الجزء 15

بعد تلاته اشهر

منال بتتوجع عشان الولاده ،،،،حامد ركبها في العربية ووداها المستشفي ،،،،وصل المستشفي ودخلوها عشان تضع اصلآ الممرضه قالت ليهو فاتحه اربعة صباع يعني ولادتها خلاص.

منال كانت مجهزه ملابس البيبي واي شي وحامد من قالت ليهو بطنها بتوجعها كشح الشنطه في العربية وركبها 😂 بدون م يكلم امها او امو او صفاء يعني م عندها مرافق خالص.

حامد طلع التلفون واتصل لي امو وام منال وصفاء اصلآ المستشفي قريبه شويه ووصلو ولقو لسه منال م ولدت امها دخلت ليها والباقين منتظرين ،،،،حامد كان خايف لو جابت ليهو بت كدا بكون غلط انو طلق منى لانو الشي دا م منها ،،،تاني قال هوي والله منال زاتها لو جابت لي بنات بس بطلقها مالي ومال البنات البنات ديل وجع قلب انا م بكره شي في الدنيا دي زي المره البتجيب لي راجلها بنات بس.

طلع قعد في عربيتو امو جات طالعة قالت ليهو ي حامد مالك قاعد براك الولاده دي دايرة ليها مساعدة ووقفت رجال اتصل ليك لي رجال يجو يقعدو معاك عشان لو لا قدر الله حصل حاجه لي مرتك يكونو جنبك ،،،،قال ليها عليك الله ي امي ارجعي جو وم تعيطي فينا الواحد زاتو م ناقص كلام كتير ،،،وبعدين تشيلي وتفولي علي منال ،،،قولي حاجه عديل عليك الله او ادعي ليها ربنا يقومها بسلامة ،،،،قالت ليهو غلطانه ي ولدي خشمي دا اصلي م بعرف امسكو علي وانا منال م فولتا عليها بس قلتا ليك المقادير م معروفه ،،،،بقي يطقع ياخ الزول زاتو م عارف يتكلم معاكم باي طريقة دائمآ فاهمنو خطأ ،،،،ربنا الزول زاتو ياخدو عشان ترتاحو منو ،،،،امو قالت ليه بعض الشر عليك ي ولدي ومش انا دي هينه وخشمي دا دي قفلتي ليه ومشت وخلتو بشاكل في زباب وشو.

منى كانت بتنضف في البيت جات ابرار داخله قالت ليها الليله جبتا ليك خبر لكن م عارفة ح يزعلك ولا يفرحك ،،،،مني قالت ليها خير ي السمحة خبر شنو قولي ،،،،قالت ليها عندنا اخت وحده صحبتنا وضعت في المستشفي بعملية ومشينا معاها الليله عشان نبارك ليها اتخيلي شفنا منو ،،،،مني قالت ليها شوقتيني ي يت قولي ،،،،قالت ليها حامد جاب منال عشان تضع شكلو بطنها بتوجعها ،،،،مني قالت ليها عليك الله هسي دا خبر ليكي حامد شنو ومنال شنو انا حامد ومنال ديل في زاكرتي مافي ،،،،ابرار جرتها قالت ليها بيني وبينك وبقت تغمز ليها بيني وبينك الموضوع م فارق معاكي ولا بتمثلي ،،،،منى قالت ليها انا م بكذب ي ابرار ولوقلتا الموضوع م فارق معاي معناتو م فارق معاي وهو فعلآ م فارق معاي ويفرق معاي ليه وانا اللقيهو منهم شنو ،؟!

ابرار قالت ليها كلامك صح والله بس انا عندي فضول اعرف لو جابت ليهو بت ح يعمل شنو وشعرو ح يكون شنو ،،،منى قالت ليها شاحدة ربي تجيب ليهو بت عشان امشي ليهم في البيت واشمت فيهم هم الاتتين ،،،،ابرار قالت ليها بعدين م تنسي تسوقيني معاكي ،،،،بس ح نعرف كيف هي جابت شنو ،،،،منى قالت ليها سوسن قاعدة يختي بتجيب ليك الشمار بتفصيل بس انتي ادعي انها تجيب بت ،،،،ابرار ضحكت وقالت ليها ان شاء الله 😂.

شووووويه كدا

الدكتورة بقت تفتش في حامد صفاء مشت نادت ليهو جا قالت ليهو مرتك دي لازم تتعمل ليها عملية وفورن لانو ممكن هي والفي بطنها يموت لانو المشيمه اتقدمت علي الجنين وكسر نزيف ،،،،حامد قال ليها مافي مشكلة دخلوها فورن وجري جهز الكرتونه ومشي بنك الدم لقي علي حسب الحظ زمرتها متوفره طوالي دخلت العمليه وبقو منتظرين علي احر من الجمر ،،،،بعد فتره الدكتور باركت ليهم وقالت ليهم مبروك جاكم ولد

حامد قرب يطير من الفرحة وكل الموجودين فرحو ،،،،الدكتورة خلصت عمليات ونادت حامد في مكتبها ،،،،قال ليها خير ي دكتوره ،،،قالت ليهو مرتك دي حصل ليها انتهاكات شديد في الرحم وم اظنيت تاني يحصل حمل ولو حملت ممكن يموت واحد فيهم ي هي ي الجنين عشان كدا لسلامة المريضة ربطتا ليها من اول مره ،،،،حامد حسي الخبر السمح اتقلب ليهو شوووم قال ليها طيب والولد صحتو كيف ي دكتوره ،،،،قالا ليهو كويس بس لازم تتابعو بيهو الشهرين الجايه دي وزوجتك دي اظنها م كانت بتاخد العلاجات البديها ليها ،،،،احمد ربك الجنين م طلع مشوه ،،،،قال ليها بس انتي م كان تربطي ليها لو م اخدتي ازني ،،،،قالت ليهو والله انا اتصرفتا من دماغي عشان حالت المريضة الصحية انا المسئؤلة منها ،،،،قال ليها طيب انا ح اشتكيك ي دكتوره عشان ربطي لي مرتي من دون حتي تاخدي ازنها ولا ازني ،،،،الدكتورة طردتو برا المكتب وقالت ليهو انا بمشي معاك كمان عايز لاني انقذته حيات انسان.

حامد طلع وبنبز في الدكتورة ،،،،مشي برا امو جات تبارك ليهو قال ليها افرحي بيهو ساي تاني مافي ولاده ليها ،،،،امو استغربت من كلامو بس م حبت تسالو رجعت جوا العنبر.

منال تمت التلاته ايام وطلعت من المستشفي وكانت بتتسال ليه حامد م بعرض ليها كتير الحاصل عليهو شنو مش هي جابت ليهو الولد الكان نفسو فيه مالو تاني ،،،،قالت لي صفاء نادي لي اتكلم معاهو ،،،،نادتو ليها وطلعت ،،،،قالت لي اجي ي حامد مالك

انت مش انا جبتا ليك الولد النفسك فيهو تاني مالك حاساك كارهني ،،،،قال ليها افرحي بيهو ولدك دا ساي عشان تاني م بتجيبي ولا ح تشوفي غيرو ،،،،قالت ليهو بسم الله دا كلام شنو ي راجل السبب شنو البلخليني م اجيب اولاد تاني داير تطلقني ولا شنو ،،،،قال ليها طلاق شنو هو انا لو كنتا داير اطلقك م كان دخلتك البيت دا تاني ،،،وشك الشوم دا الدكتورة قالت حصل ليك تلف وربطت ليكي ،،،قالت ليهو ربطت لي شنووو ي راجل بخلعة ،،،،قال ليها ربطت ليك طوطحانيه يعني م اكيد ربطت ليك وتاني م بتجيبي عيال ،،،،منال دموعها دي جات شطت شطت ومسكت خشمها عليها وصمتو وتاني م اتكلمت معاهو.

منى اتصلت لي سوسن قالت ليها اها بشري يختي جارتك جابت شنووو ،،،قالت ليها جابت ولد ،،،منى زعلت بس م حبت تبين ليها ،،،،قالت ليها ايوا تمام مبروك ليهم وقفلت علي كدا ،،،،ابرار قالت ليها اها قالت ليك جابت شنووو ،،،قالت ليها قالو جابت ولد ،،،،ابرار قالت ليها ومالك قال شكلك اتغير مش قلتي هم م بهموك ،،،،.

مني قالت ليها اي قلتا وفعلآ م بهموني ،،،،ابرار قالت ليها نفسي اصدقك ياخ بس وشك بقول غير كدا ،،،منى قالت ليها والله م عندي نفس ابرر ليك ياخ يلا ماشه اعمل الغداء.

السودان بعد مرور 15 سنه ،،،وفي احد المستشفيات.

دكتورة روان دكتورة روان ،،،،خير ي دكتور سالم ،،،ممكن اتكلم معاك ،،،قالت ليهو لي اخر مره ي دكتور سالم انا قلتا ليك عارفة انت عايز تقول شنو ورددتا لي كلامي الف مره انا هسي م بفكر في زواج نفسي اتخصص اكتر واكتر في مجالي ،،،قال ليها زي م قلتا ليك انا مستعد اسفرك برا وتعملي تخصصات في مجالك مجال الاورام اكتر واكتر ،،،،قالت ليهو ماشي ي دكتور سالم بفكر في الموضوع وبرد ليك لاحقا عندي عملية اشوفك بعدين.

زي م عارفين المفاجئه الفوق ديك دي رواااان بت مني الكبيره درست وجابت موضوع كبير شديد ودخلت كلية الطب واتخصصت في جراحة الاورام الخبيثه ،،،وهي اليوم من اكبر الدكاترة في المستشفي الشغاله فيها برغم من صغر سنها بس الفي المستشفي كلها بشهد ليها بالكفاءه ،،،،ودكتور سالم عايزها ومنتظرها عندو سنه بس هي م مدياهو ريق حلو ،،،ولي اول مره تقول ليهو بفكر في الموضوع.

اما رهام

اتخرجت السنه من كلية هندسة معمارية وشغاله في شركة كبيره وبتدخل كويس شديد ،،،،واخر وحده رميساء بتدرس محاسبه اخر ليها سنه.

نسسبتي سابقآ في السنين الاخيرة جاها شلل قعدت كم سنه واتوفت ،،،اما حامد م فكر يتزوج تاني ولا طلق منال وفضل معاها ومع ولدهم بكري ،،،،منال م خلت العمايل البتعملها وفعلآ فضلت تمشي لي الشيخ الوصفتو ليها صفاء لحدي م خلت حامد بقي م قلدر يستغني عنها ولا عن بكري ولدها ،،،،اما صفاء اتزوجت ليها واحد وبقت عايشه معاهو بعيد لانو كعب ومتحكم فيها وحرمها من منال وامها طبعآ اتوفت عندها عشره سنه ،،،صفاء جابت ولدين سمتهم مجدي ومصعب وخلت عميالها الزمان بتاعت التحريش ولا راجلها طلعها ليها من راسها م عارفة.

قاعدة في الهول وماسكه لي كباية قهوة وبشاهد لي في مسلسل ،،،،الباب ضرب لقيتها دي ابرار ،،،،حضنتها شديد علي وقلتا ليها اتفضلي عندي كم شهر م شفتها كانت مسافره في شغل ،،،ابرار قالت لي براك ،،،قلتا ليها اااي والله رهام وروان مع الشغل والمجنونه ديك مع الجامعة ،،،قالت لي ايوااا تعالي نتكلم ،،،قلتا ليها اااي والله مشتاقه ياخ اتكلم معاكي ،،،،خلي اعمل ليك قهوه بس واجيك ،،،،قالت لي طيب ،،،،عملتا القهوه وجيت قعدتا قالت لي تتذكري اليوم المات فيهو ابوي ،،،،قلتا ليها اااي والله ي ابرار م قادره انسي شكلو وهو بوصي فيني عشان اخلي بالي منك ومن بناتي وم قادرة انسي شكلو وهو المرض تعبو خلاص وناداني وقال لي ياهو ربنا باخد ليك حقك وحق امك مني ،،،،ابوي مع انو صح ظلمني لمن كنتا صغيره بس والله يوم واحد م حقدتا عليهو ،،،

ابرار قالت لي وانا برضو م قادره انسي زمن امي جاتني زمن طلعتا من السجن ورفضتا حتي اتفاهم معاها وتميت سنتين برفض امشي اشوفها لحدي م اليوم الحصل ليها فيهو الحادث داك وبقت تبكي ،،،انتي عارفة ي منى صح امي م ربتني تربية صح بس والله انا بحبها هي في النهاية امي ومتذكره لي اليوم زمن كانت بتبكي وتقول لي سامحيني ي ابرار ،،،،قلتا ليها انتي عارفه ي ابرار مع انو عمتي مريم دي الله ي حمها م شفتا يوم حلو معاها وانا صغيره بس والله م حصل كرهتها ،،،،قالت لي برضو عرفت غلطتها لمن خلاص حست انها ح تموت واعتزرت منك ،،،

مريم كانت مسافره هي واخوها الكبير من الخرطوم لي الابيض وفي الطريق حصل ليها حادث تمت كم يوم بس في المستشفي وبعد كده ربنا افتكرها،

قالتا ليها اااي والله كلامها متزكراهو كانو امس

مريم لمن جات تموت نادت لي منى وقالت ليها (افرحي ي بتي ربنا انتقم لي منك ربنا اخد حق كل دمعة انتي بكتيها وانتي صغيره وياهو الليله انا بطلب الموت وربنا م ناولني ليهو ،،،،عايزاك لما اموت تزكريني بلخير وم تقولي كان عندي عمه مرت ابو بتكرهني وتعذبني ،،،،وعايزاك تسامحي عمتك ممكن ربنا يغفر

لي وياخد روحي ويرحمني من الانا فيهو دا ،،، منى قالت ليها عافية ليك ي عمتي ربنا يشفيك وياخد بيدك وتقومي لي اولادك بالسلامة).

قلتا لي ابرار نحنا ديل ممكن نكون اكتر ناس اتحملو الالم بس ربنا نصفنا ،،،،ابرار قالت ليها اااي والله وخصوصآ انتي ربنا نصرك ووعدك بانك تخلي بناتك افضل بنات في الدنيا نفذتيهو وهسي بناتك بقن احسن من الاولاد بكتير ،،،،قالت ليها اااي خليتهم احسن بس بناتي دفعن تمن انو م يكون في راجل في حياتهن غالي ،،،،عارفات انو ابوهن اسمو حامد بس لليوم م متزكرات شكلو كيف ،،،وكل م اقول اتكلم ليهن عنو بقولن لي انتي امنا وابونا ابونا مات بس يكفي اسمو عن وجودو ،،،،وفعلا لليوم شايلات اسم حامد عبد الكريم وهن بنعتنو بالميت.

ابرار قالت ليها

تتذكري ي منى زمن ابوي مات مافي زول يصرف علينا عشان انا وناس روان نكملو تعليمنا والقرارات الاخدتيها عشان تخلينا نكمل ،،،،قلتا ليها وعمري م بنساها ،،،،انا اول شي اشتغلتا فراشه في المستشفي وبعد كدا فتحتا لي طبليه بقيت اقيف عليها بليل غير شغل الدكوه الحمراء والبيضاء البوزعها لي التجار ويديني اللمن اتحفرن من فقيع الفول انا م نسيت اي حاجه متذكره لمن اتخرجتي ورفضتي تتزوجي مع انو جاتك فرص زواج كويسه ومتذكره يومك القلتي لي م عايزه زواج لو م حالنا انعدل وبقينا انا وانتي نشتغل بيدينا ورجلينا عشان نكفي مصاريف دراسه روان ورهام ورميساء.

اي والله ومتذكره يوم تخريج روان من كلية الطب لمن اصرت الا تقول كلمة وجات لبستك الروب وقالت بتعتبر انك النجحتي اليوم واتخرجتي ،،،وقالت انو انتي ي منى كنتي ليها الام والاب ،،،،قالت ليها الحمد لله ي ابرار علي كل حال ،،،عندي ليك خبر حلو ،،، منى قالت ليها قولي ،،،،قالت ليها بديت اكتب عن قصتك من البداية ح اعملها رواية بس لسه م خلصت ،،،،منى حضنتها قالت ليها خبر حلو احسن زاتو كل الناس تتعلم تصبر وانو ااصبر دا حاجه حلوه شديد وهو مفتاح الفرج.

حامد كان نايم في سريرو بعد رجع من الشغل هو اتقدم في العمر شديد من زمن مني عرستو كان اكبر منها بمراحل ،،،،جاتو منال قالت ليهو انت ي حامد بقيت م بتجيب قروش كتيره وولدك دا السنه الجايه ممتحن ،،،،قال ليها عليك الله ي منال كفياك عوه انا تعبت خلاص وياهو البلقاها كلها بجيبها ليك ،،،،قالت ليهو سمح ي حامد سكتا بس شوف لينا طريقة نزيد بيها دخلنا دا شويه ،،،،قال ليها ي منال راعي ربنا فيني انا بقيت م بقدر مش كفاية بسوق لي عربية نهاري دا كلو وبليل لمن ارجع بلقي جسمي كلو مكسر وعضامي مهروسه ،،،،قالت ليهو ياهو وريتك اشتغل دوام ليل وقامت منو وبقت تنقنق وتقول كان اليتني م عرستك وخليتك لي منى تنبلي بيك عرستا لي راجل اكبر مني ورزق زي الناس م عندو.

بكري كان بتشاكل ليهو مع ولد اصحابو حرشوه هو ارجل منك اطعنو بس المهم م اهتم لحكاية انو لسه صغير علي الكلام دا والشله الاتلم عليها دي ممكن تجيب ليهو اجلو هم اصلآ كلهم م قدرو ،،،،بكري سمع كلام الاولاد وشال السكين وطعن بيها الولد وجري خلاهو ،،،،الناس اتلمت في ناس قالو شفنا ود حامد ود عبدالكريم طعن ود الناس دا ،،،،اتلمو الناس كلهم وجري علي بيت حامد لقوهو نايم في عنقريبو قالو ليه ي حامد ولدك وين ،،،،قال ليهم م عارفو والله جي من المدرسة هسي ومشي يلعب مع صحبانو ،،،،قال ليهو ي حامد ولدك طعن ود احمد عمر وهسي الولد في ناس واقفين فيهو والناس اتصلو لي الاسعاف والشرطة احسن لو ولدك داسيهو تطلعو ،،،،قال ليهم والله م جاني ومنال مرقت تولول في الشارع وشي عياط وشي زريخ ،،،،الشرطة جات وبقو يفتشو في بكري ،،،،والولد نقلوهو المستشفي ،،،،قبل م يصل المستشفي مات قالو الطعنه جاتو في القلب مباشر ،،،،وهنا الشرطة لسه م لقو بكري ،،،،ااشرطة ساقت حامد وقالت ليهو انت ح تكون في الضمانه لحدي م نلقي ولدك او يسلم نفسو ،،،،.

مضي كم يوم

وبكري م ظهر وحامد في السجن وحالتو سات شديد من حسرتو علي نفسو واولادو ،،،بس ياداب ضميرو بدا يظهر وظهر ليهو دا من الظلم الكان بعملو لي منى وبناتو قبيل ،،،،قال من اطلع من السجن لازم افتش علي مني وبناتها واعتزر منها اصلآ العمر م معروف باقي فيهو كم ومنى من رحلت من حلة ابوها من 15 سنه م عارف عنها شي بس سوسن الوحيدة الممكن تعرف مكاناتها لانها صحبتها وممكن توصلني بيها ،،،،بعد 5 يوم من البحث المتواصل لقو بكري كان متدسي ليهو في بيت ببنو فيهو ياداب واصحابو كان بودو ليهو الاكل والشراب ،،،،منال من الصدمة اتشلت وقعدت في السرير ،،،،بكري دخل السجن وحامد طلع من السجن ،،،،منال م لقت زول عشان يقعد جنبها ويمارضها وحامد م بقدر يشيل ويخت ويمشي يشتغل ،،،،ولي اول مره تنزل دمعة حرقة من عيونها دمعة جاده وفكرت في انها م قامت م عملت شي سمح في حياتها ود عقاب من ربنا علي العملتو جاراتها بس بستحسنن عليها.

حامد مشي علي بيت سوسن لقاها كانت بتصلي ،،،،قال ليها ي سوسن انا الليله جيت قاصدك في طلب ولازم تلبيني ،،،،قالت ليهو خير ي حامد داير شنو ،،،،قال ليها دا