جواها عايز يطير بس ماسكو عقلو ،
كورك ليهو خالد اللي استغربلمن شاف حالتو ، خبي حاول بقدر الامكان يتمالك نفسو
قدام الكل ..
___________
ركبنا مشينا الجامعه خبي كان ما طبيعي حسسني انو شمتان فيني لسه من يومين
كنت بقول ليهو اهلي رجعو هسي شمتان عشان ابوي خاشي السجن الحقيرر ..
خبي : اطمني كلها يومين و ابوك بطلع ما تقلقي
= انا ما قلقانه لكن شكلك مبسوط عشان مشى السجن !
خبي : كيف يعني مبسوط عشان خشى السجن يا ناردين ؟
= شمتان فيني صح ؟ اول امس شاكلتك وقولت ليك اهلي رجعو و ما محتاجاك و
هسي لمن ابوي دخل السجن فكرته اني حا ارجع ليك تاني صح ؟
خبي : دا شنو الكلام ابلتقولي دا يا ناردين ؟
= بقول الشايفاهو .
خبي : ناردين انتي فاهمه غلط ! انا ...
قاطعتو : ما بتهمني خبي لا و حتى حبك .. فتحته الباب بزهج و نزلته .. من زعلي ما
انتبهت للزينه الماليه الحرم الجامعي ، جيت ماشه زهج طقشته رعد
رعد : يا ساتر ، انتي كويسه ؟
= تمام بعتذر ما انتبهت
رعد : بسيطه
اتلفتا لقيت خبي جاي علي ، حولته نظري منو لرعد .
رعد : شنو الحلا دا كلو ♡
= تسلم من زوقك
خبي : ناردين
= و انت كمان ما شاءالله
رعد بإبتسامه : دا لطف منك ♡
خبي : ناردين
ابتسمته ابتسامه عريضه عشان اغيظو
رعد : في واحد بنده عليك
بإستغراب : انا ؟ وين ؟
رعد اشر اتجاه خبي ، مشيت ليهو وقفته بزهج و ربعته يديني
بزهج : نعم ، خير ، في شنو ؟
خبي : انتي كنت سامعاني !
= و المفروض انك تحس اني ما عايزه اتكلم معاك
خبي : و وقفته معاهو قاصده
= انا مش قولت ليك انو دا ما حقكك !
خبي : افتكر اني طلبته منك انك ما توجعي قلبي !
= اليتحرق
خبي عاين لي بغيظ مسافه و رفع راسو فوق و عاين بعيد : غلطان قلبي الما هان
عليهو زعلك .
اداني نظره في قلبي بعد وجعني و مشى ،اتبعتو بنظراتي لغايه اختفى ..
منار و هي بتاعين اتجاه خبي : اها اها حصل جديد ؟
هزيت راسي : انتهينا .
منار : شنو الانتهى ؟
= مستحيل يجيني تاني
منار :يابت في شنو ؟
لجين : نود حا تبتي ؟
منار : لا ما حا تبكي
عيوني دمعت منار مسكتني من يدي و كرتني وراها .. قعدنا في بعيد عن الناس و
حكيت ليها الحصل ..