الفصل السابع عشر
قلته ليهو بصوت مبحوح انا ماف زول مسؤل مني انا مسؤله من نفسي وي سيدي لو م متعود على شوفتي كدة اتعود عليها من الان، لو ناسي اذكرك انو انا لسه قبل كم اسبوع كنت ضمن الحجات الطلعت من نفسك
قال لي قلتي كدة؟
قلته ليهو بنفس الصوت المبحوح ااااااايوة
بعدها فضلنا ساكتين هو سايق بغضب وتهور وانا نزلت القزاز وبقيت اعاين بالشباك، بعد مسافه قلته ليهو انت قلت عايزني لشنوو قول العايزو علشان م نفضل لافين كدة، فضل ساكت وم ردة علي
قلته ليهو صهيب لو م عندك شي تقولو وعايز تلف كدة نزلني في اقرب شارع خليني امشي بطريقتي وانت لف لفك براحتك
قال لي كنت عايزك عشان اقول ليك انو كلها يومين ورمضان حيدخل ولسه الشباب معتصمين في القيادة وم اعتقد رمضان حيحميهم الاعتصام، ، الحجات البنقدر نساعد بيها الشباب شبه وفرناها، بس إضافه لي كدة فكرته في انو كل يوم نطلع لينا 1000 قطعه سندوتش او صحن كوكتيل ندعم بيها افطار القيادة وكدة
بعد م قال كدة انا بقيت اعاين ليهو وانا ساكته
اي نعم هو م قال الحاجه الانا اتوقتو طالبني عشانها بس كل حاجهه بعملها بتبين لي قدر شنو صهيب دة شخصيه غير الانا عرفتها في البدايه وغير الشخصيهه الهو بحاول يعكسها عن نفسو،
قلته ليهو امممممم دي حاجه م محتاجه ليها سؤال يعني انت قول لي انا في يدي شنو وانا هعملو اكيد!!!
قال بس شوفتي ال 1000 قطعه سندوتش دي يومي ظبطو لي موضوعها، حاوفر ليكم كل احتياجتكم بكل تفاصيلها، انا عارف انو الموضوع صعب شويه خصوصا انو دة رمضان يعني الوقفه على حاجه زي دي صعبه بس طبعاً لما تجي تحسبها كدة حتلقاها م اصعب من وقفه الشباب ديل، وانا لما فكرته في الحاجهه دي م فكرتهه في غيرك ابدا، ناسً بيتنا اخر ناس ممكن افكر اطلب منهم الحاجه دي!!!
قلته ليهو اممممممم على سيرة اهلك ممكن اسالك سؤال لو م حتضايق؟
قال لي على طول
قلته ليهو امممممممممممممم ابوك اعتقلوهو مع ناس البشير والبقيه واسي حاليا هو في كوبر معاهم؟
ضحك وقال لي الاقنعك انو هم معتقلين اساسامنو؟ً
قلته ليهو امممممم يعني هم م معتقلين؟طيب المجلس العسكري بكذب على الناس وواهمهم ساااااي ليييهه؟
قال لي المجلس العسكري هوو منوو؟عبارة عن بقايا كيزان او هم حكومه عمر نفسها بس ملمعهه حبتين، نحن لسسه معتصمين لييييييييييهه؟عشان مقتنعين انو عمر سقط بس النظام لسهه زي م هو،
اما عن ابووووي ي شهد ف ابشرك حتى وان اتقبض ملفاتو كلها نضيفه م مخلي شي وراهو انا بقول ليك الكلام دة وانا متاكد منو زي ي م انا متاكد من شوفتك قدامي كدة!!!اسي حاليا في سلسه الاعتقالات الحصلت دي ابووووي م لقو في حساباتو المصرفيه الكم الهايل من القروش الممكن تدينو او يتحاسب عليها، حتى نحن حساباتنا م لقو فيها الكم الهايل داك من القروش، بيتنا كل زاويهه فيهو اتفتشت بس م لقو فيهو ذره قروش ولا ملفات ولا غيرو!!!ابوي وانا بعرفو مظبط نفسو قبل الجوطهه دي بزمن م مخلي وراه ملف وسخان لانو في الفترة الاخيرة كان عارفها حتكتكم
قلته ليهو حاساك بتمدح فيهو!!! انت معاه ولا ضدو؟
قال لي انتي شايفه شنووو؟
قلته ليهو انا شايفه واحد مرمي بين نارين!!!
اخد نفس عميق شال علبه السجاير طلع السجارة عايز يولعها وانا بعاين ليييه وساكته
رجع السجارة وهو ساكت !!
قلته ليهو ليييييهه رجعتها؟
قال لي السجارة؟عشان لو بتضايقي من ريحتها م اخد ذنبك!!!
سكتت مسااافه حتى قلته ليهو اممممممم طيب قالو في مسؤلين بيوتهم اتشالت منهم اهلك وضعهم كيف؟
قال لي حجز الممتلكات دة بحصل للناس الحجاتهم معروفه بس وزي م قلته ليك انا ابوي عامل حساب للايام الزي دي، بدون مبالغه ي شهد ابوي دة اسي في الوقت الحالي القروش العندو النار م بتاكلها بس مستثمرها في حجات ماف زول حيتوقع انها حقتو، ، يعني بالبارد كدة هو ممكن يطلع برة يسكن في احسن مكان ويعيش بيها لمن يدخل التراب !!!
قلته ليهو دي قروش الغلابه والمساكين حسبي الله طيب لييييه م كنتو بتتكلمو معاه لما كنتو عارفين انو غلط؟قال لي السياسه ي شهد تافهه شديد ودوامتها الدخل فيها تاني م بطلع وكل م شبعته حتطمع اكتر، بعدين البيت النحن ساكنين فيهو دة ورثه من جدي الله يرحمو ليهو اكتر من 70 سنهه ي شهد!!البيت دة ابووي زاتو اتولد واتربى فيهو يعني مافي حكوكه بتقدر تحجزو منو!!!بس الفترة المضت دي اهلي كانو بلقو مضايقات من مجموعه شباب كدة لكن الحمدلله احمد قدر يحل الموضوع كنا عايزين نجيب ليهم امن خاص بس حبوبه رفضت
قلته ليهو معاها حق الامن الخاص حيعقد الموضوع وحيكون ملفت للنظر اكتر في الحي وحيزيد تركيز الناس حواليكم !!
قال لي بالزبط كدة اضافهه لي انو امي صحتها بقت في تتدهور وم بتتحمل ابداً
قلته ليهو امممم طيب لييييه م تسفرهم الامارات فترة لغايه م الاوضاع تهدا حتى يرجعو احسن كدة على الاقل يكونو بعيدين من المضايقات الفترة دي!!!
قال لي فكرته فيها بس الوالدة رافضهه الطلعهه من البلد الا ونحن طالعين معاها ونحن طبعاً ي شهد طلعتنا صعبهه شديد
قلته ليهو ليييه صعبهه؟ انتو كمان سافرو معاهم اصلا انتو حتكونو متتضررين اكترمن ابوكم!!!
قال لي انتي شايفه الحل في انو نطلع ونخلي كل حاجه ورانا؟ نطلع وين نخليها ي شهد؟ وبعدين نحن م احسن من الماتو ديل في شي يبقى لييه نطلع نخليها؟الموت واحد والبكتل اليوم ماف مقارنه بين المضايقه وارواح الماتو ديل صح؟
قلته ليهو ايوة صح بس انا قصدي اهلك اهم برضو في شنو حتخليهو وراك وانت معاك اهلك؟
قال في المدنيه العايزنها وسكت مسافه حتى قال لي الما منطقي انك عارفه انو انتي وكريم ضمن الحجات الما بقدر امشي اخليها وراي بس بتحبي تتغابي ي شهد
لما قال كدة حسيت بلساني اتشل، م عرفته اقول ليهو شنو الراجل دة حيجلطني بتناقضو دة...
حاول يخلي الموضوع عادي كمل كلامو وقال لي وبعدين الفترة دي الجايبه ليها ولد وم عرفت تربيهو تتحمل والمتزوجه ليها ظالم تتحمل ماف خيار تالت!!الناس متحملاهم 30 سنهه ولا شنو؟
قلته ليهو امممممممممممممم
قال لي المهم اتفقنا على الموضوع؟
قلته ليهو اوكييييه تمام،
قال لي وممكن نجيب ناس تساعد في الشغل وكدة علشان م تتعبي روحك انتي وحبوبه!! قلته ليهو لا م بحتاج بنزبط الموضوع برانا وحنشوف ناس الحي ممكن يساعدو واكيد طبعاً م حيقصرو في حاجه زي دي، ، قال لي المهم في حال احتجتو اي مساعدة تحت اي لحظه كلميني وم ترهقي نفسك ماشي؟
قلته ليهو حاضر!!!
قال لي ولو ماشه اي مكان تاني بعد المغرب كلميني قبل تطلعي انا بجي بوصلك!! قلته ليهو لييييه اكلمك م فهمت؟م مجبورة اكلمك انا ماشه وين وجايه من وين،
قال لي لا مجبورة ي شهد ي ريت تبطلي قوة الراس حقتك دي عشان دي الحاجه المغطسه حجرنا
قلته ليهو عاين انت بس عايز ترمي علي تراكماتك النفسيه اللي انا في غنى عنها ف شنو خلينا نقفل على الموضوع احسن علشان م ندخل في موالات جديدة
بعدها هو سكت م رد علي رغم انو محموق لدرجه انو عروق يديهو ظاهرة من التعصب، وانا سكتته ونزلته القزاز وبقيت اعاين بالشباك ومربعه يدي وانا م طايقه نفسي حتى، لغايه م جينا وقفنا في استوب مكه وانا لسسسه مغيووظهه ومن الزعل م شايفه قدامي حتى، فجأة سمععتو بقول تعالي تعالي فجاة جات شافعه من الشفع البقيفو في الاستوبات وبطلبو المساعدات ديل وقفت باتجاه شباكي قام قال ليها اتعشيتي؟قالت ليهو لالا ساعدني الله يساعدك ي عمو ويخلي ليك حبيبتك الحلوة دي!!!ضحك قال ليها طيب بدون كذب انا بديك قروش لكن اول حاجه تمشي تاكلي منها م تديها لزول او تخلي زول يشيلها منك فاهمه وتمشي البيت بعد كدة لانو الزمن اتاخر؟ قالت ليهو سمح طلع قروش قال لي شهد هاك ناوليها القروش دي الاستوب حيفتح، فضلته زي م انا مربعه يدي وم اتحرك لي ساكن، مدة ليها القروش وجا على اتجاهي بحيث انو يصلها علشان هي قصيرة وكدة في اللحظه دي وشي بقى مقاصد جهه وشو اليمين ولحيتو شبه متلامسه مع وشي والعطر بتاعو مختلط مع ريحه السجاير بقيت متنحه فيهو
بعد م اداها القروش قال ليها اسي انا بجي راجع بجاي لو لقيتك واقفه هنا لسه حاجلدك فهمتي؟قالت ليهو سمح ي عمو انت سمح وحبيبتك حلوة، قال ليها يلا امشي ه، اتحرك مسااافه بعدها قلته ليهو ممكن اقول ليك حاجه؟ قال لي اها قولي!!!
سكتت
قال لي في شنو قولي
قلته ليهو خلاص خليتها
قال لي طيب
ماف شي بجلطني غير برودو دة يعني على الاقل مفروض يصر علي بدل م يقول لي طيب!!
وصلنا البيت عايزة انزل قال لي دقيقه ي ششهد، قلته ليهو نعم!!!قال طلع شال ظرف من قدامو قال لي هاك، قلته ليهو دة شنووو؟قال امسكي اول حتى اسالي، قلته ليهو انت م تقول لي دة شنو اول، قال لي انا عارف انو اهملتك فترة ورميت مسؤليتك على اهلك وعارف انو دة غلط وعارف حتقولي لي م حاشيلها واهلي م مقصرين وم محتاجه والكلام دة انا م عايز اسمعو منك وعارف اهلك م مقصرين بس دة واجبي تجاهك اللي انا اتغابيت عنو، امسكي الظرف دة وفي حال احتجتي لاي شي كلميني م تنسي انك لسه في زمتي يعني انا م غريب ابدا، هاك، مسكنيً الظرف قال لي محتاجه حاجه؟قلته ليهو لا، قال لي طيب تصبحي على خير بيناتنا تلفونات، قلته ليهو طيب ماشي!!!
نزلته دقيت الباب هو اتحرك ووقف بعيد م مشى كتير لغايه م حبوبه فتحت لي الباب حتى هو اتحرك
"م عارفه اكتب اقول عنو شنو، انسان متناقض بتصرف واحد بخليني اشوفو اسوا زول وبجي تاني بتصرف واحد بخليني اقول انو ربنا م خلق زيو في الدنيا اتنين، المشكله انو بسبب تناقضو وتصرفاتو دي بقيت م عارفه نفسي عايزة شنو حتى مشاعري تجاهو بقت متناقضه للحظه عايزاه وللحظه لا، بني ادم غامض ومبهم وكلو استفهامات من يوم سبتو علشان عقد على رنين لغايه اللحظه انا م قادرة افهم شي وم حاول يشرح لي حتى، والاسوا من دة كلو انو واقفه في النص يعني لا قادرة اخطي خطوة تجاهو وامشي لقدام معاه ولا قادرة ارجع ورا، خوفي كلو بتمثل في انو اعمل خطوة من الاتنين ديل وارجع اندم عليها بعدين،
انا عارفه انو هو في فترة صعبه شديد والمرة بيهو م هين وم معروف عاش شنو في المعتقل اضافه لموضوع ابوهو يعني كل شي حواليه جايط علشان كدة م عايزة ازيد عليهو الحمل وابقى ليهو في العزيزة، عايزة اقيف معاه وافضل جمبو الفترة دي لغايه م تعدي بس كمان م عايزة افرض نفسي عليه، على قدر م علاقتي معاه وقربو مني بحسسوني بالامان على قدر م بحس انو العلاقه دي مؤزيه نفسياً ودة اسوا شعور
بعد م رجعته وغيرته ملابسي جيت انوم تلفوني ضرب برضو كان صهيب استغربت طبعاً متصل لييييه؟رديت عليهو قال لي شهد
قلته ليهو ايوة
قال لي م اكون صحيتك بس؟
قلته ليهو لا اصلا م نمت
قال لي طيب اتصلته عليك عشان اقول ليك بكرة رسلي لي قائمه الحجات الحتحتاجو تعملوها لفطور القيادة، اكتبي كل شي بتحتاجوه تمام؟
قلته ليهو حاضر!!
قال لي يلا تصبحي على خير
قلته ليهو صهيب!!!
قال لي ايوة
سكتت !!
قال لي الوو شهد
قلته ليهو ايوة معاك
قال لي في شنو عايزة حاجه؟
قلته ليهو لا ما عايزة حاجه بس عايزة اقول ليك حاجه !!!
قال طيب قولي سامعك انا
سكتت!!!
قال لي شهد في شنوووووو؟
قلته ليهو صهيب انا بس عايزة اقول ليك انو انا بحبك شديد وم بيدي والله العظيم ...
اقتباسهه
رغم الفجوة التي بيننا لا زلت افضلهه، لا زلت اختارهه، استحسنهه واميل إليهه..
نتلاقى®