الجزء 7

كلمتا ابوي قلتا ليهو انا ح امشي البيوت وافتش لي شغل ،،،اااي حاجه بعملها سوا كان غسيل او مكوة او طباخه ،،،،عمتي جات فتحت خشمه قبل م ابوي يرد علي ،،،قالت لي كلامك سمح يابتي امشي اشتغلي انتي عارفة المعيشه دي بقت صعبه وانتي عندك ليك تلاتة بنات ومحتاجات مصاريف وابوكي دا ياهو جاري ليل ونهار وبرضو م ملحق علينا ،،،قلتا ليها صح كلامك ي عمتي احسن اشتغل ،،،قلتا احتمال ابوي يقول لي لا م تتعبي وتجاري في البيوت بس فادني بكلمة وحدة ،،،،يابتي انا بقيت كبير وم بقدر اشتغل واربي واعلم من جديد عشان كدا امشي اشتغلي وربنا يفتحها عليك ،،،قلتا ليهو امين وقمتا من قدامو.

جيت ماره سامعة ابرار بتتكلم مع عمتي قالت ليها مش كفايه اطلقت وجات انطجت لينا في البيت لو الناس عرفت انو عندي اخت بتشتغل في البيوت نظرتهم لي بتكون شنو ،، اصلآ ربنا حكمنا بيها الله ياخدها ياخ هي وبناتها ،،،عمتي قالت ليها اسكتي م تسمعك احسن تمشي تشتغل ولا تقعد لينا هي وبناتها وابوكي يكمل عليهن قروشو كلهن ،،،،انا ابوكي دا امنوفر منو كتير ومن يومها الجات قرش م ورفرتو اي حاجة الا نجبها بلكتره ،،،،ابرار قالت ليها بس ،،،عمتي قالت ليها هس ولا بس ولا حاجة ولا امشي جامعتك مش قلتي عندك محاضرة ،،،قالت ليها ااي يلا ماشه عشان نجهز ،،،،رجعتا غرفتي والدنيا دي مسودة في وشي ياترا انا امشي وين بس عشان ارتاح من كلام الناس ،،،،ونفسي اعرف الفرق بين البت والولد شنو كلهم رزق ربنا وفي ناس ربنا حارمهم من النعمه دي ولا ولد ولا بت م لقينهم ،،،،يلا ربنا يصبرني بس واشوف بناتي احسن بنات في الدنيا وكل الناس الاتكلمو فيهن هسي يتمنوا الا يشوفوهم.

لبستا توبي وبقيت الف لحدي م لقيت وحدة قالت عايز يغسلو ليها والحمد لله عندها غسالة يعني م بتعب شديد ،،،قالت زوجها في الشغل وقالت لي بقدر اخد راحتي واقعد بالجلباب والطرحة ،،،وفعلآ سمعتا كلامها بس م اشوف ليك الا راجل جا داخل وبعاين بطريقة م كويسه اتناولتا توبي سريع سريع وانسترتا بيهو ،،،،دخل جوا جاب لي ملابسو كلها نضيفه علي وسخانه جابهم لي ،،،قلتا ليهو بس الملابس دي نضيفه دايره مكوه بس ،،،قال لي انتي غسليها واكويها بيدينك الحلوين ديل والعايزاهو بديك ليهو ،،،الحمد لله مرتو جات وهو طوالي طلع ،،،شالت الملابس رجعتها تاني قالت لي م تسمعي كلامو ولا تشتغلي بيهو عارفه الراجل دا عينو فارقه ،،،قلتا ليها ربنا يسهل ،،،،غسلتا الملابس بسرعه ماشاء الله وشلتا توبي وعدلتا حالي وقلتا لي المدام خلاص انا انتهيت ماشه ،،،،قالت لي معليش ممكن تمشي لي نادر قاعد قدام الباب يحاسبك وانتي ماشه عشان م عندي هسي ،،،قلتا ليها طيب ومشيت قالت لي بكره لو بتقدري تعالي اكويهن قلتا ليها ان شاء الله ،،،طلعتا قلتا ليهو معليش بس الاستاذ قالت ليك حاسبني لانو م معاها هسي ،،،،قال لي ي خبر من عيوني اتفضلي ومد لي القروش جيت اشيلها مسك يدي معاها جريتها منو ،،،،قال لي تستاهلي اكتر بكتير الزيك دي م تستاهل تشتغل في البيوت لو عايزة تعالي اشغلك شغل تاني بالملاين والموضوع م باخد اكتر من كم ساعة قلتي شنووو ،،،،طوالي ضربتو كف وجريت منو قروشي تعبانه فيهم والله م اخليهم وقلتا ليه اصابع يدك م كلهم واحد وفي ناس محترمة واحسن تعمل حسابك منهم ،،،طبعآ الكف وجعتو بقي يعيط انتي جنيتي وحدة غزره زيك وشغاله في البيوت وشغاله الا علي حسنت الناس تمد يدها علي انا وداير يمد يدو علي مسكتها منو قلتا ليه والله المره الجايه الا اكسرها ليك ،،،،طبعآ علي الصوت المدام جات طالعة وبقت تقول ليهو في شنو ي نادر قال ليها تعالي شوفي تربية الشوارع دي ترفع يدها علي انا،،،، المره جات غايره فيني دفترها قلتا ليها عالجي راجلك المريض اول بعدين غيري في الناس ،،،،قالت لي اوعك تجي تاني وجيبي القروش الشلتيها دي ،،،،قلتا ليها لا ي حلوه م حزرتي القروش دي انا م شحدتهم منك عشان تشيليهم مني ،،،انا تعبتا وغسلتا ودا تمن غسيلي واصلآ بيتك دا م بجي بيهو تاني وطلعتا بسرعه وخايفه قلتا لو لمو فيني الراجل والمره بطلعو عيني 😂 ،،،،طلعتا قلتا ليه الناس البكون عندهم حوجه وتخليهم لدرجة يجو يشتغلو في بيوت الناس ،،،الناس م ابتحترمهم ليه مفكرنهم ناس كعبين زول لو م محتاج اكيد م بتكبس في البيوت ،،،.

منال مشت المستشقي الدكتور قال ليها مبروك حامل جات كلمت حامد وفرحو شديد ومشو بيت نسيبتي يتعشوا معاها هناك ويتونسو ،،،،نسيبتي قالت ليهم انا براي تعالو اقعدو معاي انا ابيت مني عشان بناتها ديلك بس انتي غير واكيد ربنا برزق ولدي الولد علي يدك ي منال ي بتي ،،،،منال الموضوع حرقها وقالت في قلبها اجي اقعد معاكي انتي ي عجوز ي خرفانه عشان تقرفينا في عيشتنا وم ناخد راحتنا معاكي وعشان تمثلي علي دور الحمايه الشريره وتخليني اشتغل ليكي زي م كنتي بتعملي في منى ،،،،بس م حزرتي انا م مني وح تشوفي الادب من جديد علي يدي ،،،،قالت ليها لا والله ي عمتي احسن لينا بيتنا وبنجي نزورك طوالي ،،،نسي

بتي صرت وشها وقامت عشان تشوف العشاء لو طلع.

بعد نسيبتي طلعت حامد قال ليها هسي بتكون زعلت كان تتكلمي معاها بطريقه الطف شويه من كدا ،،،قالت ليهو شوف ي حامد انا من البدايه مفهماها ومفهماك اني مع نسيبه م بسكن وبعدين علي م اعتقد تمك بتفضل عيشتها براها عشان كدا خليها تعيش وانا بجي كل يوم والتاني بزورها وانا من حقي اسكن براي واخد راحتي في بيتي ،،،،قال ليها خلاص اسكتي اسكتي م تسمعك وتزعل اكتر بعدين نتناقش في الموضوع دا ونشوف نعمل شنووو ،،،،قالت ليهو اصلآ بسكت لكن الموضوع دا محسوم م بسكن معاها م بسكن.

طلعتا من بيت الناس القروش الادوني ليها م كانت كتيره بس الحمد لله جبتها بتعبي وعايزه اشتري بيها حاجه لي بناتي ياكلنها لاني عارفه احتمال من جن من المدرسه م يكون زول سأل فيهن ،،،مشيت لحدي السوق برجليني عشان م اركب مواصلات وانقصهن ولو حتي جنيه وكان الشي دا زي العسل علي قلبي لاني في ضحكت بناتي بشوف الدنيا ،،،،البيت بعيد من البيت لكن م شديد المهم وصلتا وشفتا الفي السوق شنووو لقيت ليهم حلاوه مشكله شلتها ليهن ولعبات من بتاعت الارض شكلهن مستعملات بس علي خفيف الوحده بي عشره جنيه شلتا ليهن تلاته وقلتا اكيد بفرحن بيهن وفضلتا قروش لي المواصلات بس وقلتا من بكره افتش شغل اكتر واطلع بدري عشان اخلي لي قروش في ايدي لي اليوم الأسود ،،،واقفه ومنتظره المواصلات شايفه ابرار واقفه بقيت انادي ليها بس شكلها م سمعتني مشيت عليها قلتا بلاش اعيط لحدي اقيف قدامها بس اتفاجئ ليك بعربيه سودا مظلله وقفت ليها وركبت واتحركت ،،،،قلتا ابرار دي ي ربي ماشه وين وبتعرف ناس عندهم عربات زي دا من وين خلاص م بوجع راسي ساي بعدين اسالها دا منو.

منال اتصلت لي صفاء قالت ليها اتخيلي المره المخرفه دي قالت دايرانا نجي نقعد معاها انا ناقصه اشتغل مش كفاية علي شغل بيتي عارفه بتحب تسيطر لكن انا م منى ،،،،،صفاء قالت ليها انتي متخلفه اوعك تفكري تمشي تسكني معاها بيتك احسن ليك ،،،،منال قالت ليها اصلآ هي جلينا منها المهم اخلي حامد يقتنع سكنا براهو احسن ولو امو جات قعدت عندنا كدا وجع الراس بجيهو ،،،،صفاء قالت ليها انتي وشطارتك تاني واستغلي موضوع الحمل دا وانك م ابتدوري زول يسكن معاك وكدا ،،،،وبعدين ي بنتي راجلك دا موهوم بحكايت انو انتي بتجيبي ليهو الولد يعني بعمل ليكي الأنتي عايزه ،،،،منال قالت ليها تمام بشوف البحصل شنو وبحكي ليك.

وصلتا البيت بناتي جو جارين وحضنوني ،،،،سقتهم وسلمتا لي ناس البيت ودخلتا معاهم الغرفه طلعتا ليهم اللعبات فرحو بيهم وكانو مطلعاهم ليهم من الكيس ،،،،بتي الصغيره قالت لي امي من جينا من المدرسة مافي زول ادانا ناكلو جيعانين ،،،حننوني شديد طلعتا الحلاوه قلتا ليهم اكلوها لحدي اشوف ليكم أكل ،،،،.

بليل منتظره ابرار لحدي عشره م جات وناس البيت كلهم دخلو ينومو وكانو م عندهم بت وفتاه برا البيت بعدي شووويه جات داخله وطوالي علي غرفتها لحقتها قلتا ليها عايز اتكلم معاك.......

يتبع

_صبر 8

بقلم منى الهادي 💜

معليش علي تأخير البارت ،،،، بس بعوضكم بكرة ،ان شاء الله،،،محباتي 💜