الجزء 16

انا اسمي منى متزوجه لي 10 سنين وعندي 3 بنات ،،،،راجلي كان م راضي بقسمة انو كل الخلفه بتاعتو تكون بنات ،،،كان دائمآ بجرحني بالكلام وفي اصغر الأمور بهددني انو ممكن يتزوج علي في اي لحظة ،،،،تعبته من تهديدو لي بالزوج ،،،ربنا بقسم لزول م نحنا البنختار قسمتنا بيدنا ،،،والا كان غيرنا كتير من اقدارنا.

عندي جارتي اسمها سوسن ،،، بحكي ليها اي شي عن حياتي وكيف راجلي بهددني بالزواج وهي ماشاء الله مرة سمحة وقويه ومجيها شديد يعني م بتخلي راجله يعاين برا البيت لو اكتشفت اي حاجة خطأ في حياة راجله او اولاده بتدخل وتحلها بسرعة قبل م الأمور تطور وم تقدر تسيطر عليها بجد انا نفسي اكون زيها ،،،،نفسي اكون واثقة من نفسي بس كيف؟! قالت لي انتي ي منى شكلك م واخده بالك من نفسك شوفي شكلك دا الحنه من اظفرك طلعت قومي قومي اولع ليك الحفره تاخدي ليك بوخه.

قلتا ليها لا ي سوسن م جاي علي بالي هسي اي حاجه ولا اي بوخه.

قالت لي انا لو خليتك والله راجلك دا ينفذ تهديدو ليك ضحي يلا قومي شوفي اولادك وتعالي تلقي الحفره مولعه.

طلعتا مشيت البيت بجد م كان عندي نفس لي اي حاجة اني اخت حنه او اعمل دخان عشان الراجل دا طمم بطني من كل شي ،،،في النهاية انا ابوي اتخلص مني بسهولة لما م كنتا عايزة اتزوج حامد راجلي دا هددني ي اتزوجو ي اطلع ليهو من البيت حقو وهو م ابوي ولا بعرفني ،،،،انا م عندي اخوات بنات وامي اتوفت وانا صغيره ،،،وربتني مرة ابوي يعني معاملة كعبة شديد ،،،،غير الضرب وكانت بتحرش ابوي علي ،،،،وفي النهاية قالت ليهو لو م عرسته لبتك دي بتجيب ليك العار ،،،،واتحججت بود الجيران قالت انا دائمآ بمشي اشوفو وبتلقاني واقفه معاهو في زمن متاخر ،،،،انا كنتا بقول لي ابوي انو الشي دا م حاصل ،،،،بس مرة ابوي بتعمل ليها دموع تماسيح قدام ابوي وبكدا ابوي بصدقه.

لما شفته كده كده قعدت البيت م بلقي منها غير العذاب والتعب رضيت اتزوج حامد ،،،،كان بعاملني كويس في السنه الأولي من زواجنا بس بعد كده كل شي اتغير تريجيآ ودا حصل بعد جبته ليهو البت الأولي ،،،،م جا بارك لي اصلآ قال لي انا كان نفسي في ولد وانتي جبتي البت ،،،،اتحملته كل دا وسكته ،،،،زمن السمايه بعد تعب بعدين رضا يسمي لي وبحاجات بسيطة لما حصلت لي فضيحة مع الجارات ،،،،بس اعمل شنو بجد مافي في يدي شي ،،،،،لما جبته بتي التانية اسبوع م جا البيت ولما جا م فكر يحمدل لي السلامة قال لي شكلي م بتهنا منك بولد نهائي ،،،،نسيبتي قالت ليهو عرس احسن ليك لانو المره دي شكلها شوم وم بتجيب اولاد ،،،هو كان راضي بكلام امو بس م كان عندو قروش عشان يعرس بيهم ،،،،بعد كده جبته بتي الاخيره ونفس الروتين البحصل زي كل مره ،،،،نسيبتي قالت لي ولده سوق بناتك وشوف ليك بيت تقعد فيهو ،،،،واتبلت علي وقالت انا برد ليها وم بشتغل في البيت وكلام كتير من النوع دا ،،،،راجلي يصقع يدنقر اجر لي جمب ناس سوسن دي ومن هنا بدت مرحلة عذابي ،،،،اولادي لو فطرو م بلقوا غداء ولا اتغدوا م بلقوا يتعشوا ،،،،هو سايق حافلة لي واحد قريبو ،،،،وانا متاكدة انو شغال كويس بس بجي اخر اليوم يقعد يتزهج ويقول انو الشغل بقي كعب وانو م لاقي قروش.

مشيت البيت لقيت بناتي بلعبو وسخوا لي الأرض ،،،،المهم كنسته المكان ورفعته الحاجات وناديت لبتي الكبيرة مثاني قلتا ليها م توسخوا لي تاني والعبي مع اخواتك بعيد من هنا ،،،،قالت لي سمح خليتهم يلعبوا قلتا امشي لي سوسن واجي اذاكر ليهن عشان امتحاناتهن قريب ،،،،.

مشيت بيت سوسن لقيت الحفره ولعت ،،،سوسن قالت لي انتظرتك من قبيل ياخ الحطب اتبخر ساي ،،،،قلتا ليها كان تقعدي لحدي م اجي ،،،،قالت لي لا بعدين بعد تقومي بقعد اصلآ انا م عايزة كتير عشان قبيل الصباح كنتا مولعها برضو ،،،،قلتا ليها بختك والله ،،،المهم بقيت اتدخن ونتونس لحدي م قنعته بجد الدخان شال حلو شديد ،،،،ياحليلي زاتي م متزكره اخر مره قعدته في الحفره بتين ،،،،سوسن قالت لي انا لو كنتا مكان راجلك كان عرسته فيك زمان ،،،،قلتا ليها كيف الكلام دا ،،،،قالت لي لا عرفنك مره لا راجل ياخ تعالي كل يوم ادخني معاي ،،،،قلتا ليها م عايزة اكلفك ساي ،،،،قالت لي انتي عبيطة ولا شنو ،،،،نحنا اخوات ياعبيطة مافي تكاليف بيناتنا ،،،،قلتا ليها ان شاء الله ،،،،قاعدين كده راجله جا ،،،،سلم لينا ومشي غرفتوا قلتا ليها هوي يلا انا ماشه لي بناتي وانتي راجلك جا ،،،،قالت لي دقيقة اسي بجيك ،،،،قلتا ليها طيب م تتاخري لانو الراجل يستاهل ياخد راحة في بيتو,,, ضحكت قالت لي والله انتي طيبتك دي م شفته زيها ،،،مشت وجات شايله حاجات في كيس قالت لي اديهم لي ناس مثاني قولي ليهم من خالتهم سوسن ،،،،اتشكرتها وطلعته من البيت.

وبقيت اتخيل في الفرق البيني وبين سوسن بجد الفرق كبير شديد انا م عايزة احسدها لانها بتتساهل كل خير ،،،،بس بجد ربنا مخلي في فرق بينا الناس ،،،طيب كان ح يحصل شنو لو كان حامد زي الرجال العديلين ديل بخاف علي بيتوه ومرتوه وبناتوه ،،،،بناتو م

بحبوا يقعدو جنبوا عشان بنهرهم وبضربهم ،،،،مره بتي المتوسطة ديك الا الجيران لمو بعدين مسكوها منو ،،،،.

المهم

قلتا الليله مع البوخه دي استغل الفرصة احتمال اطلع منو بعود نافع ،،،،،شفته لي باقي خمره اتخمرته واتكبرته ورجيتو قلتا يجي ،،،،جا بتزفت من الباب بس برضو ابتسمته في وشو ،،،،جبته ليهو موية شرب ودخلته ليهو موية الحمام ،،،،وجيت قعدته في كرسي قدامو ،،،،افتكرتو لما يشوف الدخان من بعد زمن يتبسط او يسمعني كلمة حلوه ،،،،بس وحياتكم ولا نظرة ساي م عبرني بيها ،،،،خليتو طلع من الحمام ختيت ليهو الأكل اكل وبعد كده الشاي ،،،،بس الحاجة الحلوه انو الليله م فتح خشمو وشتمني نهائي.

اول كان

ياشوم

ي وجه النحس

😂😂😂

وكلمات تاني كتيرة.

المهم

قلتا ليه يومك كان كيف الليله ،،،،قال لي كويس ،،،،قلتا ليهو لقيت مشاوير ،،،،قال لي اي كم مشوار ،،،،واتخيلوا طلع لي كم بس 150 جنيه مسكتهم وقلتا بكره اعملي بيهم الأكل لبناتك احسن م يقعدنا بدون أكل ،،،،مشيت ختيتهم جوا وجيت ،،،،

شويه كده التلفون اتصل اظنها دي نسيبتي

م عرفتها قالت ليهو شنو ،،،،رد ليها اااي ي امي بكره الجمعة قالت اخدت لينا موعد مع اهلها ،،،،قلبي عمل شح م يكون الفي بالي بس.

انتهي من الكلام مع امو وعاين لي ،،،،قلتا ليهو خير في حاجة عمتي كانت دايره حاجه ؟!

قال لي انتي حيوانه من بتين بتساليني منو المتصل لي ولا عايز شنووو ،،،،قلتا ليهو مجرد سؤال ولو انا كنتا عارفة بزعلك م كان سالتك ،،،،قام بقي يجدع في الحاجات الجنبو لحدي م البنات خافوه وطلع.

مشيت مسكته بناتي علي وبقيت ابكي معاهم شويه كده مسحته ليهم دموعهم ختيت ليهم اتعشوا ودخلتهم عشان ينوموا ،،،،رفعته الحاجات الأتكشحت ونضفته ،،،مشيت اتوضيت وجيت صليت العشاء ومسكته مصحفي قريت كده لما حسيت اني نعسته ،،،،ولسه صاحبكم م جا والله ولا اشتغلته بيهو ،،،،نمته وصحيت الصباح من ال150 جبته لي بناتي زلابيه وبسكويت شربوا بيهم الشاي واديت اي واحده عشره جنيه في يدها ،،،،وطلعوا المدرسة مبسوطين اتبسطه لفرحتهم ،،،،نضفته بيتي وغسلته عدتي وقعدته ،،،،شوويه كده سوسن جاتني قالت لي اها الحصل امس شنو ،،،،قلتا ليها لا شي يزكر ياهو ك العاده ضيق وزفيت بس وحاتك ولا يهمني تاني ،،،،قالت لي بالضبط انتي راجلك دا مدياهو اكتر من حقوه عشان كده شايف نفسو عليك ،،،،قلتا ليها اصلآ م هاميني تاني يعمل العايز يعملوه ،،،،قالت لي الله يعينك بس.

بناتي جن من المدرسة لقن الغداء جاهز اكلن ومشن قالن عندهن صحبتهن دايرات يلعبن معاها ،،،،قلتا ليهن امشن لكن م تتأخرن ،،،مثاني قالت لي سمح وساقت اخواتها وطلعت ،،،،قلتا دي فرصتي اخد لي غمده كده ارتاح شويه ،،،،بس صاحبكم جا بطقع سلام م سلم علي خشه استحمه ولبس احسن ملابس عندو وقال لي هوي ي وليه انا ماشي اخطب......